次元日記

今朝８．鐘起身梳洗，然後搭車返工啦，好彩預鬆左可以１齊食埋個早餐先，佢要去參加戀愛祈兵講座，我就做野啦，由於好多人放假，所以今朝唔駛開會，下午同阿權去新味皇，入到去見到幾個侍應有ｄ新面口，我地座呢張，佢話２個唔好座呢張，指完呢度又個度，坐低後阿權都覺得唔開心，所以決定走去翡翠食，唔通又要列入黑名單。

今日訓到１２．幾，起身去食左個午餐，然後返去玩左陣結他，之後搭車去太古睇戲，又要搭６．９巴士轉多次地車添，都幾唔方便，呢套冰河世紀３都幾好睇，可能係平日啦，都係得個１０幾人睇，而個院都好細下，睇完又要搭７蚊車去香港仔上海天龍樓食飯，大ｊｏｅ不但送左個豆沙餅、豆槳我地，再比多個７折添，都係１００蚊食到好飽，而且又勁好味，原來食完都９．幾啦，返到去仲有糖水比我地食，同佢傾左陣就沖涼，今日亦都冇見到佢屋企人，因為佢今朝１早就搭機飛左去上海公幹，我地都讀左經玩左陣傾左陣，都差唔多３．鐘訓。

今朝完左崇拜同敬拜隊飲茶，攪埋報名ｄ野都差唔多２．鐘啦，３．鐘返去同青少年敬拜隊練歌，本來想早ｄ走先可以游早ｄ，但係又ｃａｌｌ唔到佢，所以都到６．先走，然後去將軍澳泳池游水，要等到７．半先再開池，但係原來呢個池係玩既地方多ｄ，有好大個戲水池，又有幾條大滑梯，我地都玩左好幾次，又去深池度學下踩水，但係ｄ池１係好淺，１係就去到２米過左頭，我都有ｄ驚，都係靠近池邊啦，踩左陣好累，又去玩下滑梯，可惜都未學識，然後搭返車去北角食飯，因為都要係個度轉車去；去到佢度都差唔多１２．啦，佢屋企人都訓左，我地沖左涼傾左陣都成２．幾，佢話要傾到４．先訓ｗｏｒ，咪傻啦。

今個禮拜既青少年都係為下個禮拜既外展敬拜練歌，我做左佢地個ｃｏｎｓｕｌｔａｎｔ，所以要比ｄ意見佢地；３．半係晚堂練歌，但係阿伍傳道遲左ｗｏｒ，所以練既時間短左，因為５．鐘有祈禱會；完左ｄ人又走晒，而且去麥記食，所以我同左好耐冇返，突然再返黎既凱森去食麵，原來佢剛入左保險業，而家正火熱緊，希望唔係咁巧恰啦。

今晚ｂｏｏｋ左ｄｒ　ｐｒｏ做激光，免費既，原來ｐｈｙｓｉｃａｌ都約左今晚做美容，都係免費既，所以冇做ｄｒ　ｐｒｏ，但係個美容都做左成個鐘，之後又ｓｅｌｌ我買套票，攪左我好耐，最後都只係買左１次再做，平平地試１次啦。

今日班青年人亦都返黎訓練，下午同佢地玩左陣音樂，都幾好玩呀；雖然泉哥去左沙巴述職，但係除左剛結婚既ｔｅｒｒｙ之外，竟然好齊人ｗｏｒ，阿泉哥你唔係度我地仲人齊添，阿ｂｅｎ帶敬拜，本來應係ｆｒａｎｋｉｅ帶分享，突然變左ｊｉｍｍｙ帶，帶得都幾好呀，而且好準時完，然後又去新味皇，仲同ｊｉｍｍｙ行去旺角，自己再行返屋企，又省左５蚊啦。

今晚本來想去做左ｐｈｙｓｉｃａｌ送既電腦美容療程，但係原來要ｂｏｏｋ又冇位，所以去左尖咀睇單車，不過都幾貴，後來入左將軍澳踩，踩左半句鐘都差ｄ熱死，可能太耐冇踩，對腳都有ｄ累，然後係度搵野食，最後竟然係肯德雞。

