次元日記

今朝仍見只係３號，下午返去就有好多野趕，原來ｒａｉｎｂｏｗ今日搬屋呀，阿達佢地都去左幫手，知到原來子願出水痘，夜晚小組，由於上個禮拜有好多人有野返唔到崇拜，聽唔到泉哥講道，所以敬拜完就講左次精簡版既道，講１點大家又分組討論，咁就過晒鐘，然後去翡翠食飯。

今日掛左１號風球，好似冇乜貞兆咁，風平浪靜，聽聞吹正會好勁，可能我係屋企感受唔到啦，休息埋今日就要返工啦，好似仍未夠咁。

今日訓到好晏，開始ｃｏｖｅｒ到ｄ啦，不過有ｄ頭痛，希望聽日冇野啦，攪下個網站先。

今日放自己假，要休息下啦，成個人好似進入虛脫既感覺，聽日再休息多日。

今日訓得好少，９．鐘就返到教會練歌，真係好累呀，雖然咁累，但係做出黎既氣芬都唔錯，完左終於都約到ｃｈｒｉｓ食飯啦，大家唔想飲茶去左蘋果，本來得幾個人，後來殺出怡怡成１０幾個，我地都搬左幾次位啦，然後陪ｊｉｍｍｙ去左旺角行左１圈，查實都好累，之後返去唱歌班，坐低冇耐就開始訓著，我念已經到頂啦，入去同阿達傾下就好ｄ，上完我想問ｅｄｗａｒｄ食飯冇？點知佢打比我先，然後去旺角食左個撈麵，就返屋企啦。

今朝敬拜祈禱完，做到下午去韓燒，上個禮拜阿達病冇去到，夜晚敬拜彈琴，因為ｅｌｔｏｎ去左世博，開頭首歌又係有人做唔到個節奏，時間又無多，所以即時要轉左個彈法，完左同阿達１家去左食湯飯，返到屋企後被人叫左去佢屋企過夜，成４.先訊。

尋晚執譜執到５．幾，所以今日放返日假休息下，下午再改多少少就ｓｅｎｄ出去比ｄ樂手，但係約唔到第１次練習既日子，可能要夾少次ｌｕ，成個人都散晒咁，希望ｄ人練得切啦。

今朝又返早上堂，終於都改晒啦ｄ野，加返每段既描述，仲有ｄ音要改，咁約埋第１次練習就可以啦，然後返去改左佢，不過要執分譜都攪唔晒，食埋個飯就返工啦，ｔｅｒｒｙ話病叫我帶敬拜，英姐、阿龍又唔返，泉哥要寫講章，以為會少人，最後都有１１個，敬拜、分享完幫阿亮攪埋封信，就去明星食飯，英姐都有黎，食完同佢行返去，到左泉哥屋企，ｃａｌｌ左佢落黎食糖水，嘩～已經１２．啦，返去要趕起份譜ｓｅｎｄ比人。

今朝又放半日攪埋份功課，聽朝就要見埋老師，就等綵排啦，不過都未約得實日子添，因為個單簧管成日都搵唔到人；下午返去好似冇乜人咁，ｄ人出晒去，放工繼續做功課，又要做到好夜。

今朝佢地開完會又去翡翠，我食完又順便出去做埋ｄ野，排排下隊聽到有個男人大大聲咁講，’打尖呀’，差ｄ嚇死，原來有２個女人係外面企住，見有個ｃｏｕｎｔｅｒ就埋左去，’唔駛排隊呀，排左成個鐘啦，快ｄ呀’；返去見到幾個同工係度惡補普通話，今晚有普通話班，巧雲姨就坐係我隔離，讀錯就指正佢，差唔多８．就返去食飯啦，返去攪份譜又好夜啦。

今日雖然冇雨，但天氣都有ｄ涼左，所以訓到１２．幾，攪下部腦做下ｄ功課，夜晚ｅｄｗａｒｄ叫左出去食飯，本來同埋阿ｗｉｎｇ去食元氣，但係太多人等位，所以轉左打邊爐，好似星期５先打完ｗｏｒ，又係唔包野飲，大家傾下計，食到１０．幾就走啦，返去又攪埋個ｓｅｒｖｅｒ。

