次元日記

今日去左間樓上ｃａｆｅ食午飯，３２蚊ｓｅｔ　ｌｕｎｃｈ，唔大碟味道１般，款式唔多，飲品冇以前個間咁多選擇；下午終於都下定決心重裝部腦，不過都算快完成，仲有其他程式聽日再裝，夜晚阿達幫我返屋企睇下個櫃可以點整，真係多謝佢，仲要攪到佢遲返屋企，真係唔好意思啦。夜晚食完飯到左１１．鐘，個胃又開始痛，我又食錯左野咩？頂唔住食ｄ胃藥，好彩上次羅多左批藥，但係都痛到估計都差唔多２．先訓著。

今日都做左好多野，而且完成左好多，阿達又講佢個仔既事情我聽，發覺佢既屋企人真係好特別，

仔：我今日比老師罰抄書３次呀
媽：你係唔係做左ｄ乜野呀？
仔：不過唔緊要啦，反正就黎考試，就當溫書啦，．．．

騰騰幫手帶左班大陸同工出黎聽書，下午順便請佢去鋸扒，總算可以理行左個承諾；返去發現左本好正既書仔，就係用廣東話教人讀英文，睇過真係笑死呀，”敲度於都”，”撈，登橋”，大家估下ｄ英文係咩？夜晚去試左間”正斗”既雲吞撈，４３蚊唔算大碟，雲吞係細隻個款，入口既感覺好油，睇都已經覺，雲吞麵都３０蚊碗，又試左籠鳳爪，２４蚊得５邊，冇平時酒樓咁油，味濃，感覺唔值。

今日做野好眼訓，可能又食左藥又有ｄ累啦，下午同阿軼去左好耐都冇去既牛牛食飯，冇晒優惠啦，味道都算ｋｅｅｐ到既，食完又陪我去睇眼鏡，都係難決定，佢又揀多左副比我選擇。

今朝非洲黎既牧師ｐｓ．ｈｅｎｒｙ黎同我地同工祈禱，所以９．鐘返到去，又訓少左啦，而且１０．鐘大廈又停電ｗｏｒ，當佢大聲講到１個字既時候，突然就停電，個時間岩岩好，然後佢分享左佢ｄ見證，祈禱既重要性後，大家就１齊方言祈禱左１句鐘，再為家庭、教會．．．祈禱，已經１２．半啦，真係好耐都冇試過咁長時間方言祈禱，完左聲線都沙左，然後去明愛食飯，不過係貴兼唔好食。

今晚返ｃｈｏｉｒ既人多返ｄ，不過都係未人齊，過左咁耐，大家又好似重新學唱呢首歌咁，不過真係好難唱、好高音我地ｔｅｎｅｒ部ｄ旋律又唔好聽，演出我都唔返啦，最後佢都話我地唱得好，唔知佢係已經放棄ｏｒ聽唔清呢？

今日又唔太凍，又執下屋，見到ｄ地方好污糟，真係好唔開心，又要幫教會燒ｄｖｄ；夜晚又要返學，不過張ｓｉｒ請左假，高級和聲派返考試卷，真係好多錯得好慘呀，得個８０分，明明有ｃｈｅｃｋ過，點解都會錯平衡架？而且有好多個添；放學又凍到飛起啦，好彩有預備褸＆頸巾姐，返去都１邊食飯１邊燒ｄｖｄ，好夜先訓。

今朝１０．鐘返教會做下野，１２．鐘就搬野過復興教會，下午聯合崇拜，點知阿權又遲到差唔多１２．先返到，所以．．．我地執住先ｌｏｒ。我地去到復興教會都只係１２．半，之前ｂｏｏｋ左酒樓１．食ａｎｎｕａｌ　ｌｕｎｃｈ，順便慶祝阿國生日兼餞行兆偉，所以先去羅位，我地呢台１１人狂叫左３４籠點心，有ｄ　ｏｋ有ｄ麻麻ｌｏｒ，２．半就過去ｓｅｔ野，３．鐘開始崇拜，因為我１號練習唔到，所以今日冇份彈，佢地彈得幾好ｗｏｒ，今次每個同工都有逐個介紹行上台比人認識下，好在唔駛講野。