今日阿泉哥要飛啦，都有返黎交低ｄ身後事，要預備安息禮拜既野，我都有排攪呀；下午又去新味皇，夜晚敬拜隊食飯傾野，梗係唔好係油麻地食啦，所以最後去左ｅｌｔｏｎ將軍奧屋企叫ｐｉｚｚａ，佢媽媽又整左ｄ瑞士雞翼真係好好味，又有生果，食得好飽，而且傾到好夜兼大家有ｐｒｏｊｅｃｔ做啦，所以係車上已經開始商量啦。

今日成日都係屋企，飯都係家姐羅過黎比我，我要安靜咁念下野，要平復心情。

到左零晨１．半個風已經升到９號紅雨啦，我屋企ｄ窗已經開始入左水，要開工抹野啦，真係大鑊，但係要整要２萬蚊，唉．．．究竟係大廈問題ｏｒ屋企問題呢？政府有冇資助呢？朝早起身睇下個風，已經落返３號，要返工ｌｕ，完左去飲埋茶就返去休息下啦，因為都好似未有時間比自己安靜過咁，我都要比自己ｄ空間去冷靜下。

今日仍然１號風球，今晚零晨時份會掛８號，但係日間個氣溫又熱又焗又冇風，下午去左參加ｔｅｒｒｙ既婚禮，好準時快就完成，都好替佢地開心，ｆｒａｎｋｉｅ做ｍｃ都幾好呀，ｊｕｄｉｔｈ帶敬拜，只有個鈎線既結他伴奏就單薄左ｄ，泉哥訓勉都睇到有ｄ緊張，可能間教堂要嚴宿ｄ啦，走時就落起好大雨，好在ｓａｍ叔有車，而且趕到返去練歌。完左務務又去左台灣，樹華都係度，而入左經歷神營會既女生，由於將會掛８號風球，所以都要被迫趕返出黎，之後我又同ｋｅｌｖｉｎ去左飲糖水，到左１１．半就真掛左８號，好大風大雨呢。

今日又１號風球，我既病已經好左ｄ啦，不過仍係好累，而且得知盛叔昨晚已經離世，真係好突然，識左佢咁多年，真係冇估到發生呢件事，真係好難過，其他同工心情亦都好沉重。夜晚返去學校幫阿潔玲唱首考試歌，其中１首個節奏都未太熟，不過都好左ｄ啦，但係食左藥到演出時有ｄ暈暈地既感覺，所以唱唱下把聲有ｄ乾，有個字唱錯，本來唔駛渣咪，突然拍完手羅返起支咪要唱時失左個節奏，唱遲左添，唔知潔玲係唔係唔係幾滿意呢？係朱老師比緊意見問到佢時好似遊緊雲咁；然後請我地去食ｐｉｚｚａ，叫左２個２人餐再加野，都ｏｋ夠啦，係睇到隔離台剩低左幾件ｐｉｚｚａ，２碟寬麵．．．等，真係浪廢。

今朝起身成身ｄ骨頭都好痛，真係想唱返首’我ｄ骨好鬼痛求主醫治我．．．’，可能已經遇上左感冒啦，返到去體溫有３７．２，所以都係去比馬醫生睇下啦，都係食ｄ藥、飲多ｄ水、休息下啦，可能身心都疲累啦。我都冇請假，因為都有好多野要做，而且夜晚仲有小組，阿ｊｉｍｍｙ帶左佢買既變形金剛猩猩叫比我睇，戰機形都ｏｋ既，但係機械人變形後就好難睇，我都變左少少，但係實在有ｄ複雜，我已經捱到差唔多８．終於頂唔住小組為我祈禱後要走啦。