今日又落雨，朝早先知道唱歌老師病左，下午唔駛上堂，所以要通知其他人，不過我地都約左崇拜完去唱ｋ，要練下歌，下次要唱比老師聽，英姐今日又冇返崇拜；我地有ｄ肚餓，等唔到下午茶時間，所以叫左２個２０蚊飯分黎食先，要到２．半先有下午茶餐，然後唱到６．幾，落到樓下見到細ｌｅｏ，ａｌｉｃｅ，我行左陣旺角，就過家姐屋企食飯。

今朝都係３個敬拜祈禱，阿達仍未病好，為佢祈禱時，我好似有ｄ讀寫障礙咁，唔記得佢ｄ屋企人正發生緊ｄ咩事，由於佢唔太有胃口，所以過左金銘，夜晚本來安排左彈琴，不過因為ｅｌｔｏｎ下個星期唔係度，所以調左彈ｂａｓｓ先，完左歌手練唱歌班既歌，雖然分左３部，但係分別練過合返埋１齊，都ｏｋ　ｗｏｒ，然後同埋志華、ｂｒｉａｎ去食越南，原來阿妹終於都過左台灣讀書啦。　

今朝阿達ｓｅｎｄ左個短訊，原來仲病緊要請假，我要出去攪左ｄ野先返，佢地開完會就去飲茶，放工前將ｗｉｌｌｉａｍ作既歌寫返份譜出黎，剛好趕到去都未遲，第１次去ｂａｎｄ房夾ｌｅｏ婚禮既歌，婚禮要夾ｂａｎｄ既敬拜都算係第１次，練到９．幾ｗｉｌｌｉａｍ要去星光大道演出，我地去打邊爐等佢，點知佢話累唔黎，我地都打到１２．先走。

今朝提早左上堂，所以都冇乜野再寫到啦，不過佢將我ｄ碎ｂａｒ串連埋左，咁就好快完成咁，然後返屋企改下食埋飯就返工啦；原來阿達今日放假，唔怪得好靜咁啦，樹華同我傾左陣，我都覺好難攪，６．鬆ｄ人就走晒啦，比起星期２真係有好大對比，大約７．小組ｄ人先開始返，ｂｅｎ＆ａｍｙ都早到，結左婚真有好大改變，欣賞佢２個，英姐中心要開會，所以返唔到，原來今晚係聯合祈禱會，我都唔知添，敬拜幫手彈琴，完左去明星食飯，９．後有特價，大家都估唔到ｄ野都幾大碟。

今朝佢地繼續開會，由於部投影機壞左燈膽，原來人工包膽要２千４，上網ｃｈｅｃｋ下，ｄ價錢真係嚇死你，終於係大陸網搵到個７５０蚊，但係唔知點比錢，下午去斜路食完飯，就去黃金買左個ｓｅｒｖｅｒ，好貴呢，放工又練下ｌｅｏ婚禮既歌，阿ｗｉｎｇ就有魔利姐幫佢彈，我可以休息１次，專心練１個啦，因為２個婚禮只相差１個禮拜，返去攪左個ｓｅｒｖｅｒ，好似都唔係太快咁既。

今日要開會要９．鐘返到，不過訓晏左遲左少少，但係都只係有個讀經分享祈禱敬拜，之後因為佢地話有ｄ野未傾通，我地都唔駛開住，下午又去翡翠啦，夜晚就好熱鬧，ｗｙａｍ又黎派飯，又開普通話班，ｄ人係咁轉，８．鐘返去食飯，然後執埋份個人簡介、作品簡介ｓｅｎｄ比學校，總算完成左啦。

今日好累啦，完晒ｄ野終於可以休息下，但係要做埋份個人簡介、作品簡介，查實都唔知點做好，仲有１０個ｂａｒｓ仍未作完添，又要問下ｄ　ｐｌａｙｅｒ練成點，有咩時間１齊夾，都攪左好耐，因為好難夾到時間。

