次元日記

今日又１０．半返去練歌，ｓｅｔ得野黎祈埋禱都已經１１．幾啦，練到１．幾先練埋最後１首，然後食左個外賣，務務其中１個ｆｒｉｅｎｄ黎唔到，叫我幫佢地彈，我都冇練過好難幫佢，只有羅支長笛出黎同佢地練下，可惜ｄ音太多太密都吹唔到。６．鐘ｌｏｖｅ　ａｇａｉｎ就開始啦。



又係玩貼星星，點解又係狂貼我架？然後又食野睇片，就係以前青少年拍既４個撲水的少年，之後就有務務表演、睇相、見證、話劇、講道．．．所有環節都好好呀，務務講見證都加左ｄ　ｇａｇ落去，個話劇亦都１樣好搞笑，ｄ　ｇａｇ位佢地都忍到笑，真係厲害，阿軼講完道就到我地表演啦，感謝主大家都表現得唔錯，我就係唯１第２首既ｉｎｔｒｏ用高左個８度彈，完晒執埋野就同人去左麥記飲野傾計，都１１．幾啦，聽日仍要返工呢，呢個聖誕又冇假放。

今晚係聖誕派對，但係朝早開始都係練習聽晚青少年既歌，到左４．幾練完先再做我夜晚個ｄ野，有ｄ飛又未印晒，又有加人，又要安排座位，好多野要跟，都做到有ｄ懵憎，好彩都可以係開始前搞定；開始後就唔多野要我搞，可以專心玩啦，７．鐘玩左個貼星星既遊戲，又比人老屈係咁捉住黎貼，然後到食飯時間，原來今次其他野唔太夠食，反而ｄ雞翅食唔晒ｗｏｒ，個２個甜品都整得麻麻，抽獎又抽唔到，ｇａｖｉｎ就勁啦，佢話佢會抽到就真係第１個中獎，之後就玩左幾個分組遊戲，可惜分數只係排第４，又有泉哥講道，抽大獎又冇我份，我係３８號，我叫ｇａｖｉｎ叫我個號碼等我中啦，佢又玩野叫３９號，點知真係抽到３９號，真係想鏈死佢，冇啦抽唔到啦，最後派禮物比人交換禮物就完啦，執埋場地都１１．半啦，然後同東東搭車走啦。

今朝佢地要開會，我就狂入野，成績都唔錯呀，夜晚出去做ｄ野，念住都可以好快咁做完，然後可以趕到返去開最後１次聖誕派對會議，點知搞左成２個鐘，失晒我既預算，返到去都９．鐘啦，大家都等緊我ｄ資料然後分台分組，安排買其他野等．．．都搞到１０．幾，然後去食飯，點知佢地又去食煲仔飯，所以得我同ｔｅｒｒｙ去味皇ｌｏｒ，食到１１．幾呢。

今日大家唔駛開會，我做晒ｄ日常工作都已經差唔多放工啦，去左尖咀睇下ｄ背囊，咦．．．好似都冇減價ｗｏｒ，然後搭車去家姐屋企食飯做節，佢又整左好多送，食到好飽。

今朝到１１．鐘比人打電話嘈醒，訓返到１２．幾先起身，做ｆｏｒｍ既功課時，都完全唔知點做，求其參考下佢ｄ資料又求其作ｄ野出黎啦，寫個２／４拍比較少野ｄ　ｗｏｒ，小提琴加鋼琴啦，咁又做左幾個鐘先整完，作曲既ｉｄｅａ都未念，下？？夠鐘去上堂啦，冇野交，返公司印左佢出黎先啦，阿達又返左黎ｗｏｒ，佢真係太勤力啦。然後趕去上堂，冇野交都吹下啦，佢又比左ｄ抽像派既音樂我聽下，下堂要交１６個ｂａｒｓ比佢呀，然後趕返學啦。

原來老師都遲左，今次我地比呀ｄｉｐ份功課講先，因為我地３個覺得自己寫得比較簡單，聽完佢份果然勁，又有ｊａｚｚ感覺，比較複雜，子純當然冇做只係即時講解下人地既歌，我地３個就念住１齊出去可以大家壯下膽，播完晒之後，老師都話好ｗｏｒ，而且我地３個用既材料都唔同，都有用到呢個學期既野有特色，感謝主過到關。配器學都冇咩講，比我地問下野解答下，就派返份功課講解下，９．半就早放啦，所以約埋ｄ同學去５０嵐，當係做節又或預祝聖誕啦，要２個禮拜先見啦，原來省長志華就住呢度樓上。

今日ｒａｉｎｂｏｗ生日，所以完左崇拜去左同佢飲茶，然後返去預備下午既流浪漢世界杯既電影佈道會，查實我要做份功課，所以開始後就入房做啦，但係聖誕派對既籌委返黎包禮物，要幫佢地整ｄ野，所以都冇乜做過咁；６．鐘開始練青少年聖誕派對既敬拜歌，練到８．幾都只係練左１首，好似都有幾隻未練，９．鐘就同東東去睇戲，係冇乜選擇既時候買左個２人情侶餐，希望唔好比人誤會啦，哈哈，吸血２都唔係人地講咁差，ｏｋ既，睇完都１１．幾，出返旺角食ｄ野再行返屋企，成點鐘啦。

