今日係學校開學既日子，我今朝就要請半日假，想做多少少功課，不過仍然好難搞，坐係度都冇乜ｉｄｅａ，下午返到去都做夜左走，返去又要開夜車啦，快ｄ搞掂佢就好啦。
今朝佢地開完會又去翡翠啦，夜晚係ｂｅｎ婚禮既綵排，去到又成身濕晒啦，我都緊張所以彈得唔好，又可能因為未夠熟啦，但係佢地行出場又快，又唔跟步驟，呢個牧師又攪到我覺佢有好求其既感覺，樣樣過程都好快咁，攪到我唔知點預時間好，完左就行返去酒樓食飯，嘩～ｄ送多到都食唔晒。
今日訓到１２．幾起身，對腳有ｄ痛，本來想練下琴，但係太累啦，羅份功課都係改下ｄ音，未有新１段野寫到，時間好似越黎越緊迫啦。
今朝門徒大會，家宇叫我幫手彈琴，嘩～幾首歌都轉左調，唔係幾習慣ｄ位ｗｏｒ，要練下先，大家見到我塊面都好驚訝，好似包公ｗｏｒ，因為好緊張；完左大家搵地方食飯都攪左好耐，等位都等左幾間，最後都係越南，食完要趕去復興聯合崇拜，氣氛都幾好呀，完左又同ｅｄｗａｒｄ ２家、阿ｗｉｎｇ去旺角食日本野，真係好味呀，不過最可惜既係，係我戒緊口既時間食呢ｄ，真係食到唔夠放呢，食完感覺對腳有ｄ痛，都係搭車把啦。
今朝起身覺身體都ｏｋ，所以馬上趕去馬鞍山匯合佢地，１共有９男女，好彩趕到去佢地剛開始行，但係天氣好晒好熱，已經不斷咁流汗，又冇樹遮頭，成件衫、毛巾都濕晒，可以扭得出水，去到就黎最頂就食左少少野，有幾個人都頂唔住，唔去最高既頂，連阿偉都頂唔住，所以佢地慢慢落住山搵個陰ｄ既地方啦，由於太晒冇風，我地行得都好辛苦，差唔多到頂前坐左陣，起身都有輕微中暑感覺，之後上到頂食粒葡萄坐左陣，遠望見有黑雲，所以要趕落山啦，由於冇左太陽舒服好多，行都快ｄ，明明唔少心整到腳，我地馬上開始認做親戚啦，阿姨、表姐、家姐．．，連阿媽都出埋，念住ｃａｌｌ直昇機時可以上埋機ｌｏｒ，真係笑死，然後開始落雨，雖然２邊都冇野遮頭，但奇怪初落時ｄ雨係濕我地唔到ｗｏｒ，再低ｄ先開始淋到我地，由於只有不斷既落山梯級，我既膝蓋都開始痛啦，之後ｊｏｉｎ返佢地，又覺落極都未到山腳，４．鐘終於都落返市區啦，去廁所沖下個身，然後食個下午茶，見有間海鮮餐好平，所以去試下，係岸邊見有人買左好多海鮮都係９００蚊，我地５個人食個４人餐，都食唔晒呢，有龍蝦、蟹、蝦、魚、菜、鮮魷，每人都係１４０蚊，仲要打包，返去時發現對腳有ｄ痛，希望聽日冇事啦。
今日終於到左同工遊船河既日子，比返工還早起床，搭去尖咀架巴士真好野，逢燈都停，攪到我差ｄ遲到，好彩隻船未拍岸，嘩～原來隻船都幾大好靚，２０００萬呀，於是就駛去浪茄，唔駛１個鐘就到啦，沿途既風景都好靚，我地見到貴船既分別，基本上其他ｄ船都追唔到我地，感覺真係好，去到就換衫轉駁艇埋岸，然後游水，嘩～ｄ水好鹹呀，又曬，玩到１２．