次元日記

今日倒完麥皮先發覺冇熱水，唯有用微波爐啦，開始埋數，下午去牛屋，食完樹華又買珍珠奶茶，之後返去埋左１０月既數，又開始攪１１月啦，又收到ｇａｕｓｓ既媽已經離開左既消息；夜晚到ｗｅｎｄｙ父母既安息禮拜，自己帶埋個腳踏去，呢個琴好ｄ唔駛用ｗｏｒ，完左去新景食飯，分左３圍呀，叫左個套餐有好多野食；返到屋企泉哥打黎傾左好耐。

今日起身有少許涼左，不過下午返工都好熱，除左ｇｕａｓｓ既媽入左院，泉哥既伯娘都入埋，係唔係天氣轉變，令到咁多人都出事呢？可能年紀都大啦，我又印埋安息禮拜程序表；夜晚小組突然多左ｓｔｅｖｅｎ黎，都係神既帶領啦，我地準時開始，準時完，就去明星食飯，泉哥唔舒服冇食，ｋｅｖｉｎ借左個結他去幫ｐａｓｔｏｒ　ｈｅｎｒｙ帶敬拜，唔返小組，又比我話１鑊，已經個幾月冇小組都要應承人地，食完仲要同佢返去擺低個結他，返到屋企打左個電話比英姐，都係未係時候分享ｗｏｒ，我都有ｄ’炆’。

今日好返好多啦，下午大家又去翡翠，我都係去生記買粥食啦，夜晚約左同學食飯，慶祝大家終於都讀完晒，又完埋個ｆｉｎａｌ　ｐｒｏｊｅｃｔ，去食左餐北京上海野，然後去食甜品，不過呢個甜品價錢就好似食個午餐咁，真係貴，之後再去１８８１影下相，我都係第１次上黎炸，都幾靚呀，咁又影到１２．鐘啦，時間過得真快。

今朝起身就肚痛，但係搽左ｄ藥油都返工，但係邊做邊痛，下午去翡翠，做到４．鐘都頂唔住，志華又病去睇醫生，所以１齊去啦，越行越痛，不過坐低左又開始唔痛ｗｏｒ，但係行到診所又痛到死，醫生未返到要等，可能食錯野腸炎，羅完藥要即刻食返次止痛，然後返去食粥。

今日終於都有放假既感覺，因為唔駛返學、又完晒ｄ婚禮，所以不斷咁上載相，都係做得幾百張。

今早又到我彈琴，好似成個月都冇彈過敬拜啦，又係首６／８歌，都有少許難，完左要等幫手賣飛既人埋左數比我先走得，阿ｐａｕｌ又由新加坡黎左，而且成家都黎晒，所以去佐敦食飯，原來又係金御，尋晚飲先黎過，原來ｐａｔｒａｓｉａ聽日畢業禮，佢個弟兄ｓａｍｓｏｎ個樣、外型又好似佢，飲完去旺角行左轉，睇下部機、轉台ｐｌａｎ，都差唔多ｏｋ啦。

然後過左ｅｄｗａｒｄ屋企，夜晚約左佢地食飯，原來ｇａｖｉｎ尋日劍擊羅到銀排，都唔早ｄ同我講，去左長發打邊爐，由於子峰漏左野係教會，所以返去羅完再同ｅｄｗａｒｄ去食綿綿冰，都好累啦。

今朝ｒａｉｎｂｏｗ小組ｏｕｔｉｎｇ，阿達要睇女，所以得返ｊａｓｏｎ同我，下午泉哥帶左我同振成去雞皇食飯，原來係琪媽開既，３０蚊個１人餐，我地叫左碟鹹雞、口水雞，都好好食，又送多碟菜比我地，然後２．鐘過救世軍教堂綵排，今日ｌｅｏ結婚彈琴，等佢地ｓｅｔ好野練都２．９啦，已經冇乜時間練，好彩我練左自己個ｄ先姐，今次應該冇咩彈錯野，可能呢隻ｗｉｌｌｉａｍ作既簡單ｄ啦，之後就返教會崇拜，完左先去飲，原來ｓｏｒｋｉｍ黎左ｗｏｒ。



