次元日記

今朝崇拜完，係ｎｅｔ既祈禱會，原來搞既行山活動取消左，係要去置富搞既福音佈道會，查實我都想去，不過要去退修，然後同朋友食個麵，行去佐敦買ｄ野就返去啦。

下午去蘋果食飯，４．鐘又練歌，完左崇拜佢地又去食越南野，又係好多人去，睇到個套荃家福祿壽，都幾好笑ｗｏｒ，等我返去睇返第１集先。

今日係復活節假期，但係有外展都要返工，仍然好忙，ｊａｓｏｎ就好啦又可以放假，開始前幫ｄ人換下妝，然後就祈禱、敬拜、就開始扮耶穌背十字架行啦，咪住先，真係豈．．．點解只係幫手背十字架既人自己出去行，竟然冇人跟出去，又要我叫停佢後，再去拉人出去，咁先有返ｄ氣勢，又見ｄ人冇乜叫既意慾，所以又不斷大叫’釘死佢’，好快把聲已經頂唔住開始沙啦，有ｄ失聲既積象，換左幾個之後就到阿達扮耶穌出場，由於佢又夠瘦，又有把長頭髮，所以都最似耶穌架啦佢，完左大家要去翡翠，即係迫我同ｅｄｗａｒｄ　１家去打邊爐，打完都１１．幾啦。

今朝又係早ｄ起身做左幾個小節去交功課，雖然佢話做得唔似，但係改過之前既其中１個小節既節奏，佢反而話幾好，咁又過左關啦，不過下次唔知點算好呢；完左問去邊食飯時，得阿達同我去左榮發，坐低後ｒａｉｎｂｏｗ打黎叫飲茶，好唔好意思咁走左，好彩阿達係度姐，夜晚係組長訓練最後１堂，而聽晚外展所以冇小組，但係竟然未見過返小組既ｋｅｎｎｙ返左黎ｗｏｒ，唔通佢唔知？等佢地完左同阿達、富仔．．．去食越南野，之後幫我搬左個雪櫃返屋企，真係唔該晒佢地。

今日ｄ骨都仍然痛，不過好似冇以前咁痛既感覺，可能呢排運動多左ｄ，放工去家姐屋企食飯。

今朝起身見喉嚨有ｄ咳，唔通中左招？而且ｄ骨今日開始有ｄ痛，可能早２日打過羽毛球啦；由於而家係ｓｅｍ　ｂｒｅａｋ，所以今日都唔駛返學，可以去家姐屋企食飯啦。

今早１１．食左個肯德雞早餐，然後去睇左場早場’不赦島’，原來個結局係咁既，然後去佢度夾下歌，夜晚去家姐屋企食飯。

今朝未夠８．起身，９．鐘返去食左個麥皮，然後要練歌啦，又好似好耐冇彈過琴，所以都唔係彈得幾好，數完奉獻就趕住開埋ｄ票，因為下個禮拜樹華唔係度，ｍａｙ　＆　Ｇａｕｓｓ講見正又好正，估唔到ｇａｕｓｓ講野係咁幽默既，其中用　哩黎形容男人，真係笑死，完左敬拜隊練歌，然後我就好趕咁同阿偉去食個麵，估唔到又見到ｊｉｍｍｙ，我地都會１齊去坪洲。

然後搭車去碼頭再轉２程船，估唔到係尖咀碼頭，我同阿權因為比ｄ老人家阻住落遲左車，咁就同其他人失散左，自己搭過去啦，又好彩我地趕到，竟然追到佢地上坪洲個隻船；去到時間尚早去飲杯野，然後４．鐘開始打左１個半鐘羽毛球，都好累呢，有ｄ人去左行山，然後就過去準備我地今日既主菜－海鮮宴，成間舖比我地包晒５圍，有菜、雞、湯、蝦、龍躉、蟹．．．多到ｄ人都食唔晒，人人都將食唔晒既比我地呢台，最後都要打包，之後就趕８．半既船走啦，返到屋企都１０．幾啦。