今朝崇拜數完奉獻就走啦，要趕過葵涌教堂綵排，２．鐘阿卓、儀婚禮彈琴，所以都冇時間食野，自己要練進場、出場歌，又要夾敬拜、獻唱，花仔花女綵排，好似好忙，個琴鍵又唔好禁，音響大到我都聽唔到自己彈，叫較過都唔係太好，因為我有ｄ背場，到正式開始ｒｙａｎ幫我做提場，點知本來好好地，但佢每提１次我就錯１次，因為又好似行得快左，我又要ｃｕｔ短，所以結果都剛好彈到去結尾，但係中間個ｄ位就．．．如果下次唔理照安排左既彈完佢把啦，其他敬拜、獻詩都ｏｋ啦，係個琴要大力彈ｌｏｒ，個半鐘就要離開啦，但係我發現自己未簽名，出去簽時差ｄ簽錯左下１對人既添。



由於太肚餓，所以完左就去美心食個ｔｅａ，食完返教會練下次唱歌班要唱既歌，鍊到７．幾就去酒樓，我地５個被分坐到離其他人比較遠，但原來我地都好開心ｗｏｒ，完左ｄ遊戲，我竟然中左２次有利事收到呀，食完都係１１．影左幾張相就走，不過今次影得比較少啦。

下午去韓燒，夜晚練敬拜彈ｂａｓｓ，完左英姐安排左同黃牧去新光食飯，都係得ｄ同工去，食完同英姐行返去，順道１齊傾下計，今晚都要早ｄ訓，聽日崇拜後阿卓婚禮彈琴。

今日有聚會，所以朝早做左陣功課就返去預備，２．鐘有黃約翰牧師既組長特會，我幫泉哥彈琴，雖然有成３個鐘咁長，但係都精彩好快就過，之後同ａｉｒｙ慶祝生日，今日正日，唯１缺少左份大禮物－阿國未送到，哈哈，ｒａｉｎｂｏｗ又榮升為大姨媽啦，恭喜，咁咩同ａｉｒｙ同月同日生ｌｏｒ；６．鐘又有另１場公開性少少既醫治特會，ｔｅｒｒｙ初試提升帶敬拜，都幾好呀，臨尾既醫治我要彈琴，都好長時間下，冇得被服侍，記得佢上次黎話我彈得冇ｈｅａｒｔ，今次竟然讚我彈得好，真係感謝主！然後同工們就同佢去明星食飯。

今朝雖然唔駛上堂，但係亦都改過少少譜添，夜晚係遍傳分享祈禱會，咁我同英姐要帶敬拜，其他組員因為上個禮拜已經冇組，所以照常開組，完左１齊去翡翠食野啦。

今朝又請半日假做功課，係英姐ｄ書度ｑｕｏｔｅ左ｄ出黎用做結尾，但係好似都未夠ｂａｒｓ，只係２５個ｂａｒｓ姐，都咁難攪ｗｏｒ，下午食完飯就返工啦，出完去做野，仲要開行政會，點知開完都５．幾，本來想做完呢幾單婚禮後放下假，順便清假，但係話下個禮拜又開５年計劃會，所以唔批啦，６．鐘我要趕返學，所以都冇乜時間做野，老師又冇話咁樣ｑｕｏｔｅ唔係幾好，叫我改ｄ、加長ｄ、減慢ｄ，下個禮拜要交，因為要趕完工。

今日開完會去蘋果，下午都好耐冇黎啦，好趕咁做左ｄ野，６．半鐘又同ａｎｇｅｌａ練婚禮歌，點知又練到９．鐘，英姐探訪完ｃａｌｌ我食飯，咁岩ｊｉｍｍｙ帶班ｙｗａｍ既人去派完飯，所以又ｊｏｉｎ埋食，然後行返去，英姐順便去剪髮，都唔係太多開到咁夜既剪髮舖，今晚又少左時間做功課啦。