７．半同ｋｅｖｉｎ等人行過佐敦婚宴，見到佢請黎既客人都有ｄ　Ｏ咀ｗｏｒ，有ｄ好耐冇見既都有黎，我地自己坐埋１台就好開心，有人話，我係代表ｌｅｏ黎既，我係代表ｄａｎｉｅｌ黎既，我係代表泉哥黎既．．．我係代表教會黎既，真係好笑，飲完返屋企竟然等左幾部車都冇位，所以行返落８樓搭啦。

今朝祈禱完就差唔多要開會，係傾下個新網站點整，１傾就１．鐘都未完，大家叫外賣，好彩振成係度，帶我去左間新餐聽，都ｏｋ既，返去又再繼續未完既會，到左４．幾先完，所以得返好少時間做野；之後好多人過黎做測脂，我自己都做１次，嘩～已經跌到１９．９％啦，感謝主！到左安全線。

ｊｉｍｍｙ打黎話又敏感，所以為佢祈禱希望快ｄ好返，然後落廟街外展，我又要睇睇相檔，但我好快頂唔住周圍既煙味，同左幾個人傾計，有個講左次福音，同ｄａｎｉｅｌ傾左陣，明白左件事既始末，然後執埋野就去明星，英姐最終冇黎外展。

今朝繼續上載相片，食完飯就返工啦，但係原來冇乜時間做野，因為５．鐘約左ｓｈｅｅｔａ上黎練獻唱歌，練到６．半又到練聖經班敬拜歌，個首新歌６／８既歌都唔識，不過都跟到，完左去左食湯飯，同ｊｉｍｍｙ，ｔｅｒｒｙ行到旺角先搭車，得個２個站，早知行埋返去啦。

今日又放日假，都係睇下電視，上載下相咁啦，但係又刪除錯左ｄ檔案，又攪左１輪，幾驚又要重新上載過呀。

今日開完會又去翡翠，咁都冇計啦，但係就忙到爆，由於聽日放假，要做定ｄ野先，所以都８．先走，食完飯繼續上載。

今日休息，下午發現部腦又有ｄ問題，咁又要ｒｅｌｏａｄ，然後又上載左成千張相上網，雖然已經做到好夜，但係都仲有萬幾張未上載。

今朝搭車返工，但係部小巴好大樟惱味，攪到我差ｄ侄息，返到去又堆左１大堆野，又聽到ｗｅｎｄｙ既爸爸又走埋，佢真係雙重打激呀，下午去左飲茶，飲完趁住未夠鐘，再返去做多陣，４．鐘去石峽尾球場，睇佢地踢波，呢個４角賽已經到最後１場，第１場５．鐘早堂對晚堂，阿ｗｉｎｇ雖然尋日先結婚，但係呢場波佢又好落力，仲好快就比佢入左第１球添，我地啦啦隊都好落力咁打氣，最後以２：１贏左屯門，而觀塘亦以２：１贏左晚堂，計分後應該羅第３，然後同左部份人落樂富食壽司，因為我張元氣８折就到期。

今日放假，朝早預備下夜晚阿ｗｉｎｇ結婚既司儀稿，點知部腦突然有ｄ問題，又要ｒｅｌｏａｄ，所以都預備唔到，食左野１．幾就搭車去教堂，今次唔駛彈琴又輕鬆ｄ，因為魔莉姐請到假，不過原來佢係唔知個程序ｗｏｒ，所以講次比佢知，完左就過酒樓，我要同ｊｕｌｉａ商量今晚婚宴既司儀稿，上到酒樓都未有人黎，有ｄ去左行街，知道有ｄ落左１樓ｔｅａ，所以叫左個３明治，點知呢度ｄ人做野真係唔掂，落左單又落錯，又唔黎，又等得耐，雖然全場得我地２０個人呢台。