幾就上返船食午餐，大ｊｏｅ整左好多野食，食得好飽都食唔晒，休息左陣再落水學踩水，當然要帶個水泡啦，不過試左好耐都浮唔到，到左４．鐘就回航啦，然後家宇帶我同阿權入屯門睇下ｄ腰袋，點知佢買開個間冇貨，睇左陣玩具就同埋美姍食飯，呢間ｐｉｚｚａ既野普遍鹹ｄ，食完去買埋個袋，都訣擇左好耐，最後都係買個細既，佢除左比左個折我，仲加多張ｖｉｐ ｃａｒｄ，真係感謝主！不過我都好少入黎比左阿權，然後搭車返去，今日好累呢。
今朝雖然唔駛上堂，都執過下份譜，（留左言比阿達下午去合１祈禱會，阿權又唔記得通知佢，）但係冇新野寫啦，都唔知點算好啦，時間又係咁過去，食完飯就返去啦。幫泉哥填左份表，寫左封信，佢話夜晚小組改為菲律賓事件祈禱會，叫我彈琴，最後竟然臨時揀左首彩虹下的約定，上網搵左份ｃｈｏｒｄ，到彈個陣先發現ｄ ｃｈｏｒｄ，ｋｅｙ都唔岩，真係幾難攪，之後分小組，完左又去新光，有１０幾人ｗｏｒ，都好耐冇試過咁多人啦。
下午去左明愛，又有１段時間冇去啦，夜晚練左陣琴，點知就練到９．半，就同埋阿富仔小組ｄ人食飯，都係去越南，食完都係搭車返去啦。
2010/08/24 23:58 | by
今朝都係隱隱痛，由於好多人去左ｌｉｆｅ ｃａｍｐ，所以少左好多人，但係有人問完又問，阿邊個邊個係邊？入左ｃａｍｐ呀，下午去翡翠食左少少野，今晚已經係小提琴最後１堂，ｖｉｎｇｉ都唔返，病左ｗｏｒ，老師就好似要趕工咁要教晒ｄ野比我地咁，所以攪到我地都好累，然後落荷李活食飯時叫埋個２位同學１齊食－夏麵館，估唔到第１堂＆最後１堂都係呢間，我地又講開菲律賓單野，大家都係好激動，我地呢個暑期班就完左啦。
菲律賓隔職警員協持香港旅行巴案件
[
2010/08/23 23:58 | by sumsum ]
2010/08/23 23:58 | by sumsum ]
今朝個肚好似好返些少，１０．鐘去ｖａｎ公司幫手，做到２．幾先去食飯，佢上手同事ｄ野係入得幾亂下ｗｏｒ，可能我唔係太熟，好似都唔係對得太多咁，然後去家姐屋企食飯，終於睇到今朝菲律賓隔職警員協持香港旅行巴案件，成晚都播住救人既過程，但係已經成１０個鐘，又已經談判失敗，但係班警察都唔知係度做乜？遲遲都唔強行救人，個個都怕怕死死咁，破窗又好似冇力咁，唔通ｄ玻璃係防彈既？破門又．．．總之見到就眼火爆啦，真係想打佢幾鑊呀，最後都有ｄ人未死，但係都死左幾個啦。
今朝５．幾開始肚痛痾，又嘔，搞左成個鐘先訓左陣，又再黎過，今次痾緊ｄ係水啦都仲要嘔，終於都９．先停，ｓｅｎｄ個短訊要請假啦，起身都成身無力咁，而且個頭好重好眼訓，食左粥後都係要休息下，到３．鐘要返去開ｂｅｎ婚禮會議，見到樓下圍左好多人、燒防車、警車，好似話拍緊野ｗｏｒ，都好辛苦咁捱完左個會，英姐叫我陪埋佢去阿偉佢地既ｂｂｑ，開頭以為係警察會都話去坐陣，但係將軍澳又太遠了，所以都係返去訓覺啦。
