次元日記

今朝雖然有少許雨，但係都唔係涼，而且今日崇拜真係少左１班人返，阿國講開係布永康上識左個彈琴好勁既人，如果想學可以搵佢教，當佢講呢個名時，我都好似識得個叫ｔｏｎｙ既人，比張相＆個電話比佢睇，就係佢，我之前都想跟佢學，不過又太貴，而且就算而家學左都好似冇乜機會可以用啦；下午得返幾個人去義順食野，然後行去旺角羅野，去到攪左１大輪之後先發現唔係呢度，又行返去佐敦攪，已經行到我成身成面都係漢，去到咁岩係龍舟節唔開，實在太過份，突然又醒起訂左個蛋糕要去羅，於是去最近既海港城，成塊面濕晒，可惜去到真係要係旺角個間先羅，冇辦法搭車啦，就係咁係呢個油尖旺係咁徘迴，真係熱死啦，羅完又趕入大埔，去人地屋企實飯。

趁住有時間睇下佢個仔學琴學成點，係冇心機、冇耐性，又唔知佢老師係冇指證佢ｄ錯處定佢自己記錯左，個首歌應該唔係咁既，不過我都確定唔到啦，然後我都練下琴，因為等到９．鐘先開飯，又同ｗｉｎｄｙ傾下偈，佢今次冇整咁多送，我就覺得岩岩好可以食晒，而且佢煮得都好好味，到１１．幾先走。