５．鐘就完啦，比想像中所有野都早左，係好事黎既，然後行左陣新都會，再去荃灣睇眼鏡，因為發現呢個有ｄ花左啦，想配副漸變色既，要加９８０蚊，好貴姐，而且只係普通料，要超薄加１７８０蚊，唔要超薄又真係好厚，但係就貴得很，都係要再３考慮，都未買過ｄ咁貴既眼鏡。

今日真係染病，咳左幾聲，阿達話：”好似我個隻ｗｏｒ”；．．．（無耐）．．．下午敬拜隊練歌，預備聽日既崇拜，都彈得好大聲下ｗｏｒ，雖然今晚冇崇拜，但係趕工都好夜先走。

今日天氣仍然冷，ｒａｉｎｂｏｗ正式返工啦，不過成朝都冇見過佢，佢有冇返呀？突然見到阿達已經有個病樣，佢講佢１家人聖誕睇醫生既對答我聽，攪到我笑個半死，內容其中有以下：

敏: 醫生，我個女隻手d關節有d熱，會唔會生骨節呀？
生: 哦，未咁快ｗｏｒ，太太，等下先啦。
達: ．．．．

    然後幫佢聽探心口&背部

達: 醫生，我好似有d傷風感冒兼失聲呀
生: 哦，睇得出
達: 咁我駛唔駛戒口?
生: 戒唔戒口呢樣野同失聲冇關架wor
達: 咁d刺激性食物係唔係唔好食呀
生: 哦，唔好話你有病啦，就算冇病既人，我地都唔鼓勵佢地食咁多刺激性既食物
達: ．．．．

    之後自己掀起件衫念住比佢聽探心口
生: 唔好對住我，聽背後得啦(只係男人)

達: 咁我應該點辦呀?
生: 哦，開ｄ藥你食先，如果有事再返黎睇啦

．．．．．．（無奈)

可能就係咁，我好似被傳染左病毒啦。下午同阿軼去旺角食飯，念左好耐，又去左幾間睇，都決定未到，最後都係去左新巴黎，食完睇埋眼鏡返去就見到ｒａｉｎｂｏｗ啦。

２００９年開始，新年快樂！！天氣都幾凍ｗｏｒ，今朝太皮累，本應１０．鐘約人去食早餐，１１．半去碼頭同敬拜隊去南ㄚ島食海鮮行山，原來ｅｌｔｏｎ　１家都有黎，搭左１１．５０班船，去到就去食海鮮餐啦，好在有可以坐到１８人既檯，每人１６０蚊食左蝦、聖子、象拔螃、龍蝦、１魚２味、菜、飯、麵，佢逐樣上好似去飲咁，所以都食到２．半先完，然後由呢個索古灣行去榕樹灣，雖然朝早好凍，但係都行到好熱，行到沙灘就食下豆腐花，但係太陽已經準備落山，所以唔去風車，先去ｓａｒａｈ既行宮，因為已經冇人住嗎，原來要上山先到，有２層５間房，我１直以為會係海邊個隻。



逗留左１陣我就自己出去行下，見到有好多人買燒雞翅食，不過心念又食？１陣又ｊｏｉｎ佢地食飯啦ｗｏｒ，都係唔食啦，果真好快就撞到佢地去餐廳，食左中東飽餐，有好多款飽呀，最難食係個羊肉，好酥呀，個雞蛋ｐｉｚｚａ就好食，而且熱辣辣呢，呢餐都係４８蚊炸，不過就有好似成日不斷咁食既感覺，８．就搭船出返去，呢部船舒服ｄ又快ｄ兼平ｄ，真係念唔明，然後係馬頭附近影下相先走。

今日又特然好凍，都幾好呀，係打邊爐既好時間，亦係除夕，所以夜晚去左朋友度打邊爐兼倒數，去到見到好耐冇見既阿康，又大個左啦，佢地買左好多食物，食之前梗係影返張相先啦，我地係咁煮呀食呀，打到１１．佢地已經放棄啦，得返我同阿ｄｉｃｋ係度努力，念住今晚由除夕打到明年架啦，點知個褒之前已經有黐底現像，而家發出埋’濃’味，所以唯有係１１．８停左佢，等到１２．電視倒數後，就有煙花發放，但係我地只見零碎既煙花係香港既部份大廈放出，真係１ｄ驚喜都冇，期望佢臨尾都勁爆１０秒啦，點知都係失望，我地同民揚係屋內打乒乓球到１．先走。