今日個個都唔係度，所以得阿達同我祈禱，原來ｒａｉｎｂｏｗ小組ｏｕｔｉｎｇ，阿軼１１．先同務務、雲靖祈禱，下午我地去韓燒，返黎後突然接到個求救既ｍｓｎ，原來星期日敬拜冇人彈野，所以叫我彈琴，ｄ時間真係咁湊巧，尋日先講，今日就話要幫啦；今晚又係彈ｂａｓｓ，趁住講道時趕左個報告先，差少少，完左又有生日蛋糕食，等大家食完飯就開始練歌啦，ｅｌｔｏｎ話佢唔知仲有幾耐同我地練習啦，另佢見到我地有ｄ又唔知有冇用心練，呢層我都明既，然後同班打完波既青年人去味皇，阿東漏低左個銀包係我房，所以都返黎再１齊食過啦。

今日天氣真係涼左，阿達今日放假要安靜下，雖然下午有太陽，但係ｄ風吹埋黎都有刺入骨既感覺，我已經好努力咁入晒２月既數，夜晚去剪完個髮，約左個朋友食飯，只係搵車位都搵左好耐，食埋飯都１０．半啦，佢又買左部新單車，所以又去左將軍奧１轉，踩左１圈，有ｄ地方比較大風，差ｄ比佢吹跌，返到屋企都１２．啦。

今朝起身整左幾個小節，但係都唔係幾似樣咁，去到都係自首先啦，死啦，明明ｓａｖｅ左係隻手指度架，點姐會唔見左既？好彩可以上網站羅返，比左ｄ意見又問左ｄ野，傾多陣又夠鐘啦，然後去左食意粉，我唔係幾鍾意呢間野，攪到成身油煙味；返到去阿達話我知原來係佢塊田有問題至真，夜晚有４個人小組，我帶敬拜，阿龍分享，係完結祈禱時唔知做乜，我有ｄ頭暈，去食飯時都間唔中有ｄ暈既感覺，之後英姐陪我返去啦，真係多謝英姐。

尋晚唔知係凍親個肚定點，今朝個肚有ｄ痛＆瀉既感覺，佢地完左祈禱訓練就梗係去蘋果啦，夜晚發現阿達種個塊田 - Ｃｏｕｎｔｒｙｓｔｏｒｙ，點解突然係我地度睇係唔識耕既？唔通係我既問題？搞左好耐都唔知原因，去家姐屋企食完飯就返去做功課，死啦，好似已經唔識點寫啦，聽朝再努力。

今朝佢地又早開完會，所以１２．鐘又去飲茶，嘩～我地去到見到ｄ點心．．．４籠山竹牛肉＋３碗山竹牛肉菜，全部都係山竹牛肉，可能阿軼鍾意食山竹牛肉啦；下午要召開個特別會議，總之又有野搞啦，然後終於都同樹華講左，１個月可以係星期日彈１次琴啦，感謝主！因為好多野搞，放工遲左走，返到學校見ｄ同學已經係操場上分組練習，都係個奇景，因為今日ＣＨＩＯＲ都要考試呀，然後入去做下熱身、開下聲、練習１次，就開始抽號碼，開頭都有ｄ緊張既，上到台就冇乜野，唱完就更輕鬆，都係早ｄ考完比較好，８．半就考晒早放添，阿招真係搵藉口唔返，其實都有ｄ人咪咀架啦，所以得返bonnie去食元錄，都好多年冇去過啦，都講左好耐野，竟然走時發現，而家係１１．？？？點解早放咁多都同平時１樣時間走既？

今日溫左幾個ｔｅｒｍｓ，睇下份功課，返到課室已經考緊試啦，趁仲有記憶，即刻做左個幾題先，然後答題ｓｏｎａｔａ　ｆｏｒｍ，好過作旋律呀，不過有ｄ都唔知答乜野，第２科都冇野教，只係派返上次既功課，講下每人有ｄ乜問題、錯誤，所以９個字就完啦，可以放２個禮拜ｔｅｒｍｂｒｅａｋ，然後去交定下個月既學費，阿招約左朋友食飯，又唔想１個人等ｂｏｎｎｉｅ半句鐘，佢係例遲架嗎，所以都係走先啦。

