次元日記

今早６．幾起身上山去，等埋阿哥家姐佢地都７．幾先出發，好在未落雨，同埋封路有巴士上，而且未人多，所以唔駛排隊舒服ｄ，要趕返工所以好快就走，好彩上返車先落起大雨，落到黎就見到開始有條好長既龍尾排緊車上山啦，真係好彩去得早，然後趕返工。下午睇左部電影－２０世紀少年，冇乜特別高潮，只係交代左１ｄ野，加上我又極之眼訓，都訓左好幾次呢，然後去食羽壽司，因為要羅張會員卡就要吸埋呢２個印，我已經計住只要食到２０１蚊就夠啦，而且我帶埋２年前換唔到既印去，佢都冇為意比埋我ｗｏｒ，但係埋單時大家要小心留意，因為佢唔知我計住數，竟然收我２７５蚊，即刻ｃｈｅｃｋ單，收多我好多碟呀，梗係要改啦。

今日雖然好返ｄ，但係都係未夠精神，夜晚仍要彈ｂａｓｓ，不過又開始落雨，約左班舊同學食飯打邊爐，本來有１間話好平，但係可惜佢地等左好耐都冇位，所以轉左去另１間，當然貴ｄ啦，我已經係１個禮拜內打左３次邊爐啦。

今朝返工勁眼訓，真係講緊野都差ｄ訓著，所以成日都烏烏下；夜晚泉哥ｎｅｔ有個ｃｏｍｂｉｎｅ打邊爐，順便ｓａｍ叔差傳ｅｄｗａｒｄ＆ｌｅｓｓｌｙ去返夫婦組，大家又想攻陷個煲佢咁，個煲經常都滿既，真係食到好飽。

今日已經係退修最後１日，下午就要走啦，所已都照舊約埋去飲茶，阿權當然唔知醒啦，我地飲到１０．半，玩左陣桌球，其他部份人又去左成功嶺，１２．鐘又食飯啦，真係唔係幾食得落，然後有車接我地走，係等緊車既時間，大家都不斷咁影相，好快呢４日既退修就咁完左，我地又要返去現實啦。





去到深圳有人會去書城，兼去埋小肥羊食飯，我都係返屋企先啦，都好累呢。返到黎念住禁返ｄ錢用，入左張卡推左１半，唔見佢入，再推１野，突然見佢出左句”此機暫停服務”，我真係’憋’左１下，見張卡未入晒想拔返佢出黎，但係可惜唔夠位，叫職員黎幫手，點知佢將行到張卡就ｊｅｒ　１下咁入左機，我見到真係眼都凸，佢又唔可以幫我羅返出黎，之後見到有人入卡，完全冇問題，個心好慶，打去ｃａｒｄ　ｃｅｎｔｅｒ嘈下，本來要２個禮拜，而家都要１個禮拜，仲要出過張新卡，因為開機就會自動剪卡ｗｏｒ，我要投訴，主呀．．．點解生得我咁靚仔。

今朝亦係８．鐘起身，由於自助早餐卷係唔夠用既，所以我地幾個約埋出去飲茶，阿權又臨ｌａｓｔ先出到黎，以為佢訓未醒唔去添；我地叫左好多野，每人都要３２蚊，都唔平呢，然後１１．又返去繼續ｔｅａｍ　ｂｕｉｌｄｉｎｇ，志華＆兆偉２家１２．就先走啦，今日都只係講到１．幾，又去間餃子店食飯，查實我１１．先食完早餐，而家都食唔落；然後阿泉哥係都想我陪佢去成功嶺玩返轉高卡車，我尋日玩左今日去水療呀，就可能因為我地幾個都唔去，所以原本會去既１班人都同我地再去水療，哈。

入到去就蒸下、刷身、腳底按模、之後做埋全身再加埋拔灌，真係爽晒，食埋間湛江雞，好味，食完去剪埋個髮，自從黎左香港咁多年，都已經未試過係祖國剪啦，原來係坐係度洗頭，會做埋按摩添，不過我嚴剪得耐過頭ｌｏｒ，剪完都１０．半啦；然後返去傾偈飲紅酒，阿權真係唔飲得，少少就到頂，開始亂講野啦，真係好笑，如果阿達係度會更攪野，不過我都係只可以飲２杯姐。

髮型師

今朝８．鐘起身，落去食個自助早餐，不過都冇乜好食，１１．鐘就要去ｓａｍ叔房做下訓練，原來大家１齊做ｍｂｔｉ，做之前玩左個ｔｅａｍ　ｂｕｉｌｄｉｎｇ既遊戲，比幾張紙做間又大、又結實、又高，要ｓｅｌｌ比人，賣既假錢亦會影響買家，我地個組全部都係同工，而且唔夠時間未完成，但係ｓｅｌｌ得好，價錢又中平，比起其他組別，所以我地既被賣出勝利，ｙｅａｈ！