今日返工，阿ｓａｍ叔病左，突然叫埋我地入去開會，話有野講，後黎又講下ｄ行事曆，所以我又聽埋，不過我都早左退席，不過佢地１２．鐘都開完啦，所以去左年尾最後１次既飲茶，今次好似唔算叫左好多野，但係大家都話飽啦，點知做到４．鐘就開始覺得肚餓，羅塊餅乾食先，其他人聞到味道都走過黎分幾塊，原來大家都已經覺好肚餓，好似肚入面ｄ野突然唔見晒咁，可能今日早食完，而且都冇叫炒麵飯。

今日返工冇人，做野都快ｄ，做到１．幾出街做ｄ野，順便食埋飯先返，返到去時，原來兆偉都返左黎執野，做左成日都趕到唔少野，不過又要做阿翠媽既場刊。

今朝返去都唔覺凍，但係之後落左ｄ雨，氣溫就開始凍啦，完左崇拜去同阿權食飯，今日佢生日，去左禮食日本野，我都食得好趕，２．鐘約左人去參加個同學既婚禮，好彩只係何文田合一堂，呢間都大間，但係黎觀禮既賓客就少ｄ，可能夜晚食飯會多ｄ啦；呢個牧師講野比較細聲，收音又麻麻，攪到我好眼訓，但係隊敬拜隊就好掂，有琴、結他、牧童笛，除左彈得好、默契好，執生都好好，雖然佢地首歌已經彈完，但見儀式未完都繼續奏到完先停，咁先係專業嗎。

好快個半鐘就完左影相，影完我地行去旺角又話飲下野，點知又叫左野ｓｈａｒｅ食，好似食完冇耐又食，攪到我差ｄ飽到上心口，連晚餐都食唔落，只係飲左碗湯。

今日又開始要忙碌，青少年今日睇功夫熊貓佈道會，收到ｅｖａ既聖誕禮物，好開心唷，下午練歌，夜晚崇拜，本來有個非洲牧師黎講道，但係佢去機場時部車係路上壞左，趕唔到班機飛黎，ｓａｍ叔臨時食返隻雞，所以都講得麻麻，於是ｓａｍ叔將聽朝隻雞交左比樹華啦。

今日起身執左陣野，就要去參加個同學佩恩既婚禮，我準時到，但係佢唔係跟寫既時間開始，所以白等左半句鐘，阿招又遲左黎，同ｂｏｎｎｉｅ打個招呼，佢今日好忙又要做司儀，阿傑做司他，整個婚禮過程都好順利，係差唔多臨尾阿ｂｏｎｎｉｅ講錯左句說話：’而家請阿林生林太（就係今日既主角）為對新人（指林生林太）祝福．．’，當堂成為攪笑既源頭，而且係致謝時個新郎好似係度講道呼召，真係好得，影左相之後，我地又自己成班影下，每次都會比主角更興奮得多咁。




之後約左朋友到高達展，都幾多人，然後有ｄ肚餓去左麥記，然後去蘭桂坊，求其入左間吧，叫左杯野飲，原來係ｈａｐｐｙｈｏｕｒ時間，買１送１，早知叫１杯啦，飲２杯就好似多左少少，所以係中環影下相過下ｄ酒氣，然後去葵芳食飯，睇佢個餐好似得好少野，但係都夠ｗｏｒ，不過ｄ味道就麻麻。

今日果然大昏迷到4．鐘，然後去左灣仔既玩具街，原來都唔係有太多店姐，而且多人到爆，６．鐘就搭叮叮去銅鑼灣ｃｅｏ唱ｋ，原來都好大間，聖誕節都有特價ｋ　ｂｕｆｆｅｔ，比左地下間超勁大房我地，真係坐２０人都得呀，不過羅野食就要上２樓，而且壽司魚生要排隊，好多人，羅左幾碟就食住聽ｍｕｓｉｃ　ｖｉｄｅｏ先，然後羅第２轉，查實都有ｄ飽啦，所以開始點ｄ歌唱，但係唔係唱左好耐，３個鐘已經差唔多到啦，有好多歌都未唱呀，聽講原來我地已經比人唱多左１個鐘啦，不過都好似剛ｗａｒｍｕｐ完咁。

