次元日記

今朝６．４０分天文台發出黑雨警號，有朋友打黎通知我，望出窗真係落到好似瀑布咁呀，於是再訓返，１１．又比個電話嘈醒，又黎個被玩既電話，又搵匯豐銀行招先生，真係好煩，唯有叫佢報警，最好所有收到呢ｄ短訊既人都去報警，究竟玩夠未呀？到左１１．半個黑雨就變成紅雨、黃雨，然後就要趕返工，不過都冇佢地咁早，原來已經有人返左啦。

青少年崇拜又搵我彈琴，又要練習，大家都好肚餓，所以唯有叫外賣，但係我都要練到１．９先食到；完左到左４．半ｊａｃｋｉｅ黎同我地２４有個分享，不過都有８個人冇黎，佢既分享無疑係幾好既，教我地點樣處理事件、情緒，但係就唔係我地預期中咁，冇解答到我地心目中既疑團，亦冇比我地發問，所以覺得得唔到心中要知既野，１句鐘就完結啦；之前都同ｌｅｏ講過今日練唔到歌，但佢都比我彈，完左崇拜又要趕去石峽尾食飯，今次都開左３圍酒席，係ｆａｒｅｗｅｌｌ爺爺、麻麻返美國，同埋有大部份人以後可能會少見ｄ架啦，ｄ野食都ｏｋ，不過可能係節期好貴ｌｏｒ；１１．實完，ｋｅｌｖｉｎ又約我食糖水，念住咁近深水步冇所謂，點知佢車左我去西貢滿記，真係比佢激死，我聽日仲要返工，佢就話聽日放假返深圳映相姐，終於１．幾先返到屋企。