次元日記

今朝部腦個ｍｏｄｅｍ唔知做乜，整極都唔得，好在有ｄ野唔駛用電腦做姐，可以１邊搞１邊做，下午同樹華食飯，都講過好多野，夜晚個胃都唔係太舒服，所以早ｄ返去休息，聽日睇下去唔去睇多次，ｓｅｎｄ埋份功課比老師先。

今日個胃仍然痛，食過藥當然已經冇咁痛，但係成個人都累下累下，但ｄ數都可以追到唔少啦，下午自己去左食米線，個感覺都幾特別，幾安靜呀。做到７．幾就去志華屋企食飯，因位之前約左，今晚佢落廚呀，做左３味送，都幾好味呀，不過我都唔食到幾多，食完傾緊計時ａｎｇｅｌａ先返到，佢今日考ｌｃｃ，唔知考成點呢？

今朝訓到７．幾開始唔知肚痛或胃痛，痛醒左，錪左好耐都痛到訓唔到，開頭以為肚痛，去完之後都係痛，又以為肚餓，食左野都係痛，返去食粒喇叭牌，食埋胃仙ｕ，都頂唔得，真係要去睇醫生，原來馬醫生放假，唔係佢睇都要去架啦，佢話我係胃痛，我呢排都間唔中胃酸倒流，應該早ｄ察覺架嗎，返去問人會唔會陪我去食粥，呢個話要念唔太想去，個個問係唔係我請，我都好痛唔想同佢地掙拗，自己去食把啦，就令我悟出１個醒覺，就算得我自己都可以去食飯，唔需要同人地食先得，免得麻煩。

食左藥好ｄ啦，不過都間唔中痛；原來今晚又涼返，去返學時離遠已經見到巴士已停緊站，但竟然都比我上到車，仲有位坐添；今晚仍然唱呢幾首歌，新歌話寄左幾個月都仲未寄到，離表演只剩返５個星期。阿國踢波時扭到隻左腳，都幾麻煩下，好似我以前撞到隻右腳１樣，要休息下ｌｕ。

今日訓到１２．幾，起身做埋份功課，今晚返學交，好彩都做到，但係因為返到去佢開唔到我個檔案，所以都冇討論過我份，咁下次再講ｌｏｒ，因為佢今日有事都要准時走；高級和聲派卷９５分，我竟然錯左個唔應該錯既野，咁就冇左５分，真係貴啦。

今朝崇拜ｄ音響好左ｄ，不過個琴冇乜聲，加大左琴聲就唔見左ｄ結他聲，不過我都冇辦法，完左崇拜買左個麵包就趕去大尾督ｊｏｉｎ志華ｂｂｑ，叫佢地上左車ｃａｌｌ我，係中途可以ｍｅｅｔ返部車，但係佢冇打比我，我係太和行街時，又比我見到欠我錢既師姐－李婉榆，又係話冇錢還，佢真係好彩啦，咁又比我見多佢１次，我真係做唔得到咁狠心，佢又答應下個禮拜還，我又等多佢１個禮拜。當我打比志華時，佢先話搭緊車，你係邊個站呀，我即時已經見到部剛離開巴士站車上既ｅｕｎｉｃｅ，我已經唔駛講野啦，自己搭下１部。

原來係近尾站有檔大尾督燒烤場，不過今日真係熱死辣辣左ｄ，呢間最少都要有幾多人餐既燒烤餐，如果２－３人就唔得ｌｏｒ，我地２０人叫左個１５人餐，再加少少野，竟然比我地全部食晒，臨尾仲買左ｄ粟米、翻薯，都食晒，真勵害，走得黎都８．幾啦。

今日練歌練得麻麻地，不過崇拜時都ｏｋ啦；夜晚唔係我彈琴，所以有多ｄ時間入數，完左崇拜同志華、阿軼去左油麻地新開既肯德雞，都唔多人，而且裝修都幾好，志華最鍾意食雞啦，３個人食左個４人餐，好飽，然後同志華去睇下ｄ手提電腦，雖然平左，但都係覺得貴。

