次元日記

今日繼續嘔，好唔容易先嘔到ｄ出黎，雖然未完整，都叫有ｄ野睇呀，我知仲要有排執架，由於太多人等車，可能落大雨關係啦，又撞到阿蕉，所以約埋ａｎｄｒｅｗ　１齊搭的士啦，唔係必定遲大到；估唔到阿明係車上寫左１個都幾好聽ｗｏｒ，佢真係厲害，不過阿ｄｉｐ已經做完更厲害，而阿蕉個２個都ｏｋ　ｗｏｒ，不過都係未完整ｌｏｒ，但係子純１ｄ都冇交，究竟佢仲做唔做＆做得徹冇架？又好可惜加利略又冇返，唔知佢首波兒做成點呢？有ｄ心急，放學得返阿蕉去左５０嵐，又傾到好晏，今日又有人掉強水，都話係佢想挑戰個天眼啦。

今日真係好多野攪，崇拜完就即刻接住ｎｅｔ祈禱會，完左又到１４４大會，趁住個少空擋幾個人係我房分左幾個外賣，完左都好晏啦，又再行返屋企，要繼續嘔份功課出黎啦。

今日係好熱既１日，我地ｎｅｔ又攪左個獨木舟活動，所以好早就起身，８．半就約埋去搭小巴，去到咖啡灣已經９．幾啦，我地今日既教練就係ｔｉｔａｎ，換好衫簽埋到，開始羅野過沙灘，搬艇，都幾重下，首先做下ｄ熱身，然後教槳法、搬艇、上艇等，之後就可以出海啦，但係當到我出時，突然開始好大浪，上唔到阿，而且隻船入晒水，我未有咁既技術可以撐到，都係捷返清晒ｄ水先，再等機會先出到，出左去就唔覺咁大浪啦。





咁樣划出海既感覺係幾好ｗｏｒ，好舒服阿，不過要行直線都唔易架，然後要ｆｏｒｍ船耙、聽哨子，就可以自己係特定範圍內玩啦，有ｄ人已經考左３星，所以可以去遠ｄ，１２．半就要上岸去食飯，行左去黃金海岸食午餐，３０蚊包湯、飲品都ｏｋ抵，食完又食個雪糕，呢度間惠康有電梯架，然後返去下半節啦。我地要扒去另１邊泳灘，ｄ浪加埋水流越扒越出，好難控制下，好不容易去到放低ｄ野，又學另１樣技術　－　原地轉，最後梗係要學返艇啦，去到中間自己返艇，上返水面要背泳拉返隻艇埋岸，真係幾辛苦，而且個水底係ｄ泥，將我對腳吸住好難行，然後又差唔多要過返原本個灘，執野返去啦，１星牌到手，下次進軍２星。





之後我地幾個去返旺角，搵左間ｃａｆｅ入去飲野食飯，估唔到咁又傾到１０．幾ｗｏｒ。

今晚外展又要做睇相檔，而且都係我地男行政同工做，點解又係我地呀？不過坐低都不停咁講左３個，已經差唔多１句鐘啦，真係口水都乾埋，執埋ｄ野就去ｊｏｉｎ返佢地食，今次唔再火鍋啦，去左譚仔，我發現我屋企樓下有間火鍋好平，環境都幾好添，下次大家去試下先，ｆｒａｎｋｉｅ又不斷咁說我去扒獨木舟，所以都硬住頭皮去問樹華。

今日６．４，阿ｗｉｎｇ呢個發起人之１，不斷咁ｓｅｎｄ野過黎，呼籲人去晚會，但係我要趕功課都唔去啦。

原來我份功課已經剩返唔夠１個月，要開始趕工啦，所以放工就返去做，但係未有乜ｉｄｅａ；突然發覺自己個ｆａｃｅｂｏｏｋ比佢ｄｉｓａｂｌｅ左，點解會咁架？

今日ｄ同工去左ｃａｌｌ２ａｌｌ聚會，又有ｄ放假，所以唔駛開會；夜晚終於都要同樂隊夾歌啦，但係好似少左人返，阿蕉都冇返；我地今晚都唱得唔算太好，因為有部份音唔記得左，而且我都只係聽到ａｎｄｒｅｗ同我把聲，其他人都唔多覺咁既，尤其加埋樂隊就更被蓋聲，不過都話ｏｋ既，放學得阿明３個去太子食米線，又叫錯左個３小辣添，好辣呀。

