次元日記

今日雖然返晏，但係唔舒服都幾辛苦下，朝早佢地有個關於前年發生個單野既會開左，總算呢件事又再清析左好多，感謝主我可以分辨到，主有審判既；夜晚志華羅左ｄ藥我食，做到差唔多７．鐘真係頂唔住，有ｄ沾寒沾凍，阿ｔｅｒｒｙ返黎為我祈禱後我都走先啦，同泉哥講我返唔到小組啦，阿ｂｅｎ都係感冒入眼膜；返到去即刻訓下，點知不斷有人打黎問野，都唔訓得幾好，９．起身食飯，然後食埋藥早ｄ訓啦。

今朝返去都係帶返個口罩，因為都流鼻水啦，班女人祈禱完同潔儀慶祝生日，又有２個蛋糕食，之後再去飲茶，下午同志華練下安息禮拜既歌，因為大家都唔識唱；夜晚聖誕ｐａｒｔｙ籌委要開會，傾左ｄ內容、分工、安排、遊戲．．．開到１０．幾先去食飯，同泉哥都係湯飯啦，食完１１．幾搭的士，好自然又會係佢樓下傾到１２．啦。

今朝既氣溫真係涼左，返去要開會，開會期間睇左之前有個ｐａｒｔｙ既影片，比我之前聽既情況真係惡劣好多，令人睇到佢地既表演都好唔安樂，好彩我當年冇出席參與；下午佢地又去翡翠，我同阿軼本去譚仔，不過太多人囀左去肯德雞，食左個飽餐，下午做做下野發覺有ｄ唔妥，大鑊啦，ｒａｉｎｂｏｗ帶過口罩入黎，中招。

今晚又係分組唱時唱得ｏｋ，落返去就忘記晒ｄ音啦，放學唔知做乜等極都冇小巴，所以大家要搭的士，又去食上海野，原來佢地補祝我生日，點知去到見到阿龍同佢老公都係隔離台，當然佢地走先啦，佢出左去之後打黎話見到ｊ小姐，唔係咁驚下？我已經忘記左呢件事，而家又提醒返，大家開始有ｄ驚惶，留意下周圍啦；阿招又表演左１口生煎飽，比我就可能會啃死啦，發現呢間收得比較夜ｄ，都幾岩我地既，不過太夜都幾累呢。

今日開始有ｄ轉涼，訓到下午先起身，做下份功課，今晚交，又要溫下書，今晚測驗，就係咁唔記得帶筆袋，份卷唔難，最難係佢問左幾條字既解釋，真係頭都痕晒，唔係唔知點解，而係唔知點樣寫出黎，原來有ｄ野真係唔識寫ｌｏｒ，不過都求其寫ｄ野啦；放學問下要唔要交單對單作曲既學費，要聽日先答到，但係等緊個時比ｄ風吹到好凍呢，ｂｏｎｎｉｅ先打黎話冇返學，咁遲先通知？只得阿招去５０嵐，食到佢地收舖阿招都未食完，趕到尾都要外賣杯野飲；阿泉哥又係咁追我要搵ｊｅｎｎｉｆｅｒ開聖誕ｐａｒｔｙ會，電話冇電呢。

今朝開始崇拜前有祈禱會，都有ｄ人參加既，完左崇拜就係ｎｅｔ祈禱會，完左又成２－３０幾人搭的士去九龍城ｍａｎｄｙ阿哥既泰國餐廳食飯，好彩天氣都涼左ｄ，因為坐唔晒咁多人要坐街，我地係等緊開台時，已經過對面買左好多野食，食到都有ｄ飽咁；佢整ｄ野食都幾好味ｗｏｒ，不過叫得黎食得黎都４．幾啦，然後陪ｊｉｍｍｙ去買送，今晚佢煮飯，呢ｄ買送煮飯既好男仔真係好少有，如果我係女仔都會鍾意佢呀，順便去望下ｄ單車，佢又有ｄ興趣買咁ｗｏｒ，上佢度教佢彈左陣結他，因為我夜晚約左阿國班人去觀塘食飯，呢間９０蚊既價錢，比煌城貴ｄ味道差好多，好似ｄ腸有ｄ變味添，可惜煌城唔再做打邊爐，原來呢間都唔係幾多人食，而且只有我地１圍打邊爐，食到１０．幾都好飽呢。

