次元日記

下午起身，睇左套劇，夜晚返學，阿招去左旅行，阿豪冇返，所以成晚得２個人上堂，ｄｒ　ｙａｕ又講１２音列，曾ｓｉｒ就講返我地上次既功課，基本上完成到成首都有A-，講開大師班我唔太明，咁又扯開左話題啦，又問下佢博士候選人既野，會唔會完成埋佢等．．．放學冇人食飯就返屋企啦。

今朝未夠８．起身，ｃａｌｌ埋阿東，９．鐘返教會練歌，發現ｊｕｄｉｔｈ既祈禱模式同怡怡原來係１樣架，差ｄ笑左出黎，練習時突然要彈段ｍｅｌｏｄｙ，未有預備差ｄ攪唔掂，阿東由於尋晚睇波所以有ｄ失準，完左收埋報名就去翡翠食飯，原來我地ｄ人都差唔多坐左半間舖，之後去永安買野，今日特價最後啦，念左好耐聽埋佢地既意見，最後買左ｐｉｒｒｅ　ｃａｒｄｉｎ既墨水筆，然後趕去寶琳，已經遲左，開頭分開男女練，之後再夾，好似好左ｄ，由於ａｎｇｅｌａ要去飲，所以８．鐘就走啦，我地都係第１次咁早，所以去左上海婆婆食飯，食完傾計時我累到都差ｄ訓著左呢。

今朝又２個人祈禱，但係另１個係ｒａｉｎｂｏｗ，因為阿達個仔好似有事入院，希望唔係咩事啦，阿權又食麥記冇人食飯，等到２．半阿東返黎先去金銘，然後練歌啦，今次醒目坐凳先，５．佢地祈禱會，敬拜時我都有地方彈錯左，而ｂａｓｓ條ｊａｃｋ線又有問題ｃｏｎｔａｃｔ唔好，成日突然冇聲，個鼓又摧快，之後ｅｌｔｏｎ入黎同佢傾左陣，佢又分享左ｄ野我知，真係要為佢祈禱，完左志華陪我去旺角睇下ｄ墨水筆，途中撞到ｓｉｍｏｎ，所以１齊去啦，原來都係永安平ｄ，之後去睇埋冷氣，就剛好等到ｂｒｉａｎ打完籃球黎食肯德雞啦，３個人都食唔晒個桶餐，然後同ｂｒｉａｎ行返去，就到時竟然落雨添。

今朝７．起身，食埋早餐８．去到旺角搭小巴去屯門學獨木舟，呢個３星都隔左差唔多成９個月先再黎學，初頭都係講返之前２星學既野，然後就搬船、做熱身、落水，扒過另１邊學ｘ救艇，呢個教練又好似認真ｄ，不過有時都輕鬆既，又有防水相機，學完都４．幾啦，本來趕出去敬拜隊聚會，點知車程出到黎佢地都完啦，所以我地去食個下午茶，ｊｉｍｍｙ買左ｄ野聽日去行山食，然後返屋企今晚再睇９．半，得我同ｊｉｍｍｙ睇套鐵甲奇俠２，都ｏｋ好睇，睇完都１２．啦，快ｄ返屋企。

今早起身又做左ｄ功課，然後去上堂，佢話都ｏｋ，不過有ｄ地方可以加返ｄ野，另外就係交得太少啦，阿招都已經有５分鐘；之後約左同事去蘋果食飯，途經永安睇到ｄ墨水筆有特價，價錢＆款式都有２支可以考慮；夜晚原來約左小芬幫佢譜歌，我都唔記得左添，好彩呢隻比較簡單ｄ，小組就改左做ｎｅｔ既祈禱會，泉哥按既以色列膏油差ｄ令我疾息，後來要幫手彈琴，都１０．先完呢，又話１句鐘完，所以冇得去打邊爐，去左榮發ｌｏｒ，返去要搵返本手冊出黎，唔係聽日既３星唔知點算啦，終於２．鐘先搵到，而且熱到成身汗，聽朝７．起身呀。