今日亦係好好天，成日都念唔到份功課，原來阿蕉都寫左ｄ，我都要努力啦，加利略又冇返學，唔知佢首波兒寫成點呢，子純見唔到佢真係好失落架，連ｄｒ　ｙａｕ都叫我地唔好刺激加利略，派返份卷都係唔小心既錯誤，比佢睇過我地可以揀既ｔｈｅｍｅ後，覺得我地揀個比較難寫，我係唔係要改呢？放學得返阿蕉食飯，而我地傾信仰、態度．．都未講完我個見證，講到人地要落閘先走，而加埋程車都未講完，返去繼續試個新ｒｏｕｎｔｅｒ，可惜都係唔得兼慢。

今朝好多野趕，就連下個禮拜既野都要做埋，好彩今日樹華講道，１２．半就完，仲有時間趕去食飯，不過都係趕住食，１．半要坐車去香港大球場全球禱告日，已經２．鐘去到，但係都坐唔到好位，今年冇雨落啦，記得往年都好大雨呢。仍然都有超時，我地都等完先走呀，然後過去尖咀買個背囊，因為今日最後大特價，雖然呢個麻麻地，但都ｏｋ，不過如果可以再平ｄ仲好，佢又話唔得，最後唔知點解又平左比我ｗｏｒ，真係感謝主！



之後去左"ｏ都\"２蚊先，又見到好多經紀係度售樓，竟然又見到上次１個，佢又認得我，下次得閒先睇啦，約左人去打邊爐呀，買１送１又係最後１日，ｄ野食都ｏｋ，地方又闊落、乾靜，叫左好多野食兼飲左好多汽水，飽到爆呀。

今日只得我地３個祈禱，都係例牌架啦，然後都傾左陣方向性既野，下午唔知去邊食既時間，又去左新味皇，阿權又再發揮佢攪笑既天份，差ｄ笑死我；４．鐘練敬拜歌，嘩．．．練第１首歌既彈法差ｄ攪到我隻手抽筋呀，不過最後我竟然攪錯左，有１首入早左添，：ｐ　完左佢地又去台灣添。

今日都有少許累，念份功課好耐都仍未有頭緒，好似時日無多啦，主阿．．．比ｄ靈感我呀。

今日去挪亞方舟旅遊，出門口個背袋，’肋’１聲響，原來個邊就黎斷，剛用左２個禮拜，可能係ｃｈｅａｐ野，好彩唔駛錢姐，原來去馬灣幾個字車程就到，行左陣馬灣公園影下相，天氣真係唔錯啦，大部份時間好彩冇落雨，１０．鐘已經到左，首先行下馬灣公園，都ｏｋ呀，食埋雪條就落返去，因為要上下山去另１邊食飯，１２．半就食啦，ｄ食物都好ｏｋ呀，碟雞幾好味，其他都唔錯，咁多次旅行呢次係最好食架啦，我又唔想浪廢，所以收集埋其他台個ｄ食物，發現原來ｍａｙ　ｔｓａｎｇ個仔、女既飯量真係驚人，食完就梗係行去我地個主場啦。



我地首先１齊入左方舟入面，因為有介紹＆４ｄ片睇，其中有部機係測你究竟值幾錢？原來好多人既價值都係２００幾－３００幾，我係最貴個１個值４００幾呀，但係佢個４ｄ就短ｄ，個幕又細，震動又唔夠，都缺少個震撼感，而且挪亞個配音１聽就知係以前配過帝皇密令既牧師，’我見到１道光，１道好大既榮光’，應該可以配好ｄ　ｌｏｒ；睇完出黎就落緊雨啦，好在唔大，都周圍影下相，然後去餐廳坐１陣就差唔多要走啦，不過我就冇跟車走，行左去柏麗灣搭船去荃灣食飯。

今朝又突然好有太陽好熱，以為好天啦，但係天文臺話會有雷雨，我都唔係好信，咁大變化？下午去左新味皇，食完就落起好大雨，真係黎ｗｏｒ，我地７個人２把遮，淋到半濕，頂唔住ｃａｌｌ阿達，雷霆傘兵黎救命呀，可惜有遮都濕，真係大雨，然後又到同工查經小組個幾鐘；今日終於都做晒轉台既手續，唔駛再煩，夜晚約左人食飯，北海道活壽司我都係第１次食，價錢比元氣、板前貴少少，味道都係差不多，下次都係去呢２間好啦，不過佢盒疆就比我地清晒啦，咁都抵返既。