到左６．幾我地都未傾晒要講ｄ乜，ｄ人客開始黎，又要同個部長安排出菜時間等，雖然負責既人唔係我，但係個部長就有乜都黎問我，期間用咩音樂又問我，人客座位安排有問題又問我，有幾個人客有車又問我．．．其實我只係做個ｍｃ，其他野冇人話過我知點安排ｗｏｒ，但冇計全部都自己攪掂晒，所以忙到死，咁等到差唔多９．先正式開席，感謝主！順利完成左個ｍｃ位，雖然有少許突發野，都攪掂埋，好彩冇玩遊戲，冇乜食羅絲，第１次都算係咁啦。

今日補假，真係係屋企休息，念下聽晚婚宴做ｍｃ講ｄ咩好，都冇乜蓋念，羅左阿ｗｉｎｇ比既樣本改下ｌｏｒ，又上載下ｄ相片。

今朝返早，夜晚要去綵排，祈禱由ｒａｉｎｂｏｗ帶敬拜，下午約左ｋｅｖｉｎ組長去九龍站食飯，好彩約左，唔係都冇人同我食，傾下計順便慶祝我表演成功，因為個日佢唔舒服聽完就走啦，夜晚去到救世軍綵排，見到有個阿伯行入黎，個看更黎做乜呢？原來佢話佢就係少校，即係牧師，又唔主動叫人應該點樣做，問呢樣唔知，個樣唔曉，個樣又冇黎表情，大家唔知係度等乜咁，係度浪費左半句鐘，ｌｅｏ話任用到幾時都得，我唔相信ｌｏｒ，個ｐｒｏｊｅｃｔ　ｍａｎａｇｅｒ又好似唔知綵排有咩程序，程序表又唔帶，最後我同少校講，不如講比佢地聽下先啦，咁先開始到個綵排，只係行左２次我都唔係咁夾到時間，到佢地大約完左牧師個ｐａｒｔ，佢就走啦，已經８．幾，冇耐個堂役話佢只係ｂｏｏｋ到８．已經過時，所以要走啦，不過佢ｄ屋企人走晒，得返我地４個自己食飯，又去ｐａｎｃａｋｅ，都好貴呢。

今日本來放假，但係下午要開行政會，夜晚開聖誕會，所以下次先放，不過我都訓過龍，下午樹華叫左去食牛屋，之後開左個幾鐘會，夜晚又開左個幾鐘，８．鐘約左ｅｄｗａｒｄ去食２０００円放題，佢又分享左佢韓國祈禱山既經歷，佢真係得到好大既祝福。

今日開完會去左新光飲茶，補祝ｓａｍ叔神學畢業，夜晚ｒａｉｎｂｏｗ去ｗｉｌｍａ屋企睇下有乜野羅，叫我去睇下張疏化，點知佢地越揀越多，我只係要左部吸塵機，然後趕去旺角ｌｅｏ新屋企，叫左幾盒外賣，食完就開始練歌，點知佢個電子琴又差，仲要壞火牛，好彩可入電，咁練到１１．都未得，唯有再約多１日練啦，之後佢阿哥車我地返去。

今日起身又周身骨痛，所以都係休息睇下電視，夜晚要去長沙灣６１１同ｌｅｏ練結婚歌，又揀星期１？又要改返唱英文版ｗｏｒ，但係ｗｉｌｌｉａｍ好似唔太記得個流程，所以又改過晒，練到１０．鐘，見伍傳道腰痛比ｗｉｌｌｉａｍ祈禱，咁我都要試下啦，然後去食個餃子豬扒麵就走啦。