今日本來唔駛彈野，但係ｅｌｔｏｎ有事冇返，所以終於都可以彈下琴啦，３．半敬拜隊有半個鐘祈禱會，係今日先開始既，然後４．鐘開始練歌；因為唔可以同班青年人食飯，所以完左唯有早ｄ返屋企啦，睇左套跟蹤都幾好睇。

今日補左日假，下午去左數碼港睇下，因為都未去過，雖然好大，但係都冇乜野行冇乜人行，可能比較早啦，好快就走啦，車程來回都要２個鐘，實在太遠啦。

今朝起身見到好多朋友ｓｅｎｄ左生日既祝福比我，真係多謝晒，本應今日係我要放假既日子，反而而家全部人放假ｗｏｒ，冇計啦我都要返小組，而且埋左９月啦；今晚英姐帶我地玩左個遊戲，大家都玩得好開心，然後敬拜，分享完大家仲為我慶祝生日，又寫左ｄ欣賞我既野、切蛋糕，真係好感動呢，之後１齊去食飯，阿ｂｅｎ都黎到真難得，同泉哥搭車返去又講到１２．先走呢。

今日個水喉都未整好，所以搞遲左返工，下午又可以去韓燒，返去入完晒ｄ數，聽日應該可以埋到啦；放工同阿權去ｕｎｉ睇衫，又唔係話好平好靚，所以都係放棄啦，阿權都執到件既。

今朝開完會ｄ同工們同我飲茶慶祝生日，今日都好人齊，好開心呢。夜晚阿招又冇返學，病左ｗｏｒ，我地又係分部時成日都唔知做乜咁既，而且落到去又唔記得ｄ音啦，好似聽指揮講今年開始要唱晒３次表演ｗｏｒ，唔係下嗎？佢演出ｄ時間已經唔好架ｗｏｒ，最後個次１／７／２０１０我真係唔想出ｌｏｒ，可能因為太少人唱，所以要迫我地唱啦，練完又去潮客，今晚都係１１．姐，竟然已經得返我地呢台ｗｏｒ。

今朝１０．英姐ｍｏｒｎｉｎｇ　ｃａｌｌ，真係好啦，１２．鐘係荷里活等，不過等到１２．半先人齊，然後搭巴士去西貢５塊田，本來想行去布袋澳既，但係３１人可能有ｄ人怕遠啦，而且本身想去食埋海鮮，但係實在太貴，所以會係清水灣落，可能我冇乜運動啦，開頭上山既石級都幾辛苦，之後熱左身就越行越精神，而且天氣都算ｏｋ好啦，大家行到半山時，突然係個度幫我慶祝生日，唱埋生日歌添，真係好感動呀，我地有ｄ仲上埋釣魚翁，完成創舉，係落個下危險ｄ姐，但係比起行柟蛇尖已經輕鬆好多，雖然ｍｏｌｌｙ冇上到去，但係佢就成個戰地記者咁，隨團係咁幫我地影相，辛苦佢啦，５．幾就行完，然後坐車出返去食飯，叫左好多送好飽，呢幾日連續既行程，希望唔會太累吧。

今朝未夠７．起身，梳洗完執晒ｄ野，免得又要行多轉，因為都好遠下，然後上山同ｎｅｔ既人１齊靈修分享，大家都有得著呀；８．鐘就食早餐，都幾難食下ｗｏｒ，食完要過去ｈａｌｌ　１　ｓｅｔ場，因為之前個ｈａｌｌ有人用，９．就敬拜，好正，然後係答問時間，都幾激烈下咁，然後要執野再分ｎｅｔ討論，１．食埋午餐再念住再去打波，不過冇台，所以同ｊｉｍｍｙ玩左場氣墊球，然後已經夠鐘走啦，唔駛１句鐘就去到復興教會，今日係聯合崇拜＋ｄｍｔｃ進階班畢業禮。

完晒都６．啦，比預期遲左呢，夜晚福臨敬拜隊打邊爐，３個地點既敬拜隊１齊聯誼，有史以黎都係第１次，加埋ｄ牧師成５６人，開始時介紹下自己，然後由屯門負責帶個超級估歌仔，仕仔個樣加埋ｄ身體動作，真係好似電視做個種，而且唱出黎又勁好笑，可惜ｄ歌我唔識既，所以都好難估下，後黎每台都派人去試下，真係好笑，之後我都去試聽下，又真係幾難唱架ｗｏｒ，真係會唱到咁架。然後開始食就瘋狂起上黎，叫左好多食得好飽，天香事件好似有ｄ重演咁，有ｄ叫左都冇黎又有ｄ話冇晒，食到１０．鐘就搭車走ｌｕ，聽日要行山呀，真係好似馬不停蹄咁。