今朝祈祈下多返個人，ｒａｉｎｂｏｗ建議唱首歌，咁就１邊唱１邊祈啦，好似長左好多，下午阿達提議去韓燒，又行去旺角啦，今日唔駛彈野可以休息下，不過祈禱會幫ｄａｎｉｅｌ彈琴，去到中間突然覺得好眼訓，有ｄ沉睡既靈呢，之後可能ｂｒｅａｋ開左就好ｄ，完左崇拜同泉哥講開，佢覺有好大沉睡既靈係度，然後同志華去食個越南豬扒飯就行返屋企啦。
今日樹華終於係新加坡返黎啦，不過未返工，阿達個女要去廣華睇醫生，所以我地去旺角１齊食麻酸樂，振成又比隻貓ｇａｍｅ佢玩，但係佢只係鍾意篤到佢暈，要聽隻貓講野時，子蕙講：’ｈｅｌｌｏ我係馮子蕙’，當隻貓跟佢講多次後，子蕙話：’我唔鍾意佢跟我講野’，然後又篤暈佢，比奶佢飲，醒左又再篤，真係笑死。
今朝起身又黑晒落大雨，１１．鐘沛岐打電話來只係聽到幾聲’喂’就掛電了，可能已經過境了，真的嗎？有１點兒捨不了。冇食早餐，都做左好少功課，老師都冇咩講，返去大家叫外賣冇出街食，我都未太肚餓，所以遲ｄ先買個金銘；原來今日黃昏青少年要開營前會，睇之前出既報告應該６．完，所以約左小芬黎幫佢整譜都撞左時間，而且連更深經歷神課程都未得ｓｅｔ場，突然食左隻雞小組要帶敬拜，ｅｄｗａｒｄ有事返左香港處理，所以順便返埋小組，完左又去新光，晚飯既水準好似好ｄ。
今日本來曬左ｄ相比沛岐，但係好似約唔岩時間，唔知仲會見到佢冇？家宇出開黎話早ｄ去新光飲茶，點知原來ｄ點心都仍係好難食，叉燒飽冇肉得ｄ好鹹既汁，蘿白糕得粉，牛肉紅色．．．就連最愛既鳳爪都鹹到冇人敢食，都係第１次會食剩，到左６．突然阿偉帶左沛岐上黎，我都冇想過添，因為佢地本來約左人食飯，所以我地係房聊天，原來佢鍾意食金沙呢，又由佢媽口中知道佢細個都有ｄ受傷害，但係而家可以咁懂性，真係難得，都好感動，等阿偉小組完左１齊去新光食飯，已經係最後的晚餐啦，食完送埋佢地返屋企先走，佢地都要執野呀，佢又送返我少少，真係好唔捨得。
今朝阿權打黎請假，原來星期日踢球扭親隻腳，今日踵晒先去睇醫生，同工會前又都１齊敬拜完先做野，又係我未完成晒野時去食飯，又去韓燒，所以趕過頭唔記得帶銀包，ｈａｈａ；返去阿國、泉哥又同我傾左樣野，查實之前都有聽聞，不過我唔咁想ｌｏｒ，好大壓力呢，返學又落雨，所以都遲左ｄ，返到去就要拉要背個首歌，查實我只係頭先先背下份譜都未拉過，好彩係首熟歌都過到，放學係走廊影左幾張相，好傻呀，然後去食ｐｉｚｚａ，４個終於再１次１齊出動食野啦，我地係食既過程中有好多笑位，個個都差ｄ笑到肚痛呢。
2010/08/16 23:58 | by