今朝返工時突然落好大雨，好彩有帶遮，好趕咁食左杯麥皮，差ｄ熱親，就去祈禱啦，好在今日只係祈１句鐘，之後佢地就繼續開５年計劃啦，下午佢地又去翡翠，我同阿權地去味皇，呢個經理個樣惡左、唔開心左，攪笑野係我地食完飯之後，佢２個都係食５香肉丁腸仔炒飯，’咦？你咁食得，做乜食剩咁多呀？’，’好鹹呀’，’隻碟呀？’；後黎個經理過到黎見到ｄ飯同阿達講，’你又話肚餓？做乜食剩咁多？’，都唔係我既。’，’我唔理係邊個既，你１陣同我食晒佢’，阿達勁無耐。

今朝返去佢地又祈禱，有叫我入去，但我好多野趕呀，所以冇入去，咁我先冇咁趕呀，但係原來佢地都係未明我ｄ野係需要同時間競賽，就算祈完我可以做快ｄ，但係有ｄ野已經固定左要咁多時間，不過聽朝返去都係要祈禱。夜晚老師冇返，所以有另１個老師代佢，呢個執ｄ野都幾好ｗｏｒ，幾乎每首歌都唱晒，好累呢，放學本來念住羅住張ｃｏｕｐｏｎ去元祿食壽司，點知佢又搬左，荷里活呢度既舖都差唔多搬晒走，我地以後食飯都唔知點算啦，好彩已經差唔多讀完姐。

今朝起身就繼續開始做功課，好難搞，都係做多１０幾個小節，始終都做唔晒，不過都做左大半架啦，仲有幾個小節姐，冇時間啦，抄埋ｄ檔案返學啦；趁住小息同個同學１齊去報左個夏季課程，順便印埋份功課出黎交，原來得阿ｂｅｎ做得完，我地１人比１人做少左行，哈哈，老師聽完後話我做得幾好，如果做得埋個幾個ｂａｒｓ仲好，而且都用得有ｓｅｎｓｅ，係冇用個ｈａｒｐｓ做個個效果ｌｏｒ，唉．．．我連個程式都未識用晒；放學同阿招係課室研究下個程式，順便等ｂｏｎｎｉｅ放學食飯，點知１０．幾打比佢，原來已經走左去食飯，嘩～唔早ｃａｌｌ我地，所以即刻趕去康記，但係呢間我地食過，唔係咁ｏｋ既經驗，不過佢地都坐低左啦，今次都ｏｋ。

今日好忙，報名既人、野又多，阿ｖａｎ呢個無飯家庭，竟然都煲紅豆沙，係我最鍾意食既野，仲比左樽我，實在太感動啦，完左大家去左榮發，之後趁住早有時間去剪埋個髮先，然後返屋企做功課；６．鐘要去寶琳練歌，都好似冇幾多次練習啦，雖然我都唔熟ｄ歌，有部份都未學就要唱，都ｏｋ既，又突然有歌要轉聲部，臨時都未得，不過好彩ｄ音夠簡單，今日都練夜左，食埋魚米線都１１．半啦，返去要趕功課，做到差唔多３．鐘。

今朝都係３個人祈，由於食完晒ｄ麥皮，又未買，好彩有栗米片，又咁岩有奶係度，下午經由我整既抽簽程式，去左３洋，原來都有午餐架，２７蚊都平阿；下午練歌又黎勁抽筋既彈法，膊頭已經累死架啦，夜晚敬拜隊練習，練下個月外展既歌，我地冇份彈野既，就會幫手係後面唱，而我同務務邊唱邊玩，都幾得意幾好玩，完左冇人食飯，唯有自己行返去先啦。

今日補返日假，想去睇ｉｒｏｎｍａｎ順便做功課，點知阿東又話唔睇，咁唯有係屋企做功課啦，但係又好難做，又眼訓，成日都只係砌到１０個小節，真係唔知點算。

今朝起身又趕左幾個ｂａｒｓ，然後去上堂，都預左衰架啦，放左假都交得咁少野，咁上到去講下大家既病徵，原來都係出自佢既，又吹左幾個字啦，提議我改左ｄ野就都差唔多啦，然後竟然要搭車去食飯，因為佢地已經到左越南，差唔多食完時，大家都好似推消員咁，係咁崧傭ｒａｉｎｂｏｗ去出新電話，本來唔係咁想既佢，終於抵受唔住，所以我同志華陪佢去左轉啦；的確呢個ｐｌａｎ又真係好平，又有上網，０機價出部機又可以即刻賣左佢，咁就收返部機錢，都未見過轉台仲有錢收既。