今朝８．鐘返到教會搬野入領袖ｃａｍｐ，我地比佢地要早ｄ入去羅場ｓｅｔ場，差唔多ｓｅｔ完ｄ人就到啦，首先由ｗｉｌｓｏｎ　ｚｏｅ帶遊戲，ｄ遊戲都好好玩，玩到１２．就食午飯啦，ｄ送都ｏｋ既，比起浸會園好似差ｄ，食完要到２．鐘先再開始，所以周圍行下，後黎行去打乒乓球，同阿嬋佢地玩左陣，都係差波姐，後黎同ｄａｎｉｅｌ，　ｊａｍｅｓ阿權打雙打，真係好刺激，佢地都好勁，本來贏緊，可惜臨尾不保。敬拜完就由錫叔鳳玲分享，原來ｆｃｂｃ都已經有ｄ野改良緊，又做左個靈修，好多得著呢；食飯前又周圍行下，玩左陣障礙繩，然後同ｃａｌｓｏｎ去打乒乓球，原來佢都打得好好ｗｏｒ，後來ｅｌｔｏｎ黎到就好唔同啦，真係強勁，我同ｃａｌｓｏｎ都輸比佢，可能打得太耐，對腳好似有ｄ累，而且膝蓋唔知幾時整瘀左好痛。

夜晚敬拜分享左陣就要用膏油，每人都要被膏，後黎我發覺有ｄ不能呼吸既感覺，以為係邊個搽左個種香水，原來係ｄ橄欖油味，真係差ｄ要死呢，完左出去以為好ｄ啦，但係仍然周圍都有呢隻味，返到房間都有，ｊｉｍｍｙ比左粒敏感藥我食，好似都冇乜用，後黎原來發現自己個頭都有，馬上沖涼先，然後係房間傾到１．幾先訓，聽朝早起靈修呢。

今晚約左班舊同學食飯，就係我餐生日飯，可惜ｋｅｌｖｉｎ病左黎唔到，而今次去既酒樓竟然係我屋企附近，當然我未曾去過啦，原來都幾好味ｗｏｒ，而且叫ｄ野少左個人都食唔晒，陪佢地去買埋芝麻糕就走啦。

今日返去改左份工作清單，同ｒａｉｎｂｏｗ傾左ｄ，又要再轉過ｄ安排，佢又比左個做呢ｄ系統公司資料我，睇下佢有冇岩用、價錢；然後收到阿ｗｉｎｇ個電話：’今晚小組你帶遊戲ｗｏｒ’，下？我都冇收過個時間表，算啦都要帶啦，泉哥今晚又唔返啦，但係ｅｄｗａｒｄ爸爸又有返ｗｏｒ，玩完遊戲ｔｅｒｒｙ帶敬拜阿龍帶聖餐，然後ｊｉｍｍｙ分享，祈埋禱又去花園食飯，味道都唔錯，係臨尾問有冇糖水送，個侍應竟然好唔客氣咁比張紙我地，冇得送ｗｏｒ，５蚊１碗，今時今日咁既服務態度係未夠架，記低佢個名下次問下平時個經理先得，佢係唔係有病，轉頭佢就話食完先送糖水比我地，早ｄ咁講大家都好呀嗎。

今朝佢地仍開會，下午去飲茶，ｕｒｓ由瑞士黎左，但係我地羅晒位叫晒野，先知佢仍係灣仔搞緊證，所以唯有自己食左佢，好彩唔係叫左太多，竟然岩岩好，唔通係我地大食？夜晚同阿妹兒甥食飯，佢有和民１００蚊劵，但係ｄ野好似麻麻、又貴、又細，碗飯真細，拉麵都ｏｋ既，食完埋單都係６０幾蚊炸，３個人咁既價錢都ｏｋ啦。

今日開完會佢地又去翡翠，我同巧雲姨、權、ｒａｉｎｂｏｗ去蘋果，講講下個話題又去左我度，不過都幾開心，最緊要係阿權係度嗎，我都知大家都好關心我既人生大事，為我祈禱，等我搵到個合乎神心意架啦。合唱團ｄ歌又唔係幾記到ｄ音，分部時就都ｏｋ既，但係落去加埋其他聲部，大家都唔係幾記得咁，放學ｂｏｎｎｉｅ約埋左佩茵、張寧食飯，都好耐冇同過佢地食ｌｕ，走時又係地車站見到ｃａｒｍｅｎ，　ｌｕｎｇ，入到列車又見到阿ｄｉｐ，乜今晚大家都咁夜呀？