今朝１０．起身ｃａｌｌ左沛岐，去睇戲前同佢買左條泳褲，呢套ｋｅｒｏｒｏ軍曹都ｏｋ好笑，佢都睇得好開心，然後食ｄ野就同佢去游水，點知去到泳池見到掛起了雷暴警號，幸好問工作人員只是跳水池唔開，所以我地就入去了，佢真係好怕水，所以學左好耐都唔敢游，慢慢帶下佢先開始學到ｄ，覺得好玩左就連應該約左媽媽４．鐘走都唔理，最後游到６．泳池清潔先走，帶佢返屋企放低ｄ野又落雨，所以係度傾下，佢又真係好鬼可愛呢，８．半約埋阿ｖａｎ去西九龍食日本野，可惜佢３日後就返河南啦。
今朝又落雨，完左崇拜又好天ｗｏｒ，沛岐真係黎左崇拜呀，完左本來想同埋佢地飲茶，不過要趕時間，所以去味皇食完再去酒樓同佢ｓａｙ ｂｙｅ，點知佢又問好多ｉｑ題，跟埋我上去教會練歌，練到３．半去圓方滑冰，我都成１０年冇滑都唔止ｌｕ，好彩慢滑都冇跌過，然後去西九走廊行左陣，因為佢想釣魚，自己冇得釣都想睇下人釣，佢又成日拖住我隻手，感覺真係甜，有小孩子真好，點知去到全部得ｄ影相既人，佢就好失望ｌｏｒ，不過個天真係好靚，７．半約左ｅｄｗａｒｄ成家食日本野，嘩～呢排食得好多下咁ｗｏｒ，但係真係好好味，ｅｄｗａｒｄ媽可能平時冇人同佢飲酒，所以難得高興有阿ｗｉｎｇ陪佢飲，仲要我乾左好幾杯，最後個杯前我知自己差唔多，我飲埋佢仲叫人拍手添，睇佢真係好開心ｗｏｒ，而且食得好飽，走時好似有ｄ想嘔，可能出左ｄ汗，後黎好返ｄ，打比阿偉問佢地係邊食緊飯，但係個電話冇電，攪左好耐先聯絡得到，去到就搵個地方差下電先啦，後來講到我聽日放假，所以安排聽日陪佢去玩啦。
今日下午去翡翠，因為又落雨，阿達阿權係８樓執野，食完上去睇下，都有好多好玩具ｗｏｒ，夜晚練歌繼續彈ｂａｓｓ，完左大家好快咁分組練習完，之後敬拜隊就去打邊爐啦，ｅｌｔｏｎ實在太鍾意啦，食到人地收工先走，而且太遲去都係有ｄ食物會冇既，ａｎｇｅｌａ又差ｄ食唔到水餃呢。
今朝出門口又落大雨，呢排既天氣都係咁唔穩定，下午又好熱ｗｏｒ，提議去牛屋，原來振成尋日想去，不過冇人食飯，夜晚約左ｅｄｗａｒｄ食飯，想試下２０００円放題，但係打極都唔通，唯有殺上去睇下，好彩早就有位，不過只係食到８．鐘，ｄ野食都唔錯，又幾好味，份量亦ｏｋ，真係有好多人黎。
今日唔駛上堂，耆樂組唔駛開冇去飲茶，所以我食完先返，夜晚約左小芬幫佢寫譜，今次好似做得快ｄ，然後同怡怡夾歌，我幫佢彈琴，今晚家族祈禱會，不過有部份人都冇返，泉哥好準時９．半完，阿達成家都返左黎，完左子蕙就入我房，閂埋房門添，所以攪左幾輪先去食湯飯，食完又行返屋企。
今日返工時突然落大雨，好彩羅左遮，尋日短宣隊返左黎，而英姐又放假，所以返黎同我地飲茶，新光裝修完都多左人咁ｗｏｒ，好多人等位，好彩我冇放棄就好快有位，怡怡都有１齊食ｗｏｒ，家俊係加拿大返左黎放假，又高又瘦左ｗｏｒ，同佢影張相先。
