次元日記

今日冇野搞，冇街去，所以做下ｄ數，希望可以早ｄ交到貨，又冇人去行花市，而且夜晚有ｄ雨，又凍，所以去左家姐屋企食飯就返去啦。

今日年２９，下午去左食韓燒，由於怕個傷口發，所以都係唔食豆腐花；難得聽日１次既星期６假期可以唔駛返崇拜，因為轉晒去年初１崇拜，不過都做到好夜下，放假都要趕野架。

今日突然好熱，趕到去老師度已經成身汗，我所交比佢既都係改左少少野，下個禮拜放完假要交多ｄ野比佢ｗｏｒ，尋日約定阿達今日同班長者去飲茶，所以叫埋志華１齊去，佢又因執屋，有ｄ野比左我，上佢度羅埋部手提電腦，因為話已經開唔到機。夜晚小組臨時要我帶分享，所以都要做ｄ預備，有ｄ人要上組長訓練，又有ｄ冇返，所以得５－６人，不過大家都好開放氣氛好好，對於我唔多熟既ｂｅｎ２，今晚都開多左開口，我又認識佢多ｄ啦，完左同埋其他人去左花園，之後亦有同泉哥搭車返去。

今日見個收提電話月費就黎到期，所以去睇下ｄ轉台ｐｌａｎ，行左１輪之後，見到街上有ｄ平既計劃，又可以上網，佢又比我試下完，所以決定轉啦，呢個月尾就轉到啦；本來想去家姐屋企食飯既，但係原來佢都冇煮出街食，咁我不如返屋企ｌｕ。

今日冇雨落啦，祈禱時間終於每人都要開口啦，呢個就係我有感動會見到既情況ｌｏｒ，係唔係可以證明我之前既念法冇錯呢？而家真係成真ｗｏｒ；飲埋杯麥皮就同阿達去買送，今晚派飯做節自己煮ｗｏｒ，佢地又唔知開會開到幾點，所以１．半我地就去榮發食先啦，雖然叫佢比半碗飯我就夠啦，但係原來真係唔理架，照黎滿碗；今日銀行多人到爆呀，等左成個幾鐘先辦好晒ｄ野，又冇乜時間做野啦。

夜晚返學唔駛練歌，敬拜完有張ｓｉｒ分享，又玩下ｂｉｎｇｏ遊戲，可惜我冇中獎，之後有到會既食物又有抽獎，４０幾個獎品都抽唔中我，有個同學竟然中左幾次，實在太唔公平啦，阿招冇食過野，所以陪佢去麥記食個飽。

今日訓到１２．幾，梳洗完，係返學前趕起左２份功課，今晚要交啦，感謝主！已經早左出門口，但係竟然塞車，好在都冇遲到，今晚終於都人齊啦，子純都有返，不過原來仲未交學費，所以第２堂要走先，我就上到好眼訓，差ｄ訓著，好累，ｂｏｎｎｉｅ要過埋呢幾日先禁食完，放學又得同阿招食飯，同佢傾左好耐，大家都係要互相鼓勵下既，除左鼓勵佢個人之外，都鼓勵佢返教會啦，唔返我呢間都返ｂｏｎｎｉｅ個間呀。

今朝真係落雨，而且越落越大，完左崇拜同阿達去超市入返ｄ貨，都搞到對鞋都濕，然後家族祈禱會，英姐要返工所以都走先，我都到報告時亦要走先，約左阿明班同學去小覽ｂｂｑ，但係相當大雨，等埋人去到都差唔多４．鐘啦，餓死我啦，燒到６．幾佢地都燒飽啦，玩下鋤大ｄｅｅ，麻雀，咁我同佢地玩蓋綿胎，潛烏龜，我教佢地玩釣魚，原來佢地唔識玩既，玩到１０．冇乜雨就走啦，佢有個朋友個樣、髮形、講野既語氣都好似阿招架。

今日下午又去翡翠，唔好啦，今晚可能又要去啦，近黎都走唔甩去呢間咁，４．鐘就開始練歌，完左崇拜唔駛練歌去食飯，唔好又去翡翠啦，好彩ｅｌｔｏｎ都唔想去姐，唯有去味皇啦，咁都好過翡翠。