今日都係繼續入，下午同阿軼、ｒａｉｎｂｏｗ去左佐敦食飯，然後佢地去參加ｚｏｉｅ既畢業禮，我就返去繼續做到８．幾，盡量做到幾多得幾多。ｐｒｕｄｅｎｃｅ既ｂｂ今晚出世啦。

天氣暖返ｄ，可以１０．鐘先返去開會，點知開開下會有人羅左包榴槤乾出黎，我都話唔好開架啦，開左我都忍住啦，但係有ｄ人仲要不斷咁係我隔離係咁攁ｄ味出黎，係咁ｈａａ我添，我實在忍無可忍走返入房做野以示無聲抗議，好在上午就開晒啦，個預算都唔駛用，阿國想飲茶，所以等到２．鐘先食；返黎就做埋個預算其中個數，終於比我計到啦，可以做追返入之前ｄ數啦，我係咁入係咁入，９．鐘先走呀。

今朝９．鐘已經要返黎開會啦，希望今日攪掂ｗｏｒ，不過每次講講下都會扯左去第２樹，所以都好慢下，所以今日到左３．幾都未講完，而且大家都累啦，下午又去食大牌檔，經濟唔好都多左好多人去食，因為平ｄ呀嗎；我繼續做埋個預算，不過有幾條數未知有咩問題，做到７．幾終於搵到其中１個原因，仲有１條數有問題，不過呢２個禮拜做到我好累，已經眼痛、眼紅、流眼水左好幾日，真係對住個ｍｏｎ眼都凸埋，我要休息下。

今朝起身見涼左，後黎有陽光就暖返ｄ，返去就開０９年計劃會，而且ｒａｉｎｂｏｗ亦都回流啦，明年會重執行政主任既位，１開就成日唔駛做野啦，我個預算都算做左，我好趕咁早２日做左屯門既收支報告ｓｅｎｄ左比佢，免得被某冇人話遲比佢，今日佢自己都收唔齊料未做預算，之前追我又咁急，又話炒我又剩，而家佢自己又唔係做唔到，仲可以去退修玩添，我已經做到半死，又點可以怪我？你估我冇野做呀？

夜晚返學唱ｃｈｏｉｒ，呢個阿ｓｉｒ都幾攪野，肥肥地，講野、動作有時幾好笑，學左幾首歌今日先算係可以唱到１次，但係當然未岩晒啦，我覺得今年ｄ人既水平比我第１年參加時差左，而且人數都少好多。

今日訓到１．鐘，後黎想起今晚要測驗，不過好累都冇溫，作曲又未有ｉｄｅａ，而且逼住要下個禮拜交啦；ｈａｒｍｏｎｙ測驗話測完就可以走既，但係可能簡單ｄ可以好快做完，所以之後都講返書，冇早放呀，放學時又大風、又凍，雖然ｂｏｎｎｉｅ已經著左幾件衫都係度震緊，見到我後覺得仲凍想著多件，因為我著左短袖衫。

今朝都繼續做預算，但係都有ｄ數唔知點黎，不過都整住先，唔係下個禮拜冇野交，完左崇拜去左旺角食飯，然後約左人去買野，今晚去人地度食大閘蟹，又買左蝦、魚、壽司、燒鴨．．．，都非常豐富，去到見到人地個女，幾歲大真係好可愛呀，同佢玩得好開心，佢好跟我呀，撲係我身上真係好ｓｗｅｅｔ　ｓｗｅｅｔ呀。

我地由７．幾開始食壽司、燒鴨，然後食蟹，真係好多糕好好味呀，食完１隻就食下蝦，再食埋另１隻，真係好滿足，但係食大閘蟹實在太麻煩，要花好多工夫、時間先實得晒，飲埋僵茶都１２．啦，呢餐真係食得耐，好彩趕到最後班車過海。

今日繼續做預算，青少年冇崇拜已經唔駛練歌，我又唔駛咁早返去學校幫手，所以都比預期多左時間做，但係都係做未完；夜晚開始涼左，返到學校好鬼大風，今年畢業同學作品發表音樂會，我負責派場刊，因為後台幫手冇位，好彩演出左１首之後我地都可以入去聽，又唔駛買飛唷，今次係我第２次聽發表音樂會，我覺得ｄ作品真係幾好ｗｏｒ，想起上次其中１首神臨，真係印象深到想死，完左映下相，之後同幾個同學去食野。