今朝都同平時差唔多時間起身，冇塞車返到去都好早，祈完禱就做野，阿國都好似有被尋晚場球賽影響ｗｏｒ，完左泉哥又叫左我地男生講野祈禱，然後去榮發食完飯就返去羅野，４．鐘去藍田打羽毛球；可能又幾個月冇打過，開始時都有ｄ吃力，又因唔夠拍要１對２，半句鐘後ｌｉｎｄａ先到，查實今次唔係太劇烈，雙打１１分都唔駛３分鐘，打到７．就出觀塘食飯，又去上次間新南苑，問左我地唔食煙，坐低冇耐隔離台既人就吸緊，叫佢換左張台，我地想打邊爐，點知發現ｄ野好唔乾淨，如果唔係已經叫左湯底，真係想走先呀，經大家商量後，決定叫幾個菜，然後再去地２度食過，都應該平ｄ，係呢個食菜既過程中，真係好好笑，半句鐘已經走啦，老闆問，'點解食咁少野既？'，’係呀，我地今日唔食得咁多野呀’，然後去左富臨，任食個勢差好遠，我地狂叫肉類，其他人唔知可能話，’呢班食肉獸’，食到好飽咁走啦，１晚去２度打邊爐。

今朝ｒａｉｎｂｏｗ求其揀左３首歌敬拜，話可以唔唱晒，不過阿達又話唔識唱，點樣將ｄ歌串埋佢呢？我彈彈下都有ｄ眼淚流左出黎，而且都好好順咁唱晒，祈禱完ｒａｉｎｂｏｗ問我，佢都冇念過會唱晒，點解我可以將３首冇關係既歌連埋到１齊？都係聖靈既感動啦。下午阿權要拍片，志華又毅行者緊，所以冇人食飯，要自己叫金銘，夜晚數完奉獻我就走啦，約左去龍哥屋企食飯，佢又整左好多野，好好味，食到大家都好飽，ｊｉｍｍｙ又有西米糕，明明有杏仁露，要加４蚊南杏、１蚊不幸ｗｏｒ，原來係咁，然後睇左場足球賽，阿仙奴上半場贏２：０，點知下半場輸２：３比熱刺，我地念１定激死黃文國啦，可能聽日ｊｕｄｉｔｈ要預備敬拜啦；然後過左個朋友屋企，傾計、玩到４．先訓呢。

今日又清假，練下ｌｅｏ婚禮既歌，睇下電視，又將ｄ相上載返上網，實在有太多相啦，都唔知幾時先可以上載得晒呢？

今朝又上載左部份相，下午返去埋左份報告，夜晚既聖經班泉哥帶敬拜，我幫佢彈琴，不過未夾過就要開始啦，但係夾泉哥敬拜係有１定既難度，因為節奏、流程都唔知點，張祥志既講經都幾攪笑，我地係育嬰室都延續佢既笑料，完左大家去左金銘，好快食完就走啦。

今日又冇人食飯，好彩志華都有食，不過見佢成個病樣咁，同佢去左牛屋，順便慶祝佢行毅行者順利啦；夜晚８．同樹華去大酒店做安息禮拜，係１個好耐冇返既會友，開始前同樹華祈禱，咦？呢個情景咁熟既？好似佢拍我做呢ｄ都做左好多次咁ｗｏｒ，個琴仍然係好差勁，不過呢次都１切從簡，半句鐘就完成啦，可以去食飯，本來阿ｗｉｎｇ佢既單身食飯可以就我，推遲１個鐘我都趕到去既，所以而家我同樹華行行下去左黃埔美心，１０．鐘食完走啦，都同佢傾左ｄ睇法。

今日佢地開會到２．先去食飯，咁我都趕埋ｄ野先出去，都係去翡翠姐，又趕起左份安息禮拜場刊比人；夜晚約左阿ｗｉｎｇ去食飯，順便傾下婚禮司儀既內容、程序，不過呢間野既特色野就出呼意外地差，呢個炸蠔仔角，樣就ｏｋ，不過炸到食唔到ｄ壕仔，ｄ炸蔥就多，最後都冇乜點食就拿走左，傾到１０．鐘就走啦，返去又要掇下稿添，呢排都有好多稿要掇呢。

完晒所有野，今日終於都可以休息下啦，睇下電視整下個網站，夜晚ｅｄｗａｒｄ打黎叫左去食飯，食左間日本野，呢度既間隔咁熟既，好似以前唔係食日本野ｗｏｒ，原來食完既價錢同放題都差唔多。