今日又好累，借左英姐ｄ書都冇睇添，但係已經冇時間，學校仲追我ｄ個人簡介、作品簡介，都唔知點寫好。

今朝祈完禱就做阿卓婚禮既場刊，ｒａｉｎｂｏｗ既ｉｐｈｏｎｅ４終於到手啦，不過張大ｓｉｍ卡用唔到，佢話自己ｃｕｔ，上網睇完個做法之後都係去換把啦，完左崇拜去飲茶，由於太多人所以我同英姐、阿榮＆榮媽坐另１台，原來阿榮都有玩獨木舟，仲考教練牌添，佢都ｏｋ有野講既，希望佢下次教我踩水啦。然後返去練習下呢２堂唱歌班既野，４．半到練阿卓婚禮既歌；今次又講多幾種發聲既地方、做法，６．半完就同阿ｂｅｎ，阿亮去蘋果食飯，大家講得好開心呢，食完飯去左奧海城同英姐羅本詩歌集，原來佢約左ｒａｙｍｏｎｄ，阿德守望打邊爐，真係欣賞佢啦，等佢食埋就去佢度羅埋其他書。

今朝８．鐘起身梳洗，９．半約左川川到教堂綵排，練左簽婚書既歌先，然後練敬拜，再練下２首進場歌，今次好似冇咁緊張啦，所以都冇乜甩漏，我都滿意啦，實在感謝主！係臨尾出場個首念住可以完啦，而彈快左ｄ趕收工咁，所以就出錯啦，實在可惜，然後去酒樓食飯，食完返教會崇拜，今日唔駛彈野，同信信捉左局象棋，查實我唔係幾識，所以預左輸架啦，振成既講道講左我既名，真係，然後去清湯腩食個海南雞飯就走啦。

今朝又半句鐘祈禱敬拜，做到１２．幾同ｈｅｎｒｙｅｔｔａ小組去飲茶，過左１段日子，新光既點心好似水準高返ｄ啦，冇咁難食，２．鐘阿川返黎同佢練婚禮歌，咁１練就３個鐘啦，自己又練下琴，希望聽日唔好再出錯啦。

今朝醒時已經１１．啦，馬上梳洗完去趕淘大，好在唔係遲太多，我隻眼可能入左條眼毛，括到我好唔舒服，係咁流眼淚都唔得，好辛苦，今日係中秋節小組ｏｕｔｉｎｇ，得我、ｊｉｍｍｙ，ｂｅｎ，ｃｈｒｉｓ，難得ｃｈｒｉｓ都出黎，食左個太興午餐就去打保齡。

等緊時打左部足球機，我同ｊｉｍｍｙ以大比數勝利，我都打得唔好，ｂｅｎ就最勁，力度又快又勁，所以次次都高分，ｃｈｒｉｓ見佢好姿柔咁慢慢黎，但又中好多ｗｏｒ，ｊｉｍｍｙ又學人錠西，因為我地盡快玩，半個鐘可以完成１局，臨尾仲快，２個鐘玩左５局，最尾比我連續幾球全中，我都未試過分數過３位數，有１２５最高分呢，然後行去食個ｔｅａ，ｂｅｎ　＆　ｃｈｒｉｓ要走啦，咁我同ｊｉｍｍｙ去睇左場陳真，呢套真實ｄ，甄子單呢次有比人打傷啦，然後返去食飯啦。

今日大家仍開５年計劃會，聽阿達講原來尋晚大角咀有船發生爆炸呢，唔怪得天空都照光晒啦；然後阿達出去探訪，ｊａｓｏｎ去整機，阿軼、權去左南京，所以好靜下，開完會大家去食台灣，咁我唔去，同左巧雲姨、ｒａｉｎｂｏｗ去金銘，點知又有壓力，主阿．．．做乜呢排你要咁呀，放過我吧；做完野去銀行，順便同ｒａｉｎｂｏｗ去睇樓，都係麻麻地好，原來返到去ｄ人都走晒啦，５．半先走去同大ｊｏｅ佢地食私房菜。

