次元日記

今日冇風但係落雨，我出左門口先發覺唔記得帶遮，返上去羅啦，又發現冇帶戒子，返去羅完落左去，又發現冇帶電話，又要走多次，遲晒到ｌｕ；收到新ｍｐｆ公司既ｆｏｒｍ，ｄ格式都唔靚既，執左差唔多１個早上，下午念住去樓上ｃａｆｅ食飯，點知鬼咁人多，決定去飲茶，仲ｇｏｏｄ；食完返去又勁罰抄兼入野，都好，做左唔少呢，聽日應該可以埋到啦，由於聽晚有聖經班，今晚冇人開組，我都唔做咁夜啦。

今朝起身仍然掛緊８號，又唔知幾時落，要留意新聞，１０．３就落左啦，返工ｌｕ；做到１２．幾就去食飯先，因為ｄ人趕返黎下午先開會，２．半ａｘａ既ｍｐｆ公司有人黎搞我地轉公司既講座，所以又搞左輪，我又有野跟手啦；由於落雨，派飯既人應該少ｄ，多左ｄ飯可以羅黎食，但係咁岩冇晒個款，都係返屋企食啦。

今朝起身見到３號風球，下午２．半鐘去上個辦公室管理課程，佢呢個博士既呢個課程係佢既１個畢業論文，得５個人上，除左我，其他幾個都係上過佢其他課程既，到左差唔多放學就掛左８號，咁就早放少少啦。

今朝就黎崇拜前，志華突然比首歌我，叫我幫佢講道臨尾時彈，下？首歌我唔識唱又冇ｃｈｏｒｄ，就咁配左都未彈過，不過都係咁啦。完左班女生要禁食祈禱，男生又四散，得返ｔｅｒｒｙ，ｊｉｍｍｙ去食粉麵，然後去睇左陣玩具就去又１城買送，ｊｉｍｍｙ今晚整西餐我地食，買完就去佢屋企，嘩～～好大呀間屋，１４００尺；然後落去食個ｔｅａ，又食？食完去睇下ｄ結他，土瓜灣呢間唔掂ｗｏｒ，搭去荷里活廣場柏斯，幫佢揀左個８００蚊有埋ｏｕｔｐｕｔ，ｔｕｎｅｒ，抵到爛，買埋袋、帶都唔駛１千。

然後返去睇下ｊｉｍｍｙ既相，到左差唔多７．突然落起好大雨，原來黃雨呢，就係最大雨時ｔｅｒｒｙ，ｃｏｎｎｉｅ先黎，搞到濕左，而且１號風球添，不過仍好熱，而ｊｉｍｍｙ整既天使麵、蕃茄真係好好味，食完生果之後，又有自制既開心果雪糕，呢ｄ佢都識整，真係服左佢啦，可惜落雨ｊｕｄｉｔｈ唔過黎，食完睇陣電視就返去啦。

今日早ｄ去食飯，下午２．半去ｗｉｌｍａ既安息禮拜，點知食完行緊去聖安德烈教堂時，忽然又念起唔記得帶帛金，又要跑返去羅，本來好輕鬆既，而家變成好趕添，下次唔好擺係我度啦，希望唔好再有下次啦呢ｄ，好彩都冇遲到；原來成個堂都坐滿ｗｏｒ，有敬拜、相、懷緬．．．１個月１單真係難過，完左我唔上山啦，要趕返去練敬拜，完左佢地竟然去食麥記，阿軼唔駛開組都１齊黎，唔知點解佢地知道部單車係我既之後，都唔係幾順眼咁。

３號已經離開左，但係個天好似落雨，今日都係唔踩車返工啦，免得半路落大雨都唔知點算；下午去左牛屋，原來ａｎｎｉｅ都未去過，呢段時間佢係教會幫手做下野，食完佢都讚口不絕，返去做埋最後既改正，就羅ｄ程序表出去印啦。

今朝仍然１號風球，不過冇雨好熱，我就食完早餐，踩住部單車去荔枝角明愛搞ｄ野，已經成身汗，再踩住返教會，件衫都濕晒；由於ｗｉｌｍａ個英文版程序表終於出左，我用左幾個鐘做完晒，等佢地確認就可以印啦，又整埋個會友名單開大會；夜晚唔駛小組，有新約聖經綜覽，阿國搵我敬拜彈琴，我彈上手就知咩事啦，我已經有７個月冇彈過啦，要念下辦法先，由於要改ｗｉｌｍａ份程序表，所以我都差唔多１半冇聽到，完左同ｎｅｔ既人去食湯飯，然後踩車返去，終於都搵到條快ｄ安全ｄ既路踩返去啦。

今日第２日踩車返工，知道左路面既情況，今日只係３個字就返到啦，當然又係好濕啦；返去就搵過另１條安全、好行ｄ既路行，呢條都係差ｄ，但係原來返去用既時間係耐ｄ既，可能放工時間啦，聽日再行另１條路試下先。

今日第１日踩單車返工，由羅車出門口計都係２０分鐘，可能對路面唔熟又要等燈位，小心ｄ呀嗎，不過成身汗，但係比想像中安全左，都冇之前念既咁危險；下午又去翡翠食飯，放工見部車冇乜氣，踩去泵埋先返去啦。

今日終於都可以完全係屋企休息啦。

今日完左崇拜，就係ｎｅｔ祈禱會，完左當然去飲茶啦，又有２圍，飲完我行去旺角睇下邊間固網電話公司平，最後ｊｏｉｎ左有線，仲可以今晚黎裝埋，咁ｏｋ啦，之後想去九龍城睇下ｄ單車價，問下ｊｉｍｍｙ邊架車落近ｄ，原來佢有時間，竟然話陪埋我去睇，感謝主！去到見到佢又念起ｊｕｄｉｔｈ都係住呢度附近，打去問佢１齊黎冇，仲想不如打埋比ｔｅｒｒｙ啦，不過ｃｏｎｎｉｅ病左，所以我地３個去算啦，睇完都係再念下先，去飲杯野先，最後都係唔買住啦。夜晚就有人黎裝電話線，又話３個字搞定，點知都差唔多１句鐘。