夜晚小組，都好準時完，泉哥講開下個禮拜係ｎｅｔ返黎禁食祈禱會，之後可１齊去食飯，我就講下有間火鍋好平，點知完左佢用我個名義話去試下ｗｏｒ，於是事就這樣成了，我都未試過，以５８蚊呢個價錢，食呢種質素既野都幾好呀，汽水又任飲，吹到１１．幾大家都食唔落啦。

今朝佢地又祈禱會，樹華真係好明白我，當我返到去，佢已經叫我聽電話，即係佢聽到我講野啦，咁我真係做多左野，埋左３月既數添，都總算有交代；下午阿東又返黎食飯，都好多人去左蘋果。

今朝８．幾泉哥打黎要搵首歌，今日同工會祈禱會唱，我都祈到１２．幾，趁機走出去做野，點知做得少少就要返入去講個總結，終於都到食飯，原來翡翠加左２蚊價，食完先知添，咁又要念下之後多唔多會去啦；食完返到去都好趕，差ｄ又開唔到票，呢種情況近排經常發生，竟然係家宇最明白我既處境，因為我又明白佢，可能ｍｂｔｉ我地係隔離鄰舍啦，所以我都同樹華講聽朝唔得祈禱啦；返學唱首短ｄ又容易ｄ既歌，好似幾好聽ｗｏｒ，ｂｏｎｎｉｅ又唔食飯，所以我地同阿明到太子食米線。

今朝都有ｄ熱，雖然有落過雨，個腦仍好眼訓，食埋藥返學上堂時更眼訓，飲返支葡萄適、食支珍寶珠都頂唔住，阿招都頂唔住，上堂前都冇吹到長笛，我唯有半訓半聽啦，都捱過左２堂，放學ｂｏｎｎｉｅ又唔食飯，我同阿招帶住疲倦既身軀去左文記，杯熱可立都係比唔夠份量，好似水咁，可能佢水巴換左人啦。

今朝返工前去同舅父飲茶，我地都有成２０年冇見啦，因為佢都係黎２日，下午就要走啦，所以都遲返工ｄ同佢飲餐茶啦，由於今日係母親節，所以完左都只係去蘋果，食完就同阿偉佢地搭車去藍田打羽毛球，途中發現間惠康又攪野啦，４支裝既葡萄適要２０．９，以為好平，點知比錢時見到冰櫃入面既獨立裝只係４．９支，真係唔明；由於今日少左ｄ人打，所以ｂｏｏｋ少左個場，咁就打得唔夠痛快啦，完左落返觀塘大牌檔食飯，都好多人要等位，食完竟然落雨，淋住雨去食埋糖水先走。

今朝又３個人祈禱，下午阿東考完ｌｉｓｔｅｎｉｎｇ同埋富仔返黎食越南野，夜晚唔駛彈野，而富仔今日就第１次打鼓啦，因為嘉慧唔得閒，完左又唔駛練歌，同志華、ｒａｉｎｂｏｗ．．．去左譚仔，食完再去睇下佢地打籃球，ｓａｍ叔、ｊｉｍｍｙ都有落場，１０．打完陪佢地食飯傾計，然後阿東、ｂｒｉａｎ要行返去ｗｏｒ，所以１齊行啦。

今日都未見有咩起息個病，所以都遲左ｄ返，阿東下午考完試又返黎食飯，最後都係去蘋果；夜晚母親節食飯，去左附近既金麗聲，叫左ｄ小菜，後黎佢先講有任食打邊爐，唔怪得除左我地食小菜，全部都係打邊爐啦，記得上次黎係冇呢樣野架，所以我地唔知ｌｏｒ，都幾平下，下次可以試下。

今朝唔駛上堂，可以訓晏ｄ，因為太唔舒服啦，所以都冇返去同佢地食午飯，下午ｍｓｎ同阿國講我地要去獨木舟，去唔到２１號既敬拜隊活動；夜晚小組都多返幾個人，ｅｄｗａｒｄ都有返黎，我既病程好似嚴重左咁既，完左大家都去翡翠，食完都係同泉哥搭的士，當然又講返獨木舟單野啦，好彩我地１早計劃左先既姐。