今朝祈禱會後ｊａｓｏｎ問左個祈禱既問題，我同阿達都解釋唔明佢，下午去食越南野。今晚廟街外展，唔知係唔係天氣凍呢，好少街坊黎，臨尾我同左個已經好耐冇返教會既人傾左好耐，希望會鼓勵到佢再次返教會啦；完左去味皇，又叫少飯，不過我發覺所有餐廳都唔習慣人地叫少飯，唔通驚比其他客人見到會誤會佢地ｄ飯細？食完同泉哥搭車，傾左ｄ野，又問左今朝個問題，雖然好累，但開始幾鍾意呢個時刻。

今朝上堂都有ｄ野交比老師聽啦，上完佢地打比我話去蘋果食飯，唔好啦尋日先食完，無耐都要去啦；夜晚冇小組，因為聽晚外展，而且有組長訓練，我幫佢地影返幾張相啦，做野做到佢地完就１齊去食飯，又係湯飯，我地其中６個人叫左５個湯飯，都只係要分４碗飯，做乜個個都學我食咁少飯？然後同泉哥搭車傾左陣。

今朝陪樹華去個安息禮拜既出殯禮彈琴，可能ｄ師傅太忙啦，所以我地都遲左開始，都係得１０鬆ｄ親人黎姐，然後返去佢地話去蘋果食飯，食完返黎又要開行政會，又已經５．啦，就係開票都已經開到夠鐘啦，好似都冇野做過咁。夜晚又要做份作曲功課，好累呀。

今朝早會唔駛再開啦我地行政同工，取而代之既係１齊分享，做埋呢個恩賜報告，分析完就估下大家有咩恩賜，搞得黎就食飯啦，人多唯１既選擇就係翡翠，返去搞埋ｄ數就都做唔到咩；夜晚返學都幾凍下，又有２隻新歌，聲部長退左學就由ｄａｎｎｙ代佢，司琴當然叫阿明啦，放學又得同阿招食飯，都唔知食乜好，去左間餐廳叫左碟飯，’唔該要少過１半飯呀’，然後佢比我睇下，我都覺多，’我驚你唔夠飽ｗｏｒ’，後黎食完我真係有剩，佢見到都笑左。

今日訓到１．起身，個背好似冇咁痛啦；夜晚返學阿ｄｉｐ又冇返，反而上左半堂之後，突然見到子純返黎，下？已經過左１個月啦，而家先返學？已經唔夠出席率啦ｗｏｒ，ｄｒ　ｙａｕ叫佢不如轉去修讀戲劇把啦，可能佢又有自己既念法啦，又有幾份功課做啦，而且ｓｅｍ尾交個份都幾甘下，放學去羅成績表，嘩～３科都羅到Ａ　ｗｏｒ，其中１科係Ａ－，然後又交埋ｄ學費就１齊去食飯。

今朝崇拜完當然去飲茶，但係竟然人多到分左４圍，當然有３張係細台啦，食完陪ｊｉｍｍｙ去旺角買鞋，唔知英姐有咩事呢？見佢邊行邊講電話，個樣好凝重咁ｗｏｒ，行行下唔見左佢啦；ｊｉｍｍｙ佢買野係快好多ｗｏｒ，比我就要揀好耐先得，又帶佢去泉哥介紹既個間眼鏡舖，行完都原來５．半啦，夜晚都過家姐屋企食飯。

今朝青少年去行山活動，所以得返我同阿達祈禱，念住今日早ｄ去食飯，點知都係做到差唔多１２．半先去，食完要趕去中環聽個會計講座，我其實都唔想去既，不過ｓａｍ叔話要我去，約左ｋｅｖｉｎ組長１齊行過去，原來都好多人呢，仲見到山哥、彭哥，開頭佢地ｄ分享都ｏｋ既，但係到ｗｏｒｋｓｈｏｐ時，我聽有關會計個邊，完全唔岩我聽咁，因為佢講得簡單，只係比ｄ未有會計系統、冇會計認識既教會人聽，佢講既野我地都做緊啦。