以為呢幾日都會凍啦，點知今日又鬼咁熱，又執下屋，都唔係做得好多咁，今晚平安夜，夜晚去左個朋友屋企開ｐａｒｔｙ，交換禮物，然後上天台ｂｂｑ，連埋小朋友都有２０人，由班小朋友負責表演、帶遊戲、抽獎，雖然年紀細，但係都做得唔錯啦，不過ｄ叫聲就．．．有冇個耳塞比我呀？玩完遊戲就去ｂｂｑ，燒到１１．又落去交換禮物，有幾個要早走，交換完我地又再上去燒過，我都燒左好多雞翼，嘩．．．原來已經零晨３．啦，返到屋企都４．半，聽日要大昏迷啦。

今日又開始凍啦，我仍然要趕工，但係ｓａｍ叔突然叫埋我地去開會，又有野報告，所以冇左ｄ時間，而且要將所有票開晒佢，其餘要明年再開啦，因為埋數要收爐啦。夜晚趕返學，可能係假期前夕，有成１半同學冇返，而且練個首歌又難唱、又高音、又唔好聽，我都唔係幾識唱，好彩阿ｊａｃｋ後黎有返先冇咁悶。

今日雖然放假，但都要返去趕工，而且今日係青少年經歷神營會，都有ｄ人先返黎，下午先出發，我就做到午飯都冇食，除左入數，都要執下間房，然後去買份禮物，不過行左幾粒鐘都買唔到，而且成身都好累，我隻腳．．大鑊。

今日返去除左有好多野趕之外，又要執下房，因為都好亂下，完左崇拜就去飲茶，由於太多人都要分左２台坐，我未黎之前佢地已經食左好多野，所以我都係叫左７籠點心，可能得４個人，所以魔利姐＆阿國都話飽，但係仍然係度食ｗｏｒ，真係好好笑，然後去左尖沙咀，夜晚去埋文化中心外聽音樂表演，連續３日係度都有’全城同慶聖誕sing’既表演，我地睇左隊香港雜牌ｂａｎｄ，水準１般啦，多以鍵盤彈為主；然後去試３蚊件板長３文魚壽司，我都好期望第１次食，但係去到不但唔駛排隊，而且好少人食，以前排晒長龍既情景唔見左ｌｕ，而且味道都唔係話好得咁緊要，又話入面加左ｄ日本芥茉，得個少少完全感覺唔到，而且有少許生米既感覺，總之比我第１次食板前差好多。

今日起身繼續執屋，不過已經好累啦，但係未執晒，又要搵返套團服出黎，件衫就搵到，但係個呔就搵左好耐都未搵到，到左３．終於都係個箱度搵到，即刻梳洗，因為３．９要返到學校報到，最後攪到差唔多３．９先出門口，落到樓下醒起唔記得帶歌書，要上去羅啦，落到樓下醒起漏左擺條呔入袋，又上多次，落到樓下發覺唔記得帶介指，算啦唔再上去啦；搭左２程小巴係４．４返到學校，報到完就去ｈａｌｌ練習，原來佢地都係剛開始，練到６．半先完，未食午餐差ｄ餓死我，即刻趕去羅飯食，然後７．要換埋衫等出場。

係準備出場時，見到ｗｅｎｄｙ老師，阿ｊａｃｋ話部份既聖誕歌係由ｗｅｎｄｙ老師幫手彈架，唔怪得練習時咁好聽啦，佢彈得真係好好，我又見到ｄｒ．　ｌｏ個神情好緊張ｌｏｒ，而且係台上同平時練習都唔同，睇佢係台上ｃｌｉｃｋ左幾次就知啦，可能驚我地唱得唔好啦，ｓｏｆａｒ都最後唱得都唔錯啦我地，而且比想像中早左完，所以同埋幾個同學再去食野，傾到１１．幾先走。

今日又係１個人執，仲要比佢夾左隻手指１塊肉出黎，痛死我啦，但係都要繼續整ｗｏｒ，整左成日先整好張床，然後要移個琴入房啦，之前又要清潔１輪，又鬼死咁重，推到１半發現唔夠位入，比個櫃阻住，推返轉頭，但係已經唔多位返轉頭啦，要將個櫃ｄ野清走ｄ，然後移走個櫃，將個琴再移入房，又要搬返個櫃，令我念起點樣將隻大象放入雪櫃既問題，又用左１個幾鐘，差ｄ要暈低呀，之後又要攪清潔添，真係好辛苦。