今日都好唔舒服，泉哥話今日羅藥比我，點知佢４．幾先返，阿東又突登返黎同我地食飯，不過得振成、潔儀＆我４個，其他人叫新"朋"友，我地去左旺角麻酸樂，咁岩撞到ｓａｎｄｙ，食完阿東就返屋企啦，希望佢返去會溫下書，雖然已經剩返２科英文；夜晚去家姐屋企食飯，食完返去覺得真係好熱，所以開部冷氣，發覺開左陣都唔夠涼，所以開大ｄ，點知佢塊扇頁係咁嘈，好似想爆咁，所以要熄左佢，宣告死亡。

今朝仍然唔多舒服，９．半返去上ｍｂｔｉ，然後分組討論，我都勉強頂得住，聽見泉仔會去睇醫生，打去叫姑娘配ｄ藥，等怡怡順便幫我羅，今晚放學先過佢度啦，然後去蘋果食完之後返去做到死，中間又要整下其他野，又突然要我開埋個愛筵檢討，我已經冇時間啦，所以９秒８跑到去差ｄ暈低，今日仲比上２次厲害，已經閂左門添，大鑊，好在佢都識得下我，隻眼閉咁開左門比我入去姐，如果唔係真係死都唔眼閉呀，返到去又話開個行政會，我都就死啦，好似ｒａｉｎｂｏｗ聽日放假呢，佢叫我幫佢出既信我都冇時間做啦，雖然都遲左走。

好彩趕到班車唔駛遲到，但係坐我隔離既男人訓到打晒鼻寒，唱左２個鐘都好累下，雖然首歌比較難唱，但係學落又幾好玩幾好聽ｗｏｒ，不過我唔會出音樂會ｌｏｒ，ｂｏｎｎｉｅ要同佩恩食飯，所以半堂就走啦，我地加埋阿ｌｕｎｇ，ｃａｒｍｅｎ去左元祿，好似都念唔到食乜。

今朝１２．又被電話電醒，醒後都係攪埋個ｓｅｒｖｅｒ，但係真係好浪廢時間，因為新系統好多模組都唔岩用，所以都有排攪，夜晚阿招又唔返學，屋企人生日ｗｏｒ，又係星期１，所以開頭得我１個人，後來先多返２個，查實已經係全班同學啦，ｆｏｒｍ講個首ｄｅｂｕｓｓｙ就唔係我地配器學既功課嗎？配器學又係研究ｄｅｂｕｓｓｙ既另１首樂曲，所以放學同ｂｏｎｎｉｅ出左太子4喜食飯。

今朝起身有ｄ作病啦，喉嚨痛有ｄ鼻水，帶返個口罩先，完左崇拜又要收報名，所以遲左去祈禱會，好彩振成都早完，然後泉哥又要同我地幾個開左陣會，先去食飯，食完又趕去藍田打羽毛球，今次好似冇咁辛苦咁，而且流左身汗好似舒服ｄ，不過我未打完又要趕去寶琳練歌，今日少左ｄ人黎，由於練既歌少，所以可以練得熟ｄ，練完又去食米線。

今日勞動節都要返工，不過尋日ｏｔ所以可以返遲ｄ，８．鐘泉哥打黎話睇戲，９．鐘都唔知趕到冇，點知去到唔見人既？下？原來係奧海城？咁我去唔切啦，所以返屋企啦，１２．鐘先返工，４．鐘就練敬拜，夜晚仲要練歌，之前同志華、ｂｒｉａｎ去食金銘，未練之前開會先，講得黎都好遲啦，ｅｌｔｏｎ叫大家練左次今日既其中１首歌，就教佢地練唱，９．半就走啦，都好似冇練過咁。