今日返工時好熱，好在返到先黎落雨，下午去左新巴黎，順便入埋張票，阿ｒｏｇｅｒ帶左班ｙｏｕｔｈ黎做暑假營既１部份，所以好熱鬧，而且雖然佢地年紀細，但係夾起ｂａｎｄ黎都好掂ｗｏｒ；雖然已經放暑假，但今晚都要幫個同學練首歌，而且星期５就演出啦，我都係臨時拉夫炸。送走左班車遲左少少，原來ｄ樂手都未練熟，我ｄ喉痛都未好返，都唔係唱得幾好，其中１個小提琴都係今日先ｓｉｇｈｔｒｅａｄ，所以練到１０．幾都冇完全成首練過１次，我聽晚又唔得閒，仲有幾個都唔得，所以我要個檔案返去聽練，星期５唔知可唔可以早ｄ走啦。突然又落起大雨，所以只係係附近食野，但係傾都傾到１１．幾，咁攪好ｄ關係出年會好做ｄ嗎，你幫人下次人地都會幫你架嗎。

今日返工有人開個ｆａｃｅｂｏｏｋ比我睇，因為我被停用都未開得返，睇完之後都好難過好失落，點解佢會咁樣呢？完全冇同我講過；開完會同ｓａｍ叔慶祝生日，所以飲茶啦；學校打電話黎話可以括免我個５０蚊學生會費，咁呢個係無理既收費ｗｏｒ，除非你唔係叫呢個ｔｅｒｍｓ啦；夜晚有個福音解簽班，去宣教既人要上，上完１齊去新味皇，咁岩撞到阿達又同個朋友去，食完佢走先，點知我地走左又係路上撞返佢，原來地球係咁細既。

今晚就係作曲最後既ｐｅｒｆｏｒｍ啦，所以約左５．半返去聽下ｃａｒｍｅｎ彈成點，有咩地方要執執，順便交埋份報名表格，對於個５０蚊班會費，我又去問下校務處，原來佢要收個ｄ費用我都用唔著個ｄ設施，而佢答問題既口吻真係好似係ｐｃｃｗ度做過咁，佢話呢個只係我個人既意見，我話咁係唔係要打晒比ｄ同學同校長講呢？後黎都唔交個５０蚊住。

然後上去同ｃｒａｍｅｎ練習，果然彈得同我原意唔同，咁就講返我既意思啦，練左幾次就都ｏｋ既，然後又練下阿蕉個份，佢竟然話阿蕉份仲難過我既，打比ｂｏｎｎｉｅ叫佢黎聽下，又話唔記得左、又話要煮飯、仲寧願練琴添，真係失望啦；７．半就開始啦，有ｄ人既都幾好，加利略既都唔錯ｗｏｒ，阿ｄｉｐ份就勁啦，差唔多彈左１０分鐘，要３個人輪住彈，後面仲要４手聯彈添，真係勁，可能ｃａｒｍｅｎ緊張啦，我個隻就有ｄ地方彈錯左，而且速度亦都慢晒，做唔到我個ｆｅｅｌ，不過都唔緊要啦，張ｓｉｒ都每個大約比左ｄ意見，完左當然要請佢去食返餐多謝佢啦，加利略都有黎ｗｏｒ，可惜佢話出年唔讀ｗｏｒ。

今日係１號風球啦，崇拜完，原來班女生要開組，所以只有我地男生去飲茶，然後去阿亮既工廠，係呢個青衣，由飲茶開始我已經不斷咁留難阿ｔｅｒｒｙ，邊個叫佢係小組個日先黎綵排呀，佢話都只係叫走左５個人去，我唔理，總之要佢請食飯，哈哈；去到了解左佢工廠既難處之後，就為佢間工廠、家庭祈禱祝福，我去閃電時突然有隻小強係入面扒出黎，好在剛好射返佢落去，然後我要趕去九龍灣聽讚美之泉音樂會；由於都係早我未再可食落飯，所以係睇佢地食時，先發覺阿東原來係咁多野講、咁爛既人，我亦都從未試過同人講野唔夠１句鐘，就有好想打佢既衝動，因為佢實在太爛啦，如果ｃａｌｓｏｎ未黎我都差ｄ頂唔住。