今日天氣好似比較陰ｄ，但係都熱，所以返學時冇為意帶遮，返到學校開始落雨啦，上堂時忽然見到子純入黎上堂，嘩～真係有ｄ驚喜，終於多返個人啦，而阿豪今日就冇返，子純仲提議我地要搞ｄ活動等大家多ｄ認識，又可以學多ｄ唔同種類既野，但係跑馬拉松唔係幾岩我嗎，唔參加唔使杯割我呀？配器學話下堂要測驗啦，駛唔駛咁快呀？放學ｄ雨越落越大，所以問學校借把遮用，食完飯又１１．幾啦。

今朝崇拜期間都好多野要處理，完左崇拜敬拜隊練歌，我地去飲茶先啦，都要分２台，我地差唔多飲完佢地就黎啦，估唔到黎左成８－９個人，所以要坐到好迫，親熱ｄ啦，飲完本想去睇戲既，但係ｄ時間大家夾唔到，又同英姐行去搭車邊行邊傾，原來佢要返去有功課做，順便去剪髮先，我都要剪啦咁１齊啦，剪完上去佢度坐左１陣，我地又講左好多野，發覺我地有ｄ念法都差唔多咁，佢又差唔多送埋我去朗豪坊，搞到佢好似冇早到返屋企做野咁，不過我地都未傾晒，我去ｕａ續返張會員卡，原來今年又有返生日?啦，好彩有續姐。

今朝又３個祈禱，下午同阿偉豪去食飯前去左曾福琴行，有支電結他都幾型ｗｏｒ，又減價，可惜我冇學，我地差唔多食完飯仕仔先黎到，仲要撞跌偉豪杯奶茶，好彩冇濕身；下午練歌個膊頭又好累啦，而今晚個講員又早完，真係好啦，不過我唔同務務佢地食飯ｌｕ，免得佢牧者覺得難做，所以ｊｏｉｎ返敬拜隊開會，今日既主要學習係，愛裡沒有懼怕，所以大家都坦白咁分享撿討，ｅｌｔｏｎ話係敬拜既過程中，笑容進步最多既係我，感謝主！完左又去翡翠食飯，當然有咁多人都唔多有呢ｄ餐廳坐得落啦，係電視度見到側田竟然係個澳姐既表演嘉賓上括左出去，將個頭剃光左，真係估唔到，唔通係上次同曹格打完架之後想通左？

是日補假，查實都冇咩特別野做，係屋企休息下ｌｏｒ。

今日１醒原來已經１２．幾啦，食完野準備返工，ｔｅｒｒｙ打黎話強哥既爸有生命危險，今晚會同英姐去探佢，希望冇事啦，所以叫我幫佢帶敬拜；下午又傾左領袖營、聯合崇拜既安排；夜晚當我預備敬拜歌時，原來阿ｂｅｎ佢又預備左，所以我幫佢彈琴啦，泉哥又去安息禮拜，阿ｗｉｎｇ帶分享啦，當我地完時ｔｅｒｒｙ佢地就返到黎啦，所以祈完禱就去花園食飯，食完同英姐行返去，因為１齊傾下偈，好耐都冇見佢啦。

今朝佢地仍然要開會，下午因為我地遲左同佢地出去食飯，又打極電話都冇人聽，唔知佢地去左邊度食，所以同樹華佢地去左吉野，下午要預備埋今晚會友大會ｄ野，７．半開始好快就完晒，然後同泉哥、ｊｕｄｉｔｈ去食飯，又傾到好夜，行去元氣換左張會員卡，原來只係有９折仲係張臨時卡，要出年先有正式卡寄黎。

今朝佢地又開會，不過泉哥係都要我入去講下有單安息禮拜既處理問題，查實都唔關我事既，下午又係翡翠啦；夜晚既ｃｈｏｉｒ終於都正式開始啦，除左上次見到佩茵又唱返之外，今晚又見到高妹添，分ｐａｒｔ練時發覺真如我地所想，呢ｄ聲部長、司琴真係唔識教，只係係咁唱到ｄ音就算，有時都唔知佢練邊度，好彩個老師黎幫下手；放學得我同阿招食飯，本來ｃａｒｍｅｎ話執完野會黎，點知我地食完都冇電話黎，阿招問我呢個新老師教成點，我都未念到所以問返佢轉頭，咁就突然搞到氣芬好差，覺得我性格有問題，咁下次用過第２個答法啦。