今日繼續整理下ｄ野，崇拜完就趕去旺角，約左班舊同學食生日飯，呢間都ｏｋ，佢有ｄ玫瑰茶都幾特別，但係就唔算太岩我口味，食完都比較早，念住去飲野傾偈，念左好耐終於決定去西九長廊，所以先１齊搭車去佢屋企羅車，去到西九佢踩單車入我地行啦，買左罐野飲就傾左陣，走時佢收單車入車，唔小心比個轆整污糟左件衫，我都好正常咁話有月光都應該留意到咁講笑，原來佢咁就唔開心，莫非識左咁耐，都要以佢ｄ同事咁黎同等對待？唔講得笑，我真係好失望ｌｏｒ。

今朝返去又狂入野，終於都比我想像中快左，埋到６月既數ｗｏｒ，感謝主！夜晚約左ｋｅｌｖｉｎ去踩夜車，咁係旺角食飯先，等佢時又去睇下搵到個齒輪冇，可惜，行下ｂｏｓｓｉｎｉ見到ｄ背心，又買左幾件，食完我就返屋企等佢過黎接我，去到沙田都差唔多１０．鐘，用左１句鐘踩左去大埔，上次由大尾督踩到既地方，然後要返轉頭啦，途中見到ｄ人既車個轆又好似唔係咁大，但係又快過我好多，莫非而家設計既車既性能真係咁誇？

今朝去左幫ｗｉｎｐｈｏｎｉｃｅ　ｓｅｔ　個系統，都講左好耐先明白大慨要點整，然後１齊去食飯，呢間野都幾多選擇ｗｏｒ，然後搭車返工啦。夜晚終於比我埋左６月，又追近左ｄ，小組由阿ｂｅｎ帶敬拜，英姐、ｊｉｍｍｙ分享，好準時完，兼樹華冇組，所以可以早去飲茶，好彩冇每人叫１個送姐，咁先岩岩好。

ｒａｉｎｂｏｗ又放３日假，所以教會都冇乜人，下午同ａｎｎｉｅ，阿權去食飯，佢突然好多野講、好風騷咁講好多笑料，係唔係ｒａｉｎｂｏｗ開始放假既原故呢？我自己都好忙，放工去睇下有冇衫買，咦？又幾平咁ｗｏｒ，買返幾件啦。

今日係ｄ學生開學既日子，我地要９．鐘開會，因為樹華１１．鐘要出去開會，阿達原來上次唔止扭傷條筋，而係有骨裂，之前個醫生仲叫佢行多ｄ添，之後泉哥又同我傾左陣，１２．半去飲茶，太早唔食得多，然後２．約左間新ｍｐｆ公司上黎講解，係等既時間同家宇傾左好耐，但係佢地遲左９個字先黎到，浪費我ｄ時間，我又眼訓ｗｏｒ，又要好趕咁做埋ｄ野啦。夜晚約左ｄａｉｓｙ去佢度睇下個剪片點解唔得。去到搞左成２個鐘都唔知點解，好多方法都試過仍然唔得，可能個ｐｒｏｇｒａｍ有事，聽日返去試下教會個部ｏｋ冇，雖然都係搞唔到，佢都請我去食左餐日本野，謝謝妳唷。

今日都熱，訓到１１．幾起身，約左人食午餐兼游水，查實都係玩水浸水多，而最後去左個跳水池跳水，開頭都有ｄ驚，但係原來都幾好玩，然後去麥記食左２個餐，夜晚都可能唔駛食ｌｕ；之後行左去買ｄ野，終於比我買到個單車袋，當我踩部車去試時，突然落起大雨，濕左唔可以試，都應該ｏｋ既，食完飯同ｋｅｌｖｉｎ去左沙田踩到烏溪沙，都係半個鐘多ｄ，由於太夜唔停留太耐，返轉頭再返屋企都１２．鐘啦，聽朝要早返呢。

今朝知道阿達隻腳唔行得，所以冇返工放２個禮拜假，我又要臨時整份場刊所以都冇去崇拜，而李文芳講道都好早完，收埋報名錢，然後１齊去飲茶，但係竟然臨尾加多左２０個位都冇晒，ｄ人成日都咁遲梗係啦，飲完茶就返屋企，夜晚陪個朋友去買ｄ野，順便食飯，深水步呢間日本野唔太掂，冇下次。

今朝晨咁早起身，去到旺角搭小巴去咖啡灣扒獨木舟２星，由於我地人少，所以夾埋左另１班人１齊學，９．鐘去到換晒衫，個教練遲到，然後講解件救生衣都講左好耐，然後教１個人搬艇，之後落水ｌｕ，出到去又要先ｆｏｒｍ個船排，好曬呀，有好多魚仔跳出水面呀，然後就過去三聖學自己清艇水，轉灣，熱過頭有ｄ想暈，Ｈ－Ｉ反艇既救艇方法，都ｏｋ易，教我地時，我就負責做被反左艇既人，’救命呀救命呀’，ｄ人都話我做得好投入，練習完就返去食飯啦，又累又餓，原來我地遲左好多呀，其他人都叫左飯，我地就行去三聖食，好累呢。