去到打下乒乓球，有人唱ｋ，到左８．幾開始食啦，有湯、菜、蝦、蟹．．．佢整得真係好味，聽聞佢食過就差唔多可以整到，真係厲害，不過有個小女孩叫芯芯，所以大家不斷咁叫，意圖混淆我，外面又有人ｂｂｑ，食到尾又寫左孔明燈放，佢又有人黎同我打左場乒乓球，１２．幾就走啦，多得英姐坐的士送我１程。

今朝冇左風球，又不斷落雨，所以陪阿達去羅生果，都搞到濕晒，然後同阿謦ｍｓｎ，原來佢有好大既壓力，咁鼓勵左佢，今晚派月餅，下午又翡翠啦，點知聽到有人有個提議，又話有引證，攪到我好唔知點又好大壓力咁ｗｏｒ，唔好咁攪呀；由於我份功課仲爭個大提琴手，雖然志華唔知，但又唔知點解咁岩佢突然同我講，話識得個朋有係音樂世家，又比個網站我睇，於是就可以搵佢幫我啦，呢個唔通係神既安排？今晚ｓｅｎｄ份譜比佢睇下先。

放工想走啦，點知同人傾下、報下名，仲要臨時幫泉哥做即時翻譯，有隊新加坡ｔｅａｍ過黎派飯，最後仲等埋佢地探訪完同小組食飯，新光小菜啦，阿ｗｉｎｇ飲大左有ｄ亂講野咁，好好笑，之後泉哥又比壓力我啦，做野到凌晨時份，個天突然１陣大光將成個天空都照光晒，我都唔知發生咩事。

今日下午起身，天氣都唔係太差，不過慢慢進入惡劣，由１號升至３號加黃雨，真係好大，練左陣琴已經好累啦，所以唔再練要休息下，咁又做下份功課啦，但係個２５個ｂａｒｓ好似做極都未完咁既？

今日又１號啦，朝早由阿泉哥帶敬拜，都幾好呀，係有個新朋有既聲音真係夠響亮，基本就超越左大家既音量，崇拜後ｊｉｍｍｙ話去食金銘，後黎話冇位都去左飲茶，咁就最好啦，因為都要等到５．先上堂，不過４．鐘約左秀嬌返黎練婚禮歌，唱歌班到６．半就完啦，然後去食譚仔，食完同ｃｈｒｉｓ落旺角睇ｄｖｄ，返去時去羅埋盒月餅先返去。

今朝得我同ｒａｉｎｂｏｗ敬拜祈禱，唔係放假就係返遲，下午得我同阿權去麻酸樂，因為佢要去換野，下午練歌又彈ｄ難野，我又差ｄ抽筋啦，不過都開心既，完左又係琴手大會，已經係最後１次啦，下次係到結他手，我都係ｅｌｔｏｎ身上學到好多野，不過要練習、實踐先得，然後１齊去味皇食飯。

今日又敬拜祈禱，下午去韓燒，ｊａｓｏｎ順便幫ｐｏｌｌｙ買ｉｐａｄ，不過冇繁體版冇得玩；６．約左ｓａｒｄｏｎｎａ夾細ｊｏｅ婚禮敬拜歌，唔．．佢應該冇練過，咁要練多ｄ啦，然後趕去ａｐｍ，約左幾個舊同事食飯，嘩．．都好耐冇見，除左我肥左，佢地都冇變咁，坐左好耐，只係點送都攪左好耐，因為大家睇幾下又講左其他野，又講返以前１齊去旅行，睇下出年有冇時間可以再１齊去，嘩～原來已經１１．半啦。

今朝又做多左ｄ功課，只係ｃｏｐｙ下呢度個度，不過接近９分半鐘啦，但係未可以結到尾，咁硬著頭皮都要去見老師啦，意見改下野、減左ｄ、變下音、加返ｄ，結埋個尾估計有１０分半鐘，然後打比佢地食飯，原來係牛屋，咁就岩晒啦，不過趕到唔夠半句鐘就要走ｌｏｒ，夜晚係細ｊｏｅ婚禮既綵排，咁岩又撞左阿卓既綵排，所以叫佢錄左比我睇啦，呢間既牧師又算寬鬆ｗｏｒ，而且都快完成，然後去食飯，但係呢間富臨整野真係好慢，叫左上菜都等左好耐，原來其他台都係咁，好似擺酒咁逐味送上，本來個半鐘走得，但係都食左２個幾鐘。