今日雖然訓到１２．幾，但係起完身個頭都係好累，夜晚返到學校見到ｄａｎｎｙ，傾左幾句，學校打黎又要有野講，原來話個別上堂既老師ｏｋ，所以ｄａｎｎｉｅｌ同我講下ｄ內容，但係佢ｄ中文真係麻麻，我睇左既地方佢先黎講，又唔係講晒，更加唔知佢係度講乜，完全聽唔明，但係要填份自動轉帳既表；上曲式堂好眼訓，差ｄ訓著，配器學有同學問左幾次我先醒起要買咩書，ｏｈ．．．完全忘記了，放學食食下飯又突然落雨，好在走時停左姐，不過返到屋企都就１２．啦。

今朝祈禱完阿軼又有野要同我講，又係有關同ｄ青年人既界線，咁我都係以關心佢地為主姐，如果會令佢覺得難做既，我唔做或者做少ｄ啦盡量；崇拜時又不斷有人電話響，要記住ｄ人樣，下次返黎要個別提醒佢地轉震機，完左女生要祈禱會，我帶左ｄ男生去蘋果，食完出黎落雨添，ｅｄｗａｒｄ叫左我同佢地去長洲食飯，咁我又搭車去碼頭再轉船過海啦，見到原來月娥都同其他人去坪洲打羽毛球，我地見到ｄ雨越落越大，最後都話照去ｗｏｒ。

行去租左ｄ單車踩，不過又係越落越大，要搵地方避雨，都唔知避到幾時，所以都係早ｄ返去交車啦，然後去食飯，都叫左好多送，食得都好飽，由於落雨都食少左好多其他野，去食埋個糖水，買左ｄ蛋糕上船食啦，雖然係８．鐘快船，但係我返到屋企都９．幾啦。

今朝太累都唔知醒，朝早ｒａｉｎｂｏｗ同我傾左行政安排ｄ野，工作調配，我仲可以接ｄ咩做呢咁？我都已經做多左其他野啦ｗｏｒ，不過等我做埋ｄ會友資料先啦，但係都接左幾樣做先啦，然後又同志華傾左其他野，好不容易先埋左盆數，下午班青年人去復興４０周年既青年崇拜，我同阿權去旺角韓燒，都好似１段時間冇去啦，返去同ｓｔｅｐｈｅｎ傾偈，佢ｄ負面思想又黎，都同佢講左好耐，佢真係講極都死牛１面既，不過都好在佢肯同人講，今日既工作就係同人傾野咁，所以練歌前都要睇左份報告，第１樣接既野，ｄ字句要佢改左好多。

然後趕住練歌，練完先記得未印嬰兒奉獻證書，好急咁整左，完左去左肯德雞食左個９９蚊餐，然後去旺角睇下花左既眼鏡有冇得整啦，都估到話冇架啦，都係即管去問下既姐，又去幫ｋｅｖｉｎ睇下部電話，點知閂左門，咁返去啦。

今日約左ｖｉｒｇｉｎｉａ食飯，難得佢係上海返黎１次，佢知道我發生左ｄ事，所以都關心下我啦；夜晚外展，本來念住可以埋左８月既數，點知冇晒人幫手搬野ｓｅｔ野，所以都要出動晒所有同工幫手，包括埋我，敬拜本來我彈ｂａｓｓ既，不過我之前要返學練唔到，所以唔駛彈啦，我都係周圍咁巡下啦，有人唔識講國語就搵我過去幫拖，完左執埋野搬去８樓，搞左１大輪，去左食湯飯，同泉哥搭的士走，再１齊去食綿綿冰，傾到１２．幾先返屋企呢，嘩～今日都成１４個鐘啦，累死人啦。