今日１個人將張訓左好多年既碌架床拆左，真係非常辛苦，而且拉起塊床板時仲要成塊散晒，真係執都有排執，又要鏟牆、又要掃地、拖地，又要過家姐度搬張床過黎，又要安裝，簡直累死啦。

今朝返去做埋份報告，下午同阿權去旺角試左間新野，味道麻麻，價錢都ｏｋ既，然後我就開始搬房啦，實在太多野，搬左好耐，又要將ｄ台搬過房，因為要比返個位ｒａｉｎｂｏｗ返黎做，最後將所有野回復返以前剛裝修既擺設，就好似ｗｉｎｄｏｗｓ既系統還原１樣，地球係圓架嗎，所以我冇執過自己野，都係塞晒入去先，幫佢地搬埋其他野。

落去７仔時發現平時買開＄９．９支１公升黑豆漿已經剩返最後１支，可能已經做完ｐｒｏｍｏｔｅ啦，今日樹華生日，所以完左同工會１齊去飲茶，今日趕埋ｄ票要截數啦，如果唔係會埋唔徹做預算，幫手煮飯既街坊又係度鬧交，夜晚趕返學時唔知做乜鬼咁塞車，遲到；練習完又去ｈａｌｌ同樂團夾，佢地都仍然拉得唔好，最後夠鐘都要練埋幾首聖誕歌，喂，都未練過ｗｏｒ之前，原來到時有段時間我地唔駛唱時要坐係條梯級度，我反映左比個同工知會好肉酸ｌｏｒ。

今日雖然都係晴天，但係好似涼返ｄ，１早起身要趕埋份功課，可惜都係差少少先做完，不過唔緊要啦交住先都好過冇野交，但係就冇溫到書，ｈａｒｍｏｎｙ考試時老師話以前曾經有人５分鐘就交卷，不過唔係最高分既人，我地覺得呢份卷比測驗個份深好多，我都差唔多夠鐘前先做完，可惜最後個題唔記得左個ｆｉｇｕｒｅｄ　ｂａｓｓ係點做，好慘呀．．．

今朝阿國去左屯門講道，而阿谷由新加坡黎左，今日黎左聚會，我又入數入到顛左，都唔記得寫感謝卡比包牧師黎證道，到完左先有人提，所以好趕咁寫左，之後阿達又黎同我分享佢今朝既不滿事，查實我都同樣有佢咁既疑問，點解要係呢ｄ崇拜時間試野，而且呢樣野絕對唔係而家趕住完成既野，所以今日既講道唔見左，而且ｄ音響都未執完，唔應該臨時加ｄ唔緊要既野。阿ｃｈｒｉｓ帶左好耐以前我幫佢切既高達模型送返比我，原來佢都冇擺過出黎。



之後去同阿谷佢地飲茶，原來除左新加坡幾個人之外，就係得ｊｕｄｉｔｈ招呼佢地，平時飲開茶既都唔得閒，ｓａｍ叔就係隔離台，飲完佢地夜晚會上山頂，而佢地聽晚就會走啦，不過阿谷（ｐａｕｌ）過多個月又會同佢既家人去廣州，又會黎香港啦。

今日青少年崇拜亦唔駛彈琴，做左好多野，去榮發食完飯，阿權又係青少年崇拜度幫手宣傳聖誕活動ｒａｐ野，今次佢冇咁怯啦，我又入左好多數，夜晚崇拜完我就趕去家姐屋企預早食飯做冬，雖然已經冇做咁多送，但係都食剩好多。

今朝返去又聽到遍傳時有人被人明搶米事件，我聽到都ｏ晒咀，簡直係匪疑所思呀，點會比人開門羅左包米後關返門冇入到去咁失敗呢；下午去食韓燒，發覺ｄ套餐真係差左，好似比人地燒剩既碎比我地既，然後阿達陪我去試眼鏡，有幾副都幾好幾鍾意，不過分別係５００－７００蚊，都相當貴；夜晚係遍傳最後１晚出隊傳福音，我又等到最後先組到隊，因我等ｄ人分剩先，搭左ｓａｒｄｏｎｎａ＆阿星１隊，羅左２個地址出街，等我１睇，好惡攪ｗｏｒ，睇就好近，查實上海街要係旺角個邊，另１個係佐敦道，我地係油麻地，咁樣１定趕唔到啦，好在行到窩８見到幾隊ｔｅａｍ個地址好似冇人係屋，順理成章比左佢地去，我地折返佐敦道。