估唔到今朝竟然係我最早返到，不過好眼訓，連平時未遲過既阿達都遲左，阿軼突然叫我幫佢下午青少年祈禱會帶敬拜，我有ｄ熬底ｗｏｒ，咁揀左幾隻歌啦。下午同埋務務、雲靖去榮發，務務呢個爛ｇａｇ人真係夠晒爛，最後見到個廣告，’不可１不可再，向爛ｇａｇ說不’。２．鐘就要帶敬拜啦，小組１０個人既敬拜都冇緊張，不過就手指痛、好熱流晒汗，３．鐘就搭車返學校綵排啦。

４．鐘返去排左１次，原來今次既聖誕音樂會冇左樂團，就加左默劇，我睇到都好感動，練完之後６．鐘就食飯，學校供應既呢餐，我只係訂左個３明治，下？黎少左包飲品？？究竟係黎少左定係落少左單呀，企足咁多個鐘，連１包飲品都省埋？食完去換衫時，大鑊，發現以前著既條西褲唔岩著？雖然係好多年前買既，只係半年前都仲岩著，點解？點解？？冇辦法都要頂硬著，成個過程都順利，而且算係最好既１次，對腳就好累；就完時有個同學講佢頭先演出前傾計時話出年既大型音樂會係１／７搞唔好，應該改返平時既星期６，點知原來校長係後面，校長話係學校定既，佢只係想表達下意見（呢個都係我既念法），點解突然今年要我地浪費１日難得既假期返黎幫你唱姐？而且呢日都未必多人黎睇，但係校長竟然話你要羅張證書就要返啦，（唔怪得今年又要改個個都要出席３次演出啦），”我都冇念住羅你張證書，出面都冇人承認既”，校長聽到即時面黑，”我唔同你講呢ｄ”，原來校長係咁既，平時冇乜野咁，但係連聽意見都唔得架ｗｏｒ。



完左影下相都差唔多１０．先落荷里活食飯，ｂｏｎｎｉｅ既（細佬）都有黎，都係１年前係佩茵既婚禮上見過，食完又１１．半啦，聽日又要做足成日啦。

今朝比隻腳痛醒，搞咩呀無端端痛，唔係翻發定有風濕？做到下午班婦女組提早搞聖誕聚餐，整得太多食物比左ｄ我地食，佢地ｄ野整得好好食，唔駛出街食啦，好飽呀。夜晚最後１晚遍傳探訪，務務、ｇａｖｉｎ都有黎，又有３０個南亞籍人士，所以係最多人既１晚，我又幫手彈ｂａｓｓ，然後出發去渡船街，開頭行錯方向，後來去到佢唔係屋企唔比入，好彩我死唔放棄再按鐘，佢開左大閘門，咁我地就可以上樓任我地做啦，禁左好幾間，落左幾層最後入左家，同個阿婆講左好耐，最後為佢祝福就走啦，之後只有東東、ｃａｌｓｏｎ去左開心食飯。

今日唔知做乜咁塞車，當我上左小巴就見到塞左係度，咁唯有落車轉地車啦，天氣好凍呢；手上有既單都差唔多入晒啦，要開始做ｄ預備野啦，夜晚繼續遍傳，家宇帶敬拜冇安排其他樂手比佢，所以我幫佢彈琴，有首歌佢改左ｄ難ｃｈｏｒｄ，我未練熟呢，不過都ｏｋ啦。之後夾左個弟兄、姊妹１隊，打電話叫開門，起初又係唔想我地探，後黎都落黎開門，２母子住，１２歲既仔非常活躍，所以我就趁機叫埋佢去１邊同佢玩，咁２位就可以同佢媽講野，最後決志左啦，感謝主！返去同班弟兄去左花園食飯啦。

今日入左好多數啦，夜晚出隊阿國叫我彈ｂａｓｓ，冇問題，今晚比較多人黎啦，我就第１晚出隊，ｂｏｎｎｉｅ都有黎ｗｏｒ，我拍住２個姊妹，去到要探訪人屋企，話佢出左街又見佢地食緊飯冇比我地入去，我念住就咁洗樓，但係因為試左１戶唔得，其中１個想打返去再問地址，冇計都羅左２個駿發，去到ｄ保安＆住戶都唔比入，咁唯有跟返我去洗樓，最後都係洗返去我地之前個座先入到屋，我之前都已經預感要返黎呢座樓架啦，總算講完左，返去同ｄ人去味皇，走時富仔有車順路載我返去。

今朝返到去先知原來星期日晚阿達太佢地入聖誕卡入到７．鐘，真係唔好意思搞到佢，我本來都唔念住個陣比佢地做，因為累想大家都早ｄ走，但係佢話個陣人多好快入晒我先比佢地姐，我都唔知最後會冇晒人剩返佢架。有ｄ人都返下午，我都有好多野趕，而今晚係第２晚遍傳探訪，我又要返學去唔到，原來要係音樂廳綵排啦，但係個台又係唔夠我地企ｌｏｒ，迫到死，而且企左幾個鐘都累死啦，我唔企得耐架嗎，大家１來未熟ｄ歌，連指揮都唔清楚個流程咁，何況我地呢，所以都係得個亂字，遲左好多放，查實應該早ｄ就要咁綵排啦，又落雨都去左金徨城食飯，竟然見到甘仔同個朋友，我地都食到好飽呢。