食完買ｄ飲品都係搭的返去啦，咦？落雨？好彩我地呢邊只係幾滴，係停車場見到ｅｓｓｏ既雪糕車免費，有５色戰隊打扮既人，如果學完都係度先食啦；想問佢可唔可以學埋３星，我唔駛再請假，原來唔得；我地要考救艇要計時呀，好彩好易，考完就打獨木舟水球，都唔易，因為要控制隻艇都唔易，又要搶球射球，好累，而且我地５個打７個，好彩阿ｓｉｒ幫少少先可以贏３比２，沖完涼羅左證就走啦，去睇下部雪糕車，仲係度，比佢影張相擺係ｆａｃｅｂｏｏｋ仲可以多條毛巾送呢；之後佢地去泉哥度打邊爐，我去買左ｄ單車零件，同ｋｅｌｖｉｎ食埋糖水先去會班舊同學食放題，９．鐘ｄ人先得閒兼平ｄ，我地食左好多又傾左好耐，已經１２．半啦。



facebook 相

今朝返去已經見到佢地又係度ｓｅｔ場搞音響，今晚係青少年年敬拜之夜，唔通尋晚搞通宵？下午又去鋸扒，返到去佢地已經做緊最後綵排，７．半鐘開始放人入場，８．鐘’青少年敬拜之夜２００９’正式開始，我都有去睇呢，成晚既敬拜氣氛真係好好，佢地帶得好，彈得又好，真係估唔到係班年青人自己１手１腳搞既，最尾個首歌，家宇更加用埋教會既使命宣言黎寫，真係寫得幾好，大家都好投入，２個鐘不知不覺就咁過左啦，求其食個譚仔就返去啦。

本來佢度今朝會停電停水，但係好奇怪訓到１１．幾都仲有冷氣ｗｏｒ，感謝主可以訓晏ｄ，然後又去冒險樂園，因為尋晚有張劵買金幣送多５０個，查實呢個好似係個局黎既，玩完去返韓燒，都要等位，ｄ食市好似開始旺返啦。返去繼續趕工，夜晚小組由英姐同我分享下臺灣短宣既相片、見證、感想，咁都講到過時，因為ｄ相都有３千張，都冇睇晒，然後去味皇，又要等位，所以轉去對面既茶餐廳。

今朝又被熱醒，７．未夠阿媽就熄左部冷氣，我成件衫濕晒咁醒呀，真係比佢激死，又唔夠訓啦；返到去２個人祈禱，ｒａｉｎｂｏｗ去左探ｗｉｌｍａ，我地剛祈完阿權就剛好入黎為我地結束祈禱；下午去韓燒要等位轉去新巴黎，有電話黎知道ｗｉｌｍａ既病情唔落觀，冇耐就收到消息佢已經主懷安息。

返去繼續做埋ｄ野，其實都唔知從何做起，但係都要逐少追返ｄ野啦，夜晚又去冒險樂園，玩完只係食左個麥記，然後去人地度，查實１２．幾我都已經好眼訓啦，但係佢又唔比我訓，所以都好辛苦，終於２．幾先可以訓。

今朝食左個味皇早餐就返工，要打返ｄ未打既報名名單，下午去左翡翠，做到７．ｄ野都冇乜清過咁，夜晚去左做美容，都要成個幾鐘，然後帶埋部單車同個朋友去沙田食飯，然後踩單車，呢間ｄ野都整得幾好食，又飲左ｄ啤酒，然後踩左陣單車，可能又吹親啦，踩左３分１路程就突然有ｄ暈兼嘔啦，休息左陣冇事都係返轉頭啦，因為都１１．幾啦。

今朝又早起去睇早場沖天救兵，都ｏｋ好睇，然後去幫兒甥羅部腦，上去裝順便食飯，點知見佢只係不斷咁打遊戲機，我都忍唔住，教訓左佢１野，今次幫你最後１次，以後自己搞掂；夜晚去左冒險樂園，嘩．．．玩左勁多，又玩左好耐，所以都係食個麥記啦，然後過去佢度啦。

今朝崇拜播左我剪個段片，大部份人都有返黎分享見證，真係夠熱鬧，好開心咁快又見到佢地，阿泉哥講道又係長左ｄ；完左去飲茶啦，又要分２台坐，飲到差唔多４．鐘呢，英姐佢去睇戲，我要同兒甥買電腦，ｓｔｅｐｈｅｎ都跟埋我去夾下價。

今日終於返黎現實要返工，都唔知醒添，天氣雖然好熱，但係經過臺灣炎熱既天氣洗禮後，香港好似涼快ｄ咁ｗｏｒ；返到去好似有好多人排住隊黎搵我，究竟有幾多呀，下午又去食韓燒，夜晚家宇帶敬拜，我又彈ｂａｓｓ，所以趕唔切剪好段宣教片夜晚播，因為轉片都搞左好耐，所以都係播返佢地做個套先啦，而且得我同志華講見證，臨完崇拜先轉好，之後去同班青年人食飯，嘩．．．有１４個呢，因為柏駿聽日要飛去加拿大讀書，今晚同佢食呢個最後的晚餐ｌｏｒ，其間個朋友叫我出去遊車河，不過又要影埋相遲左ｄ，佢又發皮４走左啦。

今朝都７．起身，執晒野８．鐘就由ｊｕｄｉｔｈ帶敬拜，阿國分享節經文鼓勵我地，又在講下感受，好快就影埋相咬個３文治，又將學妹姐送比我地既米粉，拆晒ｄ包裝送比老人中心，因為佢個牌子係佛祖牌，我又要將我帶過去既衫掉晒先可以裝晒ｄ野，查實我係預左咁做架啦，９．半就開始搭車離開啦。





去左ｄ地方買下手信，但係都唔係我地預期要買既，途中有另１間教會既牧師帶我地去食飯，車我地經過１個地方，起緊個尼勒佛有成３０幾層高，又有可以容納好多人既大廟宇，簡直好似鹹蛋超人既感覺，我地坐車圍住佢方言禱告，要綑綁呢個邪靈，又參觀下ｄ古物，唔係人人都入到去睇架，係劉牧師先有呢個面子炸；好快去到機場要同劉牧師、新竹講再見啦，係機場入面都買埋我剩返既台幣，竟然真係駛到１毫子都冇，勁呀哈哈，不過就算剩返少少都唔知有咩用啦，係機上開住部腦不斷咁已經抄晒大家呢幾日所影既相啦，返到屋企已經８．幾，９日既台灣行程終於完啦。