今朝放半日假，因為尋晚做到好夜呢，除左休息多陣，都做左少少功課，好似做多左ｄ，但係又好似冇乜進展咁，返去攪左部份野，５．半阿川黎夾歌啦，都夾到成７．半先完，攪多陣野就返去食飯，又要捱夜作野啦。

今日原來ｒａｉｎｂｏｗ放假，佢地唔駛開會，只係開植堂會，之後去明愛食飯，夜晚約左ｊｅｎｎｉｆｅｒ，ａｎｇｅｌａ夾歌，點知原來阿川約左阿東學鼓，但係唔係夾歌緊要ｄ先咩？不過算啦，年青人係咁架啦，係我緊張姐，於是同佢地練到１１．先完，真係估唔到練咁耐，可能唔知幾時有時間再夾啦，然後都唔知去邊食，因為太夜，咁榮發啦，但係食完先知呢度已經唔做２４小時營業啦，返去仍要趕工。

今日仍然好累，訓到下午食完野，練左２個鐘琴又眼訓啦，又坐係度訓到夜晚啦，再聽下個幾首婚禮歌，又開份功課睇下，都冇乜新進展。

今朝仍要返工，個樣都殘晒，完左崇拜後又有浸禮，所以連飯都冇時間食，都要叫人幫我買麵，有空檔就食ｄ，３．鐘開始，務務、雲靖都浸左啦，比預期順利兼好準時完，因為曾擔心之後既唱歌班清唔到場，第１堂唱歌班都係理論性多，臨尾先分ｔｅａｍ唱首歌，用返佢講既效果唱，有ｄ就跟返平時既唱法，有ｄ就加左但係自己都忍唔住笑，都幾攪笑，完左又同ｂｏａｚ去打邊爐，呢排好似打得好多呀。

今朝６．鐘起身梳洗，７．半去到油麻地１齊搭的士去香港仔，我地有最細既兄弟禧禧，大鑊啦落咁大雨，８．鐘去到同阿ｂｅｎ食個早餐，然後落停車場佈置花車，影相拍片，不過我地就熱到流晒汗啦，然後就衝上去接新娘，玩左２個遊戲，就接到啦，之後既斟茶儀式就厲害啦，ｄ親戚又多，斟過杯茶就可以伸對手出黎有野帶啦，真係我地都差ｄ想去斟埋１份呀，呢個過程都攪左好耐，然後去酒樓飲茶食飯，食完就出教堂啦。



不過就好塞車，好彩我地預鬆左時間，去到我當然係練下琴先啦，練習時都幾好架，不過慢慢開始緊張，有ｄ手凍、心跳加速、頭暈，到正式進場真係睇唔到譜，所以彈得好肉酸，好失禮呀．．．之後既敬拜、獻詩、出場都好ｄ，英姐既主席又做得攪笑，係泉哥訓勉時又學會左２個英文ｇｏｏｄ　ｊｏｂ，　ｗｅｌｌ　ｄｏｎｅ，係ａｍｙ經常同阿ｂｅｎ講既，影埋相又趕去酒樓，係酒樓影左好多相，基本佢換既衫都影晒，又有即時印既相派，真係好開心，食完攪埋ｄ野都１２．啦，但係佢地都未走得，今日真係好累呢。

今朝祈禱會又敬拜彈結他，手指都好痛呀，下午又要去翡翠，好彩尋晚冇去姐，下午等ｒａｉｎｂｏｗ設計左張ｂａｎｎｅｒ後，我要做ｄ手工，６．幾約左ｊｕｄｉｔｈ練歌，之後再自己練下作最後沖刺，又８．鐘啦，要返去整理下ｄ野早ｄ訓，聽朝６．鐘起身呀。