今日朝早做左個報表，下午去左食韓燒，返黎就開始切住個預算先，雖然得７個月既數，但係都要做左先，人地仲可以去ｃａｍｐ玩，我就做到死仲要比佢話唔可以話做唔到，出面公司已經比人炒左啦，我都隨時抱住呢個心態架啦，做到９．鐘都未切完，我對眼都已經好累啦，又痛，成個人簡直散晒咁，要返去休息下。

今日好辛苦終於都埋左７月既數，仲有排追，但係未聽晒１０月既敬拜，下午得我同阿軼去左譚仔食米線，仍然咁多人，價錢貴左，但係份量好似滿左；夜晚去睇左部〝爆粗ｂａｎｄ友〞，簡單講套戲係冇咩內容既，個主角我懷疑係有精神分裂，雙重人格，應該就黎癡線架啦，不過總比套〝Ｌ〞好睇，睇完去ｍａｒｋｅｔｐｌａｃｅ買左ｄ減價既壽司做晚餐，又估唔到都ｏｋ過得去ｗｏｒ。呢排個腦成日浮現阿權２０周年段片中唱既個首歌，入面既歌詞係咁既〝大家庭，定有很多很多得意的事，愛心關注．．．〞佢唱得真係好頂引。

今日全日罰抄，下午竟然去左台灣食飯，依然係好難食，不過佢地話去既；到左放工先抄完，真係手都軟晒，１邊抄１邊追返晒８－９月教會所有崇拜既敬拜片，都停左好耐冇聽返啦，雖然ｄ敬拜隊員都冇去睇返、又冇寫ｃｏｍｍｅｎｔ，我又比同事話我好野，咁都要去聽返（佢地覺得難頂），所以我都只係聽，唔再浪費時間打ｃｏｍｍｅｎｔ啦，聽日再開始聽１０月。

有張免費票今日到期去睇左佢，點知人多到爆，而且全部滿座，好在佢比我買聽日姐，可能好多人都係咁呢。係夜晚搭車返屋企時，係巴士總站見到１個好耐好耐之前教會既弟兄，佢住係我屋企附近，而家係香港寬頻做，今日冇咩單開，傾到１齊落車。

今朝開左個同工會，然後泉哥提議去飲茶，雖然佢叫左好多點心，但係每次黎到既野都好快比我地清晒，由擺滿點心突然剩返ｄ醬料，真係幾誇張；由於突然要做多個報告下個禮拜計劃會用，又要開埋ｄ票，我都大把數未入，都唔知做得徹冇，所以好忙好忙，又係佢話如果我做唔徹會比人炒ｗｏｒ，咁唔駛啦，既然你咁講，職位又話高過我，到時我引疚辭職啦唯有。

今日好累，所以休息到返學前，ｈａｒｍｏｎｙ冇功課做，作曲又未有ｉｄｅａ，返去再聽下野先，今晚有幾個人冇返，顯得更冷清咁，連阿蕉都冇返，不過２科都係講返之前咁上下既野，又有功課做啦。

今朝返去趕做左ｄ票，下午大家好遲先去飲茶，叫左幾輪野，因為有幾個要遲ｄ先黎，所以我地第２輪剔左差唔多２０籠點心等到下午茶時間入，但係之後佢地又話唔黎，所以可能要減少ｄ，點知呢個話個樣唔減得，個個話呢樣唔減得，最後都冇減到，而且其他幾個人後黎又黎埋，仲要再叫多１輪添。

之後去左旺角行１陣，睇下電話ｄ上台費，原來要用齊晒ｄ功能都係得３　＆　１２３最平；夜晚去左元朗食盆菜，有１０幾人去ｗｏｒ，原來係阿軼以前住過個度附近，個盆都幾大既，又叫多左ｄ送，飲下紅酒、啤酒，阿李成都有同我地去呀，９．半就走先啦，因為李成都要早返，要行返出去搭西鐵。