上到去同個阿姨傾，佢有係機購做義工，又有去天梯幫手，雖然佢知道聽完道會平靜ｄ，不過要做拜祖先既工作，所以而家都未可以信，我都想同佢講１次，ｓａｒｄｏｎｎａ突然羅左串５色珠出黎，交比我叫我講ｗｏｒ，真係比佢玩死，因為呢樣我唔熟未講過，不過串珠已經過到黎都要講啦，都ｏｋ啦，最後都有信；剩返１袋米，雖然我地都唔有太多時間，ｓａｒｄｏｎｎａ都要送埋佢，最後有個婆開門，佢又想比我講，唔好啦妳黎啦今次。

今日阿權粒暗蒼好勁，所以我地去佐敦食上海麵，真係難得既ｊａｓｏｎ都有同我地去食ｗｏｒ，我地等左好耐，差ｄ要走啦佢先比到位我地，但係阿權學阿達叫左碗辣麵想谷爆粒暗蒼，可惜谷到成身汗都唔爆，反而返去之後比阿達講既野笑爆左佢，呢個都算係奇人啦；夜晚約左ｄ朋友去食壽司，由於腸胃炎，食得唔夠放，實在可惜，壽司呢樣野係賣飛佛黎架嗎。

今日阿權生左飛滋，所以我地去生記食粥，有好多人都等左好耐，我２晚都冇去遍傳，所以今晚都要出隊啦，出隊前阿國叫左我敬拜彈琴，然後組隊出隊，最後我同ｐｏｌｌｙ＆１個姐妹１隊去駿發，係樓下又好似往年咁，有幾隊人１齊到達，得個６０幾歲既阿婆係度，佢都好健談，講左１輪知道佢之前有返過教會，但係而家已經冇返，所以我都同ｐｏｌｌｙ合作同佢講多次福音，雖然我地冇夾過，但係大家都配合得好好，最後我幫佢做埋決志祈禱，感謝主！

今朝遲左ｄ返工，入去聽左ｄ報告，又聽下阿軼分享，不過詳細內容都未清楚，然後就趕做野，下午１齊去左佐敦食粥，呢間細碗ｄ，但同生記１樣價錢，原來尋晚遍傳時，好似有人變左疆絲先生，而見到阿ｃ既結他盒又好似德古拉伯爵個棺材咁，成日既話題都圍繞講呢樣野；傍晚時分李成帶左個大提琴黎，所以同佢夾左１陣歌，佢拉得真係好，夾到我都遲左ｄ返學。今晚都係唱個幾首，但係老師同我地分開每個聲部練，然後去ｈａｌｌ度同ｄ樂團夾，未夾之前我地要排好次序先，由矮至高分聲部，排完老師叫我地認識下隔離既同學，而我聽到前面有人問，妳係女仔？呢度係男高音黎ｗｏｒ？點解會過左黎既？我地望到都ｏ晒咀，又要忍住笑，佢話已經同學校講過ｗｏｒ，我同阿ｊａｃｋ都互問，到時演出佢究竟會著女團服ｏｒ男團服呢？

入左ｈａｌｌ開始練習時，我地發覺除左ｃｈｏｉｒ既質素差左之外，樂團ｄ人既質素都差左好多，開頭都已經拉到走音、ｂｅａｔ唔夾、細聲．．．好難頂，真係１屆不如１屆啦。

今日本想返去做野，可惜尋晚到而家成日都係謂痛，食左藥都仍痛，所以休息唔到好累，夜晚都考慮返唔返學，不過就考試都要返，而且份功課要趕交啦，仲未念好呀，ｈａｒｍｏｒｙ講左考試既範圍，放學行過琴藝坊時，我地見到有個女仔企係條走廊中間，好似聽緊ｍｐ３／電話咁，問返ｄ職員，佢已經係度好耐，話比佢聽要關門佢都冇反應，於是叫佢問多次，原來佢都冇插到耳機，同佢講野１ｄ反應都冇，直頭當冇人咁，所以佢ｃａｌｌ個女同事落黎幫手，最後黎左個唔知係唔係佢男朋友既人先叫到佢走，走時都係迷迷惘惘，撇下撇下咁，都唔知係唔係啪左野呢。