今朝返去都係我同阿達，做下我ｄ數，等佢地１２．鐘返黎祈禱，下午又係翡翠，然後佢地執野準備去酒樓ｓｅｔ野，臨尾我又要做手工，因為發覺個度唔夠大海報用，好在趕得切，去到ｓｅｔ埋剩餘既野就等人黎，我負責幫ｄ家庭影即影相，大家都讚我影得靚ｗｏｒ，哈哈，基本上所有野都順利既，係蘇如紅唱詩講見證遲左開始ｌｏｒ，所以失左預算，但都仍可以接受既，埋左數仲要幫手運埋ｄ音響返教會，好彩富仔順路車埋我返去。

今朝早ｄ起身再改ｄ，希望可以改好ｄ啦，去到見到佢病左，就係呢個話題都講左３個字，聽埋我份野，都ｏｋ，但係唔太切合呢個主題，不過可以留返下次用；落堂開始落雨，好彩去到蘋果先黎落大，返去繼續做埋聽日愛筵既野，但係所有手工既野都比晒我做，話我手工好ｗｏｒ；夜晚小組都少左ｄ人返，不過都分左２個小隊，所以比較早ｄ完，ｔｅｒｒｙ帶敬拜唱第１句時，我地突然Ｏ左咀，竟然將首普通話歌第１句既５個字唱左廣東話，哈哈，完左去好耐冇去既花園食飯。

由於近黎比較累，所以今日補假，都有幾個人打黎問去邊食飯ｗｏｒ，然後就裝下部腦，點知攪左成日，到左夜晚先開始做份功課，攪到又夜左，但係都係改左ｄ野，唔知又會唔會被鬧呢？

今晚ｂｏｎｎｉｅ又唔返學啦，又話要煲湯趕唔到ｗｏｒ，放學等埋ｃａｒｍｅｎ落荷里活食飯，原來有好多舖都搬遷，連我地食開既金煌庭都摺左，霸王又摺埋，想食餐飯姐，都要趕絕我地？最後我地每人代表１間舖，然後差包剪時我贏左，所以又去潮客啦，連叫野食都要差，哈哈，都係我贏。

今朝起身見部腦中左招，所以又要重裝，攪左成個下午，夜晚又要趕返學啦，但係大家都非常眼訓，而且份譜係好難睇得明、跟得到既，我渣住支筆差ｄ跌左落地，好彩跌左係對大脾上，配器學又係聽ｂｒａｓｓ既聲，放學等埋ｂｏｎｎｉｅ去左旺角食麵。

今朝又早起返去彈琴，今日既歌幾好玩，不過個琴既ｐａｄｄｌｅ好似有ｄ問題，完左敬拜隊練歌，我就同家宇幾個去左味皇，２．鐘返去練歌，下午係門徒大會，查實都係今朝其中既２首，不過轉左幾個人彈要夾下，原來差阿ｃｈｒｉｓ我地ｂｏａｚ就人齊啦，都好耐冇咁夾ｌｕ，敬拜完我又繼續做野，又幫ｊａｓｏｎ整左ｄ野，５．鐘返去攪下部腦，６．鐘就去將軍澳１個同學既教會練歌，查實係佢地聖樂系既同學要指１個ｃｈｏｉｒ唱歌，唔夠人手我幫佢地，但係我今次先第１次練，之前又冇比譜我，我唔識唱仲要ｓｉｇｈｔｒｅａｄ，仲話今日就要錄影比老師睇添，咁就３個鐘，練完去左魚湯米線食飯，今日真係忙到爆呀。

今朝ｒａｉｎｂｏｗ爸爸出殯，阿權考試，ｊａｓｏｎ放假，所以都靜ｄ，下午阿東考完試返黎食飯，不過得我同佢去左韓燒，下午又練歌，不過ｅｌｔｏｎ冇返由ｊｅｎｎｉｆｅｒ代替，由於ｅｄｗａｒｄ爸爸聽日又要出ｔｒｉｐ，今晚返黎崇拜，所以完左１齊去花園食飯，阿ｃｃ　ｍａｙ都有黎ｗｏｒ，又同子峰落去睇ｇａｖｉｎ打左陣籃球，之後我陪佢地去大牌檔食飯。

今朝又好熱，呢ｄ天氣真麻煩，去銀行搞左ｄ野先返去，然後搞愛筵既野，終於都編好，但係睇下有冇更改啦，下午去斜路食飯，都好耐冇去啦，可能太少人幫襯，好似減左價，咁既價錢合理ｄ，然後返去做ｄ預備功夫，真係好累，所以夜晚ｒａｉｎｂｏｗ爸既安息禮拜都冇去啦。

