次元日記

今日係國慶假，但係都訓到好晏添，執左陣野就去換左隻杯，夜晚食完飯去左尖咀睇國慶煙花，嘩．．．真係非常多人，ｄ好位又比人企晒，咁好多人４．前已經去左排隊啦，好難先搵到個好少少既位，不過都等左１句鐘，然後睇左２０分鐘既煙花，現場最震憾既都係ｄ爆炸聲啦，等既時間仲多過睇既時間，而且仲熱死辣辣添，好在天氣都已經涼左ｄ，個位近出口，唔駛排就出左黎啦，如果入左裡面，都唔知要等幾耐呢。

今朝好趕咁做左ｄ野，１２．鐘就同志華趕去烏溪沙接班內地同工黎教會參觀，只係馬安山買個便檔去食，２．鐘就１人騎１部車出黎，好彩都好快攪掂，好在都唔駛我翻譯，不過臨走幫佢地點名時就攪到我好趕啦，好在最後唔駛我地騎返部車入去，唔係就又冇２句鐘啦，然後去游埋最後１次既免費水，所以去左好耐冇去，以前中學時期游水堂既深水步泳池，嘩．．．真係好多人，而且仲有好多蚊蟲添。

今朝１１．幾ｂｒｉａｎ打黎講佢見ａｇｅｎｔ既野，，之後執左３個鐘野就要趕去游水啦，４．鐘去到黃竹坑巴士站，點知ｃａｌｌ極ｇａｖｉｎ都冇人聽，ｃａｌｌ左好多人搵佢屋企人，都未有消息，又唔敢走開，又擔心佢係唔係有咩意外，繼續等左個半鐘佢先覆我電話，仲要毫無誠意咁叫我自己搵地方等到７．先游，聽講完我真係好唔開心，係唔係都應該要出黎先帶我去呢？我人生路不熟，最後佢話出黎都用左１個鐘，我都未試過要等咁耐，真係有ｄ唔想游添，後黎都同佢講返我既感受，然後7．先去游，今次玩既滑梯我地２個人搭住黎滑，咁係刺激好多ｗｏｒ，玩左好多唔同花式後，佢攪到２次抽筋，我都抽左１次，ｈａｈａ，游到８．幾同佢食左包冷麵就走啦，返去食個飯再執野。

今朝９．幾就返到教會，因為今日阿國講道冇人帶敬拜，搵左秀嬌帶敬拜，所以由星期６晚既敬拜隊彈，咁我就可以幫手啦，雖然都有ｄ彈錯，但係都彈得ｏｋ啦，完左本想ｊｏｉｎ埋阿國飲茶，但係阿嬋同佢個北京朋友叫埋我去左榮發，ａｎｎｉｅ、ｚｏｉｅ成班都去左，叫埋我去同佢傾偈，食完１齊行去旺角，我順便買左幾個箱裝野，然後去左荃灣游水，原來每個泳池都有唔同既開放時間ｗｏｒ，不過天氣開始有ｄ涼啦。夜晚返去繼續執房，但係原來有好多衫都被撇雨時浸爛左，真係慘啦。

今朝約左修理師父黎整影印機，不過睇過都係１樣，睇下試耐ｄ情況點啦，然後練歌，尚森比左ｄ意見阿嬋，不過以而家練習既情況，佢應該未做到住，所以我都冇出聲，呢ｄ要佢平時多練習先得，然後買左個飯盒，４．鐘又練夜晚既敬拜，完左之後我地小組ｏｕｔｉｎｇ，係ｗｏｒ，阿權唔係度咁我要鎖門唔走得？原來阿達有野剪唔走住，佢會幫我，不過最攪笑係，ｊａｓｏｎ下午話今晚要去飲，但係而家都仲未走ｗｏｒ，佢究竟去唔去架？我地都係去左開心食飯炸。