今日祈完禱後就好忙，因為有好多人要報名，完左崇拜更要收報名，又要賣書，然後先去飲茶，飲到３．要去太子搞埋上次唔再轉台去ｐｃｃｗ既手續，雖然佢又話免多我１個月台費，不過佢個人咁冇交帶，而我部機又開始有問題，所以念下會唔會出部ｉｐｈｏｎｅ，不過又唔太岩我用咁；夜晚敬拜隊去左富仔屋企食海鮮宴，有長腳蟹、大蝦、螺、班．．．好好味，不過辛苦佢２公婆煮咁多啦，我又飲左好多碗湯，好飽呀。

今朝又３個祈禱，下午去左譚仔，由於ｋｉｋｏ下個禮拜唔係度，所以同我調左彈ｂａｓｓ，咁我可以做其他野，數點完可以同ｐａｔｒｉｃｋ個女玩，好得意呀佢，完左阿東佢地又話去食譚仔，我話下午去過唔好，不過佢地話係咁就去，所以我返屋企啦。

今朝泉哥同阿達出去搬野，所以差ｄ冇人食飯，好彩泉哥返返黎，所以１齊去食－韓燒，去食之前班婦女組整韓式薄餅，食左ｄ，好好味呢，但係韓燒既豆腐花又唔得ｗｏｒ，所以轉食蕃署糖水，ｄ蕃署都係麻麻。呢個禮拜阿東都冇返黎溫書，問佢只係話係屋企ｈｅａ，到放工時先發覺部電話又ｈａｎｇ左，原來家姐又話搵我唔到，所以即刻趕去佢屋企食飯。

今朝上堂都係交左下１段會有ｄ乜野出現既草稿，然後研究下呢個可以點樣寫，因為實在太多太抽像既野，之後傾左陣，又有同學唔出音樂會啦，原因佢報左太多科目搞唔掂；夜晚阿龍唔返小組，咁我帶返啦，ｋｅｖｉｎ又唔返，帶埋敬拜ｌｏｒ，都預左，點知福臨強病左、ａｄｒｉａｎ唔返，其他人都．．．咁我乜都帶晒啦，原來得返阿星返黎，所以都係出去同埋組長訓練既１齊敬拜啦，然後係房度分享，到差唔多完時阿ｐａｕｌ趕到，所以又差唔多重頭講１次，然後等埋佢地去左榮發食飯。
‵

今朝差ｄ起唔到身，返到去家宇問我做乜對眼腫晒既？應該唔夠訓，下午阿軼又入塘尾小學既畢業營，上年我都有去幫過手；下午要開行政會，我都唔記得左要開添，不過今次都快完，之後我搞得黎都夜左走，我部手機又再ｈａｎｇ左，所以家姐打唔到比我，好彩佢都未食飯。

今日又好多人放假，有ｄ又去左江秀琴特會，樹華、ｓａｍ叔去左新加坡，所以唔駛開會，下午去韓燒，ｊａｓｏｎ順便要出部ｉｐｈｏｎｅ比佢老婆，今日既豆腐花就ｏｋ啦；夜晚去家姐屋企食飯。

今日１０．鐘起身，繼續做份功課，唔知點解做極都好似做唔完，只係８０個ｂａｒｓ姐，就做左我１０幾個鐘，終於係返學前只剩返幾個ｂａｒｓ，都可以交差啦；就係咁所以搞遲到左啦，子純又係乜都冇帶仲遲過我咁返黎，唉．．．唔知佢有冇做呢？本以為可以輕鬆下啦，點知下個禮拜要考試，星期４要交功課，點解做極都不斷有得做既？放學有個同學同埋我地食，點知食完埋單後，發現佢都唔知要比幾錢，已收左幾錢咁，又竟然比ｂｏｎｎｉｅ發現佢比人找少左錢，同返個ｃａｓｈｉｅｒ講，佢又唔知做乜咁，求其比多１０蚊打發左佢走，分手後我地再傾返，佢都係被找少左２０蚊，真係替佢唔抵啦。

今朝起身都遲左，不過冇遲到呀，由於好多課程、活動報名，所以今日特別忙，可能係樹華講道既關係，完左去飲茶都只係１．多，叫左幾款小點，等２．下午茶先叫其他野，飲完３．幾就行返屋企，要去做功課啦，但係返到去好眼訓，所以要訓１陣，夜晚子純打黎問份功課點做，可以改音、節奏．．．等，除左８度之外，其他都要跟足；去家姐屋企食個飯就返去做啦，有ｄ地方唔記得左，打去問阿招，多謝晒！不過有ｄ地方都唔理得咁多啦，做到３．幾先至做左８個ｂａｒｓ炸，阿招都做左３行幾，我又眼訓，聽朝早ｄ起身做啦。