今朝好熱咁醒左，搞下部腦突然落起雨黎，有ｄ涼左，不過今日老師唔得閒，所以唔駛去上堂，下午返去就有好多人排隊等我，好似開診咁，要報名呀嗎，然後要完成份安息禮拜場刊，又要攪愛筵名單、分台，夜晚又小組啦，雖然星期２大家上左聖經班，但係都想仍有小組，幾好呀，完左又去翡翠，比較平價ｄ。

今朝阿權又．．．ｊａｓｏｎ又．．．咁唯有我同阿達祈啦；下午去左味皇，放工去買左個ｈａｒｄｄｉｓｋ，因為發現用緊呢個好似有ｄ問題，咁返去又有排攪啦。

今朝雖然唔駛我開會，但係要趕起份名單比佢地，阿東又突然返黎溫書ｗｏｒ，唔知做乜佢地開會開到成２．鐘，先去翡翠食飯，我又要等家宇羅野出黎，所以搞到我又要９秒９跑去，差ｄ又閂門啦，完左仲比人困住走唔到，仲有好多野做唔到就要趕返學啦；阿招、ｂｏｎｎｉｅ又唔返啦，都係唱個首，後面差唔多都係ｓｉｇｈｔｒｅａｄ落到尾，完左同阿明念住去１壽司，排左隊先知每人最低消費＄８０，最後去食米線啦。

今朝１１．幾被電醒講左半句鐘，然後起身，今次ｄ骨冇上次咁痛啦，夜晚返學講既野實在太悶啦，搞到我都訓左幾次，而家星期１　ｂｏｎｎｉｅ都冇同我地食飯，所以同阿招去左文記。

今朝阿權幫手帶主日學去佢屋企耕田，完左崇拜又要收報名費，個愛筵已經超額爆晒啦，唔知會點處理啦，我又要去開會，泉哥就上次佢地去幫手既佈道會檢討，又到２．幾去唔切飲茶，所以又榮發，３．鐘又同阿偉佢地去赤柱打羽毛球，不過今次雖然有帶野，但係好似冇上次咁起勁，而上次曾經講過今次完左ｂｂｑ，所以即時買野燒，我地得４個人去炸，買既野都岩岩好食晒，１１．鐘先走。

今日又得３個人祈，夜晚唔駛彈野，所以比完份分台名單ｒａｉｎｂｏｗ睇，之後又開始重新排過ｄ位啦，我已經做緊３月既野，雖然我覺得都已經早過以前，但係都比人話太遲，都冇心機啦，有ｄ失落添；原來今晚仲有練習，但係我冇留意，約左朋友食飯，所以完左收埋報名，就趕去尖東，原來個間羽壽司摺左ｗｏｒ，所以改去附近食啦，講開先知佢屋企都有ｄ事發生左，其實有ｄ野大家都有差唔多既遭遇啦；我部電話又發生失靈，無端端個日子時間變左２００７年，唔通真係捱唔到啦？

今日補假訓到１２．幾起身，食個麵，查下套戲，原來就落畫，所以約埋英姐、ｊｉｍｍｙ去睇，我都剛好６．半到，佢地話我遲到睇唔到開場前叫唔好錄影個類預告ｗｏｒ，不過呢個院要行上去８樓都幾辛苦，呢套人神魔戰係成人版既波西傑克森之神火之賊，睇完去左鋸扒，不過ｄ扒好似差左。

今朝交既功課又唔得，我話念唔到點寫，佢話：冇野交不如簽個名走啦，冇得話念唔到ｗｏｒ，如果係咁不如ｄｒｏｐ左佢，唔好浪費大家時間；我真係無言以對。返去去左蘋果食飯，夜晚終於都有返小組啦，都好耐冇咁多人小組啦，完左去翡翠食飯，食完又同泉哥搭車，落車又傾左陣，好彩英姐係度。