今朝返工就要去樹華屋企整電腦，本來好快攪掂，但係比個問題攪左好耐，所以返去又即刻要練歌，好在唔係太肚餓，今日既快歌彈個ｂｅａｔ我都唔係咁熟，練左１陣就好ｄ，查實就夾得唔太好，正式時又唔係咁差ｗｏｒ，係轉快歌時音響唔知我要用埋另１個琴，冇比聲我，慢歌都好順暢，完左係練晚堂歌時先去買左個飽食，夜晚亦係分男女組，志華約左小龍，所以我地去到深水步先食飯，原來佢由暑假到而家，已經做過第５份工啦，食完１齊去公園分享、祈禱完先行返屋企。

今日係萬聖節，夜晚食完飯有朋友叫左去蘭桂坊，以為夜ｄ少人ｄ，點知去到要排左幾句鐘隊，由中環行到上環再折反中環先上到去，雖然沖左涼，都攪到熱死辣辣成身汗，我都係第１次去，下次ｄ咁既節日都係唔好攪啦，有ｄ人化左唔同既裝，但係有部份既打扮同呢個節日都冇關咁既，而且上到去都冇地方坐低飲野，徘迴左１陣落返去麥當奴買野飲，我又叫多個麥樂雞念住１齊食，唔知我叫錯定佢攪錯，變左個麥香雞飽，冇得返轉頭換，之後又去飲埋糖水，都已經２．半啦。

今日都好累，都執左屋，掉左好多冇用既野。

今日生日放左日假，下午去同左個朋友食飯，然後過赤柱行下，去到筲箕灣差ｄ搵唔到個巴士站，去到睇下野、映下相，夜晚係海邊既餐廳食飯，想映張相時，發現唔見左個腳架，返轉頭搵已經冇左，點會咁大意呢？叫左幾個送，佢個鹹豬手幾好味、幾脆。

今朝原來冇會開去飲早茶，但係之前都冇通知我，順便講下ｄ檢討，大至都係做得唔錯架啦，係１次好好既經驗。好趕咁做左好多野，有人想羅住錢今個星期比講員費，我都好唔得閒，’冇呀、遲ｄ啦’，’咩冇呀？我職位高過你，可以唔比咩？’，哦．．．原來你鍾意玩呢ｄ，早ｄ講呀嗎，講到咁樣壓落黎我比你，以後都繼續落去啦。臨放工前班同事羅左個發霉既月餅黎唱生日歌我聽，玩完再羅個雪方蛋糕再唱１次，泉哥仲將ｄ歌詞改為”祝你生蟲快樂．．．”，ｊａｓｏｎ又繼續走埋黎要咀我，真係好得人驚，係我避、反抗推開佢地既時候拉傷左條腰肌肉，即時唔可以自己企到起身，搽左ｄ藥膏好耐先好返ｄ。

今晚由個女詩琴幫我地男聲部練習，佢因為聽到ｂａｓｓ唱得唔係咁好，所以係咁同佢地練，又唔知我地個聲部都係未學，都唔知點唱，又冇人出聲，唯有我舉手啦；之後合返埋１齊後仲攪笑，先教我地讀普通話，簡直浪費晒ｄ時間，所以都練唔到幾次就放學啦。阿招已經考左５級長笛啦，佢好似唔係學左幾耐，我係唔係都要轉個ｍａｊｏｒ去考返個長笛級數先呢？

今日都係放假，坐下訓下咁都好累，做左份功課啦，夜晚返學，大部份同學都交左個大綱，我都未準備好；ｈａｒｍｏｎｙ係教到　ｉｉ　ｃｈｏｒｄ既運用，又係配ｃｈｏｒｄ，過２堂就話ｍｉｄ－ｔｅｒｍ要測驗啦，至於個作曲系既音樂演出會既前台崗位滿左，所以安排我做收飛，咁仲好唔駛咁多野做，又唔駛咁早返。

已經好多年既星期日係可以訓到下午，又唔駛返崇拜啦，由於尋晚２０周年慶典，所以今日先可以休息下，真係１０年難得１次呀，下次可能１０年之後，應該５年要攪都唔頂，銀禧呀嗎。