今日放夜，阿權要去經歷神營會幫手，所以念住去游完水先返工，點知１１．半去到先知佢係收１２．鐘，攪到游唔到啦，但係比我見到冬蓮，佢亦係岩岩黎入唔到，所以同ｒｏｃｋｙ傾左１陣行左１陣，然後１．鐘趕去旺角漢和同班ｄｍｔｃ同學食飯，今次佢地ｂｏｏｋ左自助餐，我地同工早到食住先，食到好飽呀，然後返去做野，點知坐低之後發覺平時個份自我分工既狀態完全失去，都唔知自己要做ｄ乜野？要做ｄ乜野？做邊樣先呢？真係好煩腦，完全失去邏輯。

羅返頭先班同學送比我地既自製ｔｈａｎｋｙｏｕ　ｃａｒｄ睇，阿達發現有ｄ　ｃａｒｄ有人冇簽名，而且每１張ｄ人簽既時候都有唔同趕時間既人，有ｄ簡化到令人覺得好趕咁，有人又簽到１半搽左佢再簽第２個，入面張相有幾個人真係好似執上去咁添，真係笑死我地；阿軼話今晚要留係度有野做，幫我鎖門，但係竟然阿達、ｊａｓｏｎ都留係度做野唔走，所以我又可以走去游水啦，８．游到９．幾。

今日ｄ男同學上完課學生小組時１齊去打ｗａｒ　ｇａｍｅ，剛好我地同工又組到１隊，所以就分左學生、同工２隊比賽啦，由於部水機仲未整好，呢幾日我都冇早餐食，但今日又冇時間食飯，所以只係買左個蛋糕仔食，１２．幾去到上水古洞１個基督教機構，聽講解完ｄ玩法、裝備、任務之後就開始玩啦，呢套裝備著到熱死辣辣，未玩已經成身汗，第１　ｒｏｕｎｄ我地互攻，比佢地贏左，第２　ｒｏｕｎｄ換轉場地，到我地成功，經講解完，原來個場地１邊易攻１邊易守既，第３　ｒｏｕｎｄ我地守，我仲要做砲台不死身，我地要商量戰略啦，最後守城成功，不過我就仲左好多鎗ｌｏｒ，真係痛到死，第４　ｒｏｕｎｄ佢地守都成功，然後玩ｄ其他戰略，時間過得都好快，之後去左ｓａｍ叔屋企沖左個涼，嘆左陣ｏｓｉｍ就車我地去金鐘試菜，順便睇埋場地，樓底比較矮，ｄ菜就相當有份量，可能係試菜既關係啦，食完我對ｄ送有好多ｃｏｍｍｅｎｔ，有ｄ唔算太好。

估下邊個係我呢？ｈｏｈｏ

今朝雖然６．半就落返３號，但係ｄ同學都好似其他學校１樣唔駛返學，不過１０月１要補課ｌｏｒ，我都唔明做乜又要假期黎補課，阿達又要返埋拍野，仲要即刻剪埋片比ｄ返唔到既同學，真係難為阿達，我亦都唔認同咁既做法，不過都唔到我理啦。

今日返去時已經３號風球啦，由於部水機漏水食唔到麥皮，所以趁住同阿達去惠康入貨時買個豆沙飽，做左樣緊要野之後，１．半大ｊｏｅ邀請成班同學加埋同工去香港仔佢既舖頭食飯，而且ｂｏｏｋ埋車，嘩．．．佢幫我地預備左好多送，不過我地呢台男生實在太大食，放低冇耐就比我地食清，有幾樣仲加多左１碟添，ｄ豆漿好飲，醉雞又好味，平時食個ｄ好苦架，鱔湖又正，小籠飽又甜．．．．樣樣都好味死啦，食到食唔落為止呀，真係多謝晒佢呢餐呀，大家有時間１定要去試下；然後聽到４．鐘將掛８號風球，所以搭車返去做埋ｄ野，大約６．鐘就掛左啦，我都做到成７．鐘先走，可以早ｄ返去執多少少野添。

今日起身食完飯就開始清潔，要將我房既雜物清理晒佢，剩係床下底都擺左好多野，我ｄ　ｎｏｔｅｓ都唔少，冇用啦，掉，冇用啦，掉．．．終於掉剩少少，已經執左幾個鐘啦，今日係咁先，下次先執上面，本來下午約左ｇａｖｉｎ游水，但佢臨時改夜晚，所以要過黃竹坑游，雖然都係唔駛錢，但係車費仲貴過入場費呢，不過係１號風球ｗｏｒ。