今日做左配器學份功課，相對黎講係比教簡單，譚ｓｉｒ份都係念左少少，曲式份真係唔知點做，原來又係個個同學都未做，下堂真唔知交咩，至於配器學除左阿ｄｉｐ做得複雜唔同歌之外，我地全部都揀左同１首歌做，ｊｏｙ　ｔｏ　ｔｈｅ　ｗｏｒｌｄ又短又簡單ｌｏｒ只可以咁講，當我知道呢件事個陣都覺得非常好笑，真係冇夾定，放學又落朦朦雨，都幾密下，去近ｄ食飯啦。

今朝個個都落晒去ｓｅｔ場，所以得返我１個留守，又想印晒ｄ聖誕卡可以去寄，而黃姐話會講短ｄ，但係都係遲左，完左得我１個又要賣飛、派飛、賣衫，差ｄ唔掂，１．半又要落去遍傳嘉年華同核實處既人ｂｒｉｅｆｉｎｇ，飯都冇得食，只係食左人地食剩既薯條，然後已經做野啦，好似廁所都冇去過。



發現有人羅住ｄ吸滿同１個色既遊戲劵黎換禮物，問完先知原來有個攤位比人偷左個印，又唔早響呀，冇理由同１班人可以咁快又玩到９個印既，我又去巡下，發現有攤位每次都幫人吸２個印以上既，於是去同佢地打個招呼啦，所以ｄ大獎決定唔再放出黎；做左成個下午都未坐過，臨尾仲要執場地到最後，好累，本來想去睇２０世紀都冇去，個ｆｒｉｅｎｄ話約我去踩車，我都話睇下夜ｄ點先，後黎ｅｄｗａｒｄ爸爸打黎叫埋我去食飯，食完打返比個ｆｒｉｅｎｄ話唔踩啦，咁又發我皮氣話我玩放飛機，駛唔駛咁呀。

今朝等個碳粉黎印聖誕卡，因為已經遲左想快ｄ寄左佢，印到１．先趕去食飯，原來１．鐘要同青少年練聖誕節表演歌，所以好趕咁食完返，練到４．鐘又到晚堂練敬拜，都已經冇晒時間印啦，係講道時先印完晒ｄ卡，聽日要印信封啦，完左其他人去同樹華擺左幾圍慶祝生日，我念住同ｂｒｉａｎ去旺角食明將，可惜太多人志華提議改去肯德雞，都好耐冇同ｂｒｉａｎ食過野ｌｕ，希望佢多ｄ返黎啦。

今朝等唔到車，搞到遲到要罰錢添，罰錢事少呀，祈完禱就做野，其他人去左搬野，我地做到１．半先知道過左鐘未食飯，原來泉哥返左黎叫埋佢去韓燒，傾左好多野，順便去羅埋ｄ聖誕卡；夜晚去左中環聽個講座，聽完有ｄ野食，仲有紅酒飲添，不過就少左時間做功課啦。

今日約左ｃａｒｙ同我去見醫生，最後決定下個月頭做手術，原來都要全身痲醉，又要住院，費用都要幾貴，唔知保險夠比冇？然後趕到返去同佢地食飯，３洋隔離間越南野，味道唔錯ｗｏｒ，返去埋晒數，點解差左少少既？夜晚原來冇小組，轉左去上遍傳訓練，我都唔知添，仲要幫泉歌敬拜彈琴，冇夾過當然唔係太好啦，不過我都盡量配合佢架啦，後黎我都返去夾埋我條數，好彩終於搵到原因，期間英姐返到黎話泉哥叫左佢返黎開會，完左去食湯飯，阿ｂｅｎ，ａｍｙ都有黎ｗｏｒ，呢個又係個神蹟，係佢地２個對話中我又感受到１股壓迫力呢。

今朝祈完禱ｄ人就出晒去做野，等到１．幾佢地先返同阿權出去食飯，２．鐘返黎開遍傳會，睇下ｄ野安排成點，夜晚又開聖誕派對會，ｂｅｎ＆ｔｅｒｒｙ都話唔知要開會冇黎，我尋日都特登ｓｅｎｄ個ｍａｉｌ提佢地，個報名情況暫時唔係幾理想，今個禮拜再谷谷應該好ｄ，傾完佢地話去食褒仔飯，所以我同ｊｉｍｍｙ去左譚仔啦。

今朝都係落雨，祈完禱做到２．鐘先去飲茶，同樹華慶祝生日，查實今日都好多野做好多野趕，所以放工都未完成今日既野，但係都要趕返學啦，已經係尾２個堂啦，唱左半堂就排位，之後再唱，原來ｄ舊歌又唔記得左ｌｕ，但係我都繼續唱，好似唔多覺其他人唱既，放學落左荷里活食飯。