聽完都５．鐘啦，所以趕唔到返去練歌，由ｋｉｋｏ代我彈，咁我可以做野ｌｏｒ，反正我可能訓得唔好，引致後肩好冤痛，完左要練歌，之前要等ｄ人食飯，但係我都只係係度鬆筋，大家都係練左１次就話去食飯啦，我都未有機會彈，去到翡翠先知原來ｅｌｔｏｎ話做節請食飯，感謝主！

今朝發現個地下好似冇乜濕啦，可能已經流乾左入面既水啦；下午去韓燒，我又唔食得豆腐花，不過原來佢都賣晒，夜晚去家姐屋企食飯。

今朝終於冇功課交，咁去到唯有傾計、聽歌啦，都好快過左１個鐘，打比佢地去食飯，原來去左新光飲茶，去到佢地留左ｄ比我，但係我都冇咩岩食，希望可以減多ｄ啦；夜晚小組由ｊｉｍｍｙ帶敬拜，之後為ｊｉｍｍｙ，ｗｉｎｇ慶祝生日，原來佢地係同月同日生架，泉哥因為要睇仔所以冇返，小組分享完亦都係去左花園食飯，連續２餐都係飲茶，可惜叫既野好多我都唔食得，只係食左ｄ菜、魚頭、苦瓜。

今朝返去唔見人出黎祈禱，以為未有人返添，原來佢係房入面祈，下午去左食越南野，返去就開左第１次既行政部會議啦，大家主要係分享下做野上遇到咩困難，４．幾我要去診所作最後既檢查，嘩～當我話比佢聽整到我好痛，佢就只係同我講對唔住，但仍然繼續整，差ｄ痛死我啦，然後去睇電話，睇完去家姐屋企食飯，夜晚念唔到點樣寫首歌。

尋日整完其中１個疑似漏水既地方，今朝仍見地板有水滲出，咁應該係排水喉漏啦，可能要搵人整先得啦；今日等佢地開完會又係翡翠，好似近黎又去多左ｗｏｒ，夜晚都少左好多人返學，傾開原來我地既聲部長唔再讀啦，今晚最後１堂啦，咁又少左個同學啦，可能佢工作忙，又或因上次校長同佢炒咀唔滿意啦，放學ｃａｒｍｅｎ話去荷里活食飯ｗｏｒ。

屋企除左外牆漏水之外，連個浴缸牆邊都漏水，滲到出外面地板，所以今朝要搞搞佢，希望只係得呢個原因啦。今晚搭車返學非常順利，所以早左好多，連阿豪都早埋，反而阿ｄｉｐ，阿招冇返，已經人少架啦，所以得返３個人，阿ｄｉｐ就唔自在張證書，阿招又做乜呢？阿豪第２堂仲要早走呢，呢２堂都係聽歌為主，曾ｓｉｒ仲用左大半堂解答左我地ｄ題外話添，實質上堂都係３個字度。

今朝阿權又訓過龍，我係崇拜期間做完左個報告，下午班敬拜隊又去大尾督ｂｂｑ，所以只有ｊｉｍｍｙ，ｂｅｎ幾個人食飯，初時泉哥都話１齊去食湯飯，不過同子願傾完之後就唔黎啦，食完行左去通利１陣，由於有張免費飛睇左場戲，呢套”神探脾死羊”真係唔知佢做緊乜，之後去左長沙灣打邊爐，雖然有好多野都唔食得，除左係自己出去羅野之外，佢有個特色就係隔１段時間就有ｄ特別熟食推出，要去排隊先有得羅，又幾好玩ｗｏｒ。

