次元日記

今日同平時返工咁早起身，因為１１．鐘入到屯門打網球，真係好大既衝擊，車錢又貴、路程又遠，最慘係訓得少呀嗎，當我搭緊車時，１來呢個時間入去既人極少，２黎發現沿途既風景真係幾靚ｗｏｒ，有海景，咁樣真係好舒服，１０．半就落車，呢度環境清優、空氣清新、鳥語花香，令人有心鄺神怡既感覺，再行到輕鐵站，阿權、軼、ｈｏｅｙ已經飲完茶，係等嬋嬋攪到大家都遲到，咁阿傑少自己打住先ｌｏｒ；太陽伯伯都好努力下，所以非常曬，我又係第１次打網球，而且我地６個都唔識打，成日打出界都幾好笑，仲好幾次打左出場外既馬路，我就差唔多打足２個鐘，成件衫都濕晒，開始掌握到ｄ，但係個波太快，成日反應未切。



１．幾就去左食飯，呢間太興都幾昻貴，基本同市區１樣，３７蚊鋸扒，食完繼續傾野，之後行左去市中心行下，阿嬋嬋順便做回鄉證，然後到商場行左陣又坐低傾野，傾到５．幾走時又行左陣公園，仲行埋條石春路，嬋嬋痛到喊，然後阿權送我去返巴士站，又再經過睬輝屯門聚會點，但係角度唔岩映唔到相，但係出返九龍就坐滿晒人，而且我累到將個頭撞左埋玻璃窗好幾次。