今日竟然落雨，所以氣溫突然涼左，要做ｄ功課啦，可惜都幾難做ｗｏｒ，唔知係訓到頸痛定係玩ｆａｃｅｂｏｏｋ個ｇａｍｅ搞到痛呢，不過真係好好玩，阿東不斷咁要破我紀錄，我都要破返佢紀錄；做左今晚交個份功課，仲有幾份未知點落手，下個禮拜就要交啦，上第１堂時訓著左，真係好累，可能講ｄ野都好悶啦，第２堂睇片，關於弦樂拉奏技巧，覺得佢好似冇乜預備咁，連要睇邊段先都唔知咁，放學又去返個間食褒仔飯，ｂｏｎｎｉｅ帶住個口罩，話上星期２比阿招野到ｗｏｒ，嘩～已經成個禮拜啦ｗｏｒ，都未好？咁毒？放學有ｄ密雨。

今朝早因為敬拜隊太少人及樂器，向樹華申請左彈琴，所以９．鐘就要返到去練習，我都好耐冇彈啦，完左崇拜又要賣飛遲左去食飯，而且又要去到沙田參加馬仔既婚禮，雖然後黎有ｓａｍ叔車我地去，但係都遲左睇唔到入場，又聽唔到ｅｌｔｏｎ彈琴，呢間教堂真係好靚，如果係呢度行禮都唔錯，不過佢既程序就好傳統，講咩野都要印晒係個程序表入面照讀既，我就覺得悶ｄ啦，呢個可能係代價，完左去到影相時間，我地又自己係度影先，最後有拋花球，好似好耐都冇人拋過咁啦。

今朝又有３個人祈禱，尋日阿嬋邀請我幫佢聖誕派對敬拜彈琴，所以今朝１１．鐘練歌，阿東就打鼓，練到１．就同阿東去榮發，３．半祈禱４．鐘就練歌，完左崇拜原來敬拜隊要練習，今次練得早ｄ，所以１齊去左翡翠食飯。

今朝阿達去左搬野，ｒａｉｎｂｏｗ可能病左，都有３個人祈禱ｗｏｒ，１２．鐘去８樓接應阿達，原來推部貨車都好容易架，之後約埋志華去牛屋食飯；夜晚同阿東練緊鼓時ｇａｖｉｎ又黎完電結他，搞到我約人食飯遲到，其實係家玲姐生日，不過ｋｅｌｖｉｎ又話遲通知地點又唔黎，ｃａｌｌ又冇人聽，原來揀呢間其中１個原因係有電視睇，家玲姐要睇無線頒獎禮。

今朝終於都上個別作曲堂，主要係講下可以作邊類型歌，分配時間，講下以前人地做過既ｉｄｅａ我聽，黎緊既要自己念下要作乜野啦，１１．鐘已經講完再約下次時間都搞左好耐，之後返屋企先，冇耐樹華打黎問食飯，所以出左佐敦食阿龍咖哩，做到６．幾小芬上黎幫佢譜返首歌，又要幫阿ｃａｔ印聖誕飛，又要趕小組，所以今次都整唔晒，小組完去左花園食飯。

今朝阿權帶住口罩返，祈完禱後問佢有咩事，佢話尋晚開始有ｄ唔舒服，我地都帶返個口罩先，同佢測下溫，發燒呀，點解唔早ｄ同我地講呀，快ｄ去睇醫生啦，睇完返黎執埋ｄ野佢就走啦。下午約左廷禹食飯，因為佢又星期６走啦，唔知會唔會同阿ｍａｙ ｍａｋ差唔多時間呢？放工阿富仔早上左黎練鼓，我又請教下佢，練到佢地小組先走，係練既過程中，樹華、富仔、ｌｅｏ　３個係度彈結他唱敬拜，加埋我係後面練鼓，呢個情景就好似見到１個男高音、男低音、男中音係度唱緊歌，真係好好笑，佢地話ｂｅａｔｌｅｓ　ｗｏｒ。

今朝部小巴唔知做乜開得鬼咁慢，搞到我差ｄ遲到，本來唔等電梯行樓梯上，點知上到後門原來冇開，又要落返去，好彩都未遲，月頭要開會啦；開完就去新光飲茶，因為今日係最後１次同工會最齊人既１日，不過阿國冇返，樹華１２．鐘要出去開會；下午去羅到份驗身報告，感謝主只係膽固醇高左０．１３％，其他都係正常範圍裡面。夜晚搭車返學，唔知今日ｄ車做乜，又係鬼咁慢，搞到我遲到，可能指揮以為我地ｄ歌識唱啦，所以今晚唔駛分部練，所以係ｂｒｅａｋ個時我就走先啦，又要趕返教會，今晚係我地台灣短宣隊重聚、睇片兼與阿ｍａｙ餞行打邊爐既日子，已經約左好多個日子，只係今日齊人ｄ，我返到去佢地已經打緊，邊打邊睇返我地短宣時ｄ片，真係辛苦ｄａｉｓｙ剪得咁好，睇完、食完、清潔埋地方，已經１１．半啦。

