次元日記

今朝ｒａｉｎｂｏｗ求其揀左３首歌敬拜，話可以唔唱晒，不過阿達又話唔識唱，點樣將ｄ歌串埋佢呢？我彈彈下都有ｄ眼淚流左出黎，而且都好好順咁唱晒，祈禱完ｒａｉｎｂｏｗ問我，佢都冇念過會唱晒，點解我可以將３首冇關係既歌連埋到１齊？都係聖靈既感動啦。下午阿權要拍片，志華又毅行者緊，所以冇人食飯，要自己叫金銘，夜晚數完奉獻我就走啦，約左去龍哥屋企食飯，佢又整左好多野，好好味，食到大家都好飽，ｊｉｍｍｙ又有西米糕，明明有杏仁露，要加４蚊南杏、１蚊不幸ｗｏｒ，原來係咁，然後睇左場足球賽，阿仙奴上半場贏２：０，點知下半場輸２：３比熱刺，我地念１定激死黃文國啦，可能聽日ｊｕｄｉｔｈ要預備敬拜啦；然後過左個朋友屋企，傾計、玩到４．先訓呢。