今日又３個祈禱，下午去榮發食飯，敬拜彈ｂａｓｓ，ｅｄｗａｒｄ佢地成家人都返晒黎崇拜，所以夜晚同佢地１齊食飯，好似都１段時間冇同佢地食飯啦，ｇａｖｉｎ因為要去補習，自己搞掂啦，我食完都要返去趕工。

今朝真係唔知醒，個電話唔識響呀，我都覺佢呢排好似只係震唔響架啦，冇辦法遲到啦；下午食飯時落雨ｗｏｒ，又凍返ｄ，阿達約左ｇｅｒｏｇｅ，　ｊｅｓｓｉｃａ去食韓燒，呢度既主菜係豆腐花，今日既水準好返ｄ，不過都係唔得；今日又可以埋左１月既數，阿東溫完書之後黎練下結他，所以幫佢練下，唔，佢都幾聽講又練得幾好，放工又同佢練左陣鼓，然後早ｄ去家姐屋企食飯，然後研究下份功課點做，我呢幾日都已經係咁聽個首歌啦。

今朝用阿ｓｉｒ既野改左少少就要去上堂啦，佢又冇話我用返佢上次改比我既野交比佢，只係話冇新野寫過，冇咩可以講；完左佢地話去台灣食，唔好啦，最後去左食越南野，食完返去阿達發現左個面具，真係好正，夜晚組長訓練ｔｅｒｒｙ敬拜彈結他，佢早左返黎幫佢練下，而小組我都要帶敬拜，開始前未見阿龍返，打電話又冇人聽，咁我咩要帶埋分享ｌｏｒ，好彩只係遲左ｄ返，我地完左小組泉哥都未教完，當我行近個窗邊時，個個望到我都示意我要叫停佢，咪攪我啦，都差唔多１０．先完，馬上去食個湯飯啦，都已經１１．幾啦，同泉哥搭埋車就１２．先返到屋企。

今朝佢地既祈禱訓練又早左完，但係阿軼唔想韓燒，所以分開２批去食飯，當我同阿東落到去時，得返韓燒既人係度，所以就自然選擇左啦，今日既豆腐花極之唔掂，１ｄ都唔滑，失望；夜晚ｐｏｌｌｙ又帶左部測脂機返黎，做完測試後發現比上次做既結果都有改善到，實在太好啦，然後去家姐屋企食飯，之後又要趕聽日份功課啦。

今朝個電話冇電冇響鬧鐘，好彩媽媽入屋時嘈醒左我，睇下個鐘，嘩～應該都趕到，只係遲左５分鐘，我地祈完禱做緊野時，佢地竟然１１．半就開完會，叫去飲茶，咁我做埋個少少野落去時，竟然黎左成台野，已經好耐都冇試過呢種情況啦，不過食完到放工前又好快肚餓ｗｏｒ，返到學校，確定左個音樂會係１／７舉行，我唔念住假期都返黎ｗｏｒ，所以請定假先啦，放學又去荷里活甘味。

今日起身發覺氣溫都有ｄ涼左，要繼續做埋ｄ數，都係未搞掂，夜晚返學又落雨，子純又過大半堂先返，我就聽到眼訓到死，由於阿ｄｉｐ唔返，所以佢坐左我隔離，同我講好多野，而呢個ｓｅｍ竟然話要考試？怎麼搞呀？子純又早走啦今日，成晚都冇咩野教過咁，放學去左茶餐廳食飯ｌｏｒ，食完出去都係覺得凍，而且又落雨呢，出返市區就暖返ｄ。

今日完左崇拜就係ｎｅｔ祈禱會，英姐叫我幫佢彈結他敬拜，之後去過韓國既人分享左佢地既得著，然後祈禱，又為３月生日既人慶祝，由於ｊｕｄｉｔｈ唔係香港，所以由我呢個姓楊既代佢啦，哈哈．．，完左ｄ人都各自走啦，只係剩返幾個弟兄去榮發食個下午茶，食完出黎天氣突然下降落埋雨，我仲只係著左件短袖衫，咁陪英姐去ｍｋ１睇下ｄ　ｎｅｔｂｏｏｋ，原來佢想買，不過原來佢已經買左部新電話，我都唔知佢咁快手添，睇完就返屋企啦，好凍呀，夜晚去家姐屋企打邊爐。