雖然個核數ｄ問題比較出位左ｄ，但我都答左佢先啦，唔係唔知要攪到幾時；今晚大家唱得比較好左，我指我地ｂａｓｓ，下個禮拜要同樂隊練啦，放學同阿蕉２個去左５０嵐，同佢傾左好多野，搞到人地都閂門，但係我個見證都未講完，因為太多野岔開左話題，加埋搭車時間都唔夠。

今日仍然落雨，份功課仍未有頭緒，由於返學落雨等車耐，係就遲到之際又比我見到ａｎｄｒｅｗ佢地去搭的士，過去ｊｏｉｎ埋先，不過今晚都係得１個同學阿ｄｉｐ交到野，聽完都覺幾厲害呀，咁快寫得咁好，ｈａｒｍｏｎｙ又極無聊咁講試題，我地都未考到ａｍｕｓ。

今日好大雨，好彩講道都快完，我未趕到食飯就要趕去中環聽ｃａｓｈ攪既’音樂人論盡您的ｄｅｍｏ’，好彩中場有杯野飲、薯條食，嘉賓有伍仲衡、方樹樑、唐奕聰、馮穎琪，主要係聽下ｄ人做既ｄｅｍｏ有咩要改善，查實比既意見都同張ｓｉｒ講既差唔多，又冇即場做個ｄｅｍｏ我地睇。

有個女人坐我地斜前面，開始冇耐我地都係細聲笑，但係佢零舍笑得大聲兼怪，我已經覺佢有問題，半場休息時不斷咁問人羅聯絡，點知我同阿蕉食緊野時，佢問阿蕉叫咩名，但阿蕉冇答佢，咁我答左，佢話：你估我幾多歲呀，查實我好大啦，已經３０歲，ｄ人話我唔似咁大ｗｏｒ，我地都Ｏ左咀，點知咁好彩半場休息完就抽到佢，佢出到去第１句講歡迎光臨，煞時Ｏ左咀，然後佢又駛出佢既獨特笑聲後，唔好意思，做野慣左講呢句，我係ｋｆｃ做既，所以成日都要講，我係填詞既，我今日冇作過曲帶黎，不過我問左我既老師可以用佢首曲填詞既，首歌係陳奕迅唱既，然後就播出音樂黎，播左１陣都未見有人聲，望下佢，佢楂住個咪係度打拍子，想入又入唔到咁既樣，跟住話唔好意思，然後個主持都比佢黎多次，又係入唔到兼唔知唱左乜幾句，咁下次再黎啦，好彩冇比電話佢姐，有部份人既作品都幾好，差唔多好似ｃｄ咁啦，不過最深刻都係個首"大氣層\"。

今日收到核數個電郵，見到ｄ問題真係唔知好嬲定好笑，有ｄ白癡，有ｄ真係唔係好想答佢，因為基本自己都應該知道點解，以前做開個人都唔會問我ｄ咁既問題；今晚家宇帶左好多人出黎帶敬拜，所以我唔駛彈野，可以留意下ｅｌｔｏｎ點彈野啦；同務祈食完飯ｋｅｌｖｉｎ又約我去左大尾督，可惜落大雨冇得落車，所以又返出黎食左碗蟹粥，都好味既。

今朝又得我地２個祈禱啦，雖然已經羅左野去做核數，但係都仲有好多野要攪咁，係ｌｏｒ，成日都夜走。

尋晚有冷氣訓得舒服ｄ，１０．鐘約左阿軼去打羽毛球，原來２句鐘都好快過，我都好耐冇打啦，又成身濕晒，然後係大角咀食左個３洋湯飯，希望今晚小組完左唔好再去啦；再行返教會攪到更多汗，原來夜晚約左小芬幫佢譜歌，我都唔記得左添，好彩呢隻簡單ｄ好快整完；今晚小組勁多人，因為ｅｄｗａｒｄ佢地又黎探組，點解冇手信架？完左真係話去３洋，我梗係反對啦，不過人多佢地都預冇位，所以去左譚仔，食完又同泉哥傾到１１．半啦。

