次元日記

勞動節今朝去左中環蓮香樓念住飲早茶，呢間舊式茶樓要自己等位既，好似好多年前去過１次，而且又係推車仔要自己去羅既，等得黎食都變成午茶啦，ｄ野食又唔係話太好食，有ｄ必食野唔係冇出就係輪到已經冇晒，不過見ｄ人都係純飲茶多，唔似我地咁係咁食，而且突然都同幾個茶客閒聊起上黎，好在我地早黎，好似話１０號開始呢度裝修１個月，希望會留返ｄ特色啦，呢餐都要６０蚊呀。

之後搭車去大澳，可能有豬流感，所以冇人出外旅行，係東涌搭３６０，大嶼山、大澳既車都排晒長龍，等左成個鐘，搭左９個字終於３．幾鐘到左啦，真係好多人，坐左隻船去環島遊睇海豚，真係影都冇隻，１蚊１分鐘，然後買ｄ小食、映下相行左１圈，６．鐘返去碼頭睇日落，臨走時竟然見到阿鉅昇同班弟兄姐妹係度釣魚添，同佢映埋張相都要返去預備埋聽晚既敬拜啦，點知又要排條長龍，個個人都係呢個時間走，好彩ｄ車都密，出返東涌先食飯啦。