阿達屋企又有新野，就係佢個仔參加左中大研究打左支針，以後佢屋企人有病就會有人上黎抽取佢地所有人既口水鼻水樣本，３日１次，每次每人送５０蚊百佳劵，真係好正；下午大家又去翡翠，我同阿權都叫左個雙拼，我又唔要咁多飯，比左半佢之後，佢個碟變得非常巨型。由於ｅｌｔｏｎ今晚唔得閒，所以我彈琴，不過佢都有返黎１齊彈，完左敬拜先走，我就趕起左份安息禮拜程序表比佢，之後陪ｋｅｖｉｎ組長去買電話，咁都搞左個幾鐘，終於都買左啦，買完先去食飯，我部電話而家值８００蚊炸。

今朝祈禱完時，我都係等候祈禱唔會出聲祈禱既ｊａｓｏｎ會主動作結束祈禱，又或神會唔會感動佢呢？所以大家都安靜左好耐時間，因為年尾祈禱時我突然有個咁既念法，如果出現呢個景象，可能我地既祈禱會出現新既突破，不過有人話我咁念係錯ｗｏｒ，只係我自己既想法。下午阿軼要去做陽光大使，所以叫我早ｄ同佢食飯，咁去左榮發，夜晚等ａｎｇｅｌａ羅埋ｄ野比我就去家姐度食飯，點知鬼咁少車，有車黎都冇位，所以等左好耐。

今朝帶住個檔案比老師聽，開始之先都傾左輪題外話，聽完佢講都ｏｋ，都做到個ｍｏｏｄ出黎，然後睇下點樣整理會再好ｄ，比左ｄ新ｉｄｅａ我處理，好似又好ｄ　ｗｏｒ，然後返公司同佢地去食越南野，等位都等左好耐，發現佢同９記清湯腩皇應該係同１個老細；小組阿ｋｅｖｉｎ今晚工作要接客，所以由我幫佢帶敬拜，係ｄ手指有ｄ痛ｌｏｒ，阿德都有返ｗｏｒ，之後亦都分組分享，然後去食飯同埋慶祝英姐生日，今次走就多埋阿德搭的士，所以今晚唔駛再講野。

今日返到５．鐘去診所拆埋剩低既線，今次唔睇住佢拆啦，但係就有ｄ痛；夜晚去左家姐屋企食飯，食完返去做埋份功課，聽朝又要交貨啦。

今朝亦係好冇精神，朝早雖然唔駛開會，但係都要去聽左個報告，下午同阿軼去左蘋果，因為佢肚餓大家又未開完會，食完佢又要去退修，返去做做下野聽到個消息，樹華、志華係大陸被公安拉左，咁大鑊要祈禱啦；返學又教新歌，阿招又唔返啦，我地既分部琴手已經冇返啦，聽聞佢已經唔駛讀啦，既然知道返得１個學期就唔好應承幫手嗎，所以搵左阿明幫手，放學同左阿明班人去５０嵐食飯。

今日已經收到保險既保費，感謝主都差唔多賠得足，要比既錢都唔多；下午又做多左幾個ｂａｒ既功課，不過都係呢度吸下個度吸下既，只係未知可以做到咩情況，夜晚就要返學啦，都好眼訓下，阿ｄｉｐ頂唔住第２堂就走啦，所以得返４個人，大家都有ｄ呆呆的，老師問野都冇乜反應咁，放學同阿招去試新餐廳，我叫左個怪味雞，佢黎到時真係有陣怪味，我見佢張相同實物都好唔同下，所以都唔敢相信呢碟就係相中之物，好彩佢話換比我，轉個蔥油雞，即係白切雞加個蔥油芡汁，都唔係好食，而且食落感覺有少許酸ｄ肉，而且呢間野既員工都有ｄ奇怪，ｅｇ．’我都未試過呢味送，唔知咩味架，下次試下先’。

今朝返去好多人問我做咩事做手術，完左崇拜去飲茶，都要２台半先坐得晒，都係等２．下午茶先叫多ｄ野食，食完同摩利姐行去旺角取消會員證，然後去睇下ｄ電話，好似部ｉｐｈｏｎｅ　３ｇｓ幾抵ｗｏｒ佢講，不過佢有約係身唔可以出，我試過佢部ｉｐｈｏｎｅ，好似唔慣用，可能唔岩我用啦，但係我上次睇個部ｘ２，今日去已經比人買左啦，想研究下都唔得添，要過多幾日先返貨ｗｏｒ，究竟幾時先有行貨呢？會唔會平ｄ呀？個ｃｐｕ都唔夠快。