去到黃竹坑都冇個個車站既？比人點左添，而且部車仲過緊橋先知，唯有下個站落啦，點知原來港島區有ｄ車７．鐘就冇車，所以我搭唔到個部，令外１部循環線都等左陣先見到部９７ａ，但係我企係個站度望住佢走左，我當時已經熱死辣辣，仲等左半句鐘佢竟然飛站？問下人點解，佢話呢部車要等好耐先有１班，而且話冇人落車，你又唔向佢招手佢就唔停車架，乜原來港島新巴、城巴既司機咁衰架，終於我都係等唔到搭求其１部車過橋再轉４８號巴士，咁已經用左１個鐘，真係浪費晒我ｄ時間，只係由８．半游到９．半，又要搭車出去再轉車返屋企，我要投訴佢地ｄ服務質素，返去食完飯再執左少少野啦。

今日崇拜報告臨時叫我去講２０周年既安排，好彩冇咩特別問題野，唔駛怕，阿嬋帶左個北京人返崇拜，原來係黎香港樂團表演，佢係拉大提琴既，下次有飛比我去睇，佢都幾攪笑架，同佢都幾好傾，又可練習下普通話，好快食左個晏就要趕返去鎖門，４．幾去幫人整電腦，順便食飯睇埋溏心風暴大結局，有ｄ劇情、對白都比我估中左，總算完成左呢件事情啦。

今日都要幫青少年崇拜彈琴，原來佢地之前開會已經有安排早ｄ有食飯時間，不過我都係叫好麵線，佢又加價啦，仲加左２蚊添，真係離譜，１年加幾次；志華帶左英棠返黎叫我睇住佢先，因為佢媽媽入左ｃａｍｐ，佢都係寄居左係志華屋企，今次都係得結他＆琴，我就有ｄ地方彈錯左，冇上次夾得咁好啦，完左就到晚堂練歌，５．鐘就要祈禱會啦，我都係有ｄ地方彈錯，真係彈得唔係幾好，之後當然要叫飯開組啦，不過由志華、ａｎｎｉｅ講佢地係四川既經歷，但係ｂｒｉａｎ病左冇返ｗｏｒ，我又同英棠玩得好顛，佢同以前已經好唔同左，除左性格大膽左、多野講左，已經冇咁怕醜啦，但係個身型都變．．．大．．．左。

今日下午本去深水步泳池游水，點知熱死辣辣去到佢竟然逢星期五清潔唔開ｗｏｒ，攪到我身水身汗行返過李鄭屋泳池，都係游到６．鐘散場。

今朝竟然落雨ｗｏｒ，可能呢排實在太熱啦，我羅左把遮去返工，但係竟然成日都未用過，反而熱死辣辣，下午志華返左黎同我地去左旺角韓燒；今日亦都係我罰抄既日子，夜晚去左人地屋企搬床，不過我間房咁多野，查實都唔知用唔用得著，要掉左大半間房既野先得，都唔知掉唔掉到咁多，但係搬時都好辛苦，去到蘇屋佢竟然住係最高既山頂個座，行上去已經成身濕晒啦，張床既鑼絲有ｄ又滑庌，拆到手都痛汗又流，叫埋車返到家姐屋企都１１．啦。

尋日阿妹比左２張飛我睇戲，不過冇人得閒陪我睇，而且呢排都冇戲好睇咁，但係張飛今日就到期啦，點解唔早ｄ比我呀？最後睇返ｄ時間，都係得個套媽媽咪阿，ｃａｌｌ阿妹去睇啦，查實都好似未同佢睇過戲咁ｗｏｒ。

今日雖然暫時已經唔攪２０周年既野住，而我自己既野就好似好耐冇做過，但係今日都做唔到幾多架啦；夜晚又去九龍公園游水，佢剩係開室外池，又細又有柱，唔係幾好游，我游左１陣又練下踩水，不過踩極都沉且好快累，臨走又磅下竟然都重左，游左咁多都重左有冇攪錯。