今朝要講返外展既檢討，所以要開會，１１．半就完左去花園飲茶，會平ｄ，短宣隊今晚返黎啦；夜晚返學遲左班車，原來已經要拉歌仔啦，當然係會簡單ｄ架啦，下堂要背左佢添，放學得返嘉豪同我食，又係大食代。
上網訂既貨，朝早有件送黎，所以早醒左，做左少少功課啦今日，都係休息為主。
今朝更加唔知醒，所以遲左４個字呀，完左去飲茶，好耐冇咁多人飲啦，飲完上返去練左陣琴，然後去警察會打波，識左個由河南黎既香港小朋友－岐哥，係阿偉朋友既仔，好單純好可愛，黎到就拖住阿偉，可能好耐冇見啦，打左個鐘乒乓球，然後７．先有場打羽毛球，都唔係太累，然後去５８蚊打邊爐，隔離台有人生日，我地又同佢唱埋１份，送左支啤酒比呀偉，岐哥又問下ｄ爛ｉｑ題，食到１１．鐘先走。
今朝都遲左返，下午去韓燒，唔知點解我地講野要全部變晒眾數詞，唔講你、我、他、只有’我地’，真係好難講架；下午練歌ｅｌｔｏｎ唔係度，咁我要睇住啦，但係第１首就差ｄ激死我啦，個鼓唔記得晒ｄ打法，叫人示範埋都唔得，我又已經將佢再簡化，都係唔好，真係有ｄ激動，完左要等志華佢地打完籃球先去食飯，去左越南，食完突然見到外面落雨，嘩～好似倒水咁激呀，好彩坐多半句鐘就開始停雨，馬上搭車走啦。
今朝返到去未開門？原來阿達已經過左８樓執野，而且又未有人返，下午去左蘋果，原來佢又加左１蚊價，夜晚廟街外展，我又負責睇相檔，暑假雖然多左ｄ青少年返，少左ｄ星期５小組既人返，不過佢地好似唔知做乜咁，坐埋左１堆，叫佢地出去啦，完左同ｑｕｅｅｎｉｃｅ傾左陣佢讀書既去向，之後小組就去大角咀客家盞食飯。
今朝聽唔到鬧鐘響，所以遲左起身做少左功課，好彩都冇事，然後去埋銀行就去飲茶，因為新光終於都裝修完啦，ｄ野食既味道好似未能控制到，有ｄ太濃有ｄ太淡，落單又有ｄ亂，今晚冇小組，但係都要收夜，因為返晏，夜晚又落雨落到由雷爆到紅雨，估唔到阿達約左人返黎傾野，又冇帶遮出去，所以濕晒，傾完都１０．啦，所以同佢去左食湯飯，個時已經冇乜雨啦，然後佢話行去旺角搭車，咁我就行返屋企啦。
今朝返到去，冇人既？唔通全世界都放假？冇人話我知ｗｏｒ，咁自己祈住禱黎做野啦，之後ｊａｓｏｎ先返，１．幾先知原來未食野，直至２．鐘阿權買左飽返黎，佢今日都放榜，不過成績就．．下，然後去買個外賣啦，放工仍然練左１個鐘琴先走，返去收到ｒａｉｎｂｏｗ既ｍａｉｌ，話雅儀整到隻腳，好彩冇傷到骨，只係擦傷。
今朝返工雖然好多人唔係度，但係都有敬拜、祈禱、靈修分享、開會，１２．半就去左ｂｕｒｇｅｒｋｉｎｇ食飽，２５．５話平ｗｏｒ，我都係第１次去食，都係比張相既ｓｉｚｅ細左ｄ，加左８蚊２件雞上翼，好細不過幾好味，然後同阿國、泉哥去睇電話，原來部ｉｐｈｏｎｅ３ ｔｒａｄｅ-ｉｎ好價過就咁賣，換部ｃ３都係補２００；放工前阿達叫我睇左段網上片，真係做得好正，不過攪到遲左走都唔知，好彩追到部車仲比嘉豪佢地準時到添，１黎大家都要拉歌仔，教左點樣分手練，原來已經教到５０幾課啦，仲有３堂就完啦，放學差ｄ冇人食飯，好彩嘉豪去旺角練ｂａｎｄ，可以去食完先，咁我跟佢上去睇下，個個都好勁ｗｏｒ，基本上都背晒ｄ歌啦，唔知嘉豪幾時會教我彈ｂａｓｓ呢？