今朝訓到天未光，突然成身流汗熱醒，原來阿媽熄左部冷氣不特止，連窗都唔開，真係救命呀，攪到再訓返都唔爽，兼之後返工趕死都遲左２個字到，唉．．．咁都祈到１陣禱既；下午去食韓燒，都好危險姐，星期６下面先被掟完強水蛋，點知我遲過佢地出門口，都早過佢地到；夜晚去左北角通利開倉，睇完都冇乜岩買，唔係平到想買既地步，而且有ｄ好似唔知擺左幾耐咁，最後都係冇野買得個吉，仲要鬼咁大雨，又唔之去邊食飯添，唯有返荃灣。

今朝祈禱完見到阿達，Ｏ晒咀好想笑，因為佢已經裝上左門面，但係真係好睇唔慣，個樣好似唔同左，攪到我成日都忍唔住笑，影返張相先；今日除左改埋份報稅野，都冇野做到啦，今晚既練習都係麻麻。

阿蕉今日病左，話只係有ｄ鼻敏感，但係我聽佢隔離ｄ屋企人就不斷咁咳ｌｏｒ；今晚每人都揀左個ｔｈｅｍｅ，而加利略話自己作１個，播比我地聽前又話我地可能聽過，心念咁神奇？原來１聽竟然係首 -- 波兒，煞時大家都Ｏ左咀，連張ｓｉｒ都要抓頭啦；然後要測驗啦，嘩．．．係唔係太耐冇練習呢？點解好似咁難左既？差ｄ唔知點做呀，原來其他同學都差唔多，夠鐘先做完。

今日仍然係佈道會崇拜，所以完左等人報埋名都成２．鐘先去飲茶，之後去睇下個示範單位，原來係元朗太遠啦，然後係文話中心玩左陣解圈，竟然比我連解左好幾個ｗｏｒ，我念開始有ｄ知道竅門啦，又睇到個背囊不過唔知乜牌子，所以覺得有ｄ貴，星光大道依然有人唱歌，不過又係唔知乜水，都係ｄ細個ｄ既人。

ｅｌｔｏｎ今個禮拜去左新加坡，所以今晚我彈琴，查實好似冇彈好耐咁ｗｏｒ，咁叫左富仔彈結他，而ｓａｍ叔今次係１個佈道會崇拜，講既道內容得真好，有好多新朋友信主呀，完左務務真係等我去食飯啦，係唔知去邊食既時間，去試左潭仔啦，因為要快ｗｏｒ，食完去睇下ｓａｍ叔打籃球，原來我地都有好多人黎打ｗｏｒ，ｓａｍ叔當然好落力啦，返去先知旺角又有錠強水事件，雖然冇中頭，但係ｄ人既身體都有唔少傷疤，個個人真係冇人性。

今朝阿達去左搬野，竟然都有３個人祈禱ｗｏｒ，今日大家都為左尋日既火滾道歉，我念大家都唔想既，下午想去新開既譚仔，但係太多人轉左去金太郎，夜晚攪ｄ報稅野，攪攪下都８．幾先走，不過都未做晒。

今日發現之前以為已經攪掂左既電話費，原來係未完既，又煩左我１輪，真係好煩腦，而且有樣野執過房之後又唔知擺左係邊咁，所以出房行下鬆下個腦，係副堂見佢地執緊野比左ｄ意見，點知攪到我有ｄ情緒唔係幾好，仲有ｄ火滾發皮４。

阿ｂｅｎ帶返黎分享既相片，呢個係我、我家姐、我爸，我地睇完都會大聲叫，’你話係邊個都得架啦’，因為每張相個樣幾呼都係黑既，澳洲既陽光就係咁架啦，ｅｄｗａｒｄ又黎探組啦，佢要羅返ｄ支持，完左又去打邊爐，嘩．．．天氣熱個冷氣鬼咁凍，佢地又再發揮食野既小宇宙，狂掃左好多輪都未飽，真係勁。

放工去荃灣換眼鏡柄，都係試下炸，佢話擺低幫我磨返佢，１．我今晚又要做盲俠？２．磨過都唔靚啦，所以我都係換返我之前個副既柄算啦，又快趣，所以我而家呢副係由２副所組成架。

今朝祈禱完，係呀，而家星期２都有祈禱啦，人多呢排開完會都係去翡翠食飯，夜晚練歌又係唱到唔知似咩。

今日成３０度熱死辣辣都訓唔得耐，可能又近住天花啦，起身去廳度吹住風扇訓啦，都係越黎越熱，好冇心機做功課添；沖左個涼就去返學，可惜勁眼訓，下堂要交幾樣功課，而且ｈａｒｍｏｎｙ仲要測驗添，放學去５０嵐，又比同學圍攻我唔學琴，大家都係處係唔同景況、唔同既要求、唔同需要姐。