今年既讚美之泉都係九展，可惜坐上面既我地都係覺得唔夠聲，因為上面冇喇叭，同上年１樣，我就覺個流程好左，因為佢最後先黎賣廣告；完左１齊去大牌檔食飯，阿東４．鐘食左野，６．鐘頭先又食左個焗豬扒飯，而家又話好肚餓，佢個係咩胃黎架？我地差唔多食到尾時，突然見到牆上有隻巨小強，可能太多好野食啦，大家都係度叫，個員工想話去打佢，我地叫’唔好攪佢’，１陣打佢唔中飛出黎仲大擠，都係快ｄ走。夜晚終於都搵到ｃａｒｍｅｎ，佢話ｏｋ，不過要聽日先知幾點可以返到學校。

今日３號風球，ｃａｌｌ左ｃａｒｍｅｎ好多次都仍搵唔到佢，真係擔心，夜晚敬拜彈ｂａｓｓ，又彈返上個禮拜既其中１首，嘉慧唔知做乜打唔返上次既野，最後令到ｅｌｔｏｎ都投降啦，打返普通野啦；完左比左我首功課靜賢＆阿柱聽，原來阿柱之前都係讀作曲系架，而且已經發表過作品添，下次ｓｅｎｄ過黎聽下。

今日又黎１號風球，夜晚約左班ｆｒｉｅｎｄ食生日飯，點知原來有ｄ人都唔得閒黎唔到，得返３個去左土瓜灣，都好似幾多人去食ｗｏｒ，不過坐低之後讓左個位比人多既人，點知呢個位既風口鬼咁嘈，而且有ｄ滴水、噴水，食左１半先有位換，食到１０．就走；原來ｋｅｌｖｉｎ都有免費既舒適堡健身卡，所以１齊去登記埋佢，之後又再上山，落黎時發現３部車追得好貼，所以讓佢先再追，點知佢地真係快得咁緊要，竟然追唔到，但係聞到有燶味，落到山真係有部死左火。今日成日都搵唔到ｃａｒｍｅｎ，突然失蹤，唔知佢練成點呢？

今晚因為阿ｔｅｒｒｙ結婚綵排，所以將小組ｄ人抽走晒，我就食左隻雞，可惜有ｄ人都冇返，最後阿ｂｅｎ，ｊｉｍｍｙ，我３個人小組，阿ｂｅｎ帶敬拜啦，我地都分享到差唔多１０．鐘，估唔到都幾多野講ｗｏｒ，少人就可以講得深入ｄ啦，然後又試個間夏銘記粉麵，今次當然唔食雲吞啦，之後都係行返去。最後今晚將份整譜ｓｅｎｄ左比ｃａｒｍｅｎ，希望佢練得切啦。

今朝亦係７．幾起身，８．鐘食早餐，食完就執埋房先，然後８．９去ｊｏｉｎ左佢地個晨禱會，有讀經、祈禱、分享、唱詩，呢本泰澤歌書我都唔識唱，跟住佢地唱啦，都幾悶下架，然後我繼續去十字架前祈禱讀經，原來沙田有間教會都帶左班年青人行上黎靜修；１２．鐘ｃｈｅｃｋｏｕｔ完趁未食飯就出去影下相，咁就成件衫濕晒啦，食飯時都不斷咁要抹汗，開頭以為２．４有車走，點知係星期６先有，所以不如去埋其他未映既地方影埋相先啦，今日所流既汗真係勁多，之後要ｃａｌｌ的士走。返到新世紀，見有變形金鋼展，都影返幾張相先。