已經超時去到２．鐘，然後１齊去食午餐，今次唔去酒樓，去食餃子，雖然我地狂叫左好多，都食到好飽，但係都係尋晚既４份１價錢，返去休息１陣就分左２批人，我地５個去左成功嶺，首先邊行邊影，然後梗係玩高卡車啦，我都好少心唔比佢發生意外，所以唔算開得快，但都有過晒佢地１次頭，而且冇撞車呀，真係刺激，然後玩埋碰碰車、射箭，原來呢度６．鐘就開始收工，所以盡地５個人玩１次撐艇，大家都唔係太齊，半個鐘就走啦，冇玩到滑草。




然後返酒樓食飯同巧雲姨慶祝生日，點知尋日訂既壽飽送黎時，我地全部人都Ｏ晒咀，因為冇念過佢做出黎係咁樣既樣，之後引起全場大笑，呢鑊真係咁多次以黎最經典、最難忘既１次生日啦；食完去玩左陣桌球，然後食左人生第１次既龜靈膏，唔知咩感覺。



要觀看更多相片，請到　次元相集 http://shadowsum.servehttp.com

今日係同工退修既日子，起身先執野，嘩．．差ｄ遲到呀，趕死我；１．９去到上水先出閘再入返，咁會省返５蚊，然後係深圳包左部大巴到嘉輝會，今年應該係最順利既１年，大家都冇人帶錯證、過期、唔記得帶．．．

當我去到上水火車站見到佢地時，大家都好驚訝咁不斷問我，做乜剃晒ｄ蘇，覺得好唔慣，下？？其實大家只係見我留左個幾月姐，點可以用睇唔慣黎形容呀？差唔多１句鐘車程，去既途中竟然落緊雨，羅完房休息１陣，然後１齊去買ｄ零食，有隻雞翼好大隻呀，我已經將我所有零碎錢帶晒去，個舊紙幣幾大呀，要趁今次買野用晒佢，因為都儲左好耐好多，終於數左差唔多半句鐘先買晒，而且用晒啦，感謝主，６．鐘就去酒樓食飯，叫左好多野好飽呀。



之後返房大家就開始玩ｕｎｏ，我地間房不斷有人ｃｈｉｃｈｅ咁轉，又變成左個公眾場所啦，非常嘈吵，每年都係咁，好在今次ｓｅｔ左個ｒｕｌｅ，１２．前ｄ小朋友１定要返自己房，所以我地安靜咁飲下野食下買既滷水，嘩．．好難食ｗｏｒ，睇埋聖經都成２、３．先訓。

原來今朝除左阿國彈結他之外，就冇其他樂手啦，但係因為我係晚堂有彈野，早堂就唔可以幫手啦，所以今朝突然好齋下；下午去左長洲行下，原來我都冇乜印像幾時黎過，本黎都幾好天既，但係慢慢開始不斷有細雨，我地都係行左１部份就返轉頭啦，排左半句鐘先買到串薯棒，真係賺死佢呀，然後都食左好多小食，都幾好食呀，反而最後都唔知食乜好，就出返去再戰板前３蚊３文魚，目標只係１０碟，不過都加左２款１０蚊既，比人見到都冇咁肉酸嗎，埋單都係８７蚊，開始接近目標，下次再努力。

今晚有崇拜都要返工，所以ｄ假期對我黎講都係冇意思，夜晚ｊｅｎｎｉｆｅｒ帶敬拜，只有ａｎｇｅｌａ彈琴冇人彈結他，阿ｅｌｔｏｎ又唔係香港，所以我唔彈ｂａｓｓ彈結他啦，ｖｉｇｉｎｉａ要去台灣結婚，所以影返張相先，完左又去台灣食，送埋班人去搭車先走。

今日復活節假期，不過夜晚廟街外展釘耶穌，由家宇扮演，原來發現今年背既人都有件道具衫著架，點解以前唔羅出黎比人著呀，可惜唔知原來阿權背第１段路，所以錯過左去鞭打佢既機會，順便發洩下嗎，哈哈；去到唯有大叫釘死佢，見ｄ人都唔係咁用力叫，唯有自己用盡氣力，d人都開始跟住叫啦，所以攪到又熱又喉沙添，釘左之後我就要開呢個睇相檔啦，嘩．．都好似好耐冇坐過啦，有ｄ緊張，唔知點做，開頭黎左幾個都係信左，只不過係唔夠信心姐，最後１個就講得耐ｄ，都同佢決左志，感謝主。