實在有太多相啦，請去次元相集度睇啦

尋日已經做晒野，所以今朝可以８．半先敬拜，阿ｍａｙ姐你就好啦，敬拜完阿國分享左，就到我地大家彼此欣賞，就連劉牧師都欣賞埋；１１．鐘去到新竹市市政廳，我地係門口都影左好耐相，然後帶我地上去見市長，原來市長突然要去開會，所以派左副市長黎，入到會議室，原來冷氣壞左，嘩～真係熱到人都顛，個影碟機又播唔到片ｗｏｒ，等緊時好彩阿牧師開大左度門，等有ｄ冷氣吹入黎，我已經感覺到衫入面既汗珠大粒大粒咁流緊，互換左禮物後就影相，之後就離開去食火鍋，突中見到有間英姐便檔，係唔係英姐開既呢？呢間火鍋１人１鍋又平，食得好飽呀。





然後去左１間教會，做夫婦同青少年都幾好既，佢地分響左，然後我地為佢祝福祈禱，要唱首歌先，呢首歌我唔識唱唔識彈ｗｏｒ，有譜都可以啦，本來念住好快完，最後都搞左好耐呢！佢地又每人送左１袋米粉我地，後黎又周圍參觀買下手信，參觀左個幾層高既塔，嘩～周圍都熱死辣辣，得個幾層又唔係望到太遠，入電梯仲死得人，如果壞左，就真係會鋦死係入面啦，參觀埋另１個點之後，順便去羅埋我地之前訂左既新竹米粉，就要去同江秀琴既師姐食飯，呢間好似係話比較貴既１間飯店，我地係等人齊既時候，轉個轉盆放部相機上去，最後照到邊個就要答問題，咁都可以玩到好興奮，到佢黎到原來個形都真係有ｄ似ｗｏｒ，至於ｄ送，有羊鍋、蝦、牛卷、羊卷．．但係ｄ羊味實在太酥啦，好多我地都唔係幾食到，我念佢地係想比ｄ最好既我地，不過竟然變成最難食既１餐。





返去之後知道原來今晚有夜市，咁當然唔可以錯過啦，已經係最後１晚啦，原來呢個虎林夜市只係逢星期４晚先開既，而且入面既攤檔、食物．．．而家都好少見有架啦，買左少少野試下，又玩左ｄ遊戲咁，大家都玩得好興奮呀，學妹姐又買左ｄ米粉比我地，做乜突然多左咁多米粉呀？早知唔駛買啦。

今朝到我帶敬拜，已經係最後１日做野啦，梗係要去盡ｄ啦，係佢地分享緊時，文正黎羅我地尋日拍既短片，要羅返去剪片，聽日去市政廳時送上呢個祝福比佢地，今朝既大家既分享亦都好真情流露，出隊時我本想同ｍａｙ姐拍既，但係又係分唔夠人，我要轉去跟ａｉｒｙ　ｐｏｌｌｙ　１隊去探１個姊妹既嗎，除左個媽之外仲有個嫁左去香港既妹２個女，感謝主！咁佢地成家都信左主，羅埋ｄ資料返香港聯絡，原來佢住我附近架，佢仲邀請我地夜晚完左探訪去佢度，整ｄ炒米粉貢丸我地食。

返去分享完，下午都係休息，學妹姐佢地整左好多餃子我地做午餐，雖然好好味，但係ｄ餃子好熱，天氣好熱，冷氣唔夠凍，又成身汗，劉牧師又分享佢以前點樣追師母，點樣拍拖比我地聽，真係溫卿得黎又有ｄ好笑，然後有ｄ女生學整珍珠奶茶，我地梗係爭取時間休息下啦；夜晚係最後１次探訪，隊ｂａｎｄ依然好勁，最多人黎既係榮光教會既人，我同另外２個姊妹１隊，其中又有我地既ｄａｙｄａｙ，我地去探個家係退休既軍人，另外個姊妹就岩晒咀形啦，因為佢阿爸都係軍人，祝福完佢地就走啦。



大家回歸分享完感恩完就祝福，佢地下年搞辦既教會叫我地明年都要去呢；完晒恩祥用電單車載我兜左１圈，之後就同阿國ａｉｒｙ去返探今朝既１家，因為佢炒左ｄ米粉貢丸比我地食，嘩～炒得真係好食，又唔油，味道剛剛好，如果係香港開檔肯定會排長龍，又有雪條食，好飽呢，羅左ｄ返去比佢地食，食完同英姐出去行１陣，因為都要等沖涼。

今朝阿ｃａｔ帶完敬拜，到阿國分享啦，之後都係檢討，敬拜完我就拍左榮光教會既原住民姐妹，已經搭左車都要行好遠，而且都唔係幾識路咁，就連住呢度既人都唔知個號牌點樣去，所以越行越遠先去到類似工廠既地方，但係竟然冇人係度，嘩～又要白行，最後打到比佢約今晚再去，但係就成身濕晒。

下午食左便檔休息左陣，２．半鐘就去隔離伯大尼老人中心服事，呢個係臨時加既活動，入去前係門口拍左ｄ短片支持水災，然後入去介紹下自己都已經好耐啦，英姐帶大家玩下遊戲、唱下歌，嘩～英姐都返晒黎啦，再同佢地聊下天、食下甜品，佢地都好感動，因為都好少人黎同佢地傾偈，帶我地參觀下間中心，講解下，原來入住呢度都唔平架，而且都只剩返２個位，英姐都話ｂｏｏｋ定１個係度，佢地仲有其他上門服務：清潔家居、做飯．．．晚飯時間我地都幫手餵佢地，竟然我幫個係食得最慢既，唔緊要啦慢慢黎。