今朝崇拜阿國明知要遍傳嘉年華，佢都講到１．幾，２．鐘開始啦嗎，點趕得到食飯呢？所以好趕咁食左碗麵，去到已經開始左，有好多人，阿ｂｏｎｎｉｅ都有黎，傾左陣，臨完前又同其他人映下相，之後收拾完野又同魔利姐佢地係教會影下相，然後同ｃｈｒｉｓ去同國際既同學食飯，南南結婚派邀請卡，食左尖咀既ｐｉｚｚａ，然後去食埋個糖水；夜晚返去個胃又突然痛起上黎，痛到我好耐都訓唔到。

今朝音響房部腦又中毒，呢隻野真係好毒，所以同佢整下，點知唔小心將個開機檔都鏟埋，真係大鑊，佢又冇磁碟機ｗｏｒ，所以要拆個ｈａｒｄｄｉｓｋ出黎先整好，下次都係唔整啦；然後得返好少時間練歌，等完左敬拜我先食飯，阿權又有新攪作，佢幫青少年ｒａｐ段野宣傳聖誕ｐａｒｔｙ，１出場ｄ人就係度唱’大家庭．．．’，不過佢話準備得唔好，人多有ｄ怯ｗｏｒ；由於ｂｒｉａｎ要做ｐａｒｔｔｉｍｅ，阿源累，所以我約左個ｆｒｉｅｎｄ去食飯，然後上左飛鵝山影相，好大風好凍阿，我地ｓｅｔ左部機等佢爆光時走返入車等啦。

今日放左日假去電腦展，阿國、阿泉都放左飛機，唯有自己去啦，去到都冇咩野岩咁，反而見到ｌｅｏ，所以１齊行，大家都冇野買到，然後食埋個午餐，個胃有事都食唔到乜，我就返去執下房，都差唔多可以執晒啦。

今朝７．又被胃痛痛醒，個頭有ｄ鏢冷汗，食左粒上次剩返既止痛藥冇咁痛後，再去睇醫生，馬醫生話腸謂發炎，要放鬆、食飯定時、小食多餐ｗｏｒ；所以下午又去食粥，雖然今次ｄ藥少ｄ，但係好似食左好快就冇咁痛，而且比左７日藥又食得密ｄ。

今晚係遍傳訓練，可能而家有好多人都唔識點做，所以開左個訓練班，但係又冇叫人報名，真係唔知有冇人黎，又唔知開得成冇，但係又好感謝主，竟然都有１００人黎，真係始料不及，要不斷咁加印講議，而且叫左ｄ同學做下３１６、無字天書、五色珠．．．示範佈道法，咁ｄ新人都有多ｄ適合佢地既傳福音方法啦。

今朝整埋份預算，總算趕完，食完飯順便去轉埋台，因為手電份約就黎完啦，返去做埋個ｐｏｗｅｒｐｏｉｎｔ今晚會友大會ｐｒｅｓｅｎｔ，雖然７．半開始８．鐘都完啦，但係就算我點趕都好，返到學校都差唔多放學啦，所以係度同魔利姐彈下琴，然後加埋泉哥去好麵線，泉哥話好好食ｗｏｒ，我就覺得好難食，佢地都叫左個勁辣既，泉哥食到成頭汗，魔利姐冇事ｗｏｒ，簡直面不改容，真係厲害，我飲既豆漿就好似飲緊水咁。

下午約左個由新加坡ｆｃｂｃ黎既弟兄ｍｉｃｈａｌｅ，返去教會教下我彈琴，佢真係好謙呀，話我同佢彈得差唔多ｗｏｒ，於是示範左１ｄ　ｐａｔｔｅｒｎ我睇，不過要消化加多練習，可惜我夜晚要返學，唔可以陪佢食飯，所以拜託尚森照顧下佢。

今日崇拜完去左飲茶，然後念住去朗豪坊用積分換戲飛，點知要用少積分換飛既戲院，只有４間，佢１早又唔講明，所以趕去紅磡換左佢，呢間果然真係好少人黎睇，夜晚場都只有幾個位賣左，我睇呢場’海角７號’都冇１半位滿，原來都２個幾鐘，都ｏｋ好睇，然後都係食左個車仔麵。