今日天氣好似涼返ｄ，朝早個天都暗淡左ｄ，夜晚返學，大部份人都遲到，所以又好遲開始講書啦，又聽首鋼琴版既歌，好似上次小提琴版既好聽ｄ，呢個ｄ聲好硬唔得順耳，可能錄音問題啦；曾ｓｉｒ把聲又唔得啦，所以佢講左少少野，又比份堂課我地做，可惜呢份好似難做ｄ，定係我未明呢？返屋企做埋佢啦；又到交學費既時間，放學去填左份ｆｏｒｍ先，等埋ｂｏｎｎｉｅ去食飯，點知佢已經比我地遲放，仲要問老師野，搞到我同阿招企係度食左半個鐘風，原來佢上次個考試，冇同個司琴夾過，個司琴又冇練過，考時竟然將首３／４拍既歌彈成４／４拍，所以搞到佢都指唔到，又過左時要扣分，應該唔合格ｗｏｒ，原來傾完都過左１１．半啦。

今朝又有神學生黎參觀，完左我地當然去飲茶，飲完得我同ｊｉｍｍｙ去ｊａｍｅｓ既婚禮，因為其他人唔熟佢，而且夜晚佢地會去ｃａｒｏｌ媽既喪禮；去到婚禮要排隊簽名都要等左１陣，成個過程都好順利，係簽婚書時ｊｅｎｎｉｆｅｒ唱歌冇人開咪搞左好耐，完左影埋相念住返屋企啦。



點知係路上撞到阿國、ｃｈｒｉｓ佢地，ｗｉｌｌｉａｍ佢地有個音樂會係赤柱舉行，佢有幫手彈野，又拉埋我去睇，都好遠ｗｏｒ，好在屯門都有幾個人黎睇，係佢地練緊時，我同家宇、美姍周圍去影下相先，呢個係１個ｆｏｌｋ　ｓｏｎｇ既馬拉松音樂會，今朝１１．到９．鐘，係附近聽左幾隊表演，唔係太好ｗｏｒ，到最後幾隊就勁ｄ，由於已經過時，所以ｗｉｌｌｉａｍ個ｐａｒｔ都減左首歌，又有戴志偉演出，更緊要既係我見到阿權．．．個背影，佢明明應該係黃金海岸飲緊架，呢個人既背影真係好似阿權，大家都有同感，等唔到佢地完我地去返尖咀食飯，唔知食乜竟然去左沙爹王，食完都１１．半啦。

今朝祈完禱之後趁清潔拖緊地時又練下鼓，都可以練到個ｆｉｌｌ－ｉｎ　ｗｏｒ，阿東早左返黎又叫佢示範下其他打法我睇，雖然ｄ野都係ｄ　ｂａｓｉｃ野入面出黎既，但係我需要練下先得，因為隻腳好累呀；下午去榮發，而本來今晚唔駛彈野，但係阿嬋佢地要出隊，所以我又頂替，仲想羅支長笛返黎玩下添，阿東又初試提升打鼓，開始時打得麻麻地，慢慢開始好啦，完左約左去食飯，點知佢地揀左台灣，勁無耐咁去到，唔夠位坐又見到班青年人－務務幾個，都好耐唔可以同佢地食飯啦，所以今次撞岩就冇計可以１齊食啦。

返到屋企都好早，個朋友叫去食糖水，佢覺得深水步呢間冇咁好食左，所以出油麻地，我剛由個度返黎ｗｏｒ，食完去西九長廊睇燈飾，原來已經閂左，又兜左去尖咀，所以搞到好夜先走，聽日仲要返工，佢就放緊大假。

今日返去祈完禱，做左陣野，１１．鐘就停電啦，大家去惠康買野啦，然後返去練１陣鼓，又好左ｄ咁；下午只係去翡翠，然後趁阿達未走幫我ｓｅｔ野錄低ｄ我彈既音樂，但係彈左好多次都係有ｄ彈得唔好，或者臨尾香，真係激死，錄到阿東返黎都未得，最後都係唔再錄啦，就咁揀１次算啦，然後叫阿東教我打ｄ　ｆｉｌｌ－ｉｎ，到佢地小組我就走啦。

今日放日假入醫院，念住已經排左幾個月期，以為入去可以做手術啦，點知原來只係問診，又要等１個月先知排到幾時，真係比佢吹漲，浪費我ｄ時間，好彩都唔係等得耐；下午約個朋友出去，入左大圍租左部單車，踩左去大尾督食個下午茶，呢間野好似差左ｗｏｒ，然後踩返去還車，咁就用左３個半鐘；之後佢去旺角換左部車既零件，轉左幾個圈先入到柏裕拍車，佢要去整牙，７．５６入閘，我就係旺角行下，８．半就上去羅返部車，係下面見到ｄ警察，到左車邊，佢發現車門既匙膽比人整爛左，打開車尾箱，裝住全副相機既袋冇左，當堂好慶，馬上報警，叫左ｄ保安黎睇，只係擺低唔夠１個鐘，而且又冇打開過個車尾箱，應該冇人知道有呢ｄ野係度ｗｏｒ，部部車都唔搞，又知有貴野係入面？我唔想入警局ｗｏｒ，等ｄ警察黎做野、落口供、掃指模等，咁又等左３個鐘，咁就唔駛去警局ｌｏｒ，本來念住去邊度食飯既，而家要買飯盒係停車場上食，踩車都踩到好累，仲要企左３個鐘，真係想死，本來念住都冇左既野，又好彩之前比ｄ保安發現個賊有可疑，仲可以捉到佢，真係神蹟呀，但係發覺ｄ警察做野真係好慢好冇效率ｌｏｒ，每個警察都要問１次相同既問題，每轉１批黎都要問，等佢黎又耐，浪費晒ｄ時間，最後１１．半先走得。