原來好多人既國語都開始好爛啦，所以大家都有個感動組職返個最爛國語學會，榮譽會員最少有４個，英姐、志華、阿勇、阿ｃａｔ；然後５．幾就去食晚飯，我可能除左以前細個係鄉下，都係未試過咁早食晚餐，阿國又搞到個老闆好開心啦，因為佢成日都食左糖；夜晚出隊前有其他教會既人黎帶敬拜，嘩～睇左佢地帶之後，發覺我地之前帶既都唔知似乜咁，佢地真係好正，有鼓、琴、ｂａｓｓ，我今晚決定要去返朝早個間，因為係得我先知路，我其中１個隊員就係劉師母，佢地都唔知原來有住咁遠既人都有去嘉年華，我見流師母講得咁火熱，我就行過去隔離屋係度乘涼既阿哥個邊，了解左佢地原來都係原住民，我地離開呢度，出返大家都去左２家，２家都唔係個ｄ人住個度，但係都開門比我地入去傾，真係神蹟呀。



返去分享，阿英姐ｄ分享真係１次比１次正，每次都笑到我地死，我地都發覺除左牧師原來講野都好搞鬼之外，１直比我地印象覺得佢好都嚴肅既劉師母，樣樣野都要做足，係呢幾日裡面成個人都有ｄ改變左，開始有多左笑容，同我地都多野講左，我地都甚為震驚，可能見到我地既委身有所改變啦。

夜晚上去４樓沖涼時，當我打開房門，突然有隻野向住我蹼埋黎，嚇到我即刻閂門衝出去大叫，有冇人上黎睇下，原來阿國頭先上黎已經見到，但係撞到我上去都唔早通知我聲，但係當志華陪我上去時佢可能已經飛走左啦，雖然係咁，沖完涼都係快ｄ離開呢度好ｄ。

今日阿靖帶敬拜，我又幫佢彈結他，由於尋晚太夜冇分享，所以今朝先１齊分享啦，大家都覺得好好，而且好建立；正式第１次出隊，咦？？點解我地香港隊既人好似仲多過佢地黎既人既？可能ｄ人要返工啦，原來有ｄ教會又唔係咁清楚點做咁，以為我地短宣隊會派返尋日去佢地教會既人，去佢地個邊幫佢地教會傳福音添，所以又少ｄ人。



我去左對面將要遷移既村，原來呢度既路分弄、巷、號都唔算複雜；返去報告時英姐佢開始出黎啦，佢ｄ普通話聽得我地好開心呀，下午食完飯盒可以有ｄ時間休息下，我地都係攤係張凳上訓１陣，４．幾就差唔多起身分享安排下，牧師夜晚幫我地買左ｐｉｚｚａ，呢度既ｐｉｚｚａ真係好平，叫左幾個都食唔晒，我又幫手彈左首歌敬拜，之後就開始組隊出發啦，我又去對面既村，呢次我識路啦，我比帶路既人更熟呢，今次夾阿ｊｕｄｉｔｈ，去探既係我地嘉年華會見過既，開頭見個２個細女係度騷擾同阿媽講野，所以我好自然咁拉開左佢地同佢地玩，又出奇地佢地好開心ｗｏｒ，亦都順利咁傳晒福音比佢地，返去分享又好興奮啦。





夜晚又係英姐幫我地拖地，沖完涼大家攤係床上，我又要等頭乾，問開我呢排既心情，因為有ｄ都知架啦，咁都分享左比佢地知，佢地話為我祈禱，點知講到最後大家都訓著左ｌｕ。

今朝７．半ａｉｒｙ帶敬拜，阿國分享，之後都係檢討左好耐，好快１個字食個早餐３文治，９．鐘新竹榮光教會既陳牧師就黎接我地，由於我地有５間教會要去，所以我分到ｊｕｄｉｔｈ，ｃａｔ，阿靖，係車度我問陳牧師我要講幾耐見證呀？答：沒所謂５０分鐘可以啦，下？唔係講道ｗｏｒ，點講５０分鐘呀，佢以為我地４個都會講添，最後加多ｊｕｄｉｔｈ講啦，好快就去到牛埔佢地既教會。



我地去到祈左禱，見佢地練緊歌，雖然有好多樂器，但係都係得個琴彈，陳牧師問我可以彈ｂａｓｓ冇？咁我去試睇下，可惜唔知點解冇聲，可能接觸唔好啦，個結他又斷線，所以都冇計啦；佢地原住民ｄ聲真係好聽，１０．鐘開始，係敬拜當中，又突然比個咪我唱，其實佢地ｄ歌我都係第１次唱，好在都好易學，而且個氣氛又好正，敬拜完到牧師講道，之後到我分享見證，都有ｄ緊張，唔知講左ｄ乜咁，阿ｃａｔ阿靖去左帶主日學，然後牧師就用我講既經文再分享，見到佢提ｄ人要傳福音時，眼匡都有ｄ淚光，到ｊｕｄｉｔｈ講見證講到喊，然後牧師又講道、報告、收奉獻，２句鐘有多，我見牧師真係好有心為主作工，亦都好愛ｄ弟兄姊妹，我都好感動，主阿求你祝福佢地呀，完左佢地有整左好多愛筵，其中１樣我好鍾意食－猧牛，整得好好味，佢話有時間整ｄ羅黎比我地食，咁樣真係好有家既感覺，之後同佢地玩唱歌、跳舞、彈琴、夾ｂａｎｄ，真係好開心，差ｄ過時返去呢。





