次元日記

今日請左假，我地３個電波少年再續我地上年既鹿頸單車之旅，９．半再係新世紀大家活早餐，然後去大圍租車，１０．４０正式出發，不過天氣真係好熱好晒好焗，我踩１陣就要停低抹汗，大半路程後條手巾都濕晒啦，查實我地都踩得慢慢地，所以都２句鐘先到大尾督，就係上斜路時落地推左１陣，隻腳突然抽筋，然後就有ｄ頭暈作嘔既感覺，休息１陣食左頭先係大家活羅既糖包，咁就好返ｄ，可能尋晚夜訓，又流汗失鹽太多，所以都係落返去食個椒鹽豬扒飯先。

食完飯其實我都ｏｋ既，但係大家為左安全起見，都係唔再上鹿頸啦，咁我都有少許失望既，然後踩返去途中去左英姐做野既工場探下佢，佢又可以早ｄ走同我地飲下野，之後交完車ｔｅｒｒｙ去買ｍｏｕｓｅ，我返屋企羅泳褲，去ｊｉｍｍｙ屋企游水，今年第１次落水，玩左個鐘就去食飯，我地都著得差唔多樣，又有ｄ晒到紅仆仆咁，雖然已經沖左凍水，但係落到街又濕左，而且等位都成半句鐘，食日本野，然後再去ｊｉｍｍｙ度睇左陣波先走。