今朝又有港神既人黎參觀，所以要幫手彈琴，不過練習時好似欠缺左ｄ咩感覺咁，氣氛唔到，後來都好ｄ啦，然後去榮發食個飯，坐車去土瓜灣魔莉姐既ｓｔｕｄｉｏ練歌，嘩～呢度好正ｗｏｒ，設備齊全，練左阿ｍａｙ首歌，魔莉姐既和音又好正，又練ｊｕｄｉｔｈ個首，都仲有時間，佢地叫我都揀返隻唱下，因為有幾個都唱唔到，於是辛苦魔莉姐幫我揀左首彈，臨走時發生左個插曲，就係唔小心個廁所門反鎖左，冇鎖匙架ｗｏｒ．．．唔通要叫開鎖佬？我又嘗試用卡片，攪左好耐都唔得，成身濕晒，攪到４．半又突然比我開到ｗｏｒ，大家都開心到不得了，可惜我約左ａｎｇｅｌａ練歌會遲到ｌｕ，搭的士都塞車，返到去都同佢練到１次既，不過我都唔太記得點彈，然後好似好忙咁，第１個就係幫阿ｍａｙ彈，隔１個又到ａｎｇｅｌａ，屯門盧盧又突然叫我彈，老師話我係譽用琴手ｗｏｒ，可惜每唱１個都成４個字，唱唔晒咁多人，所以我讓返個位比ｊｕｄｉｔｈ，查實應該可以同老師講唔使教到唱到成首歌，講出有咩問題再練少少就可以啦，不過冇計啦，本來完晒想約大家去食元氣，因為有８折，但係大家都唔得閒，然後去睇下我想買既手機，１８０ｇ好似重左ｄ，然後去同英姐食飯，去左奧海城元氣，原來佢今日唔知醒冇返。

今日放假預備今晚既作曲音樂演奏會，查實我又冇咩野要預備，係要趕起份講稿姐，終於都作埋，４．鐘返學校等綵排，原來有ｄ同學都未齊人練過，就連最後綵排都黎唔到，不過我地每人得半個鐘綵排，好似都仲未夾到，真係擔心，然後同埋阿豪１齊叫左ｐｉｚｚａ，好似叫多過頭，剩返好多。

７．鐘有ｄ朋友已經黎左啦，我都只可寒喧左幾句，７．半音樂會開始，聽左幾個同學既作品，又讀下份講稿，我開始緊張啦，我班樂手就係琴房練多次，嘩～感謝主！已經係咁多次練習最好架啦，祈個禱就到後台預備，到我出場講左個簡介，就落去聽佢地奏啦，雖然都有錯漏，但係都總算順利完成，原來我有成４ｘ個朋友黎聽，朋友＆舊同事都有，差唔多包左１／３個場，晚堂既弟兄姊妹完左崇拜都飛的上黎，真係好感動，然後係操場影下相，再落鳳德村食飯，坐到好迫都有２圍人，叫左好多野食，食到好飽都食唔晒，多謝我既弟兄姐妹。

要聽作品請到森次元　　http://shadowsum.servehttp.com

今朝祈完禱做到１２．樹華地已經ｃａｌｌ去旺角食飯，食完返去做多少少野就走啦，下午請左假約人睇戲，點知去到佢失約仲ｃａｌｌ極都冇人聽，累我白等成個鐘，然後上佢到幫佢整好部腦，６．鐘陪佢去買埋送就返屋企食飯啦。

今晚開始有４堂聖經班唔駛小組，呢個講師講野又幾攪笑ｗｏｒ，完左小組去明星食飯。

下午同樹華地去食佐敦咖哩，都好耐冇去同好少去，夜晚要開聖誕派對會議，開到８．就完啦，然後得返阿偉去旺角食飯，最後去左沙爹王，叫左幾樣野，都ｏｋ啦。

今朝唔駛開會，所以做左好多野，下午去翡翠食飯，不過ｄ野都係好趕，夜晚去家姐屋企食飯。

今朝比ｄ打樁機嘈醒，又整下個網站，唔知部腦做咩，成日突然自己ｂｏｏｔ機，唔係死機下，但係都唔知咩事，不過新網站ｄ野差唔多可以回復左８成啦，７．鐘去旺角夾ｌｅｏ婚禮既歌，下次唔好約星期１呀，我地彈都差唔多啦，係唱既好似剛學咁，練到１０．鐘，就去食飯，呢間ｐａｎｃａｋｅ既野都幾好，除左價錢貴ｄ之外，食下講下，嘩～又１２．鐘啦，累死！