今日放工幫阿魚整返首歌既音樂比佢個女參加歌唱比賽，因為佢搵唔到純音樂ｗｏｒ；家姐整左ｄ羊肉，所以放工去佢度打邊爐，但係要去剪個髮先，因為好似冇時間剪啦，又去試間新既，９０蚊都唔係貴，而且都快手剪完既，上到家姐屋企，見佢都買少左野食，但係我地都係食唔晒，好飽啦。

尋日阿達又上去整牙，今朝訓醒發現成床都係牙血，所以我地祈完禱後佢去睇急症，下午家宇出黎，所以去牛屋，但係我遲左去，又要讓位比人，搞到我食到好急，下次唔好咁ｗｏｒ，要享受下先得嗎；今日用個新出糧程式，都要摸熟下，夜晚練左陣鼓遲左走，所以送車尾，祈禱好快有車，感謝主！黎得又快仲唔駛遲到，我地既部長冇返，好在原來有人黎分享唔使分部，但係我地都未唱熟都仍然要花時間聽呢ｄ野，真係唔明，可能要ｐｒｏｍｏｔｅ啦，而且佢彈左２首歌又分享到過晒時。

今晚得阿招１個冇返，派返試卷，９５分都ｏｋ啦，原來曲式要做ｐｒｏｊｅｃｔ呀，放假前要作段曲交，當然要用佢教過既曲式既技巧做啦；配器學個個都未做功課，所以轉堂時係咁做，但係上緊堂都做緊，老師唯有話講完ｓｅｍ尾交既功課點做之後，比時間我地做，而且再比多１樣今堂做，做埋可以早走，於是約阿明去食米線啦。

今朝多左成７０幾個大陸同工黎崇拜，所以都有ｄ混亂，夫婦組既人入左ｃａｍｐ，所以我地唯有係門口祈禱啦，完左崇拜呼召時全部大陸同工都出晒去，場面都幾難控制；完左去飲茶，因為同英姐買左飛睇２０１２，所以未飲完就要走啦，套戲有成２個半鐘，都幾好睇ｗｏｒ，特技好勁，都有感人、抉擇時間，係ｄ爆炸場面成日都炸唔到ｄ主角ｌｏｒ，不過又係開場冇耐都要訓左１陣。　

睇完都５．幾啦，然後搭車去尖東同ｋｅｖｉｎ，ｖｉｒｇｉｎｉａ，偉．．．唱卡拉ｏｋ，都有段時間冇唱啦，原來我地呢班都係唱舊歌為主既，大家對ｄ新歌都唔熟咁，ｄ野食味道都ｏｋ既，係款式少，成日都比人羅晒既，最過份係我揀左首歌，自動比人ｃｕｔ左４次都唱唔到ｌｏｒ，最後１次終於都出到啦，然後慶祝ｋｅｖｉｎ＆另１個人生日，切蛋糕飲香檳，唱到１１．幾先走，好累呢。

朝早阿東返左黎，又打次鼓比佢睇，好似好左ｄ，佢比ｄ筆記我睇住黎練，有ｄ都打得ｏｋ既，不過ｋｅｅｐ唔到打得太多次；下午同阿權、東去榮發，都好多人，所以叫我地坐門口個張台，咦？？有冇卡位呀，阿達唔係度到時我地羅唔到架ｗｏｒ，好彩仲有張卡位；今日有祈禱會所以早ｄ練歌，但係唔記得坐低所以個膊頭又好累啦，完左崇拜有敬拜訓練我都唔知添，其他人都買晒外賣，我冇時間，但係完左又係得阿權、東同我３個去味皇，走時得我同阿東走１邊，當佢要轉灣時，我問：你唔送我呀？佢就好無耐咁跟我行，然後講：報應呀！哈哈．．．呢句話真係好好笑。

今日收到個聖誕節既會議記錄，有ｄ野要改，又要做埋個ｓｅｔ場位，咁就１朝啦，下午樹華竟然提議去飲茶，岩晒我啦，做到３．見到有２個人上黎，係呀，原來約左人上黎傾網站 + 教會管理系統，不過要等教會通過先知會唔會用。

夜晚終於都約到組長食飯，未夠鐘見到阿東係度練鼓，叫佢教下我點打，原來真係手腳唔協調架我，要花多ｄ時間練先得；８．去左佐敦食，查實我地而家都係大蓋１年先食到１次飯，又唔知食乜好，最後食越南野，好早就走啦，因為佢都要趕車返屋企。