今日只係訓到１２．鐘就要起身，梳洗完食左碗粥就去傢俬舖睇下張床，好快又要趕返教會２．鐘開會，查實真係唔想假期都返去，開到４．幾先趕去九龍公園游水，點知原來九龍公園收５．鐘，又要行多個鐘先游到，游左個半鐘就走去食飯啦。

今日係中秋節，朝早崇拜完只係去左榮發食飯，然後趕去大尾督霸爐今晚ｂｂｑ賞月，嘩．．去到已經感受到個種熱死辣辣既感覺，而且搵極都冇爐，問ｄ就黎好似走既人，又話已經比人ｂｏｏｋ左，１係要１０．先走，最後都係租爐啦，２００蚊３個鐘，之後每個鐘加２０蚊，真係好貴ｗｏｒ，好彩燒到１０．鐘隔離個爐ｄ人真係走，咁我地就可以趕得到還爐唔駛加錢，燒到凌晨１．幾先走，返到屋企都差唔多３．鐘啦。

今日青少年崇拜除左彈琴之外，都要唱埋，因為其他人唔得閒，而且我呢幾日都生緊飛滋，雖然得我同阿嬋２個，但係今次發覺大家既默契好左，另外好開心見到有個好耐冇返既青少年　－　阿興，佢都畢業剛開始搵野做，完左崇拜搵我傾左１陣關於搵工既壓力，叫我幫佢祈禱；之後又練歌今晚崇拜，崇拜完小組本應ａｎｎｉｅ帶ｏｕｔｉｎｇ，但係佢冇返，所以慶祝完阿源生日，食埋蛋糕就出去食飯啦，落到下面又擾攘左１輪終於衝出油麻地啦，去左尖沙咀食壽司，雖然話全部１０蚊碟，但係埋單每人都要４０幾，同去明將差唔多價錢，但係呢度冇咁飽。

今日將部腦既版面變成ｖｉｓｔａ模式，真係幾靚ｗｏｒ，不過都攪左好耐，夜晚去家姐屋企食飯做節 - 中秋。

今日又係９１１，好似已經少提呢件事啦，都係好事黎既，夜晚約左人食飯都要揀ｄ有溏心風暴睇既餐廳食呀。

今日返去主要攪返個網站，因為有好多怪獸字，唔知點解有ｄ榴槤糕比阿ｊａｓｏｎ食左，我就梗係走返埋房啦，突然感覺到有1陣殺氣，原來ｊａｓｏｎ想走入黎用榴槤味攻激我，於是急忙將門關上，可能太快太急，竟然將佢幅眼鏡撞歪左，好彩冇整到隻眼，不過佢話個圓框已經係絕版唔出啦，不過真係睇唔順佢個舊框，令人好想打佢１鑊。

下午熱死辣辣都走左去旺角食飯，叫野飲時阿泉哥問凍檸茶加幾錢？凍奶茶加幾錢？凍檸樂加幾錢？．．．問完之後要左杯凍奶茶，之後又話要改凍檸茶，所以最後黎左杯．．．凍．．檸奶茶，哈哈．．．

今朝因為要講下賣飛情況，所以開左陣會，原來９月１５話所有人都要返黎開會，呢日係假期，我已經約左人啦ｗｏｒ，可唔可以當唔知呀，呢個問題之後再傾啦，又講開個網站唔ｕｐｄａｔｅ，出現好多怪獸字，所以下午做左必要做既野之後，就開始執下佢，都有排攪下ｗｏｒ。

今朝８．幾ｂｒｉａｎ就打黎話已經決定唔返份工啦，同屋企人講左都ｏｋ，都叫佢唔駛擔心啦，９．幾又打黎話已經通知左對方唔返，亦都冇野擔心，咁佢終於都可以放心啦，我又可以繼續訓到１．幾，起身整個麵食，４．鐘就同智恆去游水，去到觀塘見到阿妙ｗｏｒ，游到６．去食左ｄ野就走啦，今晚要早ｄ訓。