聽返其他隊伍分享，原來我地係食得好好既１隊黎啦，休息左陣就有車黎接我地去花市個邊，呢間係江秀琴牧師師姐既教會，係新竹算係最大既教會啦，係度分享左陣就行去市集個邊，佢地就ｓｅｔ左個位唱歌吸引人，我地就分組派單張傳福音，我就同阿ｃａｔ　１隊，派左幾張之後，我地決定搵ｄ目標講福音實際ｄ，所以１黎就搵左個家庭，我地１人ｍａｒｋ　２個，佢就不斷咁拒絕我，唔信、冇時間．．．我都冇理會佢，繼續同佢講，最後我地都令到佢地決志信左，呢個都算係我第１個果子啦；臨尾阿國ａｉｒｙ上演夫妻檔，１個唱１個彈，最後我都要帶唱左首歌先走。





返去擺低左ｄ野就行去個類似ｆｏｏｄ　ｃｏｕｒｔ既地方食飯，時間唔夠半句鐘，然後車返我地去福音堂準備今晚既出隊；出隊前敬拜先，臨時揀首歌我彈琴啦，之後開始講出隊要做既野、要注意既野，然後組隊出去啦，但係竟然我地香港仲多過佢地黎既人，所以我又拍左阿ｃａｔ啦，去到附近差ｄ搵唔到個地址，原來個帶路人都唔熟路；入到去雖然溝通有問題，但係阿ｃａｔ　１樣好努力咁講，有時要個姊妹翻譯下咁，因為個阿婆唔係幾講到野，阿ｃａｔ用佢另類既方法令佢明白信耶穌呢，臨走仲吻左佢１淡，嘩～做得１單就要趕返去分享啦，都用左好多時間，但係就好興奮；我地又要清潔等沖涼啦。

今日早會ｐｏｌｌｙ帶敬拜，我幫佢彈結他，志華分享，食個早餐之後大家開始吹汽球，只係我地綁汽球都綁到手軟，而且好似係工廠咁，我隻手指好痛呢，然後１齊上街派汽球，熱死辣辣，阿勇＆ｆｒａｎｋｉｅ被召去嘉年華會會場幫手掃街，１２．幾鐘食完便檔，休息１陣２．幾開始去嘉年華會場，佢地都已經預備好晒ｄ攤位，有人扭汽球，我就被分配負責解簽檔。





雖然熱，好在有蓋又有ｄ風，感謝主冇咁熱，有好多人表演、攤位，連師母都有表演跳舞，又有２個人著住件高飛狗衫，真係辛苦，可惜ｄ音響太大聲，我地輪流咁講解簽，真係都講到冇晒氣，又要同ｄ音響鬥大聲，好多都係已經信左或者家族拜落既人黎，我又遇到個刺青人，原來佢係刺青店老闆，同佢傾左好耐，佢雖然信左，但係冇返教會，鼓勵左佢再為佢再決志祈禱，又為佢祝福祈禱，都見佢有ｄ眼濕，佢話會再返教會ｗｏｒ，感謝主！６．幾返去食個便檔，佢地就開始分名單，我地唔知路，所以坐係度睇下，見佢地執野既都係得１個莊長老，雖然好累，都幫下佢啦，我地去服侍佢地架嗎，之後１０．幾坐左係凳度，突然美芳姐過黎講：我剛想起原來你地係訓呢度，唔怪得你地唔去休息啦，整完晒ｄ野同英姐出去行左陣街，不過都冇乜野睇，搞得黎沖埋涼，又熱辣辣啦，好夜先訓。

5星級的床

今朝６．鐘起身，７．鐘第１次早會，ｆｒａｎｋｉｅ帶敬拜，阿國分享左１節經文，然後買個早餐，８．鐘就搭車去基隆市２４小時禱告祭壇，車程要２個鐘，係基隆最高既大廈２０樓，其實都未開放，我地係第１隊人上去祈禱既人，叫我彈結他，我１直彈１邊祈禱唱歌，又斷左條線，完左走時ｄ人先話比我知，原來我地已經祈左２個幾鐘，下？我已經彈左２個幾鐘啦，突然覺得ｄ手指有ｄ痛。然後落去下面食海鮮餐，又黎好多送，刺身、龍蝦沙拉、蟹、魚．．．又大又好吃，多到要帶走幾袋，然後去買蛋糕去探訪大光兒少之家，阿國仲屈到人地送左４杯冰沙，真厲害。未去之先帶我地去遊覽下個碧沙魚市場，本來只會逗留１０分鐘，可惜我地係度買手信都搞左成個鐘，買左幾十包，而且只係同１間，所以去唔到第２個點啦，睇黎呢間舖做完呢單都可以收工啦。



去到大光兒少之家，大家介紹下個名，睇埋佢地中心既簡介ｐｏｗｅｒｐｏｉｎｔ都已經去左成個鐘，玩個捉神遊戲，３０幾人，楊妹妹讀個神、蛇字都搞到我地好混亂，又有阿ｃａｔ分享見證，ｄ國語真係好好笑，不過真係估唔到佢既過去原來有咁大既經歷，另外佢地中心有幾個人分享，雖然年紀細，但係個個既經歷都唔少野，而且有ｄ只黎左個幾月，但係個個都好正面，亦能夠跨勝可以分享出黎，真係唔簡單，然後分組分享、祈禱，食蛋糕、飲佢地種既薰衣草茶，參觀佢地既房，影相都７．幾啦，然後坐車返新竹，省返ｄ時間所以係車上檢討左，大家都好感動，返到去１齊行去切仔麵食左個米粉，飲左杯蘆薈蜂蜜，原來新竹米粉係好幼既呢；係呢度沖涼男生要等女生沖晒先，然後行上去羅野係樓下既廁所洗手盆下面加左條水喉沖，都唔係幾方便，沖完凍水後未著衫，咦？？好似流緊汗ｗｏｒ，又再羅ｄ床墊鋪出黎訓啦。