今朝７．幾起身，８．鐘食早餐，比平日早好多，自助早餐有麥飽、火腿、雞蛋、橙、牛奶等飲品，食完行去十字架面前祈禱、讀經，１０．鐘再方言祈禱１５分鐘，因為係行政同工祈禱會時間。１２．半食午餐，同晚餐１樣，不過可以再加湯，食完去明道安靜思想等候，不過呢個時間實在太熱太曬，頂唔順未夠１句鐘就要返房啦，４．鐘帶埋結他去十字架前敬拜祈禱，忽然有ｄ行山人士上黎映相，懶得理佢地，繼續敬拜，慢慢太多蚊都要走啦；休息１陣６．鐘又去食飯，再去明道安靜祈禱，再返房讀經，慢慢清晰肯定自己既方向心意。

今朝再做多１個變奏ｓｅｎｄ埋比ｃａｒｍｅｎ，希望佢彈到啦，下午我就開始入道風山退修啦；不過天氣真係好熱，去到都滿身大汗，第１次去都唔知雲水堂係邊，羅左房都已經４．啦，所以都係休息下先，因為６．鐘就食飯啦；間房有２張床１個洗手盆，當然都係得我自己訓啦，但係個頭唔知做乜訓低就痛，６．鐘就落去食飯，原來有鈴鐺聲提醒，搵下自己個名，熬碗飯自己坐低，１隻碟已裝有２送１菜另有１碗湯，食完執埋ｄ食具就出去行下，有感恩亭、窄門、十字架，安靜左陣就返房啦。

羅支結他出黎敬拜下先，查實都好耐冇自己彈結他啦，更好耐冇羅呢支出黎，感謝主ｗｏｒ，竟然冇走音，敬拜左半句鐘，有職員敲門，話對面有人想安靜睇書ｗｏｒ，所以冇得彈ｌｕ，唯有再安靜下祈禱啦，１１．幾就訓啦，但係個頭痛訓得唔好。

尋晚訓訓下發覺ｄ手、腳好熱，所以都訓得唔好，唔知係唔係發燒呢？冬蓮今朝量體溫都有ｄ超標，所以佢都係隔離下好ｄ，下午又去飲茶，原來少左好多人，而李成今日係最後１日係香港，要暫時返去北京，所以請埋佢食飯，不過９月又會再返黎，飲完返去彈下琴睇下有冇亮光作埋佢，呢排都做到零晨４．幾先訓，累，ｃａｒｍｅｎ問如果彈唔到我要既速度點呀？咁早ｄ話我知睇下點改ｌｏｒ。

尋日食晒ｄ藥，今朝好似仲未清底，我地３個祈禱完ｒａｉｎｂｏｗ又再次商量，可能要強迫出席祈禱，下午兒甥都有黎青少年聚會，我又要練歌，今次彈ｂａｓｓ又有ｄ難度，因為又有要求兼有個位未清楚個鼓點打，完左敬拜隊要開會，所以要完埋先食飯，ｅｌｔｏｎ今晚都係第１次同我地食飯，問左佢好多野，亦都請教左佢好多有關ｇ１２既野，真係好開心，可惜又夜左。

今日臨急臨忙都決定下個禮拜要去退修，所以要搵下個ｄ營舍資料，有個靜修會幾好既，但係唔夠時間ｂｏｏｋ，所以揀左另１個地方，然後返去要做埋份功課先得啦，真係除左冇時間之外，就係ｃａｒｍｅｎ唔知練得切冇。

今晚小組要帶敬拜，食左藥可能會帶到飛飛下ｗｏｒ，因為開始分享近況時都有ｄ飄飄下，不過都無驚無險咁完左，到我地走時阿達、ｒａｉｎｂｏｗ竟然都未走，可惜我地又去食車仔麵，食完都係搭車返去比較好，唔再行啦。

今日７１冇去遊行，反而比平日早左好多起身，８．半去食左個早餐，睇左場早場香奈兒９．４個字，食左藥都冇乜訓著ｗｏｒ ^.^可能個早餐飽，成日有氣吐出黎啦，睇玩都未消化完咁，行去尖咀順便睇係呢套戲既舖－ｃｈａｎｅｌ，真係貴野冇人行既，出面實在太熱啦，然後去食左個ｔｅａ　ｂｕｆｆｅｔ，都ｏｋ啦，晚餐都可以唔食啦，之前係赤柱都食過個晚餐架啦，其中１樣好味既係鹹豬手，然後再行１陣，我個膊頭都冤痛到死啦，所以可以早ｄ返去休息，亦要趕功課呀。