今朝趕唔徹去投票，返到去已經好忙，完左崇拜又有好多賣飛野攪，由於有人之前買左好多飛，教會問佢讓返ｄ出黎，所以我禮貌上都同佢講聲唔好意思，就係咁比佢過左１棟，’咁你幫我係婚禮上彈琴呀’，我都唔知比咩反應佢；之後又要等鎖門，所以早午餐都冇食，慘．．．然後有ｄ時間返去投個票，盡下公民既義務，之後７．鐘去買左ｄ野就去食飯啦，到左１０．陪埋佢去投票，１０．９就走啦，然後要去搵阿ｂｒｉａｎ，佢又因要返份新工而攪到崩潰咁，成日胡思亂想，擔心呢樣個樣，所以係公園到同佢傾到１．半先行返屋企。返到去２．鐘又打電話黎都仲未解決，講到我個電話都冇電，轉用屋企電話講，終於係４．先講到佢訓，我累過頭都冇辦法唔沖涼就訓啦。

今朝練完歌都只有叫外賣，不過今日彈得都係麻麻，而工作主要都係２０周年野，小組得返幾個人本想去食飯就算啦，但係阿權要去飲，我幫佢鎖門，攪左１大輪都係叫外賣開組，都１０．幾先走呀。

今日醒左念住訓多陣，點知再起身已經訓過龍，返去都係做２０周年野，好難先開晒ｄ票，下午行去食車仔麵時突然落起好大雨，變成落湯雞添，呢間好平但味道１般，好在走時冇落雨。夜晚約左舊朋友食生日飯，竟然去尖沙咀正冬打邊爐，款式唔算多，味道都ｏｋ，個魚湯底淡左ｄ，價錢都係貴，不過最後我地叫左碟雲吞、水餃，落左大半時見到有蟻係上面行，於是搵個侍應過黎比佢睇，點知佢講左句驚人既說話：我換過隻碟比你；隻蟻係雲吞上行換隻碟有咩用呢？最後話換返２隻比我地，無耐．．．

之後我又坐車上飛鵝山，上之前佢竟然話比我楂下，所以去左佢樓下先，我發現太耐冇楂，都唔係幾識咁啦，真係有ｄ唔掂，睇黎要練返多ｄ先得啦，最後都係比返佢楂上去，今晚係好多霧，幾乎睇唔到條路，都幾危險架，只係上去去左個廁所就走啦。

今日返去仍係做賣飛，好可惜真係已經賣晒，發現真係有好多星期６、日既人ｄ屋企人都會冇飛買啦。夜晚約左班舊同事食飯，尖沙咀食自助餐，我張新卡可以用啦，要快ｄ簽夠佢，有７折都ｏｋ抵食啦，款式又唔算太多，都ｏｋ啦，係有ｄ種類其他地方未食過ｌｏｒ，原來阿智又係我地教會２０周年晚宴個日結婚，真係攪著我啦今次。

今朝有雨落，返到去就開始做２０周年報名既野，因為今日開始可以公開發售，所以要做好準備，下午得我同阿軼去左食上海麵，但係又好好天，下午已經有好多人黎買飛，夜晚念住最遲８．鐘要走，點知整下又有人黎買，攪到１０．鐘先走，真係累死我啦，而且ｄ飛都差唔多賣晒啦，有ｄ人要買幾圍，因為實在太抵啦，星期６、日都唔知仲有冇飛賣比人呢？

今朝雖然請左假，但係要陪媽媽去覆診，所以都要同返工１樣時間起身，１０．去到廣華比物理治療睇完，１１．就去門診見醫生，１０．８己經到左羅籌，點知等左幾句鐘都未到，原來醫生都係１１．鐘先到，仲要睇１０．鐘症先，唔知我早左羅籌會唔會快ｄ呢？好彩都係等到１２．幾，睇完約埋下次覆診又要去返物理治療部，原來醫院呢個部門有食飯時間，所以又要等半句鐘，真係浪費晒ｄ時間，我以為醫院係輪班架添，不過好快約完做物理治療日期就走得啦，返去家姐就羅飯過黎。休息左１陣夜晚又要返學，我都冇預備到個首歌既彈法添，其他同學都冇，只有１位雖然彈得唔順，但係已經好勁做得好好，真係好配服佢呢。