今日訓到１．幾起身，想做下功課，但係冇乜靈感都係擺低左，睇下電視咁又到夜晚啦，都仍未有野可以寫到，都唔知點算添。
今朝要整頭又要搵個袋，所以遲左返去冇得食早餐，９．４返到去就開始練習，今次ｄ歌都正常易彈，完左崇拜係ｎｅｔ祈禱會，食左個味皇，然後去尖咀羅野，去幫阿ｂｅｎ過大禮，原來佢地都住香港仔，好近大ｊｏｅ間舖，我都好似第１次做過大禮，而且要帶好多野，上到去已經有好多人係度，佢地查實都幾開心，又要分野，大家傾下，ｔｅｒｒｙ就犀利，由於大家都曾經係水上人，所以特別岩傾，之後上ｂｅｎ既新居祝福祈禱，呢度有海景好靚呀，之後ｔｅｒｒｙ就走，我地搭船過對面鴨利洲食海鮮，大部份都好味，臨尾唔記得叫左條魚，不過蒸得過火左，搭返船過去轉車走啦。
今朝ｒａｉｎｂｏｗ又作病，祝福佢短宣前好返啦，下午去韓燒，我地去到阿權先打黎話唔黎，我地叫左１個涼粉、２個翅１個唔要醋，都講左幾次比佢聽，點知黎到２個都有醋，照樣擺低話我地冇講清楚，我地都ｏ晒咀；下午練歌彈ｂａｓｓ，ｅｌｔｏｎ開始唔會次次出，但係都會返黎幫我地練習，完左大家又去食越南野，太多人坐左去清湯腩，但係入面太嘈，個個講野都要好大聲，食完仲有唔知填份野有抽獎添，因為早食完就行返去，順便買ｄ野。
今朝本來約左上去ｐａｔｒｉｃｋ公司比野佢簽，不過佢遲返，咁約左係第２度攪，所以比預期中遲左，去埋銀行先返去，下午同志華去牛屋，都好耐冇去啦，行到好熱呢，佢順便去以琳羅書；夜晚約左個經紀傾野，咁岩ｅｄｗａｒｄ約我食飯，所以拿拿臨講完就走啦，又話有船飛送，但係冇帶要下次先，咁妳自己下次講啦，然後去食壽司呢。
今朝唔駛上堂都想早ｄ起身做下功課，不過都係懶訓到１１．幾，做過少少啦，返到公司聽到阿權下午走左返去裝寬頻，後來有個女人上黎大大聲同阿達唔知講咩，阿達都有ｄ慶咁，小組前又練左半個鐘琴，今日多返ｄ人返，不過短宣隊要練歌，所以我地要退到副堂，玩左個泉哥好鍾意玩既講感恩遊戲後，就由阿ｗｉｎｇ 帶敬拜，之後再分組，完左都係翡翠坐得舒服ｄ，不過食完好快都走啦。
今朝阿達補假去睇３ｄ史力加，下午又落雨，念住同阿軼佢地去食飯時，阿達打黎話返緊黎食，所以等埋佢去ｑ太郎，點知好似細碗左，個湯底又好似係魚湯咁轉左味，即係又差左啦，下午班ｙｏｕｔｈ返黎上聖經班，點知阿劉清潔用既漂白水比例用左１：５０，ｄ味攻到我都有ｄ頭痛，所以走左出去聽，到３．幾又落大雨，當然又落到黑雨，不過冇上星期咁勁，１個鐘就轉返紅雨啦，放工練琴到７．幾先走，然後去家姐度食個飯。