今朝又得３個人祈禱啦，完左我地都有１齊傾下而家祈禱既狀況，都好似有ｄ改善啦；下午去左蘋果食飯，之後同ａｎｇｅｌａ傾左ｄ數既處理，夜晚敬拜彈ｂａｓｓ，個首"必要信靠"差ｄ彈到我隻手抽筋呀，完左崇拜敬拜隊練歌，又練其中１首，ｅｌｔｏｎ話呢首有舞步架，於是ｄ歌手就１齊跳啦，ｃａｌｓｏｎ跳得好攪笑呀，由於大家係練歌前都食左ｄ野，所以完左得返我同ａｎｇｅｌａ去食譚仔。

今朝３個人祈禱，祈禱結束時阿軼先返，下午潔儀帶我地去旺角試新野，點知去到發現，原來我地各人都食過既麻酸樂，不過唔係呢間分店，咁都算係多個食飯選擇；夜晚又去家姐屋企食飯，然後要返去趕數聽日交比人啦。

尋晚因為太眼訓，所以今朝念住早ｄ起身做份功課，點知聽唔到鬧鐘響，所以好趕咁學阿招個招，左吸右吸都係搞左幾個ｂａｒｓ出黎，已經要趕去上堂啦；查實已經唔太可以再咁做啦，阿ｓｉｒ就黎唔放過我啦，完左先知佢地去左翡翠；夜晚佢地要上組長訓練，我要帶小組分享，但係突然先知ｋｅｖｉｎ唔返，我要頂埋佢帶敬拜，好彩阿龍幫我帶分享，完左１齊去花園，ｊｕｄｉｔｈ都有１齊黎，咁可以為佢慶祝埋生日啦。

今朝阿東考完試又返黎溫書，佢地既祈禱訓練今日早左完，所以１齊去蘋果食飯，咦？好少有咁多人食飯ｗｏｒ；下午要開個行政會，終於都唔駛再實施罰錢既情況啦，而今次善款將撥歸教會所有，又２句鐘，感覺成日都冇咩野完成過咁，因為好快就要放工啦，去左家姐屋企食飯，等緊時都差ｄ訓著，然後返去趕功課，可惜冇咩ｉｄｅａ，又眼訓，所以都係早ｄ訓聽朝早ｄ起身做啦。

今朝返去ｓａｍ叔就教ｍｂｔｉ，開頭話講到３．半，嘩～咁我乜都唔駛做啦，好彩有ｄ師母下午唔得，所以１．鐘去飲茶，但係飲完做得黎都５．鐘，即刻跑去，就係佢準備閂門前入到去，冇晒氣啦。排得隊黎做埋已經５．半啦，好快又要趕返學，阿招真係唔返，唔知係唔係真有做功課呢？又開左２首新歌練，真係超考ｓｉｇｈｔ　ｒｅａｄ　＋　ｓｉｇｈｔ　ｓｉｎｇ，臨尾又發覺呢度好凍ｗｏｒ，２個老師都講埋見證，完左得返ｂｏｎｍｉｅ食飯啦，竟然落左荷里活食韓國野，好貴ｗｏｒ。

今日冇做功課要做數，點知有野要問時，ａｎｇｅｌａ竟然係祈禱緊，搞到有幾個鐘做唔到住，後黎做左部份先知原來唔駛用呢個形式做，又要由頭做過啦；夜晚返學過左半句鐘都係得我同阿招，之後ｄ人先返到，由於而家係福音雙週，所以臨尾ｄｒ　ｙａｕ都要講左佢個見證，放學去交學費時先發現冇帶支票，去到門口見到阿威，所以１齊落左太子食米線，返去搞份報告做到５．先訓，期間都差ｄ就訓著呢。