今晚全世界冇組，聽晚外展，今日念住返早啦，點知唔記得ｓｅｔ鬧鐘，醒時都１０．幾啦，下午阿軼約我食飯有野傾，傾左好幾樣野２個鐘，返去要繼續趕工啦，都８．幾先走。

今日佢地繼續開會，下午佢地去味皇，我同阿達權去榮發，因為冇位所以坐左門口位，有卡位轉比我地，點知落完單阿達就見到有位，立即轉身行過去，我同阿權亦見到我地後面台既２個女生已經羅埋刀叉起身準備又轉過個卡位，係呢個時候感覺阿達雖然腳傷，都好似加快左腳步並且成功取得張台，佢突然回頭時同個２位女生對望，好瘀呀，佢地只好放低刀叉坐低啦，跟住我地又開始發揮我地作野既本色，笑到大家半死，香港既港男真係冇風度啦，由於阿達係對住佢地坐，所以全程都唔敢望佢地。

放工ｋｅｌｖｉｎ約左去食飯，原來佢今日放假屋企裝修，除左公司問題之外，屋企佢都覺好多問題，講左好耐，所以食完都１０．啦ｗｏｒ，食埋糖水佢又想上山，所以上去又傾左好耐，我單野都講埋啦。

今朝又開會，關於教會５年計劃，下午又係翡翠；今晚開學禮，校長又慣常演講左，原來今年ｃｈｏｉｒ多左ｄ同學幫手ｗｏｒ，２個團長，４個聲部長，４個琴手，不過ｄ人都比教後生ｄ，唔知識唔識有咩技巧教啦，唔通純碎唱到ｄ音就算？而個團長又唔知係做咩既呢？，之後８．鐘勁無耐咁去琴藝坊等試音，１等就差唔多１句鐘，真係勁浪費時間，而且又好眼訓ｗｏｒ，所以都訓左幾轉，唱時比佢評左聲線粗燥啦，可能訓未醒，其他都係１般，我就唱到低ｆ＃到高ｆ＃，唱返ｂａｓｓ１，但係唔知佢點分既，阿招由低ｇ去高ｄ都唱到ｔｅｎｏｒ１　ｗｏｒ，等試完音都就差唔多放學啦，今晚去左霸皇食飯。

今晚終於都開學啦，下午學校打黎問道修搵邊個老師，我都唔知有邊ｄ可以揀，而所知既同班同學唔會多，點知原來只係５個，又少左啦，當小班教學啦；ｄｒ　ｙａｕ教曲式，曾ｓｉｒ教樂器學，呢２科野都幾多野搞咁ｗｏｒ，而問學校道修有咩老師揀，原來得５個老師，有３個都被同學揀左，另外２個又唔想揀，又唔想大家用同１個老師，不過睇黎都冇計啦；之後約埋ｂｏｎｎｉｅ去食飯，食完走時原來已經１１．半啦。

今朝ｍｏｌｌｙ姐冇返，聽聞個頭要聯左１針，泉哥講道，估唔佢今日講得幾快ｗｏｒ，不過之後既ｎｅｔ祈禱會就長左好多，竟然２．半先完，然後我地去飲茶，有ｄ女生要開ｇ所以冇黎，飲完都差唔多４．鐘，陪ｊｉｍｍｙ去永安睇鑊，睇玩同埋ｔｅｒｒｙ行左去佐敦再飲野傾過，嘩～５．幾啦，去搞埋ｐｃｃｗ既電話費就返去啦。

今日中秋節，朝早祈禱完終於都分享左我呢幾個月面對緊既爭扎，都過度左啦，下午去左蘋果食，下午青少年又整冰皮月餅，晚堂我又彈ｂａｓｓ，好多人都要做節，所以少左好多人返，完左ｅｄｗａｒｄ爸爸邀請我同佢地１家人食飯，花園打邊爐，景弘最鍾意架啦，好似真係同佢地係１家人咁添。

今朝食左個麥記早餐就去睇左場加菲早場，睇完去大圍踩單車，踩到科學園食個午餐，買緊野時突然有人拍我，原來ｗｉｎｄｙ　＆　ｄｉｃｋ都黎踩單車，食完繼續踩，又係好晒，見到有人踩阿蘇介紹訓係度踩既車，１５０蚊個鐘，咁貴咪搞，唔少心佢竟然整斷左個腳踏，踩到大埔就踩返轉頭，查實係咁踩由大埔去大圍都係１句鐘就到啦。

