次元日記

今日母親節正日，敬拜完又有表演，而且都好長下咁，擔心佢唔夠時間講道，不過都１．鐘完，然後就即刻要清場，我要好趕咁去左味皇食飯，個海南雞開始唔掂啦，１．９個字就去返廟前租左２部城巴去銅鑼灣，下午係全球禱告日，不過坐唔滿，上年就落大雨，今年天氣都算唔錯，音響都ｏｋ，不過黎既人就比往年少啦，敬拜下就祈禱，然後又敬拜祈禱，有舞蹈、話劇，都係由讚美之泉帶敬拜，不過部電視就成日映到觀塘既人，尤其係阿勇，而且見到我地校長都有份祈禱，仲有小學生表演添，後黎我同阿達每次祈禱完都發覺我地有ｄ弟兄姊妹唔見左，唔通係被提？最後只係得返阿達及幾個我地既弟兄姊妹。

之後到左差唔多７．鐘先完，可以比人落去１齊敬拜，咦？？唔係讚美之泉既音樂會咩？雖然唔係音樂會，不過都落去敬拜下啦，但係可唔可以踩下個草地呀？落到去都見到觀塘既弟兄姊妹，然後１齊敬拜下，睇埋ｐａｒｔ舞，冇得踩草地，係走時都踩過下邊位既草都當踩過啦。７．半鐘同阿達去搭車，咁岩ｋｅｌｖｉｎ打黎叫我出去，所以佢車左我去西貢食飯，食完順道上去飛鵝山睇下，原來都幾大風呢，試映左幾張自拍夜景相，又幾過引ｗｏｒ。