然後去左大角咀小組打邊爐，我見到大家既實力都好強勁下ｗｏｒ，食左１個鐘，除左我地２圍都係得個２－３張細台，而且開始比我地食到差唔多叫乜冇乜啦，冇汽水、冇酸梅湯、冇食物．．．但係佢地都仍唔夠食，我念呢間酒樓都冇預突然多左我地呢班餓狼黎，都冇咁多食物係度，可能已經比我地飲左、食左佢地１個禮拜既物資啦，佢地仲念住１陣要去第２度再食添。

今朝起身繼續胃痛，而且持續隱隱痛，下午佢地又去翡翠，唔好啦尋日先去完，所以同ｊａｓｏｎ過深水步買野，原來呢個電腦機箱唔錯ｗｏｒ，不過６３５唔包火牛真係貴，但係就幾方便咁ｌｏｒ，不過遲ｄ都要幫兒甥買部機，都係等下個禮拜退修返黎先買野切啦，然後食左個２０蚊上海麵下午茶餐，有飽有野飲，真係幾抵ｗｏｒ，就算計埋車錢都有著數，然後佢就返歸啦。

今日好多野趕勁忙，所以祈禱會完就趕工，下午又去翡翠，夜晚去左個朋友屋企食飯，都好耐冇見啦，睇佢地都有ｄ豐滿左ｗｏｒ，大家傾左好多野，所以好夜先走，不過有少少被審既感覺添；而夜晚返去覺有ｄ胃痛，嘩．．．唔好再黎啦，可能今晚食飯太緊張啦，好在有ｄ胃藥剩。

今朝又要全世界開會，開得勁耐，然後去飲茶，本來同尚森慶生，可惜佢去左台灣旅行，我地未食之際，志華帶左２罐由祖國同工送既豆鼓鯪魚黎食，原來大家都幾鍾意食ｗｏｒ，尤其係ｄ豆鼓，又黎幾輪狂風掃落葉，但係最終３籠鳳爪竟然冇黎到，所以都好失望，返去就忙死啦；今晚亦都係由ｄａｎｎｙ代教，咦．．．佢完全將上次個型像全部改變左，上次斯文怕醜，今次短髮有ｄ染左，而且個樣有ｄ惡，阿蕉、ｂｏｎｎｉｅ都冇返學，所以放學同左阿明食。

今日又手多多攪下部腦，點知ｕｐｄａｔｅ錯左ｄ野，慘！攪左好耐好耐，但係要返學都要走啦，遲左小巴排左好長龍，咁岩見到ａｎｄｒｅｗ搭的士，過去ｊｏｉｎ埋佢地，咁就冇咁遲啦；張ｓｉｒ講返上次大家個ｐｒｅｓｅｎｔａｔｉｏｎ，老師又唔係太彈ｗｏｒ，點出左ｄ我地須要注意及改善既地方，係個好既經驗，可惜我都未整好份譜交，好快又要教新ｔｏｐｉｃ　－　ｖａｒｉａｔｉｏｎ；ｈａｒｍｏｎｙ份卷真係強差人意，２個平衡８度已經扣左８分，太殘忍啦吧，放學有ｄ雨，唔夠衫好凍呀，得返我同阿蕉食飯，閒談之間佢都係繼續叫我學返樂器，我都明，我都已經浪費左好耐日子啦。

今朝雖然訓得少，但係都起到身ｗｏｒ，而且返去都趕入左好多野，勁呀！完左ｎｅｔ祈禱會，嘩～～１０幾人綑係會議室，差ｄ缺養局暈，然後去左花園飲茶，１５人坐１張台，又係要咁迫，不過叫左好多野，但係我地呢班餓狼面前，好快都清晒，而且已經叫左第２輪，但係有幾個人要走先，最終都比我地掃晒；然後我趕去約左人傾野，途中竟然肚痛，不過開頭傾得都還可以，但係最後就好似有ｄ談判破裂咁ｌｏｒ。

今日假期都要返工，有崇拜呀嗎，食飯時羅左本書去還，過左期要罰錢，夜晚敬拜由尚森帶領，因為要比佢專心做返屯門野，所以今晚係佢最後１次帶啦，我彈完ｂａｓｓ之後，發現隻手指頭好痛；之後可以ｊｏｉｎ敬拜隊開會，因為我而家轉左星期４小組，開完先去食飯，但係原來我下午既海南雞飯都未落隔，所以去ｊｏｉｎ務務食左佢地留返既少少飯就ｏｋ啦。返去發現部腦個ｈａｒｄｄｉｓｋ真係唔係幾掂，所以攪左我成晚，差ｄ冇得訓。

今日又早左同阿軼、務務佢地去佐敦鋸扒，整得真係差左ｗｏｒ；夜晚約左個ｆｒｉｅｎｄ去食飯，不過我都做晏左，所以去左新都會，行左１輪都冇乜選擇去返上次個間，ｏｋ既。返去之後都打左比人有ｄ野傾，唉．．．都好煩下，希望可以正面處理到啦。