感謝主今日起身冇雨落，１３億人既祈禱果然勁，而且仲熱死辣辣添，今日係教會好耐都冇搞既ｆｕｎｄａｙ，８．鐘返到教會執野，因為要先搬ｄ物資入去ｓｅｔ場玩遊戲，成身濕晒，曬死人；ｗｉｌｓｏｎ真係ｐｒｏ　ｄ，連個運動會進場既儀式都做埋，ｈａｈａ．．大家分左５隊比賽，白旋風、藍泡泡、紅威寶、綠寶、灰太狼，都係自己改既，又有口號，我係白組既物資員，玩左幾個遊戲之後，我副眼鏡被整跌左，整花左個框呀，好慘呀，１．鐘就玩完晒ｄ遊戲，要趕去食飯啦。

食完飯就係自由活動時間，睇下佢地踢波、打籃球，差唔多３．就同ｇａｖｉｎ打左場乒乓球，佢都打得幾叻，我好彩竟然係凋時贏左佢，然後去返場地１齊打手印，宣佈冠軍等，竟然比紅組贏左，點會咁架，好多次既遊係我地贏左都話唔算，只係示範，太唔公平啦，到頒獎時見ｓａｍ叔渣住支汽水獎品，見佢搖左幾下，心念：好彩冇贏姐，出去領獎既人大部份都中左招啦，然後伍尚森又將汽水向我地噴時，ｍｏｌｌｙ姐為左要避而撞到個頭，今次大鑊啦要叫救護車，除左呢樣今日大家都玩得好開心。

今朝返工陰天冇雨落，希望聽日都唔落雨啦，點知下午食飯時又落大雨，真係要祈禱先得啦，聽日落雨就浪費左個ｆｕｎｄａｙ架啦。

今日佢地開預前計劃會，ｒａｉｎｂｏｗ遲左搞條ｂａｎｎｅｒ，所以交比我跟，所以我都做少左自己野，下午又去翡翠啦，放工阿軼叫我陪佢去買木&水草，原來佢買左個魚缸養魚呢，好快買完佢要趕返去探訪，咁我返屋企啦。

今日約左ｊｉｍｍｙ，ｔｅｒｒｙ去踩單車，點知１號風球仲要落雨添，既然大家都請左假，都照出去啦，泉哥每人都ｓｅｎｄ個ｓｍｓ比我地，話我地係電波青年ｗｏｒ；首先去左旺角食左個早餐，念住都照去時，查實已經入左閘，睇見ｄ雨又大又密，所以即刻出閘轉去長洲，搭巴士去尖咀搭船，再念住搭慢船，點知要等１句鐘，所以搭返快啦，去到係市集兜左個圈，平日都冇乜人，然後食左個豬扒麵，羅住遮去行山，我念係我地呢ｄ無聊人先會咁，對鞋都濕左啦，坐低食個糖水啦，乜都冇，ｄ紅、綠豆沙好似水咁，食完都仍然不斷落雨，咁返出去睇下ｄ電視機，嘩～４２吋真好睇，不過唔係我買，然後去返太子金鳳鋸扒，我住左咁耐都係第１次去食，幾好食既，雖然今日踩唔到車，但係我地呢個福臨３劍都算係夠特別，搞ｄ咁既野，不過呢個時間都唔錯呀，傾到好多野呢。

今日完左崇拜好快同樹華去食飯，２．幾要返黎預備浸禮既野，今日既浸禮出奇地順利，而且每樣都依時完成，所以都好準時浸完，最搞笑既係我已經同佢地講左張浸禮證要好好保管，唔會再發第２張，完左竟然真係有人唔見左，係唔係咁快呀，都唔知應唔應該整過張比佢好啦。

今日訓得好少，而返到去本來得我同阿軼祈禱，之後多返2個啦，下午竟然去左鋸扒，呢個星期唔駛彈野可以休息下，多左時間做野，應該可以埋到數啦。完左崇拜佢地又去台灣食，食完去左食呢個綿綿冰，好貴呢，９折都要３０蚊碟，然後同佢去佐敦買左件衫。

今日晚上去左舊同事阿智將軍澳屋企，７．半１齊食完飯先上去，佢地要打麻雀，我就睇佢ｄ結婚相、片，佢影左非常多相，開頭都以為去佢度冇咩好做，點知我只係睇相都好忙，已經１邊睇相１邊睇片，真係睇足幾個鐘先睇晒，我仲踩住健身單車睇添，原來走時都就黎１．鐘啦，差ｄ冇車搭，好彩趕到最後班車返旺角，都要搭７個字呢。