今朝冇食早餐，因為約左今朝去檢查身體唔可以食野，上次抽完血有ｄ暈，可能上次趕過頭啦，今次就冇事啦，然後返去同佢地食飯；今晚小組小左人返，英姐有野做ｗｏｒ，泉哥帶我地玩個小學玩既數字魔術，係佢自己玩得好開心ｌｏｒ，完左樹華小組都完，我地分開去食飯，泉哥因為小組前已經同阿ｍａｙ食左野，所以走先，又好巧合我地去到新味皇又見到樹華佢地，所以大家１齊坐，但係大家只係講波，對我黎講都幾悶。

今日天氣都好凍，所以放工去家姐屋企打邊爐，佢買左好多野食，我地都食唔晒。

今朝真係好凍，搞到既人個頭都有ｄ痛，下午佢地開完會去新味皇，我同阿軼、ｒａｉｎｂｏｗ去漢寶。夜晚好似少左人返學，連聲部長都冇返，所以由ｄａｎｎｙ代教，點知ｄａｎｎｙ連個琴手個位都做埋，唔知阿琴手有咩感想呢？落去練埋首新歌，又係要考ｓｉｇｈｔ　ｒｅａｄ啦，原來今年唔會同樂團合唱，所以只有我地自己搞掂；放學約埋去霸王，呢條路真係好凍呀，叫左幾樣加小食，點知落錯晒單，落左又未黎，黎既係冇落，仲要搞左幾次添，楊州炒飯同黃金炒飯都係個ｄ料既，而且個楊州１ｄ味都冇，我唯有將２碟撈埋佢，咁就好ｄ啦，點知食完落去車站，部車飛左站ｗｏｒ，又要食風３個字，真慘！

今日雖然冇落雨，但係個冷風突然好勁，氣溫驟降，可能咁曾老師病左請假，原來我都唔記得做功課，咁又好彩唔駛交住姐，但係曲式要測驗就大鑊啦，雖然佢題ｇｒｏｕｎｄｂａｓｓ就ｏｋ簡單，但係要搵返ｄ　ｃｈｏｒｄ出黎就好難搞呀，做左好耐都未做完，查實得頭尾各４個ｂａｒｓ，測完可以早放啦，同阿招、ｄｉｐ，子純去左食飯，呢個北風好凍，吹到我地打晒冷震，對於作曲音樂會學校既安排，子純有佢好多不滿、有自己獨特既見解，可能我地唔明佢啦，感覺佢好激，咁多野講，咁多野問又唔黎開會，下次要交比佢黎開先得啦。

今日崇拜完敬拜隊練歌，所以我同表姑丈佢地去飲茶，原來敬拜隊練完歌已經４散啦，我飲完茶過去９龍公園同大ｊｏｅ佢地打乒乓球，好似開始有ｄ雨添，打打下原來ｈｅｒｂｅｒｔ　１家都黎，打到５．又未夠鐘返去開聖誕派對會，所以１齊去麥記飲杯野，佢地都約左ｅｄｗａｒｄ爸爸１齊食飯，返去開會時ｄ雨越黎越密，濕晒添，今晚亦都唔齊人，而安排上既野都已經差唔多ｆｉｎａｌ晒啦，下次再開會都應該完成架啦，然後同幾個食飯既人去左開心食飯。

今日有ｍｂｔｉ所以冇祈禱，阿權又遲左７分鐘又有進帳啦，１２．阿軼就話去食飯，去左牛屋，下午終於鼓起勇氣打比朱老師，都好順利咁佢都明白，所以我遲ｄ再安排老師，咁佢又唔駛放假都要開工教我咁麻煩佢啦；３．半敬拜隊祈禱、練歌，英姐、德記今晚返左崇拜，完左同佢地食飯，去到太子元氣太多人，所以行去對面茶餐廳，點知德記越行越遠，去到大角咀，英姐＆我都追佢唔到，叫左３個餐ｓｈａｒｅ，又傾左好耐。

今日第１次實施收款制度，竟然第１個中招既係ｒａｉｎｂｏｗ，今朝主要印左電影佈道會既飛，已經要做到下午先ｃｕｔ晒，下午唔知去邊度食時，又竟然去左大家活；尋日問左阿軼去唔去聽音樂會，佢點都唔去，我今日又搵唔到人去，連子純自己都唔去，所以大家都唔好去啦，阿ｄａｎｉｅｌ又問我借ｐｉｃｋ，好似我ｄ　ｐｉｃｋ借左比人從來冇回頭，我身上已經冇晒啦，你都好似係其中１個冇還既人ｗｏｒ，都搵左個比佢，但係轉頭佢又話唔見左，有冇咁誇呀，比個我都未用過既佢，然後４圍尋覓，終於係大堂地下搵到，真係令人驚訝。

今朝雖然有人遲左，但係祈完之後都係最齊人既１次，所以再分享下以後既方向，總算有多１部既方向啦，然後講到以後遲到要收款啦，下午去食新巴黎，阿權為著早２日既失誤要請我同ｒａｉｎｂｏｗ食飯，而聖誕節既ｐａｒｔｙ要出報告啦，ｄ人都冇人回覆用咩名稱，真係煩啦。夜晚要返學校開會講作曲既野，所以要同泉歌請假，點知去搭車途中落起大雨，濕晒啦，又冇車所以要遲到啦，比學校摧左幾次；原來想大家知道下有咩同學會演出作品，因為上年既同學冇演出，又想了解下ｄ作品有咩主題，寫成點樣，原來上年既人有ｄ都未寫添，何況我都未上課，又講下幾時演出、幾時交費用、交幾多費用、交ｄ乜交ｄ物等，早知唔返去啦，而且都有人冇返，然後同阿招去左食明將，好耐冇食啦，可能唔係假期，都唔係太多人，唔通旺角呢間少人ｄ既？成晚阿朝都問左好多關於我既野。