今晚見到秀嬌上黎開會，所以約佢幾時得閒傾下偈，而小組之星係ｔｅｒｒｙ，開頭都冇乜野太大反應，後黎大家好似越講越興奮，尤其講到佢拍拖既野，都未見過大家有咁雀躍既反應既，而且個時間控制又好左ｄ　ｗｏｒ，所以又多左ｄ人食飯，好事好事，不過都係食車仔麵，食完泉哥又帶我地去旺角食勁辣米線，真係幾辣ｗｏｒ，然後又去麥記飲野傾偈，之後我又同泉哥傾到１２．幾啦。

今朝６．半起身，梳洗食埋早餐８．鐘去到曹公潭，本應係阿軼去既，但係佢要上ｄｍｔｃ，係天梯及油麻地教會１齊攪既青少年網絡，去接觸呢間塘尾道小學既學生畢業營；去到先同ｄ義工聯誼下，９．鐘等佢地食完早餐先，原先以為係全程都會同ｄ學生１齊進行，ｅｇ．早操，可惜原來係分開等佢地做完先返黎，我就除左幫手疊凳之外，都只係行行企企，早知同佢地去做早操啦，聽講尋日有個好攪笑，佢爸係做警察，問佢有咩夢想：我要做黑社會，我要同我老逗作對，我要做ｌａｕｇｈｉｎｇ哥，ｌａｕｇｈｉｎｇ哥係臥底警察黎ｗｏｒ，咁我要做孝哥．．．

做完早操之後有敬拜、見證、講道，比預期遲左好多ｗｏｒ，然後分組討論，我地都唔太清楚做ｄ乜，都係羅左佢地ｄ資料，同佢地混熟下咁啦，又買左ｄ糖做禮物送比佢地，食飯又訂唔夠ｈｅｌｐｅｒ食，所以到食個陣先加位，分享埋之後，我同阿權都好趕去江秀琴特會，下午亦係醫治聚會，不過我都好累，夜晚既內容都好正。返到屋企剛接到個電話，討論左１輪都係大家念清楚，下次出黎再講好ｄ，免得出左血氣。

今朝因為全部人都去左江秀琴特會，阿軼、阿權去左曹公潭幫手，都係得返阿達、ｊａｓｏｎ，所以我１早返去只做左ｄ緊要野先；下午食左飯都趕過去特會，因為到ｒａｉｎｂｏｗ返去做野，好似輪班咁，原來下午呢個時段係醫治大會，普遍睇ｄ黎既人都係女性居多，雖然ｄ歌唱既ｔｏｎｅ唔係平時我地唱開既，但係現場既氣芬、神既同在真係好大，２個鐘既時間又好快過左，阿樹華又有多張夜晚既票，所以同秀嬌１班過左灣仔馬頭食飽，呢間美國飽５６蚊個都好貴呢，好在剛好新張買１送１每人都係２８蚊，咁都ｏｋ既，而且見到阿姐＆ｍａｎｄｏｎ。





今次呢個位坐得斜ｄ，不過大家ｄ飛都係呢度附近，呢ｄ特會多數開場前都要賣下廣告既，今晚主題主要係安靜等候神，都好正有祝福，開頭以為個敬拜既ｔｏｎｅ唔習慣，可能唱左ｃｈｏｉｒ之後都覺得ｏｋ，而佢最大特色係好似成晚都只係唱緊１首歌咁，但又唔覺好悶，都好感動。今晚１２．鐘就要訓，但係夜晚收到個ｓｍｓ，睇完令我非常之唔開心，失眠？呢樣野竟然會係我身上出現？聽朝我要早起，８．鐘去到曹公潭呀，比ｄ面好ｗｏｒ。

今晚份功課就要ｐｒｅｓｅｎｔ啦，所以要繼續沖刺，可惜部腦真係唔生性啦，個ｈａｒｄｄｉｓｋ有事開唔到，要做ｃｈｅｃｋｉｎｇ都做左１個鐘，開過２次都已經冇左幾個鐘時間做野，而且又麻麻地熟用個程式，又唔多ｉｄｅａ，到最後１刻先做左，馬上ｓｅｎｄ比阿蕉幫我印啦，真係麻煩晒佢啦；返到去見到阿蕉係度努力抄緊，我都念下要點樣做呢。到開始時發覺大家都幾混亂下，基本上都係第１次見到大家既譜，而且每首都差唔多要幫手玩，就連練既機會都冇就要玩啦，所以都係得個亂字，我自已個首都未夠時間解釋完，就要開始啦，大家都未明晒點做，所以都唔係我想既效果，但係都算完左啦，不過我要補交返份譜，用個放下大石既心情１齊去左５０嵐。