今日返去整理左ｄ浸禮證書，入下數，仲要剪埋ｄ片，咁就半日啦，夜晚聖經班彈ｂａｓｓ，本來阿ｃｈｒｉｓ彈既，不過話趕唔到ｗｏｒ，後來都黎到彈結他啦佢，又唱新歌我都唔太識，不過ｃｈｒｉｓ反而話我彈得好左，ｈａｈａ感謝主！完左泉哥同ｊｉｍｍｙ有野傾，我地就去食湯飯，阿珊、ｙｖｏｎｎｅ都有黎，真係希客。

今日又冇踩車，夜晚約左班舊同事食飯，嘩～細ａｎｎ姐好耐冇見過啦ｗｏｒ，都係第１次見佢出黎食飯，佢見到ｍｉｃｈａｅｌ梗係叫聲’老公’啦，大家越講越興奮，下次叫埋其他人出啦，因為大ａｎｎｙ今日生日冇同我地食，打個電話恭喜下佢，每人講ｄ，點知佢認唔出細ａｎｎ姐把聲，話我做乜扮女聲ｗｏｒ，哈哈，笑死我地，亦都激死細ａｎｎ姐ｌｕ，咁就３個鐘，仲話遲ｄ不如約埋ｇｒａｃｅ再１齊去旅行添，因為我地好幾年前去台灣完得好開心呢。

今日開完會又去翡翠，食完阿達咁岩係樓下撞到佢，隻腳已經好返好多啦；夜晚同ｇａｖｉｎ去游水，今日係我地游水１周年，嘩～好似開始有ｄ涼呢，游完去食個冷麵，咁岩佢爸黎接佢，咁送我去車站啦。

今日返教會做左ｄ野，點知搞遲左，食飯都差ｄ冇時間，好彩隔離有間譚仔，食得２個字剛好趕到去上堂，原來有個童學都未返；５．鐘落堂就趕去旺角睇戲，意外－今日有位啦，都好睇ｗｏｒ，原來意外可以咁做出黎架，出街時都要小心ｄ啦，睇完都７．返去食飯。

今日完左崇拜敬拜隊練歌，咁我等埋佢地完先１齊飲茶，不過就得７個人，食完約左ｇａｖｉｎ，ｍａｔｔｈｅｗ去睇戲，可惜意外冇位，所以睇左海雲臺，韓國海嘯，都ｏｋ好睇；睇完同ｅｄｗａｒｄ　１家去食飯，點知煌城、富臨都要９．先有打邊爐，唔知今日咩事呢，咁去天香啦，去到又執埋，已經轉左手啦，又要９．先有，咁食小菜啦。

今日終於都踩返車返工，得我同ｒａｉｎｂｏｗ祈禱，好難得下午多左ｄ人食飯，靜儀又返黎整蛋糕，羅返舊食先，好味；由於ｅｌｔｏｎ要搬屋，今日冇返，咁ｊｅｎｎｉｆｅｒ好開心咁霸左個琴啦，５．鐘係祈禱會，ｊａｍｅｓ搵我彈結他，完左崇拜敬拜隊開會，講完就祈禱，之後去左翡翠食飯，食完豬東跟我跑返屋企，其實我踩單車，佢住大角咀同路，咁我慢踩１齊行ｌｏｒ。

今朝返去見到個ｔｒａｙ入面有張卡，究竟係邊個比又係咩卡呢？原來收到ｅｖａ既結婚相，嘩～都好多年前啦ｗｏｒ，咁始終都好過有人連仔都生左都追唔到相既；下午又同樹華去牛屋，食完佢要去ｑｅ，我返去就抄左好多野，咁台面就見乾淨ｄ，放工都差ｄ走唔到，不如下次浸禮表唔駛交比我啦，然後去黃金睇下有冇野岩買，可惜唔岩，不過ｄ野都平左咁ｗｏｒ。

今日下午準備煮野食既時候，樹華打黎問食飯冇，所以出左旺角同佢地食，食完去退返個ｍｏｄｅｍ比ｓｍａｒｔｏｎｅ，因為佢整極都唔夠快，然後去ｐｃｃｗ印返張新單，因為都拖左成年啦，可惜印出黎都係舊銀碼，原來要等下期截數先會改到，返去又埋左７月啦；夜晚新約綜覽，又有ｄ人冇返，英姐亦係１樣，完左泉哥念住去花園食小菜，睇完價錢竟然去左煌城打邊爐，ｃａｌｌ英姐睇下出唔出黎，冇聽電話，我地今次都唔係叫左太多野咁，有部份好似隔黎唔要就羅過黎咁，食完都１２．啦，好彩我住隔離。