今日好早起身，落雨，出去買樣買漏左既野，然後趕去機場，點知等左半句鐘先有車，遲大到啦。都係遲左半個鐘，所以我地要分散晒黎坐，又要同阿勇換左個緊急出口位，冇所謂啦好快就到，呢次係第２次同佢去宣教，食左個飛機餐，１．０７差唔多２個鐘就到達台北機場，換左ｄ台幣，有人要做落地簽證，我同楊妹妹早出就去羅行李先，點知阿勇個袋被隻輯毒犬聞到有異樣，你帶左ｄ咩黎呀？未做野已經出事啦，原來隻狗可能未食飯聞到ｄ麵飽味，出左閘台灣福音堂既劉牧師黎接我地機，原來佢已經６０幾歲呢，影左張合照就走啦，雖然台灣有水災，但係呢度陽光普照熱死辣辣。





３．８去到佢地教會，學妹姐買左ｄ台灣冷麵、貢丸湯比我地食，休息左陣出去行下街，有間便利店既蕃署雪條買２送２，都幾特別，７仔飲品買２件有抽獎，抽到７９折，街上亦都冇乜人，舖頭都唔多開，７．鐘車我地去食晚飯，叫左好多送，食到好飽，仲有其他教會做遍傳既牧者介紹我地識，呢間野冇人食既，只有我地都包左３台，食完返去講下聽日大約既行程就沖涼訓覺啦，都差唔多１１．半先訓，女生訓呢個５星級既教會２樓地下有冷氣，男生本住５星級教會４樓有床冇冷氣，但係天氣熱死辣辣梗係寧願訓５星級教會地下有冷氣啦，所以鋪墊訓地下，搞晒ｄ野都１１．幾訓，聽日要０６００　ｍｏｒｎｉｎｇ　ｃａｌｌ呢。

今日最後１日返工，ｄ野都唔知做得邊樣好，有咩野要交低呀？印埋盛叔安息禮拜ｄ場刊，臨尾又有份野要排版加埋上去，趕去安息禮拜時發現漏帶左野，又要返轉頭羅；有咩野要交低呀？都問左好多次，第１次放咁長假好似冇野要交低咁，可能要交既都已交低左啦。去到坐低都未有乜野感覺，慢慢又想起盛叔以前既服事，眼淚都開始唔聽話，聽埋後黎既分享就更忍受唔住啦，所以我唔彈琴都係岩既，我會懷念你；完左同阿ｒｏｃｋ成班人落左荷里活食飯，嘩．．．原來１１．啦，返去仲要執野添呀，好累。

今日同佢食完個早餐，返去係有好多野要忙，又要出埋今個禮拜ｄ票，唔係會累積３個禮拜，又要預備好ｄ身後事(過幾日就飛啦)，樣樣野都趕，樣樣野都要做，真係忙死，夜晚又要上宣教訓練，主要比大家練下用國語講見證、講福音，有部分人既國語係好普通既，我係其中１個要幫佢地執錯音既人，其實我自己都冇準備都唔係好順，當然會特別累啦，攪完１０．幾先去食飯，冇辦法又去味皇。

今朝食左個肯德雞既早餐，又貴又唔抵食，塊雞同個餐張相細左成４個碼，又同人睇左場早場－竊聽風雲，ｏｋ既，然後突然落雨，去剪左個髮，食左個韓燒午飯，去玩左個冒險樂園，都有１７ｘｘ張飛出左黎，我都係第１次真正咁玩炸，不過都冇乜野換，然後想去游水，點知又聽到有雷爆消息、落雨，冇得游添，唯有去幫佢重裝電腦啦，整完食埋飯想走，點知又留左１晚，因為我將會離開香港９日，咁陪多佢１晚啦。

今朝都有ｄ唔知醒，崇拜時候ｓａｍ叔為我地過幾日去台灣宣教既人祈禱，完左崇拜係ｎｅｔ祈禱會，我都係遲１半先入去啦，因為又收款嗎，又要我地分享下點解會去宣教，有咩需要，可惜未有傳個奉獻袋比佢地，ｆｒａｎｋｉｅ因為喉嚨痛冇返，咁都留返個位為佢祈禱啦。２．幾先去飲茶，飲到４．鐘就去ｔｅｒｒｙ屋企，原來傲雲峰係呢度，地方幾好ｗｏｒ，我地食下水果傾下，之後１齊敬拜，祝福呢個家，６．鐘佢同ｊｕｄｉｔｈ要落去會所游水，又唔早響，所以同泉哥、龍表估丈去左大角咀食飯，呢間ｄ野食都幾好ｗｏｒ，可能我地叫多左，又或有ｄ油利，所以食未得晒，要返去休息啦。

今日問返ｄ人既感覺，大家都覺得佢地尋晚既敬拜全部都唔錯ｗｏｒ，感謝主！唔知有冇得睇返呢？下午福臨３劍俠帶敬拜，雲靜帶、柏駿唱、務務彈結他，又帶得有文有路ｗｏｒ，幾好呀。夜晚繼續彈ｂａｓｓ，完左又要收報名，敬拜隊又要有野分享，好急咁完左，同左ｇａｖｉｎ去花園打邊爐，成日係咁叫我去，我地都點得好誇張，只叫左３輪都好多啦，當然唔夠ｅｄｗａｒｄ班人咁勁啦，不過飽到就黎上心口啦，仲要將大半罐汽水帶埋走飲，唔知點解佢又好關心我個人生大事，又比佢講中左，所以亦都先話左比佢聽，之後佢仲要去食埋糖水，你冇事ｈａｆａ？食埋真係差ｄ頂唔住，原來已經１１．９啦，返去仲有好多野未做呢。