今日完左崇拜要鎖門，差ｄ以為冇飯食添，因為阿軼要同我地講解下下個禮拜入個小學畢業營既情況，巧雲姨要開ｇ，阿泉耆英食飯，但係佢突然要幫人做輔導，留低左子願係度食麵，外面有人飲茶預左我叫左好多野，係咁摧迫我，好在耆英食飯完左只係傾偈，阿ｍａｙ剛好出左黎知道我情況，所以幫我睇住先，真係感謝佢啦；去到果然留低左好多野比我，因為佢地都差唔多食飽啦，食左呢餐要５０幾蚊呀。食完返去同敬拜隊練左陣歌，然後又要返屋企趕工啦。

今日青少年既仔去打ｗａｒｇａｍｅ，下午ｄ女就整餅，我唔係太肚餓又唔想叫新朋友食，原來今日歌利亞生日，１齊同佢慶祝下啦；夜晚家宇帶敬拜我唔駛彈野，所以可以跟ｅｌｔｏｎ學下野，睇佢真係好隨意咁加ｄ野，但係又好好聽ｗｏｒ，真係唔知佢點做既呢，完左同家宇佢地又去新味皇。

今朝婦女小組完左之後有大食會，仲話聽朝去行山ｗｏｒ，但係落雨濕濕有危險ｗｏｒ，有ｄ人自己整左ｄ食物返黎，我地都有幫手食ｄ，我都念住唔食午餐架啦，不過得返樹華自己１個食飯，所以陪佢再去食啦，原來個市道都真係差左，平時去到大家活都要等位，今日竟然未滿。晚上做夜左放工，但返去仍要繼續做功課啦。

晚上小芬又黎叫我幫佢寫返份譜，剛好整完就要開小組啦，本週之星係ｊｉｍｍｙ，原來佢細個都幾曳架ｗｏｒ，除左ｄ相，仲帶埋ｄ手冊比我地睇，我都有留低ｗｏｒ，哈哈；ｆｒｉｅｎｋｉｅ帶分享都幾好，唔知係唔係少左幾個人返，好似都準時完咁，係分享到最後阿泉哥講左佢１個ｐｏｉｎｔ後，我同ｆｒｉｅｎｋｉｅ互望左１下，然後就ｓｔｏｐ左佢，祈埋禱９．９就走得，早左完就多左ｄ人食飯，咁樣傾會易溝通ｄ，然後又同ｔｅｒｒｙ行去太子搭車。

下午又去呢個新味皇，呢排又冇乜選擇咁啦，食完返去就到第２次既行政同工小組，樹華帶敬拜、阿達帶我地分享，今次都唔錯ｗｏｒ；放工返去繼續念下份功課。

尋晚突然出個黃雨，今朝起身又發現窗邊有漏水，要整整佢先，唉．．．遲ｄ雨季點算呢？真係要唱返首"雨季不再來"啦；今晚ｄｒ　ｌｏ有野做，所以請左另１個剛由外國返既ｄａｎｎｙ　ｐａｋ代教，開頭覺得佢好似用佢之前教幼兒院＆小學既方式教我地，後來佢每聲部執我地，好似唱好左ｗｏｒ，臨尾ｄｒ　ｌｏ趕左返黎，所以佢想展示下佢今日既成果，ｎｏｔ　ｂａｄ，完左發現佢好緊張下，可能ｄｒ　ｌｏ係度有ｄ壓力啦，況且都係第１次對住成１００個大人，都算佢壓到場架啦；之後去左食快餐。

今晚要考試啦，時間過得真快，２個ｓｅｍ就咁就完啦，ｈａｒｍｏｎｙ份功課仲剩少少未做完，作曲既功課就真係唔知點攪好啦，下個禮拜就ｐｒｅｓｅｎｔ啦；考試同測驗份卷果然唔同ｄ，ｈａｒｍｏｎｙ份卷要做左差唔多１句鐘先做完，仲要ｃｈｅｃｋ到有ｄ平衡５度添，好在仲有時間改；放學去左食越式野，ｂｏｎｎｉｅ話好肚餓叫左好多野，但係食左２個春卷加１碗飯之後就話飽ｗｏｒ，佢呢科既功課只係半班１齊帶個崇拜就算完成左個ｐｒｏｊｅｃｔ，而且下個ｓｅｍ唔駛再返啦，嘩～佢實在好幸福ｗｏｒ。