今朝ｄ時間好似過得特別快，８．都未夠入洗手間，出黎時竟然８．９？有冇咁快呀？好彩趕到返去練敬拜，今朝彈琴，完左又有人報名，但係我都唔知有呢個報名，成日都唔會有人通知我既，仲話報告出左２個禮拜添，之後又要ｎｅｔ祈禱會，不過就係咁可以ｓａｌｅ晒我音樂會ｄ飛啦，然後去飲茶，３．鐘又到阿ｗｉｎｇ婚禮開會，４．鐘練下今日唱歌班首歌，教左陣理論後，就開始輪住唱，佢又比意見教你點改善，又攪到遲放，約左我班樂手７．上黎夾歌都遲左練，今次已經係第３次練，亦都係最後１次，ｃａｒｍｅｎ要努力呀，大家加油呀！練到就黎１０．大家都累啦，只有等正式綵排啦，同佢地食ｄ野就返去啦。

尋日做足成日，所以今日返晏，但係原來又話唔係咁講，我又理解錯左？下午彈ｂａｓｓ，練歌之前同ｅｌｔｏｎ練左個ｉｎｔｒｏ加彈法，都有ｄ難度野彈，完左又要練唱歌班既４部歌，但係ｃａｌｓｏｎ病左得我１個，我被炸到有時跟左佢地個部黎唱，所以成日唱錯音，真係細孤力弱呀，而且越唱越餓，所以快快趣練完ｊｏｉｎ埋志華地去越南食飯。

今朝得返我同ｊａｓｏｎ，好似冇人返咁，下午樹華地上完堂，約去食韓燒，ｄ雨又大左ｄ，天氣又凍左ｄ，夜晚遍傳彈ｂａｓｓ，之後只係剩返福臨人，所以同嬋嬋、潔儀去左文昌樓，我地上到去大家都好自然咁對人入座啦，每人都向佢地個別講福音，最後個婆婆都信左，然後再上另１家，佢已經等緊我地，並且開放左信主既心，所以全部都信晒，感謝主，所以我地都好遲返去，分享完１０．幾先去食飯，我幫務務買既同款背囊，今日終於１齊出現啦。

今朝起身想過返ｄ片落電腦，點知可能個驅動程式唔岩，攪左成朝都唔得，食完飯就返工啦。對腳好似冇咁痛啦，所以決定出隊，家宇帶完敬拜，ｇｒｏｕｐ左２個人，點知羅到個地址係大角咀，就係泉哥屋企對面，應該叫泉哥去啦，前３日冇出，今日１出就補返晒呢幾日既路程，神都真係幾攪野，探左個婆婆，都同佢講左５色珠，祝福佢後就趕返去，有ｄ雨落，英姐返黎同我地食飯，原來佢係鍾意食肯德雞ｗｏｒ，不過下次唔可以比佢地去揀餐，食完仲要行埋返屋企，真係行個夠啦。

今朝冇人返，得我同ｊａｓｏｎ，佢話ｄ人尋晚夜所以返晏，下午大家去左翡翠，夜晚秀嬌帶敬拜我彈琴，之後都係冇出隊，完左ｄ人返黎我就同ｂｒａｉｎ，英姐去食飯，又唔知去邊度，見到吉野有位就試下個火鍋，原來都唔係平，同上次大快樂１樣，但係份量冇咁多添，而且味道都冇咁好，可以唔駛再試啦。