今日暖返ｄ，又再放左日假，下午返學校畢業禮唱ｃｈｏｉｒ，查實真係幾無聊，只係唱個４首歌，就白白浪費我半日時間，唱完又唔走得，又要聽埋校長每次都要分享既異象，完晒就都５．鐘啦，搵老師黎影返幾張相就返屋企啦，之後去家姐屋企食飯。

今朝係放假後第１次祈禱會，自從阿達搬左去行政房後，我都仍然未慣原本間房冇開燈，成日以為佢冇返工，不過今日真係冇返，下午樹華竟然話去飲茶，咁耐都係佢第２次主動提出去飲茶呢樣野；夜晚去左診所拆線，好可惜只可拆左前面個幾針，後面都仍要過多幾日，不過我睇住佢拆，搞到我有ｄ頭暈呀，可能有ｄ驚又緊張啦，咁坐低飲杯野先啦；後來去左旺角終於係先達見到１間有ｓｏｎｙ　ｘ２手機賣，只係得返英文版，然後去家姐屋企食飯啦。

今朝原來已經係做完手術１個禮拜啦，時間過得真快，１陣終於都要去面對老師啦，佢都冇乜野，比佢聽左我ｄ野，都覺得ｏｋ有ｄ野可以做下，不過原來做既野都要解釋架，我以為就咁憑感覺就ｏｋ添，佢又比左ｄ可用既方法我知，咁返去又要做野啦，最後比左佢首比賽作品我聽，人地要求只可用２４個鐘作既，真係勁呢，又示範左個ｓｉｂｅｌｕｓ我睇，好似幾易用咁ｗｏｒ，之後返去同樹華大家食飯，可惜佢地已經到左台灣冇計，志華亦都由美國返左黎，務務考完試都返黎１齊食。

冇返工成個禮拜，終於要面對現實，返到去都有排做呢，又堆積左ｄ野啦，仲要開個行政會，夜晚要開組，阿ｂｅｎ冇返，但係多左另１個ｂｅｎ返，英姐帶領我地敬拜完就分組分享，咁樣ｄ時間控制得好ｄ可以早ｄ完，阿ｐａｕｌ　ｗｕ又由新加坡黎左，佢地去花園打邊爐，我都唔食到咩野，所以同泉哥去打個招呼就算啦，班組員係２樓叫左幾個送，原來都係菜黎，今餐食齋？不過幾個都唔夠食，加多２味啦，食完同泉哥搭的士，好彩今次有英姐陪我１齊講，不過英姐走左之後，佢都仍要再繼續同我講左幾個字。

今日繼續休息，念下份功課，下午去左洗傷口，都係痛呀，好似後半邊頭都頭痛呢，原來我聯左７針呀，都係人生第１次啦。夜晚去左家姐屋企食飯，食完返去要繼續趕埋份作曲功課，都做到好夜先有ｄ　ｉｄｅａ出黎。

今朝起身除左傷口痛個頭都痛，天氣亦都繼續凍，我個頭都１樣，同事打黎幫佢查左ｄ野，夜晚返學都要做綵排啦，個個都問做咩事做手術，莫非要錄低佢，指揮老師冇返ｗｏｒ，ｄａｎｎｙ代佢啦，點知原來唱左幾次到８．幾就可以放學啦，早ｄ講呀嗎，咁遠返黎練個１陣，所以早ｄ落荷里活食飯，都好少返學咁早食飯啦，ｂｏｎｎｉｅ佩茵佢地只係飲野。