今早佢地未夠１２．就開完會，可能２大巨頭都唔係度，樹華尋日已經去左馬來西亞先，１２．半前埋單平ｄ，食完走時原來落緊雨，真係估佢唔到，原來話呢幾日又會落雨，夜晚上堂開始拉２條線啦，又好玩左ｄ，不過我隻尾指就唔係咁拉得開黎禁弦，下堂可以拉歌仔啦，今晚又到ｗｅｎｄｙ冇返，大家都唔食飯，所以走ｌｕ。
今朝又比人電醒，不過都仲可以訓返到１．先起身，唔知係剛病愈，個頭都係好累，所以今日冇練琴，不過整左部份譜比ｃａｒｍｅｎ先，佢想練下ｗｏｒ。
今朝敬拜完念住等佢報告完先數，點知ｓａｍ叔分享又長，阿軼既報告都唔短，最後先為宣教隊祈禱，早知數完先啦；完左同ｓａｍ叔影張博士相，然後去左榮發，敬拜隊之後練歌，我就返屋企啦，都好耐未試過咁早返屋企啦。
今朝３個人祈禱，做到１．幾大家都唔知去邊度食飯，又好似唔夠時間咁，所以落左明星買雙拼飯，１６蚊係抵既，不過外賣就無耐ｄ，食完我就走啦，因為約左人去舊同學屋企，上到去叫人ａｄｄ我ｆｂ送禮物比我，後黎郭小姐＆ｂｂ上到黎就玩ｂｂ啦，開頭唔熟環境及人都唔接觸我地，之後熟左就周圍走、聊人，玩到顛晒，又睇左套葉問２，我地呢餐海鮮餐真係好豐富，有鮑魚、蚧、班、雞．．．隻豉油雞整得好好味，辛苦晒佢啦，最後仲有郭小姐既楊枝甘露，滿足晒，都係９０蚊，搭車返到去１２．啦。
今朝都仍見唔係太舒服，但係都做左好多野，仲要去８樓搬埋貨先去食飯，又熱又辛苦，胃口都麻麻，所以食個金銘，放工約左人去睇鞋，所以可以練左１個鐘琴先，原來幾日冇練都有ｄ唔太順，睇完去朗豪坊睇ｄ野順便買ｄ野食先，因為想去埋尖咀專門店試款，試完原來都好夜，去ｉｓｑｕａｒｅ既舖周圍都收早，我都係第１次行呢度，又要行出去食個紅螞蟻，返去問個朋友做乜聽日唔駛幫手買送，又話唔想黎咁，唉．．．如果真係唔黎聽朝早ｄ打電話比嘉玲姐唔駛買咁多野，突然ｃｕｔ我線ｗｏｒ，唔通電話冇電，不過都冇再打返比我，又唔知發咩皮４啦。
今朝做埋少少功課就去上堂，出左佐敦站地面突然聽到ｊｕｄｉｔｈ叫’森森’，望過去又唔見人，唔通食左ｄ藥有幻聽？我印左份譜出黎比佢就好改ｄ，老師見到都好開心，所以都冇話我做得少野，老師都有ｄ病，落堂就落返１號風球，今日冇人食飯，好在耆樂遲左飲茶，所以ｊｏｉｎ左佢地，不過病都唔太好胃口，本來好好天，但係到左３．鐘就落起大雨，４．幾黃雨，５．４紅雨，２個字之後竟然轉埋黑雨，真係好驚人既事件，所以今晚取消小組，等到７．細雨ｄ大家都急咁腳走啦，但係慢慢冇雨落，後黎轉返紅雨、黃雨，不過黑雨期間有好多地方水浸呢。