今朝個朋友睇完醫生，然後１齊食左個唔知早餐定午餐既野，再去鴨記配返部單車既配件，我又順便睇下配到個齒輪冇，但係真係好難搵，然後去睇下ｄ單車，都想買返部踩返工，不過價錢都貴，所以暫時ｈｏｌｄ住，再去大尾督踩左幾個鐘單車，原來大埔有ｄ咁既地方既，都未去過，不過個天氣就認真熱啦，臨走竟然見到ｍａｙ　ｔｓａｎｇ既幾個仔女係度踩單車添，今晚既外展我都去唔到睇班年青人既練習成果，唯有打個電話鼓勵佢地加油。之後佢想要我買左個部車，唔好咁心急，念清楚先，然後去左ｍａｇａｂｏｘ食上次食唔到個間酒樓，叫左幾味菜，有雞、花膠、湯．．，仲送左隻羽鴿，原來我地好似冇正式食午餐，唔怪得咁肚餓啦，可惜都食唔晒，總叫做散過下心咁啦。

由於放假太急，今日都唔知可以去邊，夜晚約左個朋友出去，咁岩佢先要去同人交收，然後係蘭桂坊行左轉冇野食，咁中環食左個大家活韓燒雞扒，又細又唔好食，真係激死人；然後去西九長廊踩左陣單車，佢部ａｂｉｋｅ真係踩得我辛苦極了。

今朝起身又見到個８號已經走左，咁要趕返工啦，約左人食早餐，點知搭緊車時先打黎話剛醒唔黎ｗｏｒ，嘩．．你早ｄ打黎呀，最後都要佢黎，不過已經１０．啦，攪到我遲大到，咁就做到半死，放工都遲左走，而且約左人食飯都遲左少少，夜晚約地點時先知道原來有人突然都話會黎，去到荷里活食左個藏麵，麻麻地，然後佢就黎到，印左封信比我睇，其實我原意唔係咁既，睇完傾完都係唔岩傾，我都未試過比人攪到要用左大既語氣講野，其實個朋友之前叫我要帶返樣野比佢，我都知道佢既決定架啦，本來唔想佢有感受唔好，讓佢先提出，點知佢唔講，最後我唯有忍痛啦，亦都總算完左呢個之前攪到我唔清唔楚既答案，１切都結束啦，不過冇念過個過程佢竟然講埋粗口ｌｏｒ，我都祝福佢，之後即刻打個電話比ｓａｍ叔，放返２日假平復下先啦，下個禮拜要去宣教呢。

今日又要早起身，因為要過海返工兼食早餐，夜晚有台灣宣教隊訓練，大約講解下宣教整個行程既內容，認識下大家，講下大家點解去宣教，有咩期望、代禱．．．但係又知道將會掛８號風球，又話會早ｄ放走，點知都要９．半，然後加埋阿泉哥去左新味皇，ｊｕｄｉｔｈ方便搭車ｗｏｒ，食完就掛８號啦，好彩未有雨，返到去就落啦，仲大到９號添，咁聽日１定冇風打啦掛得咁快咁勁。

今朝約左人睇早場，打左好多次電話都冇人聽，唔係唔知醒呀？好在最後佢都趕到黎，原來係去左洗牙，呢套醉爆伴郎團都好笑，不過粗口多左ｄ，然後去左金鐘食咖哩飯，順便要去羅臺灣簽證，估唔到平日都有咁多人，都排左好耐，原來第２次去平ｄ架，然後去游水，點知游游下有雷爆，咁就迫住要走啦，真係冇隱；由於落雨所以去左佢附近飲野，然後又去埋佢度，食埋飯傾計訓埋添。

今日完左崇拜又要收報名錢，敬拜隊又要練歌，所以大家等到２．半先去飲茶，原來呢台坐左１８人，真係好迫，而且都叫左唔少野食先夠，３．幾返去睇下班青年人練歌練成點，都好似好左好多ｗｏｒ，係有ｄ地方要執，但係整體都幾好，ｒａｉｎｂｏｗ仲買左ｄ水果、蛋躂比我地食，傾左陣再練，後黎想比段歌佢地聽時，由於音響房部腦有事，當我探頭去後面睇時，唉呀！比個ｃａｓｅ括損左個鼻樑添，真係慘啦，貼完膠布後好似打完交既飛仔咁添，究竟會唔會破相呢？

下午又同個青年人去榮發食午餐，然後班青少年既小組就玩左個２人３足既紅綠燈，ｄ人真係幾攪野，所以我都影下佢地相先；４．鐘又到練歌，彈ｂａｓｓ都已經係死位啦，不過真係重，完左檢討時話我演譯得好投入ｗｏｒ，真係好，感謝主！咁我本身都係投入敬拜既；之後同班青年人去左肯德雞，食左個筒餐，然後仲去埋麥記食雪糕傾到１０幾。

今日好似冇乜事，所以都返工啦，同班青年人講我改左個英文名，佢地竟然好快咁改左做第２個讀音，真係激死，又要求我要改過另１個添，夜晚本來要同ａｎｇｅｌａ，ｊｅｎｎｉｆｅｒ開會，但ｊｅｎｎｉｆｅｒ趕唔到返，所以同個青年人去左太子食飯，揀左間日本野，ｄ野黎到先發現比較細碟左ｄ，好快食完個青年人又去埋麥記食左個餐，又傾左好耐。

今朝起身都係有ｄ暈，所以都係休息１日免得會傳染人，下午好似冇乜燒啦，不過都係暈，可惜個青年人不斷咁打電話黎阻住我休息，希望聽日冇事就好啦，個青年人夜晚又打電話黎唔比我休息，放過我啦，我病緊呀。

今日下午班青少年聽完個戀愛祈兵講座後返黎整野食，ｇａｖｉｎ唔想咁要出去食，所以我地去左新味皇；返到去見到佢地都係叫左外賣咁，之後又同佢地夾下歌，夜晚突然覺得有ｄ感冒發燒跡像，咁岩志華又買左支新探熱槍返黎，點知１探真係比其他人高，所以都係去比馬思睇下啦，１探之下竟然１００．８Ｆ，真係發燒，我已經好多好多年未發過燒啦，好彩唔係ｈ１ｎ１，然後返去休息下。