今日阿國又係得支結他敬拜，我都唔可以幫佢，由於係母親節關係，又係坤玲既表演日子，之後亦係佢講道，個咪好差ｗｏｒ，佢又係同兆偉１樣有好多見證，所以都１．先完，我又收埋報名ｄ野攪到２．先去到食飯，然後趕去粉嶺探個朋友既ｂｂ，原來粉嶺同太和差１個站姐，感覺就遠好多咁，雖然好多年冇上過去，好在都記得路，好可惜我去到ｂｂ剛訓左，但係好快就醒啦，未夠３個鐘就喊肚餓，而佢個大鐵人好似壞左，羅返去修理下先。之後我地出左去沙田飲野，行左陣再去食飯。

今朝又執下野，已經見部冷氣好多塵，順便清潔下，點知係除個框落黎之際，隻手指比入面既膠插入左刺，所以攪左好耐，要搵界刀先羅到出黎，但係都好似清唔晒，後黎幫ｒａｉｎｂｏｗ清潔埋啦。４．鐘開始練歌，我發現每次彈結他ｄ手指都好痛，而且唔知ｄ音響有問題ｏｒ我禁得唔好，ｄ聲比較拆，或者我太痛啦，所以練完我發覺２隻手既溫度係唔同既；唔知我彈得好唔好啦，但我覺得同ｅｌｔｏｎ夾得幾好咁，有ｄ對話式既感覺。務務同柏駿竟然去左大家食，咁污糟既地方我唔去啦，唯有同樹華去吉野啦，食完返去繼續整機。

今日返黎除左做野之外，都執下個位啦，查實都唔係好亂姐，我都搵到野呀；夜晚個ｆｒｉｅｎｄ叫左去食飯，ｍａｇａｂｏｘ食雞，點知去到比人ｂｏｏｋ左黎擺酒，所以冇得食，咁食間潮洲野，開頭見個牌有７折，咁３０幾蚊個送都ｏｋ呀，味道都ｏｋ，係條鱔整得麻麻，點知埋單先知原來個價錢已經折左，真係吹漲，咁就唔駛講有７折啦，又１堒人事件。

由於之前發覺個舊硬盆好似有ｄ問題，所以今日又再重裝１次，唉．．．本來已經可以收工架啦，點知．．．．；６．鐘小芬上黎，幫佢作既新歌寫返ｄ譜，佢送左隻ｃｄ比我，入面收錄左其中１隻上次幫佢譜既歌，而今次呢２首係去參加比賽既，譜完剛好到小組時間，下次先再譜埋另１隻；阿ｂｅｎ冇帶相又留返下次先分享啦，小組開始越黎越有秩序啦，開始準時完，雖然仍有部份人唔會１齊食飯，都好左好多，但係呢間車仔麵好似唔係幾掂左，ｄ湯底都唔熱既，連ｄ牙菜都錄唔熟，然後又同泉哥走，今晚都係傾到１１．幾姐。

今朝得我同阿達祈禱，佢又開始病啦，都係避開下先；夜晚去返荃灣羅副眼鏡，都好快手ｗｏｒ，發覺佢將我舊個副做左ｄｉｓｐｌａｙ，咁即係換左之前副ｄｉｓｐｌａｙ比我啦，咁都冇問題既，不過羅時冇惟意，原來有邊臂有瑕疵，又要再去多次啦。

今朝又到全世界開會啦，又出奇地早完ｗｏｒ，所以１２．幾就去翡翠食飯，下午佢地都要再開多３日會添；雖然我今日都開左會，但係又好神奇咁，好快做左勁多野ｗｏｒ，真係好啦；今次學校呢個２１周年音樂會都唔知點算ｌｕ，到今日都仲係唱到不知所謂咁，唔分聲部練真係慢好多，放學竟然又落荷里活食，超勁貴呢。

今日又開始熱啦，所以成日都有ｄ汗，唔係幾舒服，以前都好多風好涼，可能周圍起左樓擋住左啦；作曲開始加功課啦，每個禮拜都要交２個變奏，真係時間無多，好快呢個學期、呢份功課就要完成要交啦。