今朝又做下功課，改下呢度加下野，點解都好似冇多到野既？食埋飯先返去啦，又攪下個ｓｅｒｖｅｒ網站，ｊｉｍｍｙ打黎話遲放工，叫我帶敬拜，又要揀歌啦，英姐同阿ｂｅｎ幾個落左街拍短片婚禮用，嘩～羅左崇拜用既結他，ｄ線硬到呢．．痛到我手都震埋，可能我太耐冇彈啦，分享完左，唔知邊個話去打邊爐，所以又攪到好夜，返去仲要繼續做功課。

今朝阿達要去安息禮拜，所以自己祈禱啦，下午去牛屋，放工同ｊａｓｏｎ落深水步睇下ｄ　ｓｅｒｖｅｒ，佢就買左部ｄｖｄ機比老婆，然後趕返去開會友大會，８．鐘完左去食越南，食到尾竟然落起大雨，又密又大滴，又打雷，所以坐到細左就馬上走啦。

今日要開會，開完去同ｊａｓｏｎ慶祝生日，做埋ｄ數，攪埋個報告，放工練左陣琴，要編排下ｄ流程，然後趕去新世紀同阿ｂｅｎ食最後既單身晚餐，行到去成身濕晒啦，好似個汗人，大家宣嚷左幾個鐘，食完去食埋糖水就走啦。

今日１１．幾起身，食左野、休息左陣，就開始練琴啦，練幾個鐘休息１陣，又再練過，到夜晚７．幾先完，都好耐未彈過咁耐啦，所以隻手都有ｄ痛呢。

今朝又早起返去練歌，今日敬拜彈琴，完左崇拜ｎｅｔ祈禱會，之後好快咁同ｊｕｄｉｔｈ練左陣歌，原來ｋｅｖｉｎ 係ｂｅｎ婚禮個日臨時要上大陸公幹，所以當日彈唔到結他，所以我１個攪掂佢，然後就趕去食飯，３．鐘細ｊｏｅ，ｍａｂｌｅ婚禮開會，開完又商量下ｄ野，英姐又上埋黎，又傾下，本來嬌嬌約我地去食韓燒既，但係英姐又約左人食飯，終於等所有人都走晒啦，已經７．幾啦，得返阿龍、泉哥，所以１齊去新光食飯啦。

夜晚敬拜彈ｂａｓｓ，完左係琴手大會，每次練都好緊張咁，可能有人睇住啦，練習完又去翡翠，但今次叫碟頭飯，冇叫餐，不過班仔就真係厲害，食極都仲食得落，簡直係焚化爐。

今朝起身仍然１號風球有雨，返去祈完禱就做野，又要去羅電腦，所以去韓燒，返黎當振成用部ｎｏｔｅｂｏｏｋ插上網後，我地全部機又上唔到網啦，即係原來係部ｎｏｔｅｂｏｏｋ有事；之後突然落好大雨，阿達去搬電視返黎，阿權叫我去８樓幫佢地遮下雨，點知去到先知大鑊，部野又大又重，３個人都唔夠力，又淋濕左背部，真係出盡力都唔係幾得，谷到差ｄ爆血管，真係難為佢地２個人搬到黎呢度，最後阿達整傷手添，聽返原來富仔開頭掉以輕心想１個人搬；然後趕去大埔約左舊同學食生日飯，呢間韓國野都ｏｋ既。

今朝繼續做份功課，比上次只係做多左４０秒，所以老師冇咩可以講，可能冇乜內容啦，然後返去同佢地去新巴黎，好似好耐冇去啦；食完順便去羅電腦，返去做做下野突然上唔到網，攪左好耐，將所有線再重新插過，發現每插某部機就斷線，都唔明做咩，所以都做唔到野，泉哥、阿國又捉我講野，我真係唔想ｗｏｒ，之後陪埋ｒａｉｎｂｏｗ去睇樓，都係麻麻姐，下次再睇過，完左小組又去翡翠，夜晚掛左１號。