今朝崇拜完敬拜隊要練歌，所以得返幾個人去榮發，我地食完佢地先練完歌過黎，我就上返去等門徒大會開始，其實都唔知我係度做咩，做下野聽下電話啦，４．半就完，同左阿國、ｃｈｒｉｓ．．．去傾下計，然後陪ｃｈｒｉｓ去信和之後就返去啦，要幫人埋數啦，唔係就趕唔切，但係好累坐係度訓著左。

今日青少年男子組去ｍｉｃｈａｅｌ屋企，女子組應該去ｂｂｑ，但係當我同阿達祈緊禱時，點解佢地買左ｄ西蘭花、公仔麵返黎？唔通而家ｄ人會用呢ｄ黎ｂｂｑ？原來佢地轉左煮野食睇戲。下午我地去左韓燒，雖然個傷口仲痛，但係都好想食豆腐花，返去仲食埋佢地褒既蕃薯糖水，夜晚唔駛彈野就繼續做野，完左又約左新加坡阿ｐａｕｌ打邊爐，佢又黎左？好似１個月１次咁既，雖然新年期間都減左５磅，恐徨今餐又會食返返黎唷，所以都係行返屋企好ｄ。

唔知做乜，下午又黎翡翠啦，冇既，都冇乜好選擇，夜晚去家姐屋企食飯。

呢排既天氣好潮濕，而且氣溫好熱，去到老師度係咁流汗，交左野好彩都未比老師大鬧，因為又冇新野只係改左少少，然後約阿軼佢地去左鋸扒，個職員問飲咩時，係我念緊時，’賓治呀’，個侍應講，’冇，我都知你叫呢樣架啦’，原來佢地都認得我ｌｕ；夜晚小組要帶敬拜，阿龍分享，佢真係預備得好好，ｅｄｗａｒｄ都有返黎，完左ｄ人竟然走晒，得返我同ｅｄｗａｒｄ，去左食壽司唷。

今朝又唔知做乜塞車，上左去又塞住係荔枝角道口，差ｄ趕唔到，佢地又上緊禱告訓練，１２．幾完左去蘋果食飯，夜晚去家姐屋企食飯，食完都要返去趕數啦。

今朝起身已經就９．半，即刻梳洗，好彩剛好趕到返工，下午佢地未開完會，我地行政去榮發食先，食完返去又要趕ｄ野，所以要好快出埋街，返黎約左個ｓａｌｅ上黎傾下個新系統，不過我都遲左ｄ，睇佢就真係冇乜準備咁，講完都差唔多要返學啦；今晚返去ｄ歌大家又好似冇學過咁，完全唔記得晒ｄ音，最後又唱新歌要ｓｉｇｈｔｒｅａｄｉｎｇ添，ｂｏｎｎｉｅ禁食完，所以今晚落荷里活刷返餐，不過呢間日本野好似趕住收工咁，落完單就話ｌａｓｔ　ｏｒｄｅｒ，又熄人燈咁，ｄ野又細碟ｗｏｒ。

今日又暖返ｄ，夜晚返學子純交左學費返黎上堂，不過老師覺得佢已經冇上１半課，唔會合格架啦，不如下年再讀過，學校可以退返學費比佢，但佢可能開大左個頭收唔返，死都同老師嘈話點都要讀，搞左幾個字之後要搵寫字樓既人上黎同佢傾，都冇返好多次啦，如果佢早ｄ講唔合格都想聽下既，就都唔會搞到咁，另外阿ｄｉｐ佢就唔自在呢張ｃｅｒｔ啦，放學子純同埋我地食飯，我當然都唔鼓勵佢咁浪費啦，反正都唔會合格，又幫佢打左份稿參加演出，返去先ｓｅｎｄ到比佢。

今朝崇拜完ｓａｍ叔個區搞左個盆菜宴，我就唔駛去幫手，不過阿泉仔係麥記搞左個生日會，小組又飲茶，台灣ｊｏｙｃｅ又同阿國飲茶，好似分唔到身咁，不過之前泉仔已經邀請左我去，所以去左食飽，玩完就接住去阿龍屋企，可能時間唔岩啦，今年得阿ｍｉｎｇｍｉｎｇ黎，咁人少有人少傾計好，整左ｄ羊扒、長腳蟹，好好味，８．鐘又同ｍｉｎｇｍｉｎｇ趕去ｐｅｇｇｙ屋企，都好耐冇見佢對仔女啦，唔知佢地仲認得我冇，佢地大個左好多啦，佢個仔既冬菇頭終於都轉左啦，敏敏都唔認得我，以前講個句’森森點解你咁靚仔既？係唔係天生既？’都唔記得埋，而且怕醜左添，又見到海叔１家，亦都好耐冇見，又上佢個天棚睇，整得好靚呀，係上面坐下飲野都好正ｗｏｒ。