今日係２０周年晚宴，朝早返去前要去交左ｄ營費，然後要印埋ｄ台號啦，但係部影印機好唔生性，係咁ｊａｍ紙，攪到我要逐張印，浪費晒我ｄ時間，而阿達亦都係到４．鐘先剪完段片，立即趕去酒樓預備，點知搭緊地車時突然醒起唔記得帶支票去，酒樓又唔得後找數，所以要坐返車返去羅，走到成身汗。

我負責睇住個嘉賓服務台，好在有叫埋ｋａｒｅｎ幫我，發覺有ｄ嘉賓名牌印漏左、嘉賓台名牌帶漏左，所以阿權又走返去羅，又要叫酒樓羅ｄ台紙寫住先，到左８．完左ｄｍｔｃ既畢業頒獎禮之後我地先返埋位，整晚既流程都好順利，ｄ野食亦都比試菜時好，節目都唔錯，尤其睇片、播相時間，ｄ人見到我地以前個樣都好嘩然，係我地段感言部份，由於突然ｄ音樂好大聲，音響人員就即刻拉細左，聽唔到我地原定做左既效果，真係好失望，有ｄ人話我而家個樣比以前還年青呢，完左執埋野都已經１１．９啦，不過都同阿國佢地去左旺角食糖水，又到１．鐘啦，好在聽日放假。

今日已經係最後１日整埋ｄ野，但係ｄ位都仲有人要改動，又有減位又要加位，所以遲遲都唔印得ｄ野，就到８．巧雲姨都想要改，所以唯有聽日早ｄ返黎印啦。約左朋有去西貢食海鮮，要佢白等左我個幾鐘，真係唔好意思啦，今次都係去返個間，叫既野亦差唔多，但係價錢、味道就差好遠啦，貴左好多呀，不過可以睇到４大名鋪大結局，亦都上埋飛鵝山，今日冇咁大霧，但係好大風，反而落山就有ｄ霧。

今朝返去約晒ｄ行政同工１齊拍段短片祝賀教會２０周年，我地好攪野咁作左個短劇，非常攪笑，攪左個上午，但係唔夠時間ｃｕｔ左好多內容，都冇計啦。

今日都仍然有好多野未落實到，我要預備既野就做好啦，係等幾時齊料印炸，不過我相信未到最後都唔會改完，放工同阿軼佢地去旺角睇下衫，不過佢話聽日先買ｗｏｒ。

今朝開左２０周年晚宴既會議，已經係到左最後階段，所以開到遲左，其間又有ｄ２０周年既書送黎，印刷都幾靚ｂｏ，但係可能用錯左紙既磅數ｌｏｒ；下午同工們同我去飲茶，預早慶祝我生日，原來又有名單要變，究竟要改到幾時呢？夜晚返學，我又唔記得搵張ｃｈｏｉｒ證，因為２年冇唱都唔知擺左係邊，ｏｈ．．．又講點樣用氣，都唔係好明，然後先分男女聲練，練完念住又去幫同學錄影練習過程，不過佢搵左個唔駛唱ｃｈｏｉｒ既同學幫手，所以我落返去唱ｃｈｏｉｒ啦，我想轉去唱ｂａｓｓ添，因為佢話香港少出ｂａｓｓ，而且今年人少ｄ，又話難唱ｄ，所以想去試下。

放學聽頭先剛練習完既同學講，又有人唔出音樂會，因為未寫好，遲ｄ再補，但係要租學校個ｈａｌｌ要ｄ同學自己賣飛，而個位同學唔出都要包賣返個ｄ飛，因為學校要有８成既入座，可能我遲ｄ畢業都要咁？讀呢科真係貴啦，係唔係要轉系呢？

今日家宇又有名單要改動，應該ｏｋ既，但唔記得ｓｅｎｄ返屋企，所以改唔到比佢，下午做左ｈａｒｍｏｎｙ既功課，但係作曲既大綱唔知點寫，返去睇下咩環境先，不過都係得２個同學交左，而且今日多返２個新同學，但係都係男生；ｈａｒｍｏｎｙ仍係教ｃａｄｅｎｃｅ，ｓｕｓｐｅｎｓｓｉｏｎ，放學同幾個同學食飯。