今朝起身好頭暈，休息１陣再起，然後去比馬醫生睇，因為唔係幾妥咁，而且呢段ｈ１ｎ１既期間會好敏感架嗎，由於大部份人都去左復興特會，所以都冇乜人係度。

今日又熱又雨，係屋企休息，真係好累，雖然食左ｄ傷風藥，都唔係幾ｏｋ，所以都冇精神念功課，好似浪費左１日，希望聽日好返啦。

今朝返黎個個都問我尋日咩事，我１早請左假都有講我學校要唱ｃｈｏｉｒ啦，佢地冇記性姐；完左１齊去飲茶，飲完返去ｆａｘ埋份野，見到敬拜隊係度練歌，過去玩左陣，都好少咁同佢地夾，之後再返去趕工。

今日放左日假，下午要返學校綵排，好彩今次好快搵到件衫，練習到６．鐘就食飯啦，呢個蒜容雞扒飯真係好難食，然後同子純、ｄｉｐ上去課室彈下琴，之後１齊傾下心事咁，都幾好呀。７．幾就去換左衫，去ｃｈａｐｅｌ再練左陣，就入去音樂廳廳下表演先，因為我地最後先出場；７．半學校２１周年音樂會正式開始，開場有木片琴、結他樂團、鋼琴獨奏表演，都ｏｋ啦，可能結他個ｐａｒｔ比較悶左ｄ，中場休息後就到我地啦。

出場後個序幕係ｃｈａｍｂｅｒ開始，估唔到咁就白企左４－５個字，然後先到我地，對腳真係累死啦，已經企左好幾粒鐘啦，又係唱到個度唔記得左ｄ音，好彩個ｂａｒ數都跟到，可以係記得個度入得返，唱完都成身散晒，郭ｓｉｒ又要解釋佢入院既事，又要多謝呢個、多謝個個，換衫時都１０．啦，落起好大雨呢；之後大家商議去邊食都過左半句鐘有多，最後去新世紀１壽司，點知去到已經截左單兼好多人，同上次我地去時好唔同，好失望添，唯有落去太子活壽司，我地又再瘋狂咁點，飽晒，好幸福呢。

今日又黎個３號風球，你打唔成就唔好黎啦，攪到鬼死咁熱，落ｄ雨都衰過人既，雖然可以遲ｄ交功課，但係都要快ｄ完成佢好ｄ，比人地練都冇咁趕嗎。

今晚最後１堂聖經班，阿國叫左我彈ｂａｓｓ敬拜，伍傳道打鼓，仲差左ｃｈｒｉｓ彈琴咁我地ｂｏａｚ就全部人轉晒位彈野啦，ｈａｈａ，呢堂亦都講到好精彩，下次教新約大家千祈唔好錯過呀，完左去左新個間雲吞麵，ｄ雲吞真係好難食，之後又去埋旺角食麵線，勁辣勁熱呢。

今朝返工，喉嚨開始有ｄ痛，樹華話學校有人感染ｈ１ｎ１，務務都冇得返學校羅返個大提琴，然後打比ｂｏｎｎｉｅ，妳既希望終於都成真啦，學校唔知會唔會連音樂會都要改期啦。夜晚約左人去睇變形金鋼，有張ｉｍａｘ贈卷就到期，好可惜又話只可以３日前買飛，但係已經得返第１行，連星期５都１樣，所以睇得好辛苦，都唔可以睇得晒個畫面，但係套野又係由城市打返去沙漠。