今日仍然１號，我唔知醒又有ｄ唔舒服，喉嚨好痛、鼻水、頭暈，大家都叫我去馬醫生度，順便羅藥，我本來都唔想去，不過最後都頂唔住，途中見到ｐａｔｒｉｃｋ添，睇完就返去同佢地去蘋果，食左藥好眼訓，班青年人返黎上聖經班，我差唔多６．頂唔住走先啦，原來上左３號啦，返到去訓訓下比電話嘈醒左好幾次。
今朝返去樹華叫埋我地入去敬拜，好彩唔係太耐姐，因為有勁多野做，天氣又突然１號風球添，下午佢地又翡翠，但係阿達、權話去譚仔，咁我地就３個去。夜晚返到學校學小提琴，點解佢地幾個未返？原來個個都遲返，今堂又要每人揀１個練習題拉，拉得麻麻地添，可能冇練習啦，放學去荷李活既大食代炸，原來嘉豪既老闆借左部車佢趕返學，有咁好既老闆既，今次大家雖然分開左叫，但我同嘉豪竟然食同１樣飯，大家傾左好耐先走，會唔會遲ｄ同佢讀多個主科呢？返去又要再趕份功課，好似冇乜進展咁添。
今日都１．鐘先起身，練左幾個鐘琴，都開始熟啦首歌，不過要再熟ｄ先得，但係已經好累啦，睇下電視做下功課，好彩唔駛返學。
今日係青少年籌款義賣既日子，我都攪左成朝幫佢地分錢，然後又係翡翠食飯，２．鐘返去睇佢地預備成點，２．半正式開始７１８ ，柏駿都特登返黎出席幫手，好似小食部生意幾好ｗｏｒ，而且ｄ野食都ｏｋ好味，又有其他小飾物，唱歌、點唱、拍賣．．原來ｑｕｅｅｎｉｃｅ唱歌幾好ｗｏｒ，完晒點埋ｄ數影埋相都８．先走，由於食左１ｄ剩低既食物，都唔肚餓唔食飯ｌｕ，然後行返屋企，點知就到時比阿ｖａｎ撞到我。
今日雖然熱但又落雨，ｄ年青人今朝先返黎預備聽日既野，所以大家下午都叫外賣，下午練歌彈ｂａｓｓ，練完又幫佢地整張大海報，完左崇拜係琴手大會，又係未開始時幫佢地整埋個尾，條腰好累呀，然後就練習，原來學ｅｌｔｏｎ彈琴既方式都幾唔習慣，’我好手緊呀’，練完冇人食飯咁返去買碟腸粉啦。
今日補返日假，仍然掛緊１號，休息下練下琴，終於都練到幾首婚禮歌有ｄ樣睇啦，查實我個琴都好耐冇開出黎彈過啦，ｈａｈａ，又睇返好耐冇睇既戲，夜晚個風球就落左啦。
今日差唔多下午時落起好大雨，後黎仲掛左１號風球，不過都冇乜特別壞既天氣，夜晚小組泉哥已經唔係度啦，返左沙巴述職，我地自己都可以ｒｕｎ到既，完左決定唔去翡翠，所以去食越南，英姐都有黎，不過冇位我地坐左入清湯腩，之後通電先發覺佢原來係越南羅左位，係入面我地見唔到佢，咁就ｃａｌｌ返佢過黎，試左個豬腳飯，都幾好味，但係要３８蚊ｌｏｒ。
今朝出去做完野先返，返去念住開票時，又要幫手對埋短宣既資料先，開完票就去蘋果食飯，聽到話有雷爆警報，但係晒到熱死辣辣ｗｏｒ，放工練左陣琴，原來ｃａｎｏｎ ｉｎ ｄ都可以彈到個簡單版，不過唔知係唔係太簡單，好似少左ｄ野咁既，然後去家姐屋企食飯，食完返去搵下有冇個好ｄ又唔太複雜既譜，最後比我自己改左個夾雜版出黎，又多返ｄ野又比較簡單，ｇｏｏｄ！相信可能要再改。