今朝又凍左，但係好早醒左個傷口加頭痛訓唔返，梗係尋晚又壓到隻耳啦，都攤到１１．幾先起身，休息１陣就要去疹所洗傷口，然後去搞埋ｄ電話費，之後返教會睇下有咩手尾，咁岩阿達又係度，比埋ｄ錢佢聽日派飯用，搞掂就返學啦；原來我呢個ｃａｓｅ都好常見ｗｏｒ，ｄｒ　ｙａｕ問我咩事，我講佢就知啦，因為佢個女都有呢個問題，曾老師個堂臨尾我問左個問題，究竟ｄ答案要點樣寫會清楚，因為唔明應該點寫，咁就戚起左佢條根，借題發揮咁講，都冇教過書，亦都遲左ｄ放，放學氣溫好凍呢，去到５０嵐都冇得食野，因為要提早清潔ｗｏｒ，所以上左屋村既餐廳食。

今朝家姐帶完早餐比我，下午我都出院啦，所以叫左ｊｕｄｉｔｈ返崇拜前上黎補返張探病相，之後我搞出院手續都成個鐘，返去擺低ｄ野１陣就出旺角同ｎｅｔ去韓燒，新春飯聚，我都知我唔食得到ｄ咩野，志在大家高興下，原來都有成６０人呢，又為１月出生既人慶祝，子蕙就最鍾意唱生日歌、吹蠟燭，雖然佢係４月生日，但係人地問佢幾時，佢都要話２號，見佢每唱完１次都會好自然咁會吹熄ｄ蠟燭，笑到我個傷口扯住痛，所以都早ｄ返去休息下，夜晚去左同ｅｄｗａｒｄ爸爸食飯。

今朝叫既叉燒通粉都係白灼，點解可以咁架？陪左我３日傷１０字紉帶既人今日出院啦，我就終於可以拆左條繃帶，ｔｅｒｒｙ朝早黎探我，隔離做完手術返黎痛到係咁叫，打左幾支止痛針先得；ｊｉｍｍｙ同ｍｉｎｇｍｉｎｇ下午黎探我，都坐左好耐，鼓厲下ｊｉｍｍｙ可以去讀下ｙｗａｍ，佢放工做完ｇｙｍ，而家又約左人打波，真係夠晒健康，本來ｊｕｄｉｔｈ都會上黎既，但係佢今日發燒，所以唔黎，感謝主夜晚已經退左，都要多ｄ休息。

７．鐘ｄ姑娘又出動量血壓，基本上係人都醒晒，對於我訓得咁少既人黎講係好辛苦既，ｄ早餐黎左都唔知，差唔多９．ｄ姑娘先提我就凍啦，雞絲通粉又係白灼，食完藥又再訓，醫生巡房先叫佢綁鬆ｄ，因為太痛啦，下午家姐羅飯黎，之後阿泉哥有黎，今朝照腸既人出左院啦，夜晚龍哥都褒左湯比我，真係又感動又好飲，加埋家姐個兜，飲到１２．先飲晒呢，ｊｉｍｍｙ又帶左佢媽整既潮州糖水我飲，夜晚又入左個照腸既人，我地已經好清楚咁同佢講呢２支水要點飲架啦，先分２次用半支開１杯水，飲完要沖１公升清水落肚，２個鐘後再飲埋另１支，咁就可以瀉你幾鑊勁，總之越早做你就可以早ｄ訓咁啦，唔係有排都未訓得呢。

今朝６．幾起身梳洗換衫，７．鐘就準備去手術室，途中又凍又緊張，呢條路好似好遠咁，入到去成身都震晒，呢個都係我人生第１次，但係打左痲醉藥之後１０秒都唔夠好快已經不醒人事，到姑娘叫醒時已經做完啦，過返自己張床再訓到２．幾，期間有姑娘量左好多次血壓，但係冇力，剛醒ｃａｒｙ黎到先叫左個通粉，但係咬野時都好痛呢，可能ｄ痲醉藥開始過啦，但係ｄ火腿非常難食呢，食完好似暖返ｄ啦，原來已經成２０個鐘冇食過野飲過野啦。到左夜晚ｊｕｄｉｔｈ黎探我，我都仍然未太清醒，所以聊左陣佢都要走啦，夜晚既時菜肉片飯又係好難食，隔離張床既病人，入黎照腸，所以要飲ｄ瀉水，佢話好難飲，味道好似加左好多鹽既海水，之後佢都苛到２．幾，我比佢仲慘，隻耳仔好痛訓唔到，食左幾次止痛藥都唔得，再換隻勁ｄ既都冇用，ｃａｌｌ醫生比粒安眠藥先４．幾訓著。