今朝早會有恩群ｔｉｍ牧師黎分享佢地ｇ１２既做法，都有好大刺激，都講到１．冇停到，然後同潔儀慶祝生日食蛋糕、飲茶，之後返去又開會，都係講呢ｄ，原來都就黎５．鐘啦，乜都冇做過，６．半鐘又要開聖誕派對會，７．半遍傳幫泉哥彈琴，都未夾過就開始啦，敬拜完我就要趕去譚ｓｉｒ度第２次綵排，今次我唔數拍子大家都唔知去到邊度咁，又未去到實際速度，時間無多，最後都要錄影啦，老師又比左少少意見，咁就當上埋最後２堂啦，打個電話比英姐，原來佢地仲係明星食緊飯，我又去到個度，咁就上去食個飯先，然後同泉哥搭車走啦。

今日開始遍傳，我對腳依然好痛，３．鐘返去，有人已經分緊地址，咁我繼續入我既數，６．鐘練歌，幫阿國敬拜彈琴，第１日都唔係太多人黎，因為我腳痛，所以都唔出隊啦，聽下電話做下野啦，大家返黎分享完都１０．鐘，原來好多人所探訪既地方都要行好多梯級架，然後同泉哥、志華食金銘。

今朝起身對腳都係好痛，今日仲要嘉年華會，９．半去梁顯利ｓｅｔ場，ｓｅｔ到１１．鐘要崇拜，完左都冇時間食野，叫ｊｉｍｍｙ執個飽比我，好彩今次我負責樓上，可以唔駛走黎走去，查實都冇大問題呀，個個攤位都好合作，做晒我講既野，係臨尾我誤會左ｄ凳擺既位置，差ｄ冇人搬返轉頭姐，今年人流少左，可能社區又係呢日攪野啦，４．半就完晒，因為呢度再有活動攪，然後執晒野返去，ｊｉｍｍｙ佢地去食ｔｅａ，我本來唔去，不過泉哥等埋我咁１齊去，但係佢同ｓｕｋｉ有ｄ野傾行先，我慢去到都未見佢地，我都估到佢唔黎啦，世紀大騙案呀，之後夜ｄ同ｅｄｗａｒｄ　２家去食野，但我要慢行去旺角。

今朝７．幾起身準備去行山，見街上ｄ人好似好凍著好多衫咁，但係我著短衫短褲都想流汗，９．剛好趕到食早餐，不過等食都等左好耐，所以成１０．半先上到車去起點，ｊｕｄｉｔｈ累唔黎，ｂｅｎ將要出ｔｒｉｐ唔黎，出乎意外既係ｃｈｒｉｓ，　ａｄｒｉａｎ都有黎，１１．幾先係梧桐塞，開始已經要不斷行好多好斜既路，去睇左４個瀑布，我又帶多左對涼鞋去，換左可以落水，不過有ｄ地方水比較深，又凍，凍到我差ｄ冇知覺，坐低食左少少野，最失望既係要行返轉頭先可以上大帽山，咁就行多左個幾鐘啦。



我開始覺隻左腳屈膝時有ｄ痛，可能行得太多梯級，所以越行越辛苦啦，好不容易上到山頂個亭，又再食ｄ野就開始落山啦，已經成４．鐘，見有好多毅行者係跑上黎架，真係勁，我就越黎腳痛，可能就住隻左腳，攪到右腳都唔掂，不過死頂都要落山啦，唔通ｃａｌｌ直昇機咩，今次真係唔知行左幾多級樓梯啦，最後個段我數過ｄ梯級超過２２２級，落到去都仲要行段路先有車搭，真係天都黑晒，行左７句鐘，人都顛，已經６．半啦，ｓｕｋｉ真係好，即刻買ｄ野比我地搽，然後去返街市上食飯，本來叫英姐幫我地羅位，點知我地食左１半佢先到，坐完起身走對腳差ｄ企唔到，返去再搽野啦。

今朝帶敬拜祈禱，又半句鐘過時，下次要短返ｄ先得，阿達又話開始帶飯唔出街食，ｒａｉｎｂｏｗ，阿權又執野唔去飲茶，好在仲有志華、樹華１家，尋日同工已經請過我食飯，今日都又請，真係客氣，放工去剪個髮，然後過沙田約左舊同學食飯。

