次元日記

今日除左阿達同我，全世界都補假，仲好，做野都快ｄ，ｊａｓｏｎ只係放下午，雖然阿權放左假，但我用返佢ｄ語調、反應黎過左ｊａｓｏｎ幾棟，差ｄ被我激到佢氣絕，所以冇黎攪我，佢地話我阿權上身ｗｏｒ，原來呢樣係ｊａｓｏｎ既死穴。本來早２日我已經約定阿達今日食飯，因為冇人啦嗎，點知食個陣樹華１家都返左黎，所以１齊去金太郎，食飯既人數仲多過平日，真係估佢唔到呀。

夜晚趕去大埔食ｆａｒｅｗｅｌｌ飯，呢餐食得都幾頂肺，我簡直就係個異族，真係好難做人，我可能就黎變到精神分裂架啦，今晚都食夜左，而且又有雨，但係我冇帶遮，但當我返屋企落車時見到地下竟然未濕過既，不過都差唔多成１．鐘啦，就係行到屋企附近既有瓦遮頭既地方，突然落起好大雨，真係感謝主唔駛淋雨！