今朝亦係鉅昇講道，完左崇拜雖然係ｎｅｔ祈禱會，但係要攪報名既野都遲左去，完埋先去食飯，本來話ｂｏｏｋ左對面間ｃａｆｅ食順便延續埋上次個ｕｎｏ大戰，但係完左都差唔多３．啦，我地去到已經比其他人ｂｏｏｋ左，所以改去新光ｌｏｒ，食完去荃灣見到有ｄ平衫，買左幾件，又因副新眼鏡框有ｄ花左，所以順便去問下有冇得攪，因為咁貴又只不過帶左個幾月，佢又可以幫我羅去換ｗｏｒ，但係要擺低，所以暫時做個看不清的人啦。

今朝都唔係幾夠精神，可能呢排有ｄ壓力啦，所以都生左好多暗瘡，今晚係我第１次係崇拜中帶敬拜，之前彈野就多，帶領真係第１次，所以好緊張，雖然都念左個流程大約係點，但係練習時都要大家配合，好在ｅｌｔｏｎ係度都幫左我唔少，因為我想點１講佢就明，ｄ樂手就由佢負責攪啦，練習初時都好緊張，感謝主！練練下開始冇咁緊張啦，練完又見到鉅昇啦，今晚佢講道呢。

敬拜時乜都唔理啦，將佢交比神啦，雖然都有少許甩，但第１次都算比預期中滿意啦，完左都未緊張完，都多謝大家既支持，念住去ｊｏｉｎ返班青年人食飯，點知又係咁，佢地已經係麥記就黎食完添，駛唔駛咁快呀？咁同左ａｎｇｅｌａ　ｓａｒｄｏｎｎａ食志華成日推界既開心米線，２０蚊都ｏｋ啦，大家都傾左好耐。

勞動節今朝去左中環蓮香樓念住飲早茶，呢間舊式茶樓要自己等位既，好似好多年前去過１次，而且又係推車仔要自己去羅既，等得黎食都變成午茶啦，ｄ野食又唔係話太好食，有ｄ必食野唔係冇出就係輪到已經冇晒，不過見ｄ人都係純飲茶多，唔似我地咁係咁食，而且突然都同幾個茶客閒聊起上黎，好在我地早黎，好似話１０號開始呢度裝修１個月，希望會留返ｄ特色啦，呢餐都要６０蚊呀。

之後搭車去大澳，可能有豬流感，所以冇人出外旅行，係東涌搭３６０，大嶼山、大澳既車都排晒長龍，等左成個鐘，搭左９個字終於３．幾鐘到左啦，真係好多人，坐左隻船去環島遊睇海豚，真係影都冇隻，１蚊１分鐘，然後買ｄ小食、映下相行左１圈，６．鐘返去碼頭睇日落，臨走時竟然見到阿鉅昇同班弟兄姐妹係度釣魚添，同佢映埋張相都要返去預備埋聽晚既敬拜啦，點知又要排條長龍，個個人都係呢個時間走，好彩ｄ車都密，出返東涌先食飯啦。

今晚ａｄｒｉａｎ分享，查實應該比時間佢自己講左先好ｄ，１開始就係咁問我覺得奪去左佢分享既機會呀，等佢可以學習多ｄ組織力嗎，ｔｅｒｒｙ又攪笑記錯左今日係星期３冇返小組，呢個理由下次都可以抄考下ｗｏｒ，ｈａｈａ．．；泉哥都分享好簡短，到９．半就完，又去食湯飯，之後泉哥又買夾餅雪糕、搭的士，又同佢傾到差唔多１２．鐘，呢個似呼變成左１個習慣咁啦。

今日終於都整好部腦，幫個姨甥ｓｅｔ埋，順便食埋飯，查實我自己部都未整好晒呀。

今朝ｒａｉｎｂｏｗ病左，阿達好似出左去做野，都有３個人祈禱呀，今朝做完數已經開始開票，不過ｄ野實在太多，去韓燒食完再做，趕到都差唔多５．先做晒，拿拿臨趕出街，真係趕到鼻血都差ｄ出埋。返學又變返ｄａｎｎｙ教ｗｏｒ，係唔係ｄｒ　ｌｏ又唔得閒，可能佢自己都要練，而且到我地聲部練先，開聲後竟然我地同女高音合練，有時都好難頂架，之後到另外２聲部練，ｅｖａ幫我地啦，由於冇人食飯，所以去家姐屋企食。今日終於都羅到張新提款卡，放學去入張票，１切都好順利，輸入完個銀碼確定後，佢又話交易取消食左我張卡，主呀．．．點解會咁架？係唔係我生得太靚仔呢？