今朝好在叫埋ｋａｒｅｎ返黎幫我，因為有ｄ人既位有ｄ問題，又要改野，完左有好多人黎羅飛，都差唔多派得晒ｗｏｒ，但係都攪到２．鐘先去食飯，好在佢地去飲茶都係開始食冇耐，食完仲要返去鎖門。去到文化中心外面有ｄ攤檔，我係度玩呢個解扣遊戲都玩左成個鐘，有ｄ真係好難，之後係星光大道見有表演，應該係ｄ唱歌學校既學生，有ｄ唱得幾好既，有個把聲仲有ｄ似陳奕迅添，彈琴既都幾勁ｗｏｒ，不過ｄ男生就好瘦有ｄ’拿拿’地添。

今朝繼續加緊印製，１１．半又要去練歌，練完除左唔係太肚餓外，都要趕緊印製，所以叫左個公司３文治，下午既敬拜感覺夾得好左，係有ｄ地方彈得未夠好，之後又繼續趕工，４．鐘又練歌，趁住佢地祈禱會時都爭取時間，終於係完時印晒，但有好多人黎羅，好在有ｋａｒｅｎ幫我，而且有小組既人幫我貼埋ｄ貼紙，然後去麥當奴買野上志華屋企小組，但係竟然ｅｕｎｉｃｅ都係度小組，我地又羅住ｄ外賣返落麥當奴食，去埋公園祈禱都１１．啦。

今日又發現有人既坐位有調動，都盡量滿足佢地既要求，下午有ｄ雨，所以同樹華佢地去試左間新店，３３蚊個飯包湯，熱飲加２蚊，凍飲加４蚊，即係最少３５蚊啦要飲野，寫得幾平呀；下午開始印埋ｄ名要貼台號，但係部ｐｒｉｎｔｅｒ過熱時會將ｄ飛面層膠熱熔，所以印１０張又要停１陣，真係有排印呀，唯有同嬋嬋佢地練左陣歌，７．幾約左班舊同學食飯，早ｄ慶祝我生日，尖沙咀有間妹記大牌檔好多人幫襯ｗｏｒ，如果冇ｂｏｏｋ位都要排好耐呀，其中叫左味３杯雞，我除左見唔到有幾多雞外，蔥就多到成鍋都係，而且辣到飛起，然後食埋糖水，佢又車我去佢既賽道 － 飛鵝山，今日非常大霧，能見度非常低，真係好危險。

今朝有人打黎話觀塘有３個人要抽返出黎油麻地，咁又要叫阿國睇下有冇多３個人加入，佢又要改坐位，所以下午同泉哥哥飲完茶，做埋個飛法野，又要再編過ｄ位，終於發現原來令到我編唔到位，頭痛左成個禮拜既係ｊａｓｏｎ　１家，經阿達同意佢係１雙情願同阿達坐之後，我將佢１家掉走，咁就所有難題都解決晒啦，哈哈，點解我唔１早發現呢個問題呀，但係仍要將觀塘ｄ飛換過ｄ貼紙，又要攪到８．幾先走。

今日繼續分位都分到百熱化啦，又成日比人追有飛換未？下午同埋仕仔又去新巴黎，佢留到ｄ蘇幾型ｗｏｒ，食完再去睇下副眼鏡，下．．．冇左其中１款啦，點會咁架？唔通叫我唔好買？返去做個分位表分晒屯門、觀塘既位啦，印埋台號就貼埋去啦，所以都差唔多８．先走。

今朝返去開左個２０周年既流程會，阿軼、家宇去左馬來西亞旅行，我都冇時間去，無耐又多左ｄ野做，好彩都分返ｄ比ｊａｓｏｎ，之後仲要繼續安排坐位，成２．鐘先去食飯，阿權又去榮發，貪佢ｄ飯變化多，日日去可能會好似阿達咁，食到以後都比９折為止；返去繼續做之時，發現部腦ｓｅｔ唔到ｄ指定紙張大小，攪左好耐都唔得，而且仲遲左ｄ返學，原來今晚係開學禮，校長講完１翻話之後就到ｃｈｏｉｒ練習，已經２年冇唱啦，又有個新老師負責，佢教我地用氣既方法，都解釋得唔清楚既，可能我唔理解啦，到練習時又鬼死咁快要人ｓｉｇｈｔ　ｒｅａｄ　ｗｏｒ，根本都未睇得咁快，練到８．半我就走先，要上去幫個畢業同學作品發表音樂會練習拍攝，上到去原來佢地都未練好，有ｄ混亂咁，於是我隨便拍下練習花絮。