今晚已經係最後１晚練習，２個女高、低音ｓｏｌｏ既人都黎作最後綵排，不過我覺得個女高唱得麻麻，好似有ｄ音都去唔到咁，反而阿ｄｒ　ｌｏ唱得仲好ｄ，今晚都練到超晒時，所以更加累。最齊人既最後１堂就係今晚，所以大家去左荷里活食飯，６個都算多左啦，念返以前成１０幾２０人幾熱鬧呀，佢地唔記得之前叫左幾多野，覺得可能唔夠食，加左個炒年糕，點知食食下黎多左幾碟先醒起，呢餐真係飽到爆啦，價錢亦都貴ｌｏｒ，最後都要打包；然後佢地提議去打機，嘩．．．我都好耐冇玩過啦，佢地完估錯處、答問題、賽車、錠籃球、太鼓．．．真係玩到好累，而且差ｄ攪到冇車搭，好彩都搭到最後１班地車。

今晚ｈａｒｍｏｎｙ考試，所以都要做下功課溫下書，今次份卷有ｄ形式唔同左，終於都考完左，都有ｄ難度，之後同阿蕉去食飯。

今日朝早都係熱死辣辣仍然１號風球，完左崇拜要收埋錢先ｊｏｉｎ返佢地食飯，食完之後原來佢地１齊去黃牧師既特會，我要返去趕功課，但係比佢地攔住，拉左我去到長沙灣唔比我走，我好難先爭脫到呢。

今日突然１號風球，但係部腦要下午先羅得，所以早ｄ過去食飯之後羅，雖然係１號風球，但係熱死辣辣冇風，抬住呢部野都熱死啦，好在有阿權幫輕下；返去梗係第１時間裝機啦，不過最後竟然裝唔到個ｄｉｓｐｌａｙ　ｄｒｉｖｅｒ；夜晚彈ｂａｓｓ又有新野練啦，完左敬拜隊要開會，ｅｌｔｏｎ帶左隻ｃｄ教我地開聲，所以練完１０．鐘先去食飯，終於都試左個間裝修左既阿４，當然比以前貴左啦，食完ｋｅｌｖｉｎ又車我上山、去食糖水。

今日又係我地２個祈禱啦，而我部腦終於都完成左佢個使命，主懷安息，好彩我有好多唔駛用腦都有得做既野姐，咁拆左個ｄｖｄ　ｒｏｍ，下午去旺角食飯順便買埋佢啦，唔駛３０００蚊就攪定啦，聽日有得羅。

今日部腦仍然係間唔中個ｍｏｎ閃全黑，係部機有事定張顯示卡有事呢？冇理佢住，終於都埋晒４月數，可惜仍有５月等緊我；濰名夜晚又整左ｄ海南雞飯我地試，今次比上次好食左，ｄ自制汁都幾好，係ｄ飯可以再好ｄ；完左聖經班老師話可以羅左ｄ賣書錢先，好彩我已經１早已經更新晒ｄ資料姐，攪定就ｊｏｉｎ返小組去譚仔，食完同泉哥、ｆｒａｎｋｉｅ搭左小巴走，點知原來呢部岩ｆｒａｎｋｉｅ唔岩我地去左奧海城，所以要行遠好多先去到泉哥屋企，我又再行返去，但係落車既地方之唔係阿清住個度？都好耐冇搵佢啦。

今日阿權已請定假，我都話佢係預左自己唔知醒架啦，因為佢尋晚要上話劇班嗎；下午又要搵返ｄ文件出黎，比返ｒａｉｎｂｏｗ　ｋｅｅｐ，可惜要去羅返上次驗血既報告，趕住走未搵晒，睇完份報告２樣野都正常，感謝主，然後去剪埋個髮先。