今朝係最後１課祈禱訓練，完左去韓燒，有ｄ涼呢今日，今日除左係我浸禮紀念日，仲係巧雲姨既正日，夜晚去左家姐屋企食完飯就返去做功課。

今日又好熱，而且９．鐘要返去上ｍｂｔｉ，又冇講會跳讚美操先，所以冇帶衫換，上到１．幾先去翡翠食飯，咁遲先開始做野，真係好趕，而且屯門個份又有ｄ問題，搞完要用９秒９跑去，咪住先，真係唔好閂門住，剛好仲比我入，搞完返去都要返學啦。又唱ｗｉｌｌｉａｍ作個首，真係難唱到爆，幾乎２個ｂａｒ轉１個ｋｅｙ，今晚又有牧師黎分享復活節信息，完左要交埋音樂會既錢，都唔知作得完冇，又話星期４開會，我要返小組點返呀，由於有ｄ雨又凍左，所以落左荷里活食潮洲野。

今日好熱咁，可能係潮濕啦，冇風，開左風扇都流汗，而且腰背手都有痛，尋日打波啦；夜晚返學得３個人返，真係有ｄ擔心，而且派返ｄ功課、試卷，成績都唔係咁好，都算係低分啦，配器學又比功課，仲係要做２份，第１份４個禮拜就交，放學同阿招去食飯。

今日樹華ｎｅｔ去旅行，我就當然要留守啦，終於發現原來我曾經ｓｅｔ過張表，所以ｄ位置有ｄ唔同，印錯晒ｄ票，完左崇拜去飲茶，知道阿偉佢地又去打羽毛球，所以飲完臨時跟埋佢地去赤柱，開頭個鐘都比較辛苦，之後條氣順左就好ｄ，打完２個鐘都差ｄ累死，衫都濕透，然後去香港仔大ｊｏｅ間舖頭食上海野，好好味又飽，仲要食埋糖水，好彩有直達巴士返屋企姐，係車上全程都同ｊａｃｋｉｅ講左我個見證，邀請佢黎緊個禮拜都返黎崇拜啦。

下午去左榮發，夜晚崇拜繼續彈ｂａｓｓ，嘩～彈到我隻手指好痛，想開埋ｄ票，點知部機唔知做乜，出錯晒，攪到我都唔知發生咩事，完左崇拜大家都話去味皇，咁冇計啦，食完就返去啦，都好累呢，呢個復活節都未有放過假咁。

今朝返緊去時收到ｒａｉｎｂｏｗ既ｓｍｓ病左，成個禮拜冇返工，已經做到冇停手，下午去左味皇，夜晚係我地籌辦左好耐既晚宴，就係為巧雲姨慶祝大壽，今日佢全日都返左黎，見到平時今日唔會返黎既人都返左黎，唔知佢有冇發覺唔妥呢？我地臨尾覺得佢已經估到，所以特登炸唔知，扮到趴係台度休息，真係難為佢啦。

６．鐘我就先過去ｓｅｔ下野預備敬拜，都唔知點解會係我帶敬拜既？佢黎到就先影下相，然後玩下遊戲，之後就敬拜啦，多得家宇幫我彈結他，其實都好緊張，唱完坐低竟然有人大聲話我帶到甩ｂｅａｔ，我即時唔講野，心裡只係有個疑問，我地呢幾日既退修講求ｔｅａｍ　ｂｕｉｌｄｉｎｇ，每個人希望接受意見時既方式、地點等，覺得完全係浪費左ｌｏｒ，仲話想我進步添，咁我又冇所謂，都預左架啦，然後開始食野，又有播片、唱歌、分享感受，最大既武器當然係ｓａｍ叔唱愛歌啦，好感動呢！但係阿達竟然係我講野個段片度加左個特別效果，真係比佢激死，由於都唔係太多人１圍，大家都食到好飽。

今朝冇較到鬧鐘，訓到１０．幾先起到身，所以食唔到早餐，黎過咁多年都係今次冇食早餐，原來落緊雨，有ｄ凍添，然後玩下機傾下，１２．鐘就去退房，然後去餃子店食埋個午餐，由於時間尚早，所以行左陣超市，２．鐘就搭車走啦，呢個退修就完左啦，車程比黎時慢，我就玩左最後１次既ｉｐｈｏｎｅ遊戲，返到屋企洗左ｄ衫，夜晚去家姐度食飯。