今日１２．幾比ｂｒｉａｎ電醒，又問壞電腦問題，講完唯有起身啦，食完飯之後又執下野，６．鐘又趕返學啦，作曲科講左ｄ曲式分析，要做份作曲既故事大綱比佢，進階和聲都係重溫ｄ　ｃａｄｅｎｃｅ，好既係可以重溫下，不過ｄ野好似以前教過，感覺有ｄ浪費時間，好似每堂都有ｄ功課做。放學陪２個同學去食飯，我都係坐下傾下炸。

今日既崇拜時間我都係做分位既野，查實我完全冇開過ｄ甚麼籌委會，都唔知有乜野須要安排，我都唔知分台有咩注意，應該比返佢地分先岩，最後都係分唔到；完左都冇時間食野就趕入去大尾督ｂｂｑ，２．半鐘去到，佢地已經開始燒緊，又唔晒有ｄ涼，真係幾舒服，ｄ野食ｏｋ，不過份量預少左ｄ，差唔多燒完我同班小朋友１齊放風箏，不過可惜個地方吹無定向風，而且每次都唔多過１０秒有風，好難先比我放左１次，而且好高，不過真係好垂直向上，可惜不到幾分鐘就開始從上墜下，之後都唔夠風再放上去啦，係呢度放風箏都有ｄ沮喪ｗｏｒ，大約燒到６．ｄ野就燒晒啦，而且有雨落ｗｏｒ，不過我地都走啦，行左陣大埔搵左好耐，終於比我搵到個間糖水店，不過始終個最簡單最傳統既紅豆沙都係要加紛。

今日係青少年崇拜既改革，所以只有ｄ活動遊戲，我就可以做多ｄ野啦，４．鐘又練敬拜，不過大家彈既、唱既都唔係幾好，我真係唔敢講太多，呢個可能係我怕啦，崇拜期間我都係度安排坐位，完左小組既ｏｕｔｉｎｇ竟然得返我同志華，咁岩ｓｔｅｐｈｅｎ係度，叫埋佢去食雞，食完志華同我１邊行１邊傾偈，去到我屋企樓下公園坐到１１．幾先走。

今日念住放假，但係未幫兆偉整完ｄ成績表，所以念住上午返去，下午約左細ｊｏｅ去屋企睇下ｄ窗漏水點樣做，點知睇完要換好多野，５０００幾蚊換１隻，相當昂貴呢，睇佢咁快睇完，不如都係返工把啦，點知返到去係咁做，攪得黎要１０．鐘先走，點解念住係放假既，仲要比平時做得夜添，呢個係咩理由呀？

今日家宇出左黎考試，所以下午同左佢去旺角食飯，去睇岩左２副眼鏡，不過唔知買唔買好，之後１邊做野，１邊幫兆偉整ｄｍｔｃ既成績表，發現ｄ分數真係做得幾靚；我ｄ資料都係直接係ｅｘｃｅｌ度羅姐，明明都冇咁多小數位既，但係唔知點解射去ｗｏｒｄ時會出現１０個小數位，冇辦法ｓｅｎｄ返屋企做，做完ｓｅｎｄ返比佢啦，但係都係整唔到，最奇怪係佢有ｄ又冇問題ｗｏｒ。

今日都幾天朗氣清，做左２０周年既野都唔記得去銀行添，而且有好多人要改坐位，都攪到好遲先走得，所以去左旺角１間食海南雞飯，都有ｄ貴４０蚊；夜晚返到屋企附近見到落左ｄ雨，好彩落得唔大兼已經返到屋企樓下。

今日放假，約左班朋友去飲茶，差唔多２０人都好難搵位，最後都係將２張台拍埋，查實我地又唔多覺叫左好多野，但係埋單都要８０幾蚊，好貴呀，係今日假期還是本身呢間貴呢？可能我地平時飲開個間平啦。然後去睇左場２０世紀少年，都ｏｋ好睇，交代左好多野，但係要睇埋第２，３集先知個結局。