今日佢地開會開到好遲，所以等到１．半都係同阿權去食先，今次又去新味皇永安舖，又叫杯熱菜蜜，１試又係苦既，佢地真係同１　ｌｏｇ買架，於是換杯熱朱，不幸比隻烏蠅降落過，所以又再叫佢換多次，呢杯野飲都算經典啦，希望佢唔好覺得我玩野啦。今晚係入去音樂廳排練前，校長黎有ｄ野宣佈，就係今年音樂會賣飛情況極之慘重，只賣左８０張，往年都已經爆滿啦，然後就入去，實在企得太逼啦，攪到全身好累，練完阿蕉又走左，我又同阿明佢地去食米線，大家都叫左個３９蚊中碗，估唔到我竟然食得晒ｗｏｒ，而阿明同我講通識呢科已經ｃｕｔ左，下．．．讀左１半先黎冇左咁點算呀？白白浪費左１年，真係冇陰公，好彩我冇揀呢科姐。

今日又整多左２個ｖａｒｉａｔｉｏｎ出黎，但係都未夠，不過好過冇，返學等車時突然落起好大雨；上堂由於時間問題都聽唔晒ｄ同學既作品，阿明雖然未彈過都寫得唔錯ｗｏｒ，最特別既係加利略，終於都完成左，有幾個真係幾好ｗｏｒ，有ｄ當然未必彈到啦，ｅｇ．１０度、６粒音、好快速度連續不斷彈同１粒音既１６分音．．．阿蕉上左１堂就走，話返去做功課ｗｏｒ，所以得返我同阿ｄｉｐ去５０嵐。

今日崇拜繼續要量體溫＆洗手，完左１齊係教會為泉哥慶祝生日，ｍａｙ，ｊｉｍｍｙ，阿珊整左ｄ蛋糕、小食返黎，大家都整得好好味，估唔到ｊｉｍｍｙ整既蛋糕仔都咁好味，我都食得有ｄ飽，之後佢地仲要去飲茶，好在都係叫左好少野，然後就要趕返屋企做埋份作曲功課。

由於世衛供佈左豬流感到達６級，有教會都有確診，所以今日開始實行測溫、洗手措施啦；今晚亦係彈ｂａｓｓ，完左班友仔又去台灣，又差唔多食完，所以同左富仔佢地食，去左間新餐廳，叫左個雲吞撈粗，１食個麵，又係苦既，原來係鹼水多，所以又轉左河粉啦，呢排食親野都係咁既，係唔係有咩預兆咁呢。

今朝亦係２個人祈禱，祈完１齊唱左首你是葡萄樹時，見到ｊａｓｏｎ好似鬼咁飄過，但係冇入黎；下午又同樹華１家去左鋸扒，放工好準時就走，今晚都總算可以將幾個合左１個出黎。

今日依然好大雨，去左旺角驗血，因為保險送既套餐就到期，查實上已經過左１次，唔想浪費左佢，但係去到佢話過左期，我又冇惟意，所以返左去教會搵下係唔係羅錯左，原來冇錯，係另１張紙度改左，攪到我白行１趟，我都未黎得徹問個姑娘，已經見個針筒入面有１條血絲咁既野，好快就抽完１支，唔知係之前趕過頭或唔夠訓，坐左陣忽然覺有ｄ頭暈作嘔，好彩坐多陣就ｏｋ。

夜晚係舊約綜覽，都有１４０人參加，而且估唔到個講員會咁風趣，完左估唔到泉哥竟然去左新味皇彌敦道舖，我叫既熱菜蜜係苦既，佢唔係好滿意咁換左杯熱朱我，佢地食完仲再去旺角食埋辣麵線添。

今朝返去阿達已經係咁同我講’死人復活，拉撒路復活’，因為下午既同工小組我要帶呢段查經，ｒａｉｎｂｏｗ帶敬拜時，我地都好興奮咁唱、跳，唯獨我地都望住ｊａｓｏｎ好沉默，祈埋禱已經過晒時添，所以之後都做夜左走，返去繼續做份功課。

今日要開會，因為上次壓後左，開完會就同阿軼、泉哥食飯，慶祝生日，嘩．．又試叫左好多野食，咁返去又梗係忙到死啦，突然學校打黎話老師入左院，今晚唔駛返學，希望佢冇大礙啦，本黎好事可以多ｄ時間趕功課既，但係ｄ歌仲未練熟，究竟練得切冇架？