今朝返去阿權之前落既老鼠膠終於捉到隻，佢不但咬穿左塊窗簾，連裝米既大膠箱都咬爛左ｄ，真係恐怖，阿權只係想搞掂佢都搞好耐，又好笑。下午有人帶左部測脂機黎，我地個個都試下啦，得出黎既結果，我係最高內臟脂肪率，內在年齡又比真實年齡高幾歲，要減既野實在太多啦，原來要減內臟脂肪竟然要食多ｄ肉ｗｏｒ，唔通因為我以前唔食肉既原故？今晚有免費飛去睇’我女友係００７’，所以放工６．幾阿軼就話去食野，下？咁早好難食得落ｗｏｒ，點解唔完左先食呀？因為係圓方睇，有車返屋企唔想咁夜ｗｏｒ，冇辦法都要食啦；估唔到呢套片有勁多笑位，笑到我地差ｄ死咁，笑完又長左幾年命啦。

今朝起身都有ｄ未好既感覺，食左藥又極眼訓，ｒａｉｎｂｏｗ又交低ｄ做ｂａｎｎｅｒ既野我跟，原來阿權上星期又未幫我寄票，唔怪得人地追得ｒａｉｎｂｏｗ咁緊啦，所以用ｅｐｓ比錢先啦，唔係趕唔切；下午去食咖哩，少辣都ｏｋ既，中辣都唔係幾頂到。食完返去更眼訓，打去問左另１個作曲老師既時間，真係夾到爆呀，可惜已經同朱老師約左時間，如果要轉都唔知點同朱老師講好。

今晚我地男聲要坐前面，因為女生要試團服，分部時多左ｄａｎｎｙ黎教，可能見我地平時都唔係練得幾好，而且見ｄ人又唔點出聲咁，但係我地每次練好落返去，都仍然係唔記得咁，今日仲要教新歌要ｓｉｇｈｔｒｅａｄ，真係睇慢ｄ都唔得，ｂｏｎｎｉｅ今晚冇返，我同阿招食ｌｏｒ。

今日訓到１２．幾，都係休息下，夜晚返學好眼訓，好似又未好返咁既，派返份卷都幾好３７／４０，係扣左ｄ冇寫返既大細聲符號，阿ｄｉｐ又再次係ｄ唔重要既地方問左好耐，又差唔多放學啦，好似唔係講左好多野咁，放學佢地唔食飯，所以早ｄ搭車返去，落車突然想起好耐冇食間米線，入到去竟然見到阿明，真係巧啦。

今日好好多啦，不過仍然有ｄ暈既感覺，伍傳道既講道都好短，所以下午可以早ｄ去飲茶，ｅｄｗａｒｄ爸爸話可能ｃａｌｌ我今晚食飯，最後都冇ｃａｌｌ我，可能佢都冇出去食呢，咁飲完茶陪ｍｏｌｌｙ姐、ｊｕｄｉｔｈ行去旺角，佢想剪短ｄ頭髮ｗｏｒ，希望佢會漸進式短啦，不過佢都冇係度剪，我都返去休息下。

今朝起身個頭都係暈，咁都返到工既，返去見到又係和記行ｍｂｔｉ，下午食完飯都唔知食唔食藥好，因為驚會眼訓彈唔到野，驚會彈得比較迷幻，不過都係食左，所以練習時都係坐下好ｄ，到左敬拜時都ｏｋ既，但係當安靜左陣時就開始黎啦，於是拼命抵抗，總算捱到彈完結，雖然今晚敬拜隊要開會，但係都要請假，見到英姐返左，所以同佢去食飯先，因為佢呢幾個禮拜日都要開工返唔到，同佢去左奧海城食傾左好耐，都非常開心。

今朝差ｄ起唔到身，因為成身冇力，所以掙扎多陣先去到睇醫生，ｄ同事打黎個個都話要羅藥，羅咁多藥係身咁我咩好危險？睇完返去同佢地食飯；返去食完藥做到４．幾，開始頂唔到啦，我要訓１陣。７．鐘就搭車去安息禮拜，有ｄ塞車，原來呢度裝修過，個琴都ｏｋ左ｗｏｒ，早知唔駛帶個結他去啦；去到見到佢個仔好開朗活躍下，佢話要記住我地個樣＆名，可能佢知道佢爸只係上左天堂啦，開始時已經發現志華有ｄ緊張，所以唱首歌時都甩漏，不過呢首又都唔係好識唱既，完左都好早，只係得返我地同工去食飯，去左間四川痲辣店，佢樣樣都係水煮、椒，但係樣樣都話可以唔辣，但係煮出黎就樣樣都有ｄ辣，呢餐都麻麻。