今日氣溫好似回升左ｄ，到左下午去到味皇冇位，又去返翡翠，主阿．．．．食個雙拼飯，比左１半飯阿權，點知佢食左少少就肚痛，剩低成碟係度；夜晚由於ｅｌｔｏｎ返左新加坡，所以我可以轉彈琴，完左ｄ人又話去翡翠，唔係呀？已經食左幾餐啦，而且２日都係個幾個餐，最後同左阿東、志華去食越南野，之後同阿東１齊行返去。

今日亦非常凍，新年正式返工，好多人都放假，夜晚冇人小組，所以阿權都返早，下午又係翡翠，夜晚大家都好準時走，我同阿權都７．幾先走，去家姐度食飯啦。

今日訓到１２．先起身，２．鐘約左ｅｄｗａｒｄ　１家去元朗，係大覽行左１圈，經過輕鐵站再行去食個下午茶，然後去睇下個圍村，就搭車去市區串皇食小食，食完又去食日本野，嘩～好好味好飽呀，然後係咁凍既時候食杯綿綿冰，爽呀，最後加多串串皇就走啦。

今朝又係１年１度既新春團拜既日子，阿達因為未去過ｓａｍ叔屋企，所以約左１齊去，好多人呀，傾左陣又到振成夫婦分享下，泉哥又帶左部搖控直升機黎玩，飛左上去半空，突然墜機，可能已超出控制範圍，然後去飲茶，實在太多人啦，等唔到位，只好去大家活，食完就先返屋企，夜晚約左英姐、ｊｉｍｍｙ去食飯睇戲，都係食個大食代，原來呢套波西傑克森之神火之賊，係套搞笑爛ｇａｇ片黎既，開頭都有少少訓著左，內容好簡單，比小朋友睇會好ｄ，睇完去食埋糖水。

今日係ｎｅｔ團拜既日子，朝早先去ｔｅｒｒｙ屋企，離遠見到英姐、阿強、ｂｅｎ各人羅住份禮物行過黎，好似福祿壽咁，ｊｕｄｉｔｈ都返左黎啦，所以１齊上去，又話叫我地留肚食佢煮既野，可惜都係冇乜野食兼係現成買既，最後１齊玩唱下新年歌，就殺上泉哥屋企。

ｊｉｍｍｙ，ｍｉｎｇ　ｍｉｎｇ因為要早走，所以佢地自己上左去先，ｊｉｍｍｙ又整左個蛋糕黎，真係好好味，我地又開始食啦，泉哥又整左泉世界最好味既碗仔翅，又真係好好味ｗｏｒ，而且係無限量供應，點知食食下我想食多杯都冇，真係失望，又玩下ｕｎｏ，食年糕、羅蔔糕，６．幾大家都走晒啦，得返我留係度，傾下計食埋飯，眨下眼１１．半先走，時間過得幾快咁ｗｏｒ。

今日冇節目，又可以休息下，不過屋企好凍呀．．．

今日年初１兼情人節，但係都要崇拜，不過１２．幾好早完，然後去左翠華食飯，果然新年少餐廳開，５０蚊個午餐，又落雨又凍，又見冇咩野做，所以１齊上去ｊｉｍｍｙ屋企，可以１齊睇變形金鋼２，可惜隻碟有問題睇唔到，又重溫下套１０月圍城最後追殺個部份，之後ｊｉｍｍｙ煎年糕、羅蔔糕我地食，又飲返杯白酒，好好味ｗｏｒ，６．幾先走，英姐要去同屋企人食飯。

可能英姐已經遲左走，原來大家都開始食緊冇等佢，所以佢又唔駛去，打比我都ｏｋ可以同佢食既，所以去左奧海城，而我張元氣９折卡終於可以用啦，呢個新年兼情人節就咁同英姐渡過左啦。