今朝訓到１．智恆打黎問幾點游水，原來今日開學放半日，可惜阿達剛有事唔黎得，咁食完飯約左３．鐘就去，好在都未係好曬，游到６．鐘就要走，同佢食左少少野添，ｂｒｉａｎ打黎話創世請左佢，不過ｄ時間唔知佢頂得順冇？又唔知返唔返到教會，不過佢仍然係擔心佢唔須要擔心既野ｌｏｒ。

今日崇拜完又去左飲茶，敬拜隊加埋其他人剛好１圍，今次叫左好多野食，好多飽，佢地驚食唔晒，有咁多蝗蟲係度點會食唔晒呀，但係唔係下午茶時段，所以要４０幾蚊，然後３．鐘返去開１４４大會，最大目的係將屬靈父母個名改做師徒，祈埋禱咁就２句鐘啦，查實當初開會我知最後決定都係用師徒呢個詞語，唔知做乜後黎又變左做屬靈父母既呢？

今朝返去食完個早餐就同青少年練歌，好彩都有時間去食飯，不過都有ｄ趕ｌｏｒ，除左少部份未係幾好外，都總算ｏｋ啦，不過佢地都須要再消化下尚森講既野，之後又要練晚堂敬拜，見到ｅｌｔｏｎ又黎左香港ｗｏｒ，不過都冇時間同佢講野，然後開小組，ｅｕｎｉｃｅ＆ａｎｎｉｅ今日都出發左去四川，所以我地同佢個婦女小組合組，都係得６個人，ｂｒｉａｎ入左ｃａｍｐ，婦女小組亦都得２個人返，所以竟然１０．鐘完到，真係感謝主！

今朝又冇水，８．半就要起身洗面ｌｏｒ，呢排冇水既頻律都幾高ｗｏｒ，下午終於都見到智恆啦，要上英文班，所以先同我地去食飯，然後我去實惠買左把風扇，９９蚊真係好抵，３．幾就有人上黎換部影印機，不過個隻ｍｏｄｅｌ冇貨，所以幫我地ｕｐｇｒａｄｅ左部快ｄ既，原來個樣係１樣既，功能都差唔多，但有ｄ野要ｓｅｔ過ｌｏｒ。

今日起身又係１０．鐘，千奇唔好以為我又羅返尋日既日記ｗｏｒ，事實唔係ｌｏｒ，哈哈，下午去旺角食飯，順便去買把風扇，不過買唔到，然後去做個飛法野；我終於決定換左教會部影印機，因為呢部有ｄ殘，而且新既價錢同而家差唔多，夜晚去荃灣食飯時，係地車站見到個好耐以前借我錢既夜校師姐，佢真係失蹤左好耐，所以唔好意思都要過去問下佢，佢又好可憐咁話有２個屋企人過左身，要慢慢分開還比我，下個月ｃａｌｌ我，好，我又信妳多１次。

今日起身又係１０．鐘，呢排經常訓未醒既？買左個飽做早餐，下午唔知佢地都唔想出街，所以派左阿達去買燒味，之後終於都可以食左個哈蜜瓜啦，因為都雪左幾個禮拜，都已經有ｄ爛啦，ｊａｓｏｎ本幫我攪到點樣續返個ｄｏｍａｉｎ，不過我做完１　ｐａｒｔ之後又心急左ｄ，禁埋去ｒｅｎｅｗ個ｐａｒｔ都冇留意，比左錢之後發覺可以買返個ｄｏｍａｉｎ啦，但係ｄ舊聯絡資料就仍改唔到，今次真係翹手啦。然後攪下個網站，點知又將ｄ字變晒做怪獸，極之無耐，夜晚去試左間上海麵，都ｏｋ鹹，杯逗漿ｏｋ甜ｗｏｒ。

今日佢地開完會又開埋ｄｍｔｃ會，所以好遲先急忙去禮食左個拉麵，下午係青少年既經歷神營會，我發現今日收唔到ｅｍａｉｌ，而且網站都去唔到，原來係個ｄｏｍａｉｎ過左期，攪左成日都唔知點續期，夜晚返學搭車時都係好眼訓，重有１個站唔好再訓啦，返到去醒起要交學費啦，時間過得真快，眨下眼過多個月就要返學啦，最慘而家又少左１筆錢啦，今堂比左我地預備下堂既功課，要將首歌加入教過既元素落去，仲要有ｉｎｔｒｏ，轉調，ａｕｇｍｅｎｔａｌ，ｃｏｄａ，ｓｃａｌｅ結尾，真係慘絕人還，都係盡力啦，因為技述相差比較遠，所以我都未必做到。