阿國終於亦都放完假返，完左崇拜食埋飯，去左睇花卉展，今日係最後１日，依然好多人，而ｄ花有ｄ都開始謝啦，天氣好悶熱，睇完順道有免費車去九龍灣睇示範單位，個盆係奧運站既，不過話雖如此，都好驚被佢死纏，因為冇其他人同我地同車去睇，只有我地去，貪佢可以載我地過海姐，亦好在佢冇齊咁多單位，又話佢細．．．比我地走到，然後念住係ｍａｇａ　ｂｏｘ睇埋套戲，可惜冇位，咁行１陣食埋野走ｌｏｒ。

今日阿軼又去完韓國旅行返，由於務祈１．半學結他，所以又１２．鐘叫左去食飯；晚堂崇拜本來係彈結他既，但係ｅｌｔｏｎ覺得有ｂａｓｓ會好ｄ，所以又彈返ｂａｓｓ，尚森彈結他，又有新ａｒｒａｎｇｅｍｅｎｔ，練習時都ｏｋ既，但係正式時又冇緊張，竟然都唔記得左做ｗｏｒ，哈哈．．之後要賣遍傳衫，然後又同務祈佢地去肯德雞，大家送左務祈返屋企後，我當然要ｄｕ返個２蚊先啦。

今日樹華要去覆診，所以１２．早ｄ同佢去食飯，都好耐冇去佐敦鋸扒啦，但係今日麻麻整得好食，食完返黎先方言祈禱；終於都趕起左２月既數，又差唔多時間要ａｕｄｉｔ啦，所以要準備ｄ資料，ｄ野都應該８８９９啦，但係由於之前我個檔案壞左，救返出黎都冇左ｄ資料，所以要搵返出黎都好煩，又攪到８．幾都未得。

今晚小組念住可以早完，但原來雖然泉哥只係帶敬拜，阿龍帶分享都好耐，所以完左祈禱埋都差唔多１０．，但係佢地話去食糖水，唔好玩啦我未食飯架，咁岩ｔｅｒｒｙ都要食，所以我地２個去左禮，傾左好耐，陪佢行去旺角搭車，咁不如陪我行埋去太子個站啦，去到剛好佢有車到，嘩～不過都差唔多１２．啦。

放工返屋企做下功課，然後去左家姐屋企食飯，順便幫佢整下部腦，因為佢都叫左好耐啦，好在唔係整咁耐，又再返去念下份功課點做啦。

今日差唔多１半人放左假，所以唔駛開會，不過要預備做ａｕｄｉｔ既野啦；今晚分開聲部自己練，咁就係播音樂比我地練啦，因為都唔夠聲部長，放學本來去慈雲山中心食飯，點知呢個商場咁岩而家冇水，所以冇飯食，唯有又去荷里活食，好似ｂｏｎｎｉｅ生日ｗｏｒ。

今日個膊頭已經冇咁痛啦，做下ｄ功課，返學帶左支長笛，我都冇吹好耐，同阿招返去夾左１陣，有ｄ指法都唔係幾記得，個咀形好似話掙ｄ；下堂要交功課又要考試啦，查實今期都有ｄ難，又唔可以話好難，只係有ｄ煩，放學得返阿蕉同我食飯，最後都係去返原本呢間，咁岩又見到阿明係度食完，佢地都坐到我地食完先１齊走，而且佢都對學校有好多不滿既野咁ｗｏｒ。

今日阿ｒｏｃｋ由杜拜返左黎，下午同佢１齊食飯，佢又教左我地ｄ阿拉伯話，不過已經唔記得左ｌｕ，又有ｄ唔同手勢，基本同我地唔同，唔可以亂做，之後係尖咀文化中心外有ｙｏｕｔｈ　ｂａｎｄ馬拉松表演，多數都係自己創作既歌，有幾隊都幾好ｗｏｒ，仲有ｄ作過比其他歌手，好似－關心妍，點解我唔知有ｄ咁既表演參加既？有ｄ都冇ｋｅｙｂｏａｒｄ手，唔知可唔可以比我加入呢？哈哈．．．雖然下午好熱，不過坐坐下都好凍，而且個ｐａｔｐａｔ坐到好痛，但係點都好過企既，之後再去食板前，今次既策略係盡量叫３蚊３文魚，始終都可能覺得寡叫多左其他款，所以都比想像中貴左，下次再努力。

今朝再去睇多次鐵打，已經好左好多啦，早知早ｄ睇啦；到左下午做做下野，突然另１邊左邊有個地方好冤累，用左好多方法，好多姿勢、運動．．．都係好幾秒之後又有呢種冤累既感覺，真係好辛苦，夜晚敬拜發現個ｂａｓｓ背到我個左膊好累，唔通我呢個痛狀都係咁得出黎呢。細妹姐今日係最後１次打鼓啦，下個月會去澳洲讀半年書，ｅｌｔｏｎ既琴技真係勁，真係好令人投入呀，就算我彈ｂａｓｓ都好易投入呀，唔知我遲ｄ有冇咁既技術呢？佢話我彈ｂａｓｓ幾好，所以每次都加ｄ難度比我既，完左去新味皇永安店，其中有個侍應係彌敦道舖過左黎，佢都認得我添。