今朝祈禱完，就做埋ｄ野，睇下要交低ｄ乜，下午去左韓燒；早左個鐘走返去執野，大家都為我祈禱，都係要剪短ｄ頭髮先入院好ｄ，返去食個飯、沖個涼、執埋野８．鐘去到法國醫院辦手續入院，都差唔多等左９個字，係間３人房，我個ａ床位置闊ｄ，又對正部電視機，正呀，隔離ｂ床係照腸，ｃ床斷左１０字紉帶，照腸既就飲左瀉水瀉到２．幾，ｊｉｍｍｙ同泉哥佢地打完邊爐１２．鐘黎坐左陣，我都差唔多訓啦，１２．鐘後食同飲野都唔得，所以個肚係咁響，聽朝晨早起身預備做手術。

今朝要開會，不過唔係開得太耐，下午又係翡翠，夜晚返學又話只係帶首新歌返去，點知又要唱返聖誕既１首，搞到６個人睇１份譜，幾辛苦，放學阿招唔食飯，好在有阿明呢班食，落雨唔知食乜，返左太子食米線，點知我既１辣同佢個３辣都１樣色咁既，差ｄ辣死我呢。

今日訓到１１．幾又有ｄ汗咁熱醒，但係外面係涼架ｗｏｒ；原來我ｄ累氣開始出黎啦，又念唔到個１６個ｂａｒ點寫ｗｏｒ，夜晚新學期開學，得４個人返學，嘩～差ｄ訓著，第２科得返３個人添，真係大鑊，今期到講ｗｏｏｄｗｉｎｄ，只係聽ｄ樂器既聲，睇佢地個樣就已經差唔多放學啦，ｂｏｎｎｉｅ又再禁食，所以又有１排都唔同我地食飯啦，咁我同阿招去啦。

今朝起身１０．幾，念住燒埋隻碟趁今日聯合崇拜比ｄ人簽埋張卡就可以寄去比台灣比劉牧師，聖誕卡已經變成新年卡啦，可惜搞左成２個鐘先燒成，好在都趕到返教會搬野；２．半去到復興教會，然後ｓｅｔ野，多得阿ｂｅｎ，ａｍｙ，福臨強幫我手做招待，３．半就開始崇拜，好順利呢，都係超時左陣，然後同ｅｄｗａｒｄ爸爸佢家人去食飯，加埋同ｈｅｒｂｅｒｔ慶祝生日，係去之前買左ｄ魚蛋食先，因為肚餓，後黎叫左好多送，都食唔晒要羅走ｄ，之後去搭車時同ｅｄｗａｒｄ傾左好耐呢。

今朝仲早起身，９．鐘去到大圍，約左班組員食早餐，然後去踩單車，今次１行有１１人，



我計劃２個鐘去到大尾督，再去鹿頸，點知有ｄ人唔係咁得途中要休息下，所以我地既速度都係遊山玩水咁輕鬆，去到科學園又停低飲下野，但係１６蚊杯野飲用膠杯，真係不爽，



所以用左４個鐘先去到，大家都叫左好多野，食埋飯都成４．鐘，所以去唔到鹿頸啦，只係上去堤壩１轉；



泉歌已經計劃左回程會ｃａｌｌ車，所以睇緊有冇人１齊，最後成功左啦，我地有６個人踩返去，半路中突然落雨，我副眼鏡都濕滿水好難睇路，ｊｉｍｍｙ又甩鏈，所以２個鐘先返到去，交完車就去新強記食飯，又叫左好多野，鵝、羊腩、蝦．．．，食完我地幾個仲有下場，就係ｔｅｒｒｙ今日生日冇黎，所以打算殺上佢屋企同佢慶祝。我地買左個蛋糕，之前又用剩低既飽印左個咀唇印比佢食，