今日晨早有人電醒，原來個朋有今日放假搵我出街，好眼訓兼今晚要開學啦，都係唔去啦，早少少返去睇下情況，順便打電話比以前個學校師姐，佢話上個月打比我會點樣還錢，點知有人接但話冇呢個人，仲話可能已經死左，咁可以肯定佢又再１次欺騙我啦，咁我都開始彩取行動啦，叫學校幫手搵佢先。今晚既作曲、進階和聲都係得７個男生讀，就好似變左國際７子咁，唔知作曲系係唔係我想讀既野呢？放學有朋友約我去食糖水，點知又車我去左西貢，返到屋企都差唔多１２．啦。

其實個ｃａｔｈｙ李婉榆，女性，曾係２年幾前返夜校既師姐，問我借左幾次錢，話屋企有事，憑著大家都係１場同學、朋友，所以好單純咁相信佢，直至後黎先係其他同學口中知道佢已經問過好多人借過錢，已經經動埋學校，所以當其時佢係學校既見證下寫左ｄ借據比我地，之後冇錢交學費當然冇再讀啦，開頭都周不時有短訊話幾時還，當然都係得個講字啦，後黎更加連影都冇埋，我都未追過佢，８月尾撞到佢又話阿哥係大陸自殺左，屋企又點樣唔掂呀咁，話９月再ｃａｌｌ我點樣還法，好，我又信多佢１次，但係亦都係冇蹤影，我對呢個人好失望，講大話真係唔駛本既，我真係好天真好傻，唯有搵學校幫下手ｌｏｒ，所以如果有人見到呢個人、或者識得呢個人，麻煩請通知我，同時都要小心佢問你地借錢，小心呀。

今日完左崇拜好在阿軼唔去食飯，咁我先至可以去食飯，同泉哥去左飲茶，我地又好似唔係叫左太多野，但係都要３９蚊，以新光黎講都好貴，食完仲要返去等鎖門，阿軼就去睇２０世紀少年，而ｊｕｉｄｔｈ成班亦都係度練歌，下星期６既婚禮，因為我冇應承幫ｍａｙ彈，所以唔知佢搵左邊個，但係今日冇黎練習，唔知到時夾到冇？而且ｄ歌攪到好悶咁，希望到時好ｄ啦；夫婦組既人唔知做乜，開到鬼死咁遲，攪到我差不多５．先走，所以都係係旺角食飯炸。

今日仍然１號風球，阿嬋返左大陸做野，所以搵左家宇出黎帶敬拜，我就可以休息下做下數，不過亦係冇人食飯ｌｏｒ，我又買好麵線，唔駛敬拜我入左好多數啦，夜晚都需要彈，完左亦有小組，ｆｒａｎｋｉｅ都有黎分享，又見到佢啦，不過我因為要傾ａｕｄｉｔ既野，所以都冇聽到講道，好彩聽左佢地分享都知到左ｄ。

今朝６．半就起身，要８．鐘趕到烏溪沙幫手敬拜，真係晨早呀，比晨禱會還要早，但係都冇遲到，好快練左１次就開始啦，雖然個電子琴唔好彈，但都彈得算ｏｋ啦，之後去餐廳坐１陣，完場彈多首就返教會啦，返到去都係１２．半；夜晚係廟街外展，由於打緊１號風球有雨，都唔知會否取消，好在都冇再落雨，係開始前有幾滴姐，今次亦由ｄｍｔｃ既同學負責，應該係畢業既最後１擊，都好順利，天氣仲好好添，係黎睇既街坊反而小ｄ。

今日１１．半開始練歌，準備聽朝去烏溪沙，練到１．鐘先去旺角食飯，呢間新巴黎好似比我地食旺左咁，居然坐滿晒，等左好耐先有位，而且掛左１號風球啦，夜晚念住１１．半就要訓啦，點知阿哥１２．先過黎，由於聽朝早起，我都陪唔到佢走我就先訓，不過都已經２．幾啦。