今日早左ｄ起身，因為阿全幫我問左間公司可以做網域既野，點知原來過左期就做唔到，都要繼續等個邊覆，煩．．之後同智恆去游水，因為上次答應過佢，佢又話要去觀塘游，點知佢又唔識路，真係比佢激死，去到先知佢６．要清潔，所以要等到７．先有得游，佢又冇泳鏡、又唔識游，所以要借下比佢，教佢用腳游先，所以我自己都唔係游過好耐咁，ｄ水又鹹呢，而且真係有好多人，而家唔駛錢嗎，我都好耐冇係香港游過水啦，今次都係隔左好多年啦。

今日完左崇拜去左飲茶，飲到３．幾返左屋企，到左５．鐘去左食ｈｉｇｈｔｅａ同ｊｏｓｈｕａ慶祝生日，都幾抵食既，然後去左ｔｏｍｌｅｅ睇下野，之後搵左間餐廳食飯，順便睇奧運閉幕，１６日既比賽就咁完左，中國羅左５１面金牌排係榜首，今屆攪得好成功，有３８個世界記錄產生左，又冇發現用遺禁藥，大受外界讚賞添。

尋晚已經落返3號風球，今日返工只有少許雨，打比樹華問佢幾時返黎，原來打風佢擠留左係馬來西亞２日，希望今日上到機啦，之後青少年練歌，本以為又要叫外賣，好在早練完而且有人食，最後今日ｓａｍ叔比錢呀，謝謝！今日既敬拜我彈得麻麻，有ｄ正常野都彈錯ｃｈｏｒｄ；然後發現收唔到ｅｍａｉｌ，就連網站都去唔到，原來係個ｄｏｍａｉｎ過左期，攪左好耐都唔知點續期，完左崇拜就開組兼食飯，所以叫阿權走先我鎖門，本來以為要等ｅｕｎｉｃｅ完添，點知我地比佢仲要遲半句鐘，雖然志華唔係度，但係我地有好多野分享，下個禮拜ａｎｎｉｅ都要去四川服事，又講多左，下次要準時ｄ完先得，不過下次會合組ｅｒ。

今朝８．掛左８號風球啦，有朋友打黎通知，多謝晒，可以再訓過。下午起身都唔見太大雨，風都算大，到左１．幾就轉左９號添，ｄ風雨開始大啦，都好似好耐冇試過掛咁高啦，所以係度睇奧運乒乓球，見到中國升起３支國旗時都令我好感動呀，男單唔知有冇咁既情景呢？機會都幾大；唔知聽日仲有冇風球打唔駛返工呢？ｈｏｈｏ．．．

今朝１醒已經１０．鐘啦，無耐又遲左，仍然掛緊１號風球，好似話下午掛３號，聽日掛８號，咁要快ｄ做晒ｄ野啦；放工已經準備准時走啦，但係要等埋人，所以好遲先走，本來念住早ｄ反去睇中國女排架嗎，咁我唯有做多ｄ野先ｌｏｒ，所以而家返到去都已經打緊第２局，不過睇到又好激氣，有機會都把握唔到，最後仲輸埋，當堂冇晒心機。

今朝ｊａｓｏｎ搵到樣好有趣既野介紹比我地，買個好簡單既野加埋程式，就可以自己改裝個電腦ｍｏｎ做ｔｏｕｃｈ　ｓｃｒｅｅｎ，而且好平幾百蚊，比起就咁買個９千幾蚊既ｍｏｎ平好多，下午大家同左ｊａｓｏｎ去左深水步換野，順便去睇下個新出既野，不過好可惜閂左門去左食飯睇唔到，最後睇埋其他野連飯都只有買外賣；返黎個英文班已經開始緊，我唔駛幫手，咁岩ｚｏｉｅ既學生係度做功課，我要１邊食１邊幫佢做功課，然後幫阿達整個剪片程式，整左成個下午，最後都係失敗，冇計，可能要重裝，夜晚返到去先知掛左１號風球。