真係好好笑，影下相食埋蛋糕就走啦。

今日又係敬拜隊１年１度活動既日子，今次，約左阿東２．半係火車站等，然後１齊去，去到大埔仲要轉小巴先到大尾督燒烤場，２０幾３０人，原來由於係假期，我地原先上網睇既價錢而家竟然貴左１倍，燒左隻燒乳豬６８０蚊，其他就都買得岩岩好冇浪費，而且隻燒豬幾好味，１個鐘就燒好啦，佢擺左好多碟比我地裝黎食，但係佢每切完１部份擺係個碟時，即時已經比我地食晒，所以其他碟都係冇用既，最後梗係每人分享下明年既計劃啦，８．半就走ｌｕ。

今朝約左阿東睇阿凡達，買左份爆谷食，９．半開場啦，開頭都有ｄ驚呀，然後去銀行羅ｄ野，念住去食埋飯，點知念去邊度食都唔知，又唔太肚餓，所以冇食飯啦，１直做到４．幾份報告終於完成可以羅去印啦；７．幾又同阿東去食飯，又唔知食乜好，最後去左肯德雞，２個人食左個桶餐，呢個比較抵ｄ，而且見ｄ人多數都係食呢個，我地都食得晒ｗｏｒ；我地都冇去倒數，係行返去時話去佢度傾下計，原來我屋企離佢屋企都係行１０分，坐到１０．幾就走啦，呢個除夕就係咁同阿東過左啦，呢個年尾都馬不停蹄咁忙足咁多日都冇乜休息呢。

今朝既預算做得６６７７啦，下午去食越南野，最後１次同志華食飯啦今年，佢今晚就要飛去美國，都係半個月姐，下午又開左個聯合崇拜既安排會，之後仲要出去做ｄ野，份報告就做得７７８８啦，夜晚英姐約左我同阿德食飯，原來係去深水步既明將呀，１係好耐都唔去，１係就連續食２晚，不過我都做到過左時，咁份報告就做得８８９９啦，去到聽左阿德分享佢以前既事，都好令人震驚，而且學左ｄ特別既詞語呢。

今日都仍有ｄ單要入，所以都未可以做份預算，阿東返左黎溫書，由於大部份人都係遲左食早餐，所以下午就只有阿東、樹華去翡翠，而做到差唔多８．就同阿東去食飯，因為佢要睇人地練１陣ｂａｎｄ先，係等位既時間順便去買張阿凡達既飛，都好耐冇去明將食啦，又冇得坐迴轉ｌｉｎｅ，成日都要行去羅，都好唔方便，食完又１齊行返去啦。

今朝起身冇落雨，但係幾凍下，１２．鐘去豪華睇左１０月圍城，座位好多，睇既人得個１０零個，雖然座位唔係太好坐，但係３０蚊都算係咁啦，睇完好快就食個麵就趕去奧海城睇埋套花鼠，然後趁銀行未閂門去搞ｄ野，都要等左陣，搞完就返去啦。

今朝繼續趕野，阿國想要佢地個ｂｕｄｇｅｔ，所以朝早趕左比佢，而今日講感恩見證既人又多左，都好感動，所以都遲左完，下午好趕咁食左個麥記就去睇左場神探福爾摩斯，都幾好睇，行左陣就去左長沙灣食飯，開始落雨，所以天氣凍左好多，呢間鋸扒都幾抵，不過塊扒就比較薄弱左ｄ，食完食埋個糖水就去佢度幫佢整個門鎖，如果叫人裝要３６０蚊架。

今日竟然冇遲到，但係除左阿達，其他人都晏返，今日係唔係可以返晏架？都冇人話我知既。下午青少年冇聚會，所以執左部份聖誕佈置先去食飯，務務呢個５大爛ｇａｇ王之１既人又不斷係度講爛ｇａｇ，而夜晚敬拜唔駛彈野，可以入多ｄ野，完左搵人拆埋ｄ佈置先去食飯，再加埋志華就成晚都更爛啦，之後同東東行返去啦。