次元日記

今朝８．晨禱會，然後８．半就開我地第２次既行政同工小組啦，今次由我帶，而阿軼已經進升為ｓａｍ叔個ｇ，所以得返我地４個人，由家宇帶敬拜，當唱歌既時候，我把聲走晒音，基本上大聲ｄ講野都考似失左聲咁，真係考得人驚，大約１０．就完啦。然後就開同工會，差唔多１２．半就開完，等佢地開埋個植堂小組就１齊去飲茶，順便慶祝阿軼、阿泉下個禮拜生日，由於想等到２．之後有特價點心，所以開頭只係叫左小小野，到左２．就入左考多點心啦。

然後返去都做唔到野，間房既溫度比出面更熱幾度，集中唔到精神做，而且又要開左個行政會議，開到４．幾，到最後今日都依然冇做過野，衰神部冷氣下午已經裝完啦，我地部要星期４先送到黎，又要捱多日添。所以橫掂都係做唔到野啦，出去幫衰神寫埋份譜，費事佢成日煩住我。今晚係教會既會友週年大會，我本來份報表已經搞掂，點豬到左臨開始前又收到份新既改動，我要清楚返ｄ野先可以發表，所以搞到遲左開始，唔豬又會唔會比人覺得我做野慢呢？

之後同阿軼係副堂大戰左幾場，佢又教下我空手道，雖然話係ｄ考簡單既動作，但係都考難做到，仲搞到成身大漢，兼屈到隻手指，慘！返屋企途中打左個電話比家姐，原來佢星期日已經生左啦，今日先返屋企，個ｂｂ成８磅重呀，遲ｄ先去探佢。