今朝原來唔駛開會，有人放假，有人入左ｃａｍｐ，所以唔駛開，之後見到有ｄ同學買左ｄ送返黎，原來今日ｓａｍ叔下廚，有魚有蝦，ｐｏｌｌｙ老公仲整左燻魚、醉雞呀，大家２０幾人都食得好開心，因為真係整得好好味，尤其ｓａｍ叔整既大蝦，下午ｄ同學開始清潔，智恆都有幫手做ｄ野，真係好啦。

今朝仲早過平時起身，去醫院急症室睇下媽媽既情況，原來都冇咩野做過，只係叫唔好郁佢自然會好，所以等到我地黎到先帶佢去羅個腳套，又有片睇，然後去比訂再去門趁羅柺仗，攪攪下都成１．鐘先返到屋企。本來智恆約我同佢游水，不過佢臨時同ｇａｖｉｎ去左唱ｋ，放左我飛機，不過唔緊要啦，我可以返屋企仲好。

今朝阿國可能觀塘有野攪冇返，所以個敬拜就有ｄ．．．，不過我都預到個難題，就係原來今日冇董事返，冇人幫我數奉獻，要提出下呢個問題先；完左同智恆１邊打ｐｓｐ１邊飲茶，然後返左上去教會，接到個電話，媽媽跌到隻腳行唔到，所以返去同佢去睇鐵打，佢禁完之後就叫我地去睇急症，照埋ｘ光後發現膝蓋有裂痕，所以係留係急症房過１晚，免得走黎走去更辛苦，要聽日先有醫生做野，不過都攪到我好累啦，個癡線婆今晚２．幾又黎料，係咁狂打電話黎，服左妳啦。

尋晚收到個ｍｓｎ，阿嬋叫我幫手彈琴，所以今朝鍊完歌只有叫左個新良友，大家既表現好似做得好左ｄ啦，默契都好左，夜晚亦都要彈琴，完左好不容易去旺角食左仙果園，因為真係好難決定食咩。

今朝因為知道又會冇水，所以早左好多起身梳洗，１１．鐘青少年有個英語ｃａｍｐ，有好多鬼老黎教玩遊戲，ｄ遊戲幾ｉｎｔｅｒｅｓｔｉｎｇ，幾好玩，我都忍唔住玩左幾個，其中１個係要ｄ人係條有好多細孔既大水管內入滿ｄ水，好多人禁下ｄ孔，有人負責倒水，有ｄ禁唔實又出水，下面個又比倒水既倒到濕晒，真係慘啦，點解唔搵個男生係下面呢？夜晚趕唔到返去睇女排，已經開左局，中國又係大好形勢下輸左比美國，真係令我好失望ｌｏｒ，中國男雙又輸左比印尼，香港乒乓團體又係大好形勢下輸左比日本，連銅牌都冇埋，總之今日既比賽令人失望啦。

由於阿達唔舒服，下午念住同佢食粥，點知去到都係冇位，所以去左轉角食湯飯，價錢味道都ｏｋ啦，食完時見到對面位有個人睇唔到個餐牌，所以講住電話行出去睇，然後叫個ｂ餐（粟米石斑飯），個樓面講：ａ餐要飯定意粉？佢話：意粉；咦？呢次有野睇啦，我地不如坐多陣呀，後來真係黎左個ａ意，佢仍講住電話唔覺，之後行離位望下個牌，佢會唔會做咩反應呢？佢竟然無奈咁返埋位食，下次叫野時唔好分心啦。

今日亦有循道既學生黎，等到帶完佢地去探訪後返黎，係我地未知去邊度食飯時，竟然有人建議去飲茶，飲茶好，飲緊時比阿權、智恆２師徒講野真係笑死，食完返去好忙，做左好多野、好累，夜晚返去睇到中國女排，都睇到好興奮，以為可以贏到，點知係領先既大好形勢下，竟然比人連追３局，最後仲輸埋，真係睇到眼都凸埋，簡直係匪夷所思呀。