今朝又返晏，而且天氣實在太舒服訓得好唔想起身，食完飯返去，接到ｔｅｒｒｙ既電話，ｃｏｎｎｉｅ病左唔返小組，然後接到阿ｂｅｎ電話，ａｍｙ生日家人食飯唔返小組，我幫佢帶敬拜，’好’；今晚都有１ｘ人返ｗｏｒ，講開龍哥星期日場足球比賽入個球既英姿，真係好野，敬拜完為我慶祝生日，多謝呀！上年生日既情景都好似仍有印象，時間過得真快，然後去左明星食飯。

今朝又唔知醒添，可能尋晚攪夜左，志華等緊我返去羅野添，下午差ｄ冇人食飯，好在振成係度，都係去味皇，然後開左個幾鐘有關遍傳既會，夜晚志華約我食飯，行左輪都唔知食乜，最後係大快樂打邊爐，咁樣都唔平呀，雖然比吉野貴，但勝在有位唔駛等又舒服ｄ，估唔到咁涮涮下都１０．啦。

今日同工們同我食飯慶祝生日，夜晚返學校羅返音樂會既海報＆門票，好大風呀呢度，好耐都冇行呢條路咁，走時係學校門口撞到羊仔，幫我買左張飛，然後返去食飯攪網站，終於好似有ｄ轉機，整到歌詞＆相簿啦，不過好累。

今日訓到下午有ｄ熱醒，睇左套戲，整左份譜＆ｍｉｄｉ比ｄ樂手，因為唔記得做份ｔｒａｎｓｐｏｓｅ既譜比單簧管，夜晚阿妹生日，同佢地去左和民，佢有１００蚊現金劵，好快就食完啦，貴得黎又細碗，唔係有ｃｏｕｐｏｎ都唔想去呀。

今朝崇拜完好趕得返５個字食飯，然後練左陣歌，門徒大會敬拜，３．鐘就趕去鑽石山練歌，呢次係第１次練習，原來童軍總會樂團練習既地方係新蒲崗，終於見到個ｃｅｌｌｏ＆表弟啦，遲左半句鐘交場比我地，開頭都唔知點練，所以由頭到尾咁彈，不過ｐｉａｎｏ未練好，所以唔可以錄比學校，練到６．就走啦，下次要去譚ｓｉｒ度練啦。

今日又得３個敬拜祈禱，下午ｊａｓｏｎ要去旺角，所以去左麻酸樂，下午練歌又好趕，因為有祈禱會，ｅｌｔｏｎ又遲返又冇出黎比意見，有ｄ地方做唔到就都要遷就下，冇啦都要求唔到啦，出黎既較果都唔錯啦，完左又要練歌，ｅｌｔｏｎ比左ｄ意見，唱到大家都好肚餓，１齊去食野ｌｕ，起初ｃａｌｓｏｎ話唔去食，但係聽到去打邊爐就即刻醒晒話去，呢個打邊爐怪呀！同ｅｌｔｏｎ　１樣，ｅｌｔｏｎ係邊爐精，今次大家都恐防佢冇貨出，所以係咁點野，攪到得返我地呢台、又熄埋燈，人地要關門都未食晒，嘩～好飽呀，呢個月減既７磅都唔知會唔會返翻黎添。

今朝唔知醒，可能通左幾晚頂，又放左幾日假，完全忘記左ｄ時間，下午計劃去食麻酸樂，不過樹華突然返黎想食韓燒，佢好耐都冇返黎同我地食咁ｗｏｒ，志華亦好耐冇ｃａｌｌ我地食飯，大家都去旺角方向有野做，ｒａｉｎｂｏｗ買左部新電腦，２ｘｘｘ蚊都幾抵，幫佢抽完返屋企都累死我，然後我去做埋ｄ野再返去，做到７．半先返屋企食飯，繼續攪個網站，９．鐘除晒風球啦。