今日青少年去城門水塘ｂｂｑ，所以我唔駛彈琴，又可以趕多ｄ，夜晚崇拜彈完琴就去同朋友食生日飯，又去上次佐敦個間，當我趕到去時佢地已經食完咁，留左ｄ比我，係唔係咁肚餓要食得咁快呀？咁我再叫多幾味啦，原來阿婷有左ｂｂ呀，越黎越多人生ｂｂ啦。

今日又埋多１個月數，要繼續努力；又要做多幾個報告，下星期會友大會之後開會用，放工時見到阿權、ｊａｓｏｎ係度打高達，睇左後玩左陣，都好難玩ｗｏｒ，睇佢地好似好易咁，睇黎我都唔適合玩呢ｄ野啦。

今日真係有ｄ凍左，我仍然要趕入數，放工去ｐｒｕｄｅｎｃｅ屋企探ｂｂ，因為之前都冇探過，順便食飯加疆醋，ｂｂ好細呢，當然啦得個１０幾日大，我地等到阿偉返黎就走啦，所以都唔敢玩佢既大武士超合金。

今日有少許涼左，下午去左食米線，然後睇下要搬位既安排，攪完１輪之後，好似都係變返最原本既坐位，我會搬返以前自己１間房做野。

今日開完會，大家唔知有咩特別又去飲茶ｗｏｒ，酒樓都有ｄ凍，第１輪到左唔到５分鐘就比我地殺清晒，大家真係咁肚餓咩？但係又好似唔係食左好多野，價錢都唔平，到左３．鐘已經有人話肚餓，真係誇張；不過放工前我都有ｄ肚餓，所以同阿權去左通達食腸粉，然後趕返學，經過旺角見到杜棋峰係度拍落雨戲，好多人圍觀，好在我冇睇先追到班車；同左學校講轉去唱ｂａｓｓ聲部，所以今晚試下，點知出事啦，因為之前學左ｔｅｎｎｅｒ個ｐａｒｔ，今次唱ｂａｓｓ好似ｓｉｇｈｔｒｅａｄ咁，唱唔到呀，所以小休後都係轉返去ｔｅｎｎｅｒ先，下個ｓｅｍ學新歌時先轉啦。

今日天氣熱左，所以好早就熱醒左，份功課老師覺得個結尾有ｄ負面，我寫時又冇念過呢樣野ｗｏｒ，因為我係由呢個ｉｄｅａ開始念架嗎，但係如果唔係咁又唔知點完，因為最終個結局都會係咁，所以都幾頭痛點攪。放學等緊車時，ｋｅｌｖｉｎ又約我去食糖水，好在今次只去深水步。

今朝完左崇拜即刻疏散ｄ人，然後去左同ｐａｕｌｉｎｅ，李成飲茶，之後返去安排浸禮，ｚｏｉｅ，靜賢又返左黎映畢業相；今次有３０人浸禮轉會，黎睇既人都到坐唔到得晒，ｄ見證又好感動ｗｏｒ，好在到浸禮既過程都冇混亂，ｄ人都算守規舉。

今日青少年崇拜係改左做聖經問答比賽，所以唔駛我彈琴，下午試左８樓樓下間新裝修既正宗海南雞餐廳，味道１般，份量少，價錢貴，呢個位置都轉過好多手，改過好多次名，但係ｄ員工都係冇乜禮貌，都係１次姐。夜晚我彈琴，如果ｊｅｎｎｉｆｅｒ趕到返黎我會比佢彈，不過佢趕唔到，今晚係嬰兒奉獻禮，要同佢地映返張大頭照做記錄，其他個個都好順利，唯有ｋｅｖｉｎ個仔行黎行去唔定，好難映，完左１齊同ｚｏｉｅ映畢業相，之後１齊食飯食糖水，今晚見到志華唔係咁開心，所以都冇同我地食。

今朝食埋最後１次藥就再去睇多次醫生先返工，又轉左個翁醫生，佢就睇得耐ｄ，好多野都講得好小心，加埋傷風藥，有好多包呢。所以今日做野都冇乜勁，下午早左同阿軼去食榮發，因為佢冇食早餐，但係個飯就麻麻好食。