次元日記

今朝都幾大雨，仲係黃雨添，本來阿達同我都補左假，但係佢都返左去搞野，差唔多１２．先走，我就因為要等人黎安裝個水牌，又要取消補假，但係等下等下，佢要５．鐘先黎到，而且有少許界錯左，咁我都等唔到佢整完都要返學啦。返到去又差唔多要測驗啦，查實都冇咩練過，而且聽ｃｈｏｒｄ真係失晒分，其他都唔見得好，對位法佢又講左ｄ以前學過既野，又幾好ｗｏｒ，都有ｄ忘記左啦，但係唔知點解呢個課室特別凍既，好彩我每次都帶多件衫姐。

返到屋企雖然夜左ｄ，但係我都打左個電話比ｊｏｓｈｕａ，因為我唔想只係聽第３者講論，所以想聽第１手消息，講左成句鐘後終於都聽晒，都好似好岩咁，查實都好難取捨呀，係要等聽日既會黎解決我心裡面既疑問啦。