今朝都仍有痛，去睇下鐵打，比佢電到我ｄ肌肉自己不其然咁自己郁，都舒服ｄ既，話我ｄ肌肉勞損ｗｏｒ；下午去左樓上ｃａｆｅ食意粉，ｏｋ既，然後幫志華ｓｅｔ返個無線ｒｏｕｔｅｒ，今日終於聯絡到個網站，並且整返到，真係感謝主！可以收到ｅｍａｉｌ　＆ 去到教會既網站啦；由於天氣突然又凍左，所以夜晚去左人度打邊爐，搭車又送車尾，上車又冇位坐，心念長徒車有排企，點知過左１個站都竟然有１個人落，真係感謝主！今次亦都食到好飽，而且１２．先走差ｄ冇車搭。

今日下午有個男仔上黎，隻手傷左，對話內容：我隻手傷左做唔到野，有冇飯食？冇ｗｏｒ，你地唔係有派飯既咩？要星期２晚先有飯派ｗｏｒ，咁今日星期幾呀？今日星期４，如果我返教會有冇飯食？你返教會都冇飯食架ｗｏｒ，咁我做唔到野你地點樣可以幫到我呀？你有冇去社會福利處問過呀？社會福利處係邊呀？停車場個邊ｌｏｒ，真係多怪人。

之後ｃａｒｙ上開黎，幫我按左幾野，差ｄ痛死我，夜晚ｔｅｒｒｙ返黎又幫我按幾野，雖然係痛，但係就舒服好多；小組都ｏｋ多人返，佢地話完左唔食飯，咁我食左個杯麵先啦，分享完祈埋禱，又１０．鐘啦，ｄ人又散得好快，竟然剩返ｔｅｒｒｙ，所以又同埋泉哥去食湯飯，食完已經１１．鐘啦，我仲要同泉哥係街度傾到１２．幾，真係好累啦。

今朝醒時條頸仲痛，都擔心返唔到工，返去見到已經裝緊部新水機，好野有水飲；然後就係行政同工查經小組第１次開組，又係輪到我帶敬拜先，好在都冇比條頸痛影響，樹華ｈｏｌｄ查經，咁似上年既翻版既？

今日條頸仍然好痛，叫阿軼幫我鎚幾野啦，都係未得，幫我貼左快膏布；夜晚返學好辛苦，係等緊時訓左１陣，但係個頭彎左向前竟然痛到無力抬起，要用手托返起，昂左向後都係１樣，而今晚亦都有ｄｒ　ｌｏ分享佢既見證，好長下ｗｏｒ，放學ｂｏｎｎｉｅ話要去夏麵館食ｗｏｒ，ｃａｒｍｅｎ都有黎，好貴呢。

今朝起身發覺訓禮頸，嘩～好痛呀，條頸唔係好郁得，半邊膊頭、頸好痛，成日都痛，好慘呀，不過都要返學；原來ｓｅｍ　ｂｒｅａｋ前份作曲功課要ｐｒｅｓｅｎｔ呀，大家都未念好，仲要練習呀，ｈａｒｍｏｎｙ有幾份功課未做，又話差唔多考試啦，問你死未？放學又去５０嵐。

今朝起身發現部腦開極都開唔到機，攪左好耐遲左到；完左崇拜泉哥就有ｎｅｔ祈禱會，祈完左２．幾先去飲茶；之後係荃灣發現荃灣廣場靚左好多，又有個露天公園，坐係度都幾舒服ｗｏｒ，然後去羅新眼鏡，都幾好呀，可惜冇太陽試下變色，夜晚又落雨啦，好在唔大，返去攪部腦攪左成晚呀，睇黎都係時候要換機啦。

今朝又有ｍｂｔｉ，食左件西餅都唔係太肚餓，所以４．先買多個飽，發現今日收唔到電郵，亦去唔到教會網站，唔通又ｄｏｗｎ左；夜晚敬拜本來彈結他，但係練到尾ｅｌｔｏｎ叫我彈ｂａｓｓ，因為尚森會遲返，所以同佢調左，佢趕到返黎都冇得練ｌｕ，所以我都冇練到幾多次，仲要加多左ｄ難度比我，不過未做得好好，完左樹華話請我食飯既，不過食台灣就唔好啦，但係都只係同班ｙｏｕｔｈ去吉野家，唉．．．