今日繼續攪部腦，終於係返學前整返好啦，但係要今晚再裝其他程式；原來今晚都有好多同學未做晒功課，只有阿明有得交，ｈａｒｍｏｎｙ堂加利略有事走左，所以子純有ｄ失落，可能太掛住佢啦，老師又講８級試題，講下ｄ　ｊａｚｚ　ｃｈｏｒｄ，大家都覺得佢冇乜預備咁，經常離題，係唔係蝦我地全班都係靚仔先，放學又估唔到子純都同我地食飯ｗｏｒ。

今日仍然落雨，雖然中午好似好天，但係都係去ｄ室內地方會好ｄ，果然真係再落雨，而且夜左有風都涼添，好在去左圓方，見到有幾個鬼係度表演，電結他、ｂａｓｓ、ｓａｘｏｐｈｏｎｅ，佢地真係好合拍，睇落都好輕鬆，好隨意咁就彈得好好聽，之後收到個ｓｍｓ，阿婷個仔出左世啦，真係開心恭喜晒，夜晚係尖沙咀試左間有機餐廳，都有ｄ貴，味道都ｏｋ既。

今朝落雨落到黃雨，返到去先知道尋日男廁個天花石屎跌左落黎，好在冇人受傷，下午去左新巴黎，由於落雨，所以青少年既行山取消左，大家返黎照舊小組崇拜，靜儀邀請埋我玩，但係我真係被屈左幾次，所以輸左，等多個輸就要罰啦，好好彩竟然係ｇａｖｉｎ，所以去左副堂跳左幾下張國榮既ｍｏｎｉｃａ，願玩服輸啦，都唔可以癩皮既；跳完又趕去練歌，完左班青年人叫我去吉野食飯，但係我都唔係遲好多去到，行左個圈都唔見人，唔通改左地方？打去問：你地已經食完走左？駛唔駛咁快呀？所以返去家姐度食啦，庭軒竟然去左團契未返，突然個ｆｒｉｅｎｄ又叫我去食糖水。

今日幫姨甥整玩部腦，發現自己部腦裝完ｗｉｎｄｏｗｓ閂機會自己再開，換句話即係閂唔到機ｌｏｒ，咁大鑊，唯有羅去整ｌｏｒ，但好可能又會冇機用住，不過都冇計啦。

今日終於都做晒３月既數，比佢地簽埋今個禮拜，咁下個禮拜就可以印比佢地啦，感謝主！小組今日冇人分享，因為佢冇預備，留返下次啦，ｆｒａｎｋｉｅ今次都好快分享完，所以多左成班去左飲茶，順便泉哥有ｄ野要同大家傾。

今日要將所有電腦資料抄晒出黎，準備將佢移位，但係用左好耐時間都未抄得完。夜晚約左朋友去尖咀食自助餐，比我見到我以前帶過既年青人ｙｕｋｉ，佢係下面另１間餐廳做；呢間有蠔食，記得上次有蠔食都係好耐之前ｌｕ，但係我地食左第１輪冷盆之後就已經有ｄ飽啦，唔好瓜好蝕本ｗｏｒ，呢度得閒又會有ｄ特別小食推銷下，都ｏｋ好味既，不過ｄ熟食就少ｄ款式，魚生都多幾樣揀，咁貴點都要食多幾隻魚生、生蠔、長腳蟹，食埋生果、甜品、雪糕就飽到爆呀。

今日突然叫晒所有人有野宣佈，原來係講返上個禮拜退修既１ｄ事情；今晚又轉返ｄｒ　ｌｏ教，可能已經代完堂啦，我上個禮拜冇返，有ｄ唔知做乜咁，可能佢地學唱左段新歌，我唔識啦。

今朝１早被太陽熱力熱醒，真係訓得不爽，下午去家姐屋企食完飯就去羅電腦，然後夜晚又返學啦，而家返學大家都有ｄ遊魂既感覺，因為講既野都感覺到係冇乜預備過咁，阿明、子純因為有加利略係度，佢地經常都好好笑，甚或有ｄ覺佢地係唔係都笑既感覺添，哈哈．．．佢地都京典ｌｏｒ，放學見到２個少見既老師。