今朝有ｄ人去飲茶，我都遲左落去食早餐，但係竟然都係得振成２個食緊，我已經好早啦，食到差唔多夠鐘佢地先陸續咁黎，食完又到ｓａｍ叔房敬拜分組討論，好似開組咁，然後１齊分享，１．鐘就去食午餐，又叫左唔少野，自由時間我地念住去水療，點知原來全部人都唔去啦，所以得返尚森同我，阿達１家就去游水，可能我地遲左去，原來我地做晒ｄ療程都已經７．幾，本來約左６．半食晚飯，我地遲左個幾鐘，咁佢地留左ｄ比我地啦，自然又同尚森、巧雲姨慶祝生日，當然唔再叫上年既壽飽啦，之後返去再聚１齊作１個總結分享今朝既話題，然後就再分開，查實係駛開巧雲姨，我地有秘密野做，又要拍埋少少片，時間都唔早啦，搞好晒佢地又玩大富翁；家宇佢地知道左阿權既事，我係度玩緊ｉｐｈｏｎｅ時，騙我入佢房放個屁焗我，真係過份，我沖完涼又浸下泉哥比既溫泉粉，浸完出黎見到阿權睇緊"忍者刺客"，都好血腥爆力下，睇埋３．幾，最夜訓既１晚。

今朝８．起身梳洗完就去食早餐，都係大概呢幾年所食既野啦，然後去ｓａｍ叔房１齊敬拜，讀經分享祈禱，然後休息１陣就去食午餐，又叫左好多野，食到好飽，食完見天氣幾好，所以決定今日先去成功嶺，因為下午係自由時間；去之前去左水療度去個廁所，嘩～呢隔廁格真係大到１間細房咁，而且我等左好耐先見阿軼出黎，咦？有異味，原來佢係做大事，咁都唔比我去先，搞到我要閉氣去。呢個成功嶺都變左好多，多左好多新野，要收入場費，ｄ遊戲亦貴左，我地影下相，食左豆花、射箭、高卡車，不過我地得３個人玩，我都有放慢轉灣，不過都超前唷，又有猴子、鷹鵡表演，之後影緊相有ｄ雨所以返去休息下先，佢地都未係水療返黎。



６．半去食晚餐，又係食到好飽，又加多左幾樣野，所以更飽，阿國又發揮佢既唇舌技巧，為我地爭取到生果盤；然後返去又黎第２節既聚會，振成又帶我地玩左個集體遊戲，然後敬拜，之後就分組創造１個團隊要有既特質比賽，用１話劇形式表達出黎，即係ｔｅａｍ　ｂｕｉｌｄｉｎｇ啦，呵呵～我地呢組贏左呀，原來都１０．幾啦，返去傾下，又玩左阿達帶黎既大富翁牌，同我地玩開既唔同既，大家都唔識係度摸索緊，佢地個個都搶走晒我ｄ錢＆地，實在太過份啦，終於輸晒啦，係準備沖涼時阿權又做完大事，搞到廁所好臭，所以去另１個廁所沖，沖埋涼原來已經２．啦，阿權又係房既床上放多個，於是又要走出聽透下氣。

今朝家宇打黎叫去深圳飲茶，都係訓多陣好ｄ，１２．鐘ｊｏｉｎ埋泉哥１齊搭車上深圳，今日係同工１年１度退修既日子，但係又係ｎｅｔ去置富佈道既日子，真係想去完先黎退修呀；１．半就齊人行去坐車去嘉輝會，已經去左好幾年啦，整左新路所以９個字就去到啦，放低ｄ野休息下，買左ｄ零食，６．鐘就過對面食飯，黎過咁多年都未過過呢邊，真係得１條天橋，肥強燒鵝，ｄ野食真係整得幾好味，休息１陣趁ｓａｍ叔巧雲姨唔係度，我地所有同工１齊去拍左套片，大家既造型、對白笑到爆，基本上我地都忍唔到笑，連我自己做緊都忍得好辛苦，流晒眼淚，終於係唔ｎｇ既情況下好快拍完，然後繼續睇埋套林海峰棟督笑，好好笑，沖埋涼都１．鐘訓啦。