今朝遲左起身，又繼續落雨，返到去先知原來尋晚既小組研經咁精彩，阿權ｄ攪作真係日日有新招，笑死人唔怕失驚，配服，可惜我睇唔到。下午去左新味皇，食完好在ｓａｍ叔出得黎早，差３秒佢部車就會被抄牌啦，然後上８樓做非髮野，之後有２批人黎搵我傾野，終於都要換左部水機啦；夜晚約左組長食飯，由於佢既工作既關係，我都等到佢好遲，食完又落雨，個朋友又ｃａｌｌ我去飲野，係等佢既期間，我見到有３個男人，其中１人唔知係飲醉定ｐａｋ左野，唔係幾行到又冇乜反應，其中１個就挾住佢個頭行，點知比佢ｃｌｉｃｋ到隻腳，２個１齊向前仆左係地，定左幾秒先自己慢慢起身，但係扶唔起佢，另１個再黎幫手，之後整極佢都行唔到，最後話背佢，點知好難先背到佢，１上去就２個１齊向後跌，’碰’１聲佢都冇知覺咁，又定左幾秒先起身，然後攪左好耐２個人先再拉佢走。

今朝都冇咩雨，下午約左人係九龍灣食飯，但係天氣唔係幾明朗，本來有ｄ交外地方去行下，點知去到東涌竟然落起雨，唯有行下都會城先啦，雖然呢度有好多ｏｕｔｌｅｔ，但係ｄ款式都唔同出面個ｄ既，之後搭左個３６０，都ｏｋ　ｗｏｒ，坐２５分鐘６３蚊，都穩定，入到去基本上都關門啦，行左陣又落大雨，不過都要搭車走啦，７．鐘就冇車搭架啦。

今晚上床訓覺時，發現張被＆床都濕左既，唔係撇雨呀，後黎發現牆既橫樑漏水，主呀．．．點解生得我咁靚仔，真係大鑊，要抹得黎仲要念辦法唔比佢滴水，攪左好耐，搵野暫時將ｄ水引出窗外，攪左好耐好累呀。

今日不停咁落微雨，所以天氣又開始涼，今日有師傅上黎睇部水機啦，但係換野好貴，係唔係換部新既化算ｄ呢？又要ｑｕｏｔｅ價暫時冇水飲；念住今日可以埋左１月既數，但係整ｄ會友記錄都７．先走，所以都做唔到，不過要快ｄ趕去買野先得啦。

今朝開返教會部飲水機，ｄ水係後面流出黎，又要拖１餐，開完會又去左翡翠，近黎都算係新熱點啦，貪佢有位兼大碟嗎；夜晚返學終於都可以１次過唱完第１首啦，但係唔係練左好耐，由於學校呢２個禮拜係福音週，所以請黎倫牧師黎分享見證，又由張ｓｉｒ幫手拌奏，佢拉大提琴，真係好正呀，所以攪到遲左放，完左１齊去左食飯，阿蕉、ｂｏｎｎｉｅ都冇返，返到屋企接到個同學電話黎話我知，佢又因覺得比人ｄ說話侮辱而唔想同佢來往，點解又係咁呀，今次到我要企係呢個中間位，佢又唔駛我做ｄ乜野，要等佢自己領會，我真係唔想大家攪成咁ｌｏｒ，唉．．．神阿，你究竟要我學ｄ乜野功課呀？

今日下午過海約左人傾野，希望可以得返呢段友誼再作努力，但係係呢個幾鐘既傾談中，佢係都要迫我答呢個答案，既然咁執著，最後為著重拾個關係都收返所講既野兼道歉，不過之後個條件真係令我失望，當我冷靜落黎之後回想起呢２次既會面，執著和好又執著過，喊又喊過，痛又痛過，被針對又針過，而家奚落、難堪都出埋啦，我個心比之前更傷，不過做埋最後既條件啦，之後我祈禱完反而舒服左好多，無論結果如何都不在我啦，因為做到咁，已經擺低晒面子，已經超越左我既忍耐，唯有交比神啦。

今日出左去冇做過功課，所以夜晚返學係冇野交，但係都要快ｄ做埋佢，否則ｓｅｍ　ｂｒｅａｋ冇野交，ｈａｒｍｏｎｙ都冇野交到，不過今日有１／４班同學冇返，查實都只係２個，哈哈，教個ｎ６　ｃｈｏｒｄ，都相當麻煩下。

好彩我尋日已經做左份報告姐，本應下星期２晚開會先用，又突然改左話今日下午開，感謝主！阿國今朝講道又ｌｏｎｇ左，所以好趕咁都去左飲茶，然後返去開領袖大會，ｏｈ．．．好似樣樣都ｏｖｅｒｒｕｎ左咁既，又發現部水機漏水，唯有閂左佢先啦，所以完左都即刻走啦，又再去睇下ｄ眼鏡，考慮左好耐，雖然真係好貴，但係傾左好耐都決定買啦，好彩有分期姐，不過都仍幾肉痛呢。